باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قىزىلسۋ وبلىسى: كۇش ۇستىنە كۇش قوسىپ، تىڭ ءورىس اشتى

    كەلۋ قاينارى: شينجياڭ گازەتى    2017-10-14 18:35:10  

ءتىلشىمىز حان شينيان، قىزىلسۋ وبلىسىنداعى تىلشىلەر پۋنكتىنەن جاڭ ليڭ

قىزىلسۋ قىرعىز اۆتونوميالى وبلىسىنى 5 جىلدا ۇشقان قۇستاي دامىپ، كۇشتى تاڭدانىس تۋدىردى.
پارتيانىڭ 18 - قۇرىلتايىنان بەرى، قىزىلسۋ قىرعىز اۆتونوميالى وبلىسى ورنىقتىلىق، دامۋ، كەدەيلىكتەن قۇتىلدىرۋ سىندى ءۇش ءىرى وزەكتى مىندەتتى مىقتى يگەرىپ، جوعارى - تومەن ءبىر تىلەكتە بولىپ، تىعىز ىنتىماقتاسىپ، ارشىنداي العا ىلگەرىلەپ، قايراتتانا ىستەپ، ەكونوميكالىق، قوعامدىق ىستەردە تاماشا تابىستارعا قول جەتكىزدى.
ەكونوميكا مەن قوعام قارقىندى دامىدى
  اتۇش قالاسى ءوستىن اتۇش قالاشىعى لاڭگار قىستاعىندا تۇراتىن 32 جاستاعى مامەت توحتى بۇرىن قاراپايىم ديقان ەدى، قازىر اتۇش گوليحۋا كيىم - كەشەك شەكتى سەرىكتەستىگىنىڭ جۇمىسشىسىنا اينالدى.  تۇرمىسىنداعى وسى ءبىرقانشا جىلدان بەرگى وزگەرىستەرگە توقتالعاندا، جۇزىنەن قۋانىش لەبى ەسكەن مامەت: قازىر مەن ءار ايدا 2500 يۋان اينالاسىندا ەڭبەكاقى الامىن، جاڭا ءۇي سالىپ الدىم، تەلەۆيزور، توڭازىتقىش، موتوتسيكل ساتىپ الىپ، تۇرمىسىمىز بۇرىنعىدان كوپ جاقساردى، - دەيدى.
  قازىر قىزىلسۋ قىرعىز اۆتونوميالى وبلىسىندا مامەت سياقتى زاۆودتارعا كىرىپ جۇمىس ىستەيتىن جاستار بارعان سايىن كوبەيۋدە، مۇنىڭ بارلىعى قىزىلسۋ قىرعىز اۆتونوميالى وبلىسىنداعى قالىڭ كادرلار مەن بۇقارا ورنىقتىلىقتى قورعاۋ ءۇشىن ورتاق اقىل قوسىپ، بىرگە كۇش شىعارىپ، نازاردى دامۋعا شوعىرلاندىرعاندىعىنىڭ تاماشا بەينەسى ەدى.
  پارتيانىڭ 18 - قۇرىلتايىنان بەرى، قوعام ورنىقتىلىعى مەن باياندى تىنىشتىق باس نىساناسىن دايەكتى تياناقتاندىرۋ ءۇشىن، قىزىلسۋ قىرعىز اۆتونوميالى وبلىستىق پارتكوم مەن ۇكىمەت وبلىستاعى ءار ۇلت حالقىن باستاپ، ءتۇرلى قىزمەتتەردە باس نىسانانى جەتەكشى ەتۋدەن باستان - اياق جازباي، ورنىقتىلىقتى قورعاۋدى سانالى تۇردە بارلىعىن باسىپ تۇسەتىن كەلەلى مىندەت، تايشان تاۋىنان دا سالماقتى ساياسي جاۋاپكەرشىلىك ەتىپ، اۆتونوميالى رايوندىق پارتكومنىڭ ورنىقتىلىقتى قورعاۋداعى ءبىر قىدىرۋ «كەشەندى شارالارىن» باتىل تياناقتاندىردى، «ءۇش قيان - كەسكى شايقاستى، ءبىر حالىقتىق شايقاستى» جاقسى جۇرگىزىپ، تانىمدى ايقىنداپ، تياناقتاندىرۋدى مىقتى يگەرىپ، جاۋاپكەرشىلىكتى كۇشەيتىپ، وبلىستىڭ قوعامدىق جالپى جاعدايى مەن ورنىقتىلىعىن قامتاماسىز ەتىپ، وتانىمىزدىڭ ەڭ باتىس شەكاراسىندا بەرىك، مىزعىماس قۇرىش قامال ورناتتى.
