جاڭا حابارلار

شينجياڭنىڭ جەر-جەرى حالىققا ءتيىمدى شارالاردى تياناقتاندىرۋ قىزمەتىن قاتاڭ، تىڭعىلىقتى يگەرىپ، حالىققا ءتيىمدى ءبىر توپ نىسان تياناقتانىپ پايدالانۋعا بەرىلدى

    كەلۋ قاينارى: شينجياڭ حالىق راديو ىستانسياسى    2017-10-15 17:54:40  
ستانسيامىزدىڭ جيناق حابارىن تىڭداڭىزدار: بيىل جىل باسىنان بەرى، شينجياڭنىڭ جەر-جەرى حالىققا ءتيىمدى شارالاردى تياناقتاندىرۋ قىزمەتىن قاتاڭ تىڭعىلىقتى يگەردى. قازىر، حالىققا ءتيىمدى ءبىر توپ نىسان تياناقتانىپ پايدالانۋعا بەرىلدى.
بىرنەشە كۇننەن بەرى، حوتان قالاسى جييا اۋىلى جينيە جاڭا قىستاعىنىڭ تۇرعىنى ءالىمجان تۇرسۇننىڭ ەككەنىنە ءبىر ايدان اسقان پاميدورى جەمىس بەرۋ مەزگىلىنە ءوتىپتى، ول تەحنيكتەردىڭ جەتەكشىلىگىندە مايساسىن بۇتاپ، ءدارى شاشىپ جاتىر ەكەن. ءالىمجان تۇرسۇن بۇرىن نەشە ون كيلومەتر الىستاعى يليچي اۋىلىندا تۇراتىن، وتباسىندا ەگىستىك جەردە جوق بولاتىن. بيىل شىلدەدە، كەدەيلەردى باسقا جەرگە كوشىرىپ سۇيەمەلدەۋدەگى جاڭا قىستاق ــــ جينيە جاڭا قىستاعى قۇرىلىپ، كەدەي وتباسى ءالىمجان تۇرسۇن باسقا جەرگە كوشىرىپ سۇيەمەلدەۋ وبيەكتىسى بولىپ بەكىتىلەدى. كوشىپ بارعاننان كەيىن سۋلياۋ توبەلى شاتىردا توپىراقتى قۇنارلاندىرىپ، تىڭايتقىش بەرۋ، تامشىلاتىپ سۋارۋ سياقتى قۇرىلعىلار تۇگەل ورناتىلىپ عانا قالماستان، سۋ، توك اقىسى دا تۇگەل تەگىن، پاميدور مايساسى دا ەگىلىپ بولعان ەكەن، ول تەك تەحنيكتەردىڭ جەتەكشىلىگىندە مايسانى باپتاسا بولدى، سۋلياۋ توبەلى شاتىردىڭ جىل سوڭىنداعى كىرىسىنەن اي سايىن ءبىر مىڭ يۋاندى الدىن الا كۇندەلىكتى تۇرمىسنا پايدالانۋىنا بولادى ەكەن. ءالىمجان تۇرسۇن بىلاي دەدى: تەحنيكا جاعىندا، مەيلى ەڭبەك جاعىندا بولسىن ولار بىزگە كومەكتەسىپ كەلەدى، ۇكىمەت بىزگە وسىنداي جاڭا ءۇي سالىپ بەردى،تاعى جەر بەرىپ وتىر، تەحنيكانى ويداعىداي يگەرىپ، كوكونىس ەگەتىن سۋلياۋ توبەلى شاتىردى ويداعىداي باپتاپ باسقارىپ، اناعۇرلىم جاقسى تەحنيكالاردى ۇيرەنىپ، تۇرمىسىمدى جاقسارتاتىنىما سەنىمىم كامىل.
سۋىق اعىستىڭ ىقپالىنان كۇشار اۋدانىندا ەڭ تومەنگى تەمپەراتۋرا ءۇرتىس نەشە كۇن 3 سەلتسي گرادۋس اينالاسىندا بولدى، تۇرعىنداردىڭ تۇرمىس قاجەتىن قامتاماسىز ەتۋ ءۇشىن، كۇشار اۋدانى شوعىرلى جىلۋمەن قامداۋ جۇمىسىن دەر كەزىندە باستاپ، بۇرىنعى جىلداعىدان 10 كۇن بۇرىن جىلۋمەن قامدادى. بيىل كۇشار اۋدانى كونە اۋماقتارداعى جىلۋمەن قامداۋ قۇبىرىن شوعىرلى جاڭالاۋ ارقىلى تاعى 60 مىڭ شارشى مەترلىك جىلۋمەن قامداۋ اۋماعىن قالانىڭ شوعىرلى قامداۋ كولەمىنە ەنگىزىپ، مۇنان 20 مىڭعا جۋىق ادام يگىلىكتەندى. كۇشار اۋدانى نانجيان 2-ءنومىرلى شاعىن اۋماعىنىڭ تۇرعىنى ۋاڭ ىنمين بىلاي دەدى: بۇرىن تۇرعىندار اۋماعىن قوجالىق سەرىكتەستىگى جىلۋمەن قامدايتىن، شاعىن پار قازانىنىڭ ىستەتىلگەنىنە 10 جىل بولعاندىقتان، وتباسىلارىن قالىپتى جىلۋمەن قامداي الماي قالعان. بيىل ۇكىمەت كونە قۇبىر جولدارىن جاڭالادى، بۇل كوپشىلىكتىڭ كوپتەن كۇتكەن ءىسى بولاتىن.
سانجى قالاسى چىڭبەي 4-قالاشىعىندا اۋىل-قىستاقتاردىڭ اۋىز سۋىن بەكەمدەۋ نىسانىنىڭ دەڭگەيىن جوعارىلاتۋ بيىلعى حالىق تۇرمىسى جاعىنداعى جالعاستى سالىناتىن نىسان، قازىر 209 كيلومەترلىك قىستاق دارەجەلى قۇبىر تورابى، 214 كيلومەترلىك نەگىزگى قۇبىر تورابى جاڭالانىپ، بيىل قازاننىڭ سوڭىندا تۇگەل جاتقىزىلىپ بولاتىندىعى مەجەلەنىپ وتىر. سانجى قالاسى بيڭحۋ قالاشىعى شياچۋانزى قىستاعىنىڭ تۇرعىنى جۋ جىنيىڭ: قۇبىر جاڭالانعاننان كەيىن تازا سۋ ىشەتىن بولدىق، بۇرىن قالىڭ قاق تۇراتىن، شاۋگىمنىڭ قاقتارى شىقپايتىن، قۇبىر جولى جاقسارتىلعاننان كەيىن تازا سۋدى الاڭسىز تۇتىناتىن بولدىق،-دەدى.

بەرىپ كەت ورامالىڭدى

دوستار

الىستاعى اق ەركە