جاڭا حابارلار

ارالاسۋ، ىشتەسۋ ارقىلى كادرلار مەن بۇقارا شىن كوڭىلمەن توعىستى

    كەلۋ قاينارى: شينجياڭ حالىق راديو ىستانسياسى    2017-10-15 17:51:59  
ستانسيامىزدىڭ تىلشىلەرى جين لەي، چاي لين جانە ياڭ جيانچياۋلار جازعان «تۋىسقاندىق قاتىناس ورناتقان وسى ءبىر جىل» دەگەن تاقىرىپتاعى جەلىلەس حاباردىڭ 3-ءبولىمىن تىڭداڭىزدار: «ۇلتتار ىنتىماعىنىڭ ۇلى شاڭىراعىندا» قيمىلى مەن ۇلتتار ىنتىماعىنىڭ بىرىككەن دوستىق قيمىلى ورىستەتىلگەن ءبىر جىلدان بەرى، ءبىر-بىرىمەن بارىس-كەلىس جاساۋ بارىسىندا ءار ۇلت كادرلارى مەن بۇقاراسى قويۋ تۋىسقاندىق قاتىناس ورناتتى.
دەنساۋلىق ساقتاۋ جۇيەسىنىڭ كادرى شۇي جيان وڭتۇستىك شينجياڭداعى ۇيعۇر تۋىسقانىمەن بەيتانىس بولۋدان ءوزارا تانىستى، قازىر ءبىرىن-ءبىرى ساعىناتىن بولدى، ول تىلشىگە بىلاي دەدى: نەشە رەت بارعاننان كەيىن قاتىناسىمىز بارعان سايىن قويۋلادى، ول كەي كەزدەرى ۇنحات جولداپ، تەلەفوندا «اۋىلىمىزدىڭ جەمىس-جيدەگى، ورىگى، جاڭعاعى پىستى، كەلىپ قوناق بولىپ كەتىڭىزدەر» دەيدى.
«ۇلتتار ىنتىماعىنىڭ ۇلى شاڭىراعىندا» قيمىلى بارىسىندا، ءارقايسى ورىن تۋىسقاندارىن ەكسكورتسياعا، ۇيرەنۋگە ۇسىنىس ەتىپ، اڭگىمەلەسىپ، بىرىككەن دوستىق قيمىلىن وتكىزدى. قۇربان ايت مەرەكەسى قارساڭىندا، اقتاۋ اۋدانىنىڭ پىلال اۋىلى مەن بارىن اۋىلىنداعى 37 تۇرعىن ۇرىمجىگە كەلىپ، اۆتونوميالى رايوندىق ءتارتىپ تەكسەرۋ كوميتەتىندەگى، باقىلاۋ-تەكسەرۋ مەڭگەرمەسىندەگى تۋىسقاندارىنا امانداستى. ولار بىرلىكتە سانجىنىڭ كوركەم اۋىل-قىستاق قۇرىلىستارىن تاماشالاپ، اۆتونوميالى رايوندىق مۇراجاي مەن ءۇرىمجى قالاسىنداعى قىزىل تاۋ باقشاسىن ەكسكورسيالادى. سانجى قالاسى ليۋگۇڭ قالاشىعى شىسانحۋ قىستاعىندا ديقانداردىڭ قىزىل كەرپىشتى ساياجايلارىن، قىستاقتاعى قۇرىلعىلارى تولىق مادەنيەت ورتالىعىن، تازا دا رەتتى جولداردى كورگەن اقتاۋ اۋدانى پىلال اۋىلى بەستەرەك قىستاعىنىڭ تۇرعىنى جىم جالەل اسەرلى بەينەدە: بۇل جەردەگى ۇيلەر ءبىز ويلاعاننان دا كەرەمەت ەكەن، قايتىپ بارعاننان كەيىن وسى ارانىڭ تاجىريبەلەرىنەن ۇيرەنىپ، اۋلا شارۋاشىلىعىن دامىتىپ، اۋلامىزعا كوكونىس ەگىپ، گۇل وسىرەمىز،-دەدى.
تۋىسقاندارعا ءجيى بارعان سايىن سۇيىسپەنشىلىگىمىز ، دوستىعىمىز بارعان سايىن نىعايدى. كۇنەس اۋدانى بەستوبە اۋىلىنىڭ قاراوي قىستاعىمەن كورشىلەس اڭداس قىستاعىندا حانزۋ تۇرعىندار مەن از ۇلت تۇرعىندارى كوپ، حانزۋ قىستاق ەگىن سالۋعا، از ۇلت قىستاعى باعىمشىلىققا شەبەر. «ۇلتتار ىنتىماعىنىڭ ۇلى شاڭىراعىندا» قيمىلى ورىستەتىلگەننەن كەيىن ءبىر وزەننىڭ سۋىن ءىشىپ وتىرعان ەكى قىستاق توپتىق تۋىسقاندىق قاتىناس ورناتۋعا بەكىدى. اڭداس قىستاعىنىڭ تۇرعىنى جاندىبەك ءالباتىر ۇلى: ەكى قىستاقتىڭ 50 جىلدىق دوستىق تاريحى بار، الدا جالعاستى ەتەنە ىنتىماقتاسىپ، ماڭگى ءبىر-بىرىنە كومەكتەسىپ، بەرەكەلى بولۋىن ءۇمىت ەتەمىن،-دەدى.
