جاڭا حابارلار

«زەردەلى ەمدەۋ» ءار ۇلت ناۋقاستارىنىڭ ەمدەلۋ شارت-جاعدايىن جاقسارتۋدا

    كەلۋ قاينارى: شينجياڭ حالىق راديو ىستانسياسى    2017-10-15 17:46:36  
ستانسيامىزدىڭ ءتىلشىسى لان تيان، قۇمىل راديو ستانسياسىنىڭ ءتىلشىسى جۋ حۇيحان، پراكتيكانت گو چۇنمەيدىڭ حابارىن تىڭداڭىزدار: قول تەلەفون ارقىلى ءنومىر الۋعا، اقى تاپسىرۋعا، تەكسەرۋ قورتىندىسىن كورۋگە، وسى ارقىلى قاتارعا تۇرىپ ۇزاق كۇتۋ اۋرەشىلىگىنەن قۇتىلۋعا بولادى. بۇگىنگى كۇندە، «زەردەلى ەمدەۋ» ءار ۇلت ناۋقاستارىنىڭ ەمدەلۋ شارت-جاعدايىن جاقسارتۋدا.
تۇستەن بۇرىن ساعات 12 دە، شينجياڭ مەديتسينا ۋنيۆەرسيتەتىنە قاراستى وسپە شيپاحاناسىنىڭ ەمحانا زالىندا، ۋاڭ فەي اتتى ناۋقاس اۆتوماتتى ماشينادان ءتارتىپ بويىنشا رەنتگەن قاعازى مەن قورتىندىسىن شىعارىپ الدى. ەمدەلۋ كارتىشكاسىن وتكىزگەننەن كەيىن، تەرمينال كومپيۋتەرىندە دەرەۋ قاتىستى تەكسەرۋ قورتىندىسى شىقتى. ۋاڭ فەي تۇراقتاندىرۋ كىنوپكاسىن باسىپ ەدى، ماشينادان: «قازىر قورتىندى باسىپ شىعارىلۋدا، كۇتە تۇرىڭىز، باسىپ شىعارىلدى. قورتىندىنى الىڭىز» دەگەن داۋىس شىقتى. ۋاڭ فەي تىلشىگە قول تەلەفونىن مەڭزەپ تۇرىپ، شيپاحاناعا كەلۋدەن بۇرىن قول تەلەفونداعى جۇمساق بولشەك ارقىلى ءنومىر العانىن جانە تەكسەرۋ ناتيجەسىن كورگەنىن ايتىپ: «قول تەلەفون ارقىلى ءنومىردى الدىن الا كەلىسىپ الدىم، سونداي-اق تەكسەرۋ قورتىندىسىن دا كوردىم. تەكسەرىلەتىن ءتۇر كوبەيگەندە كەيبىر تەكسەرۋ ناتيجەسى نەشە كۇننەن كەيىن شىعادى، قول تەلەفون ارقىلى تەكسەرۋ قورتىندىسىن الدىن-الا تەكسەرىپ كورىپ، قاعاز نۇسقاسىن ارتىنان شىعارىپ الامىن»،-دەدى.
«زەردەلى ەمدەۋ» ناۋقاستىڭ ەمدەلۋ شارت-جاعدايىن جاقسارتۋمەن بىرگە، ەمدەۋ بايلىعىنىڭ پايدالانىلۋ ونىمدىلىگىن ارتتىردى، ال ەمدەۋ ينفورماتسياسىنداعى ءوزارا قارىم-قاتىناس «زەردەلى ەمدەۋدىڭ» ونىمدىلىگىن ساۋلەلەندىرۋدىڭ تەتىگى. ج ك پ اۆتونوميالى رايوندىق 9-قۇرىلتايىنان بەرى، رايونىمىز ەمدەۋدىڭ بىرىككەن تۇلعا قۇرىلىسىن ۇزدىكسىز تەزدەتىپ، ساپالى