  اۆتونوميالى رايوندىق پارتكومنىڭ ورنىقتىلىقتى قورعاۋداعى ءبىر قىدىرۋ «كەشەندى شارالارىنىڭ» قىزىلسۋ قىرعىز اۆتونوميالى وبلىسىندا بۇلجىماي شىنايى اتقارىلۋىنا ساي، وبلىستىڭ قوعام ورنىقتىلىعى جاعدايى ۇزدىكسىز جاقسارىپ، قوعام ورنىقتىلىعىنىڭ نەگىزى ءتىپتى دە بەكەمدەلىپ، بۇقارانىڭ حاۋىپسىزدىك سەزىمى كورنەكتى جوعارىلاپ، ءار ۇلت كادرلارى مەن بۇقارا قوعام ورنىقتىلىعىنىڭ اناعۇرلىم كوپ جەتىستىكتەرىنەن يگىلىكتەندى.   قوعامدىق جالپى جاعدايدىڭ ۇزدىكسىز ورنىقتى بولۋى ەكونوميكانىڭ ءۇرتىس، جەدەل دامۋ جاعدايىن جارىققا شىعاردى، كوپتەگەن ساۋداگەرلەر قىزىلسۋ وبلىسىنا قارجى قوسىپ، كاسىبىن كوركەيتتى، شينجياڭ ەنەرگيا توبى، شينجياڭ گۋاڭحۇي توبى، شينجياڭ ءتۇستى مەتال توبى سياقتى ءىرى كاسىپورىندار مەن توپتار وبلىسقا ىرگە تەپتى، قىزىلسۋ وبلىسىنان زاۆود قۇرعانىنا كوپ جىل بولعان كىباڭ مارگانەتس كاسىبى كەن اشۋ مەن قورىتۋدى ءبىر تۇلعالاندىرۋ نىسان قۇرىلىسىن تاعى دا كەڭەيتتى.
  اۋىر ونەركاسىپ جەدەل دامۋمەن بىرگە، اتالعان وبلىستىڭ توقىما، كيىم - كەشەك، ازىق - تۇلىك مانەرلەۋ سياقتى جەڭىل ونەركاسىبى دە قارقىندى دامۋ ارناسىنا ءتۇستى. بيىل قاڭتاردان ماۋسىمعا دەيىن، وبلىستىڭ ءوندىرىس جالپى ءونىم قۇنى 4 ميلليارد 179 ميلليون يۋانعا جەتىپ، %9.8 ارتتى؛ تۇتاس قوعامدىق تۇراقتى مۇلىككە قوسىلعان قارجى 9 ميلليارد 553 ميلليون يۋانعا جەتىپ، %59.8 ارتتى؛ ونەركاسىپتىڭ ارتقان قۇنى 924 ميلليون يۋانعا جەتىپ، %23.4ارتتى؛ ساۋداگەر شاقىرىپ، قارجى ەنگىزۋدە رايونىمىز سىرتىنان ەنگىزىلگەن، ناقتى تياناقتانعان قارجى 5 ميلليارد 46 ميلليون يۋانعا جەتىپ، %13.3ارتتى؛ قالا - قالاشىق تۇرعىندارىنىڭ جان باسىندىق اقشالاي كىرىسى 12 مىڭ 333 يۋانعا جەتىپ، %8.5 ارتتى، ەگىنشى - مالشىلاردىڭ جان باسىندىق ورتاشا ناق كىرىسى 2402 يۋانعا جەتىپ، %15.52ارتتى.
