جاڭا حابارلار

رايونىمىزداعى پارتيالى كادرلار ج ك پ 18-كەزەكتى ورتالىق كوميتەتى 7-جالپى ءماجىلىسىنىڭ مازمۇنداماسىن قىزۋ تالقىلادى

    كەلۋ قاينارى: شينجياڭ حالىق راديو ىستانسياسى    2017-10-15 17:53:40  
ستانسيامىزدىڭ جيناق حابارىن تىڭداڭىزدار: 14-قازان شينحۋا اگەنتتىگى بەرىلگەن ۇقىق بويىنشا جۇڭگو كوممۋنيستىك پارتياسى 18-كەزەكتى ورتالىق كوميتەتى 7-جالپى ءماجىلىسىنىڭ مازمۇنداماسىن جاريالادى. مازمۇندامادا جاريالانىسىمەن، رايونىمىزداعى پارتيالى كادرلار قىزۋ تالقى ورىستەتتى.
نەگىزگى ساتى پارتيا ۇيىمى رەتىندە، قاشقار قالاسى قۇمدارۋازا ءمالى باسقارماسى باتىس حالىق كوشەسى الەۋمەتتىك اۋماعى پارتيا باس ياچەيكاسىنىڭ شۋجيى يان جياجىن مازمۇندامانى كورگەننەن كەيىن، ارقالاعان جاۋاپكەرشىلىگىنىڭ بۇرىنعىدان دا ارتقانىن سەزىندى. ول: «پارتيانىڭ باسشىلىعىندا، بەس جىلدان بەرى ەلىمىزدە زور وزگەرىستەر جارىققا شىقتى. مازمۇندامانىڭ مازمۇنىن كورگەننەن كەيىن ۇزاق ويلاندىم، مەنىڭشە الەۋمەتتىك اۋماق قىزمەتكەرى، نەگىزگى ساتى پارتيا مۇشەسى رەتىندە، نەگىزگى ساتى پارتيا ۇيىمى قۇرىلىسىن كۇشەيتىپ، شىن پەيىلمەن حالىق ءۇشىن قىزمەت ەتىپ، بۇقارالىق قىزمەتتى جوعارى ولشەمدە ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىعىنا ۇلەس قوسۋىم كەرەك»،-دەدى.
دالەلقان احىمەتقان ۇلى اراسان اۋدانى كوندولون مال فەرماسىنىڭ دەمالىسقا شىققان وقىتۋشىسى، سوڭعى جىلدارى ول توڭىرەگىندەگى مالشىلار تۇرمىسىنىڭ بارعان سايىن جاقسارعانىنا كۋا بولدى، ساقا پارتيا مۇشەسى رەتىندە ول بولاشاق تۇرمسىىنا زور ءۇمىت ارتىپ: «پارتيا مۇشەلەرىنىڭ ستيلى بۇرىنعىدان جاقساردى، مالشىلار جەر سىلكىنىسىنە ءتوزىمدى بەيقۇت ۇيگە كوشىپ كىردى، قىستاقتا قوس ءتىل بالالار باقشاسى اشىلدى. قازىر پارتيا 19-قۇرىلتايىنىڭ اشىلۋىن اسىعا كۇتۋدەمىز»،-دەدى. اۆتونوميالى رايوندىق حالىق پروكۋراتۋراسى الەۋمەتتىك ارىز-شاعىم ءبىرىنشى باسقارماسىنىڭ باستىعى جاڭ بين پارتيا ورتالىق كوميتەتىنىڭ جەمقورلىققا قارسى تۇرىپ پاكتىكتى دارىپتەۋىنىڭ ۇدايىلانعاندىعى مەن تۇزىمدەنگەندىگىن كورىپ ەرەكشە اسەرلەنىپ: «پارتيانىڭ جەمقورلىققا قارسى تۇرىپ پاكتىكتى دارىپتەۋ قىزمەتى قورتىندىلانىپ، كەلەسى كەزەكتەگى قىزمەتكە تالاپتار قويىلدى، جەمقورلىققا قارسى تۇرۋ كۇرەسىنىڭ ۇزدىكسىز تەرەڭدەۋىنە بايلانىستى، پارتيانى قاتاڭ جونگە سالۋ ءتۇزىمىنىڭ ۇزدىكسىز تياناقتانىپ، پارتيا ىشىندەگى ساياسي ەكولوگيانىڭ، ءسوزسىز، كىرشىكسىزدەنەتىندىگىنە سەنەمىز، سونىمەن بىرگە پارتيا 19-قۇرىلتايىنىڭ جەمقورلىققا قارسى تۇرۋ قىزمەتىن ونان ارى جان-جاقتىلى ورنالاستىرىپ، الداعى قىزمەتتەرىمىزگە ايقىن باعدار نۇسقاۋىن ۇمىت ەتەمىز»،-دەدى.

بەرىپ كەت ورامالىڭدى

دوستار

الىستاعى اق ەركە