سونىمەن بىرگە، رايونىمىزدىڭ جەر-جەرى، تاراۋلار ءىس جۇزىندىك جاعدايعا نەگىزدەلىپ، ءتۇرلى فورمامەن وتباسىلارىنىڭ جاعدايىن ۇعىستى. مەملەكەت مەرەكەسى مەن قاربىز مەرەكەسى كەزىندە، قۇمىل قالاسى ەۋىرعۇل رايوندىق ورگان ىستەرى مەكەمەسىنەن دۇڭحى ءمالىسى حاۋىپسىزدىك كوشەسى الەۋمەتتىك اۋماعىندا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا تۇرعان قىزمەت اترەتى الەۋمەتتىك اۋماقتىڭ كادرلارىمەن، تۇرعىندارمەن بىرىككەن دوستىق قيمىل وتكىزدى، كوپشىلىك ءان ايتىپ، ءبي بيلەپ، بىرلىكتە تاماق ازىرلەپ، ءتۇرلى قۋىرماشتاردان ءدام تاتتى، ءارى تابا نانعا « مەملەكەت مەرەكەسى مەن قاربىز مەرەكەسىن قۋانىشپەن قارسى الۋ باس قوسۋى» دەگەن جازۋ ءتۇسىردى. تۇرعىن ايشامگۇل زاكىر بىلاي دەدى: قىزمەت بارىسىندا حانزۋ، ۇيعۇر، قازاق، حۇيزۋ سىندى بىرنەشە ۇلت بىرگە جۇمىس ىستەيمىز، ەرەكشە تاتۋ-ءتاتتىمىز. الدا اناعۇرلىم قۇلشىنىپ، تىلەكتەس بولىپ، ءوزارا قول ۇستاسىپ، مەكەنىمىز قۇمىل ءۇشىن كوركتى مەكەن قۇرۋ جولىندا كۇش قوسامىز.
باس شۋجي شي جينپيڭ بىلاي دەپ اتاپ كورسەتتى: ءار ۇلت ءوزارا ءتۇسىنىسىپ، ءبىر-بىرىنە قۇرمەت ەتىپ، كەڭ پەيىل بولىپ، ءوزارا ارتىقشىلىعىن قابىلداپ، ءوزارا ۇيرەنىپ، ءوزارا كومەكتەسۋى كەرەك. « ۇلتتار ىنتىماعىنىڭ ۇلى شاڭىراعىندا» قيمىلى بارىسىندا، ءار ۇلت كادرلارى مەن بۇقاراسى سەرىكتەسىپ تۋىسقاندىق قاتىناس ورناتىپ، ارالاسۋ بارىسىندا تەرەڭ ءتۇسىنىسىپ، ىشتەسۋ بارىسىندا ارتىقشىلىقتارىن قابىلداپ، كەمشىلىكتەرىن تولىقتاپ، توعىسۋ بارىسىندا ورتاق تانىمدى نىعايتىپ، ەتەنە سۇيىسپەنشىلىك ورناتىپ، جۇرت كوڭىلىن توعىستىردى. شينجياڭ قوعامدىق عىلىمدار اكەدەمياسى ۇلتتاردى زەرتتەۋ ورنىنىڭ كومەكشى زەرتتەۋشىسى حاليدا ءسىلام بىلاي دەدى: ماحابباتتاسقان ەكى جاس جونىنەن الساق، ەڭ اۋەلى سويلەسىپ، ودان ماحابباتتاسىپ، ەڭ سوڭىندا سۇيىسپەنشىلىك قالىپتاسادى، ەگەر سويلەسپەسە ماحاباتتان قايتىپ اۋىز اشۋعا بولادى؟ «ۇلتتار ىنتىماعىنىڭ ۇلى شاڭىراعىندا» قيمىلى دا وسى سياقتى، ۇلتتار ىنتىماقتاسۋ ءۇشىن الدىمەن ءبىرىن-ءبىرى ءتۇسىنۋى، كوپتەپ ارالاسىپ، ىشتەسىپ، توعىسۋى كەرەك، سوندا عانا بۇقاراعا پارتيا مەن ۇكىمەتتىڭ قامقورلىعىن، مەيىر-شاپاعاتىن اناعۇرلىم ىشكەرلەي سەزىندىرىپ، ولاردىڭ پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋگە بۇرىنعىدان دا تاباندى بولۋىنا مۇمكىندىك جاسالادى.

بەرىپ كەت ورامالىڭدى

دوستار

الىستاعى اق ەركە