  قالا، اۋىل بەينەسى كۇن سايىن تۇلەپ، اي سايىن جاڭاردى
  تاڭەرتەڭ ساعات 8 مولشەرىندە، الپىستى القىمداعان زەينەتكەر ليۋ حۇيفاڭ باقشاعا دەرلىك ءدال ۋاقىتىندا كەلىپ، ءبىر توپ جولداس - جورالارىمەن بىرگە جاعىمدى مۋزيكا ۇنىمەن تەربەلىپ، تۇرمىستىڭ ءلاززاتىن تاتادى.  پارتيانىڭ 18 - قۇرىلتايىنان بەرى، اسىرەسە، قىزىلسۋ وبلىسى قونىستانۋ ورتاسىن جاقسارتۋدى نىسانا ەتىپ، قالانى باسقارۋ مەن قىزمەت كورسەتۋ ورەسىن جاپپاي جوعارىلاتىپ، ءجۇرىس - تۇرىس وركەنيەتتى، ءتارتىبى وركەنيەتتى، ورتاسى وركەنيەتتى، قىزمەت كورسەتۋ وركەنيەتتى تاماشا سالتتى بەلسەنە جەتىلدىرىپ، قالا ساپاسىن جوعارىلاتتى. جاسىلداندىرۋ، كورىكتەندىرۋ، جارىقتاندىرۋ، اسفالتتاندىرۋ، تازارتۋ ينجەنەرياسىن كۇش سالا اتقارىپ، قالانىڭ وزەن جاعاسى كورىنىس بەلدەۋى، قالانى جاسىلداندىرۋ بەلدەۋى قۇرىلىسىن مۇقيات جوبالاپ، ورمان بەلدەۋلەرىنىڭ توپىراعىن اۋىستىرىپ، ىلعالدىعىن ساقتاۋ ينجەنەرياسىن جاپپاي اتقارىپ، قالانىڭ گۇل - شوپپەن كومكەرىلىپ، اعاشى ماۋەلەگەن ەكولوگيالىق ورتاسىن بىرتىندەپ قالىپتاستىردى.
  اتۇشتا 20 نەشە جىلدان بەرى تۇرمىس كەشىپ كەلە جاتقان جاڭ يۋەحۋا جۇرەك سىرىن اقتارىپ: مەن اتۇشتىڭ باقشاسى قانداي بولار ەكەن دەپ اڭساعان ەدىم، اڭساعان ارمانىمنىڭ مۇنداي تەز رەالعا اينالارىن ويلاماعان ەكەنمىن. قازىر اتۇشتا بيىك عيماراتتار مولايدى، جولدار، اعاشتار، گۇلدەر دە كوبەيدى، تۇرمىسىمىز ءتىپتى دە باقىتتى بولا ءتۇستى، - دەيدى.
  وبلىستا قالانىڭ گۇل - شوپتەرمەن كومكەرىلىپ، اعاشى ماۋەلەگەن ەكولوگيالىق ورتاسى بىرتىندەپ قالىپتاسىپ قالماستان، اۋىل - قىستاقتار دا باقىت قۇشاعىنا شومدى.
  اقتاۋ اۋدانى اقتاۋ قالاشىعى شىعىرتەرەك قىستاعىنىڭ تۇرعىنى اسقار ءومار كۇلىپ: تۇرعىن ءۇي شارت - جاعدايى جاقساردى، ورتا كورىكتەندى، قالتامىز قامپايدى. مۇنداي جاقسى تۇرمىس كەشىرەتىنىمدى ءۇش ۇيىقتاسام دا ويلاپ كورمەگەن ەكەنمىن، - دەيدى.
  جاڭاشا اۋىل - قىستاق قۇرىلىسىنىڭ ىلگەرىلەۋىنە ساي، وبلىستاعى اۋىل - قىستاقتاردىڭ بەت - بەينەسى دە بىرتىندەپ وزگەرە باستادى، بەيقۇت ءۇي سالىپ، حالىقتى اۋقاتتاندىرۋ بويىنشا سالىنعان قاز - قاتار تىزىلگەن بەيقۇت ۇيلەردى بارلىق جەردەن كورۋگە بولادى، ەگىنشى - مالشىلار تابيعاتپەن قاۋىشۋدىڭ راحاتىن كورىپ قانا قالماستان، نەگىزدىك قۇرىلعى قۇرىلىسىنىڭ كەمەلدەنۋىنەن وسى زامانعى تۇرمىستىڭ بالزامىنان ءتىپتى دە سۋسىندادى، قىزىل توبەلى، سارى قابىرعالى بەيقۇت ۇيلەر مەن ەگىنشى - مالشىلاردىڭ كوڭىلىنەن شىققان باقىت كۇلكىسى ءوزارا قاۋىشتى.