بايلىقتى نەگىزگى ساتىعا اپارۋدى ىلگەرلەتتى. قۇمىل قالالىق ورتالىق شيپاحانا اۆتونوميالى رايوندىق حالىق شيپاحاناسىنىڭ ەمدەۋ بىرىككەن تۇلعا جۇيەسىنە قوسىلعاننان كەيىن، كەسكىن ارقىلى الىس ارالىقتان اقىلداسىپ ەمدەۋ، كاسىپتىك تاربيەلەۋ سياقتى تاسىلدەر ارقىلى ىلگەرىندى-كەيىندى جاساندى جولمەن ەستۋ سۇيەكشەسىن كوشىرۋ وپەراتسياسى، بۇيرەكتەگى تاستى الۋ وپەراتسياسى سياقتى كوپتەگەن جاڭا تەحنيكالاردى جالپىلاستىردى. قۇمىل قالالىق ورتالىق شيپاحاناسى شيپاگەرلىك ىستەرى ءبولىمىنىڭ مەڭگەرۋشىسى ياڭ جىگۋاڭ: «جاڭا تەحنيكانىڭ ەنگىزىلۋى شيپاحانانىڭ ەمدەۋ قىزمەتىن كورسەتۋ قابىلەتىنىڭ جوعارىلاۋىن جەبەپ، ناۋقاستاردىڭ رازىلىعىن الىپ، ولاردىڭ شيپاحانا اۋىستىرۋىنان تۋىندايتىن قاتىستى اقى اۋىرتپالىعىن كورنەكتى جەڭىلدەتتى؛ قۇمىلداعى ناۋقاستارعا قىزمەت ەتۋگە تيەسلى ۇلەس قوستى»،-دەدى.
اۆتونوميالى رايوننىڭ ەمدەۋ، ءدارى-دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ باسشىلىق گرۋپپاسى كەڭسەسىنىڭ تەكسەرىپ-زەرتتەۋشىسى لي لينيۇي، قازىر رايونىمىزدا ەلەكتروندى دەنساۋلىق ارحيۆى، ەلەكتروندى اۋرۋ تاريحى ، اۋرۋحانا ءبىر تۇتاس جوسپارلاپ باسقاراتىن دەنساۋلىق جاعدايى ينفورماتسيالانعان جۇيە جانە تۇتاس رايونىمىزدىڭ نەگىزگى ساتى ەمدەۋ قۇرىلىمىنىڭ الىس ارالىقتان ەمدەۋ جۇيەسى العاشقى ادىمدا قالىپتاسىپ، جالپى اقىلساسىپ ەمدەگەن ناۋقاستىڭ سانى 120 مىڭنان اسقانىن تانىستىرا كەلىپ: «نەگىزگى ساتىنىڭ، الەۋمەتتىك اۋماقتىڭ، اۋدان دارەجەلى شيپاحانانىڭ رولىن ونان ارى جاقسى ساۋلەلەندىرىپ، ناۋقاستىڭ %90 تىن نەگىزگى ساتىدا ەمدەۋگە مۇمكىندىك جاسالدى. دەنساۋلىق ساقتاۋ بايلىعىنىڭ ورنالاسۋى اناعۇرلىم ۇيلەسىمدى بولىپ، ناۋقاستاردىڭ تۇرلىشە قاجەتى قاناعاتتاندىرىلدى. مۇنداعى سوڭعى ماقسات بۇقارانىڭ سىرقاتقا شالدىعۋىن ازايتۋ، ال سىرقاتتانعاننان كەيىن اناعۇرلىم جاقسى ەمدەلىپ، اۋرۋ كورسەتۋدىڭ ەندىگارى قيىن ءارى قىمبات بولماۋىنا كەپىلدىك ەتۋ»،-دەدى.

بەرىپ كەت ورامالىڭدى

دوستار

الىستاعى اق ەركە