جاڭا حابارلار

«قوس باتىس تاس جولى» تۇتاساتىن بولدى

    كەلۋ قاينارى: شينجياڭ حالىق راديو ىستانسياسى    2017-10-15 14:20:03  
شينجياڭ گازەتىنىڭ حابارى: ەۆروپانىڭ باتىس بولىگى جۇڭگونىڭ باتىس بولىگى حالىقارالىق تاس جولى تاياۋدا، جالپى جەلى بويىنشا تۇتاساتىن بولادى، 34 جاستاعى قورعاستىق ساۋداگەر اكىرام بۇل ىسكە ەرەكشە قۋاندى. «بۇدان كەيىن قورعاس وتكەلىنەن الماتىعا سول كۇننىڭ وزىندە بارىپ-كەلۋگە بولاتىن بولدىم، تابىسىم، ءسوزسىز، مولايادى».
«قوس باتىس تاس جولى» شىعىستا جۇڭگونىڭ ليانيۇنگاڭىنان باستالىپ، باتىستا رەسەيدىڭ سانكت-پەتەربۋرگ قالاسىنا جەتىپ، ەۆروپا تاس جولى جەلىسىنە جالعاسادى، جۇڭگو-قازاقستان-رەسەي ەلدەرىنىڭ نەشە ونداعان قالاسىن باسىپ وتەدى، جالپى ۇزىندىعى 8 مىڭ 445 كيلومەتر، مۇنىڭ ىشىندە جۇڭگو تەرريتورياسىنداعى ۇزىندىعى 3 مىڭ 445 كيلومەتر، رەسەي تەرريتورياسىنداعى ۇزىندىعى 2 مىڭ233 كيلومەتر، قازاقستان تەرريتورياسىنداعى ۇزىندىعى 2 مىڭ787 كيلومەتر. نىسان 2016-جىلى ناۋرىز ايىندا قۇرىلىس جۇمىسىن رەسمي باستاعان، 2017-جىلدىڭ سوڭىندا اياقتالادى دەپ جوسپارلانعان. «قوس باتىس تاس جولى» مەجەمەن قورعاستان شىعاتىن زات مولشەرىن 3 ميلليون 500 مىڭ تونناعا جەتكىزەدى، ءار جىلى 460 ميلليون ا ق ش دوللارلىق ەكونوميكالىق ونىمدىلىك جاراتادى.
ءتىلشى «قوس باتىس تاس جولىنىڭ» ماڭىزدى مەڭگەرمەلى نىسانى G218 جەلىسى قورعاس وتكەلى بولىگى قۇرىلىس نىسانىنىڭ ايقاسپالى اسپا كوپىرىندە جۇمىسشىلاردىڭ ۋاقىتتى مىقتى يگەرىپ، بەتون قاتىرىپ جاتقاندىعىن كوردى. قورعاس قالالىق قاتىناس-تاسىمال مەكەمەسى نىسان كەڭسەسىنىڭ مەڭگەرۋشىسى لي ياۋحۇي تىلشىگە بىلاي دەدى: «قوس باتىس تاس جولى» جۋىقتا تۇتاسادى، ءبىز قىزمەتتى قىزۋ ىنتامەن تىڭعىلىقتى ىستەپ، كوتەرىڭگى رۋحاني بەت-بەينەمەن پارتيا 19-قۇرىلتايىنىڭ جەڭىسپەن اشىلۋىن قارسى الامىز. ەۆروپا-ازيا داڭعىل جولىنىڭ تۇتاسۋى ليانيۇنگاڭنان ەۆروپاعا جەتكىزىلەتىن زاتتاردىڭ تەك تەڭىز ارقىلى تاسىمالدانۋ جاعدايىن وزگەرتەدى، تاسىمال ۋاقىتى 45 كۇننەن 10 كۇنگە قىسقارادى، ول ازيا-ەۆروپا قۇرلىقتارى اراسىنداعى زات تاسىمالىنىڭ بارىنشا ارتۋىن جەبەپ، وڭىرلەر ارا ءتىپتى دە كوپ ءوزارا تيىمدىلىك جاساۋ، تەڭ يگىلىككە كەنەلۋ سەلبەستىگىنە بەرىك نەگىز قالايدى.
ساۋداعا قارجى قوسۋشى ليۋ ۋي: «قوس باتىس تاس جولى» تۇتاسقاننان كەيىن، قاتىناس-تاسىمال اناعۇرلىم قولايلى بولادى، ءتىپتى دە كوپ ساۋدا ورايىن الا كەتىندىگى، ءشۇباسىز،-دەدى.
قازاقستاندىق ساۋداگەر جانات قالي ۇلى: بۇرىن الماتىدان قورعاسقا 6 ساعاتتا باراتىنبىز، قايتىپ كەلگەنىمىزشە 10 نەشە ساعات كەتەتىن، «قوس باتىس تاس جولى» تۇتاسقاننان كەيىن، 3 ساعاتتا جەتىپ الامىز، بۇل بىزگە شىنىمەن كوپ قولايلىلىق تۋدىراتىن بولدى،-دەدى.

بەرىپ كەت ورامالىڭدى

دوستار

الىستاعى اق ەركە