  حالىق تۇرمىسىنىڭ باقىت كورسەتكىشى ۇزدىكسىز ارتتى
  اتۇش قالاسى ءوستىن اتۇش قالاشىعىنداعى ساقا پارتيا مۇشەسى مامەت ءتالىپ: سۋ شۇمەكتى اشساق قانا بولعانى ءبىز شاربات تا اقاۋسىز قۇبىر سۋىن ىشە الاتىن بولدىق. مەن پارتيا مەن ۇكىمەتتىڭ بىزگە كوڭىل ءبولىپ، قامقورلىق جاساعانىنا شىن جۇرەكتەن العىس ايتامىن، - دەدى.
  كوپ جىلداردان بەرى، اۋىز سۋ، سۋدان پايدالانۋ قيىن بولۋ، سۋ ساپاسى ناشار بولۋ، ورتانى جاسىلداندىرۋ، سونداي - اق ەكونوميكانى دامىتۋدا سۋ تاپشى بولۋ سياقتى ماسەلەلەر اتۇش قالاسىنداعى قالا، اۋىل تۇرعىندارىنىڭ تۇرمىس ساپاسى مەن ەكونوميكانى دامىتۋعا تۇساۋ بولىپ كەلگەن ەدى. سۋ ساپاسى ماسەلەسىن دەرەۋ شەشۋ ءۇشىن، 2016 - جىلى وبلىس اۋىل - قىستاقتىڭ اۋىز سۋ حاۋىپسىزدىگى ينجەنەرياسىن بۇكىل وبلىستىڭ حالىق تۇرمىسى ينجەنەرياسىنداعى ماڭداي الدى ءىرى ءىس رەتىندە يگەردى، ورىك وزەنىنەن سۋ باستاۋ ينجەنەرياسى ءدال سونىڭ ءبىرى ەدى.
  پارتيانىڭ 18 - قۇرىلتايىنان كەيىن، وتە - موتە، 2017 - جىلدان بەرى، بۇل وبلىس حالىق تۇرمىسىن ماڭداي الدى ورىنعا قويۋدان، حالىق تۇرمىسىن جاقسارتۋعا الدىمەن كىرىسۋدەن باستان - اياق جازباي، «حالىققا تيىمدىلىك جاساۋدىڭ 9 ءتۇرلى ينجەنەرياسىن» ۇزدىكسىز ىشكەرىلەي اتقارىپ، قازىنا قارجىسىنىڭ %75تەن استامىن، شينجياڭعا باعىتتامالى كومەك قارجىسىنىڭ %80تەن استامىن تۇگەلدەي حالىق تۇرمىسىنا جۇمسادى. بيىل الدىڭعى جارتى جىلدا، وبلىستىڭ حالىق تۇرمىسى قۇرىلىسىنا جۇمساعان قارجىسى 4 ميلليارد 820 ميلليون يۋانعا جەتىپ، ۇقساس مەزگىلدەگىدەن %12.42ارتىپ، ءار ۇلت بۇقاراسى كوڭىل ءبولىپ وتىرعان جۇمىسقا ورنالاسۋ، وقۋ - اعارتۋ، ەمدەۋ، قوعامدىق قامتاماسىزداندىرۋ، تۇرعىن ءۇي سياقتى حالىق تۇرمىسىنا قاتىستى ءبىر قىدىرۋ ماسەلەلەردى شەشىپ، حالىقتى باقىتقا كەنەلتتى.
  بيىل 29 - ماۋسىمدا ورىك وزەنىنەن سۋ باستاۋ ينجەنەرياسىنىڭ اتقارىلۋىمەن، 200 مىڭعا جۋىق اتۇشتىقتىڭ ۇرپاقتار بويى جەر استى سۋىن ءىشىپ كەلگەن تاريحى كەلمەسكە كەتىپ، قالا، اۋىلداعى 100 نەشە مىڭ مۋ ەكولوگيالىق ورماندى، جاسىلداندىراتىن اعاشتاردى سۋارۋ قامتاماسىز ەتىلىپ، كەدەيلەردى سۇيەمەلدەۋدەن قامال الۋدى جەبەۋگە، ەكونوميكانىڭ دامۋىن ىلگەرىلەتۋگە بەرىك نەگىز قالادى.
