جاڭا حابارلار

پارتيا 19 - قۇرىلتايىن قارسى الۋعا ارنالعان «پارتيانىڭ شۇلەن شۇعىلاسى تيانشاندى نۇرلاندىردى» اتتى ساۋىق كەش 15 - قازاندا كورەرمەندەرمەن جۇزدەسەدى

    كەلۋ قاينارى: شينجياڭ گازەتى    2017-10-14 18:45:02  
 ءتىلشىمىز مايگۇل ايتقازى قىزى 13 - قازاندا ۇرىمجىدەن حابارلايدى. شينجياڭ تەلەۆيزياسىنان ۇعىسۋىمىزشا، پارتيا 19 - قۇرىلتايىنىڭ جەڭىسپەن اشىلۋىن قارسى الۋ بايلانىسىمەن، اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق مادەنيەت مەڭگەرمەسى، اۆتونوميالى رايوندىق اقپارات - باسپا ءسوز، راديو - كينو - تەلەۆيزيا مەكەمەسى باس بولىپ ۇيىمداستىرعان، شينجياڭ تەلەۆيزياسى ۇستىنە الىپ وتكىزگەن «پارتيانىڭ شۇلەن شۇعىلاسى تيانشاندى نۇرلاندىردى» اتتى ساۋىق كەش 15 - قازاندا شينجياڭ تەلەۆيزياسىندا ءار ۇلت كورەرمەندەرىمەن جۇزدەسەدى ەكەن.
 90 مينۋتقا جالعاساتىن بۇل جولعى ساۋىق كەش «پارتيانىڭ شۇلەن شۇعىلاسى تيانشاندى نۇرلاندىردى» دەگەندى نەگىزگى تاقىرىپ، «شۇلەن شۇعىلا» دەگەندى نەگىزگى جەلى ەتىپ، بەتاشار، شۇلەن شۇعىلا. مەيىر - شاپاعات، شۇلەن شۇعىلا . العا باسۋ، شۇلەن شۇعىلا . بورىش، ەپيلوگ سىندى 5 بولەكتەن قۇرالعان. ساۋىق كەشتىڭ نەگىزگى وزەكتى ويى ايقىن، مازمۇنى باي، تارتىمدى، جاندى دا جالىندى بولىپ، شينجياڭداعى ءار ۇلت حالقىنىڭ پارتيا 19 - قۇرىلتايىنىڭ جەڭىسپەن اشىلۋىن قارسى العان شاتتىققا تولى كوڭىل كۇيىن تولىق ايگىلەگەن.
  ساۋىق كەشكە ارنالعان كونسەرتتىڭ فورماسى الۋان ءتۇرلى، باس شۋجي شي جينپيڭنىڭ ىقىلاستى قابىلداۋىندا بولعان رايونىمىزداعى ءار ۇلت، ءار سالاداعى وزات ۇلگىلەر ساحناداعى LED ۇلكەن ەكرانىندا قىسقاشا فيلم فورماسىندا كورسەتىلەدى، بۇل ءار تاراۋدىڭ باستاۋ ءتۇيىنى ەتىلىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ «بەستى ءبىر تۇلعالاندىرۋ» جالپىلىق ورنالاستىرۋىنىڭ، «ءتورتتى جاپپاي ورىنداۋ» ستراتەگيالىق ورنالاستىرۋىنىڭ شينجياڭداعى جاندى امالياتىن تولىق ايگىلەيدى؛ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تيانشان الابىندا تامىر تارتىپ تياناقتانعانىن، اسىرەسە، ج ك پ اۆتونوميالى رايوندىق 9 - قۇرىلتايىنان بەرى حالىققا تيىمدىلىك جاساۋ ساياساتتارىنىڭ شينجياڭداعى ءار ۇلت حالقىنىڭ تۇرمىسىندا جاڭا وزگەرىستەردى جارىققا شىعارىپ، ولاردىڭ تابىس سەزىمىن ارتتىرعانىن تولىق ايگىلەيدى.
  مو حۋالۇن، ۋاڭ بيڭبيڭ، ۋاڭ گۋاڭيۇن، ۋاڭ يۋانيۋان، باھارگۇل قاتارلى ايگىلى انشىلەر ساۋىق كەشكە ۇسىنىسپەن قاتىناسىپ، ءان شىرقايدى. جاڭا اندەردە پارتيانىڭ 18 - قۇرىلتايىنان بەرى شينجياڭنىڭ ءتۇرلى قۇرىلىسىندا قول جەتكەن جاڭا تابىستار، جاڭا وزگەرىستەر اسقاقتاتا شىرقالىپ، ءار ۇلت كادرلارى مەن بۇقاراسىنىڭ پارتيا 19 - قۇرىلتايىنا دەگەن شىنايى ارمان - تىلەگى ايگىلەنگەن.
  ۇعىسۋعا قاراعاندا، ساۋىق كەش 15 - قازان ساعات 22دەن 30 مينۋتتا شينجياڭ جاساندى سەرىك تەلەۆيزياسىندا تاراتىلادى، ۇيعۇر تىلىندەگى حابار امبەباپ ارناسىندا جانە قازاق تىلىندەگى حابار امبەباپ ارناسىندا ساعات 22دەن 40 مينۋتتا تاراتىلادى ەكەن.

بەرىپ كەت ورامالىڭدى

دوستار

الىستاعى اق ەركە