  5 جىلدان بەرى وبلىس حالىق تۇرمىسى قۇرىلىسىنا جالپى 34 ميلليارد يۋاننان استام قارجى قوسىپ، حالىق تۇرمىسىنا جۇمسالعان قارجى الەۋمەتتىك قازىنا شىعىسىنىڭ %75.6ىن ۇستاپ، ءار ۇلت بۇقاراسىنىڭ كوكەيىندەگى ءبىر قىدىرۋ قيىن ماسەلەلەر شەشىلىپ، ءار ۇلت بۇقاراسى كوپتەگەن يگىلىكتەنۋ سەزىمىنە، باقىت سەزىمىنە بولەندى.
  قىزىلسۋ قىرعىز اۆتونوميالى وبلىستىق پارتكومنىڭ شۋجيى ليۋ حۇيجۇن: «ءبىز باستان - اياق باس شۋجي شي جينپيڭنىڭ كەدەيلەردى سۇيەمەلدەۋ، وركەندەتۋ ستراتەگيالىق يدەياسى بويىنشا، اۆتونوميالى رايون باسشىلارى العا قويعان 8 ونان ارى، التى ءتۇرلى تالاپ، ونعا شوعىرلاندىرۋعا كۇش سالۋدى جەتەكشى ەتىپ، كەدەيلىكتەن قۇتىلدىرۋدىڭ ەكىدەن ۋايىمداماۋ، ءۇشتى قامتاماسىز ەتۋ ولشەمى بويىنشا، التى دالمە - ءدال بولۋدا تاباندى بولىپ، 5 ءبىر توپتى تياناقتاندىرىپ، تۇتاس وبلىستاعى 74 كەدەي قىستاقتى، 115 مىڭ 900 كەدەي جان سانىن ايتۋلى ۋاقىتتا كەدەيلىكتەن قۇتىلدىرامىز»، - دەيدى.
  بۇقارانىڭ ناۋقاس كورسەتۋى قيىن بولۋ ماسەلەسىن شەشۋ ءۇشىن، قىزىلسۋ وبلىسى ساقتانۋدى نەگىز ەتۋدەن جازباي، جالپى حالىقتىق سالاماتتىق ينجەنەرياسىن كۇش سالا اتقارىپ، وبلىستاعى قالا، اۋىل تۇرعىندارىنىڭ ءار جىلى دەنساۋلىعىن ءبىر رەت تەگىن تەكسەرۋدى تولىق قامتۋدى جۇزەگە اسىردى؛ وبلىس، اۋدان (قالا)، اۋىل - قالاشىق (كوشە ءىس باسقارماسى)، قىستاق (الەۋمەتتىك اۋماق) 4 دارەجەلى ەمدەۋ - دەنساۋلىق ساقتاۋدان قىزمەت كورسەتۋ جۇيەسىن كەمەلدەندىرىپ، اۋىل - قالاشىق ەمحانالارى مەن قىستاق ەمحانالارىن ولشەمدەندىرۋدى تولىق قامتۋ، شيپاگەرلەر تولىق قامتۋدى جۇزەگە اسىرىپ، ەمدەۋ - دەنساۋلىق ساقتاۋدان قىزمەت كورسەتۋ ورەسىن پارمەندى جوعارىلاتتى.
  بۇگىنگى قىزىلسۋ قىرعىز اۆتونوميالى وبلىسى سوتسياليستىك جاڭاشا وبلىس قۇرۋ جولىندا ارىنداپ، بارعان سايىن نىق قادام تاستادى؛ بۇگىنگى قىزىلسۋلىقتار كوكىرەك كەرنەگەن اسقاق سەزىممەن، نىق سەنىممەن بولاشاق باقىتتى تۇرمىستى قۇشاق جايا قارسى الۋدا.

ءان الەمى

جول توسىلىپ قالدى

تۇلپارىم