جاڭا حابارلار

ج ك پ مەملەكەتتىك 19-قۇرىلتايىنا قاتىناساتىن شينجياڭ ۋاكىلدەرى بەيجيڭگە جەتتى

    كەلۋ قاينارى: شينجياڭ حالىق راديو ىستانسياسى    2017-10-16 13:28:09  
ستانسيامىزدىڭ ءتىلشىسى حى فەيدىڭ بەيجيڭنەن جولداعان حابارىن تىڭداڭىزدار: تۇتاس رايونىمىزداعى ءبىر ميلليون 500 مىڭنان ارتىق پارتيا مۇشەسى مەن 23 ميلليوننان ارتىق ءار ۇلت حالقىنىڭ كۇتكەن ءۇمىتى مەن اۋىر تاپسىرماسىن ارقالاعان، جۇڭگو كوممۋنيستىك پارتياسىنىڭ مەملەكەتتىك 19-قۇرىلتايىنا قاتىناساتىن شينجياڭ ۋاكىلدەرى 15-قازان تۇستە بەيجيڭگە جەتتى، ۋاكىلدەر وزگەرىستەردەن سىر شەرتىپ، بولاشاققا كوز جىبەرىپ، كوڭىل-كۇيلەرى جەلپىنىپ، وزدەرىن ەرەكشە داڭقتى سەزىندى.
مەيلى ءۇرىمجى حالىقارالىق اۋەجايىنىڭ ايروپلان كۇتۋ زالىندا بولسىن، الدە 10 مىڭ مەتر بيىكتەگى ايروپلان بولمەسىندە بولسىن، ۋاكىلدەر اشىلۋ الدىنداعى سالتاناتتى جينالىستى اسەرلەنە تالقىلادى. ءۇرىمجى اۋدانى شۇيموگۋ قالاشىعى فاڭجياجۋاڭ قىستاعىنان كەلگەن ۋاكىل حاي جۇي كوپشىلىككە قىستاقتىڭ وزگەرىسىن اڭگىمەلەدى. ول بىلاي دەدى: «ءبىز قازىر ەرەكشە قالاشىق قۇرىپ جاتىرمىز، جول جاساۋ، جارىقتاندىرۋ، اسفاليت جاتقىزۋ، نەگىزگى قۇرىلعى سياقتىلاردىڭ ءبارىن قىستاق تۇرعىندارى القايتىن بولدى. مەن وسىلاي شىعاردان ءبىر كۇن بۇرىن، ءبىز ءبىر قىستاق تۇرعىنىنىڭ ۇيىنە باردىق، ول قىستاق كادرلارىمىزعا جانە ءتۇرلى جاقتارداعى قىزمەتتەرىمىزگە توتەنشە ريزا ەكەندىگىن ايتتى، مەن قايتىپ كەلگەننەن كەيىن اسەرلەنگەننەن كوزىمنەن جاس شىعىپ تا كەتتى. اناعۇرلىم كوپ ديقاننىڭ وزدەرىن باقىتتى ساناۋى جانە تيىمدىلىككە كەنەلۋ سەزىمىندە بولۋى بىزدەر ءۇشىن زور قۋانىش».
نەگىزگى ساتىداعى الەۋمەتتىك اۋماقتان كەلگەن ۋاكىل راۋشانگۇل توقتى اشىلۋ الدىنداعى پارتيا 19-قۇرىلتايىنا زور ءۇمىت ارتاتىن ايتا كەلىپ بىلاي دەدى: نەگىزگى ساتىداعى بۇقارا دا ءتول مۇددەسىنە ساياتىن ساياساتقا ەرەكشە كوڭىل بولەدى، وسى بەس جىلدا كوپتەگەن تاماشا ساياساتتار شىعارىلدى، وسىنىڭ ىشىندە وقۋ-اعارتۋ، جۇمىسقا ورنالاستىرۋ، تاعى دەنساۋلىقتى تەگىن تەكسەرۋ بار، قاراستىلىعىمىزداعى بۇقارا دا شىن جۇرەكتەن: «شينجياڭدا تۇرمىس كەشىرگەنىمىز قانداي باقىت» دەستى، وسى رەت پارتيا 19-قۇرىلتايىنا قاتىناساتىندىعىمدى نەگىزگى ساتىداعى بۇقارا بىلگەننەن كەيىن، بارلىعى، ءسوز جوق ءبىزدىڭ جۇرەك ءسوزىمىزدى جەتكىزىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاقسى ساياساتىنا العىس ايتا بار!،-دەستى.
ايروپلاننان تۇسكەندە، ۋاكىل ليدا پەرۋاي قىزى ءبىر قولونەر بۇيىمىن الىپ ءتۇستى، وعان «باس شۋجي شي جينپيڭنىڭ شينجياڭداعى از ۇلت بۇقاراسىمەن اڭگىمەلەسىپ وتىرعان» كوك ءتۇستى سۋرەتى كەستەلەنىپتى، بۇل ليدا مەن ونىڭ سەرىكتەستىگىندەگى 4 قىزمەتكەردىڭ مۇقيات جاساعان كريستال سۋرەتى ەدى، ليدا پەرۋاي قىزى مۇنىڭ نەگىزگى ساتىداعى بۇقارانىڭ پارتيا 19-قۇرىلتايىنا ۇسىنعان تارتۋى ەكەنىن ايتا كەلىپ بىلاي دەدى: «سەرىكەستىكتەگى قىزمەتكەرلەر بۇرىن ۇيدە بوس وتىراتىن، سيىر ساۋاتىن، ولار بەس ساۋساعىنان ونەر تامعان شەبەرلەر، ءبىراق كەستەلەرى ساتىلمايتىن، سەرىكتەستىككە كەلگەننەن كەيىن ولار از دەگەندە 2 مىڭ 800 يۋان ەڭبەكاقى الاتىن بولدى، قازىر تۇرمىستارى جاقسارىپ كەتتى، ولار دا قاتتى قۋانىپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىز، دەستى».
اقچي اۋدانىنان كەلگەن ۋاكىل گۇلزينات تۇكەن، ماڭىنداعى قىرعىز بۇقارانىڭ پارتيا ورتالىق كوميتەتىنە جەتكىزۋگە تابىس ەتكەن ەكى اۋىز ءسوزى ءوزىنىڭ ءدال وسى ساتتەگى كوڭىل-كۇيىن شىنايى بىلدىرەتىندىگىن ايتا كەلىپ: «پارتيا 19-قۇرىلتايىنىڭ جەڭىسپەن اشىلۋىنا، وتانىمىزدىڭ كوركەيىپ-گۇلدەنە بەرۋىنە تىلەكتەسپىز!»،-دەدى.
ۋاكىل زىڭ سۇن بىلاي دەدى: «پارتيا قۇرىلتايىنىڭ ۋاكىلى بولعاندىعىمىزعا ەرەكشە اسەرلەنىپ تۇرمىز، ءارى مۇنى ەرەكشە ماقتانىش سەزىنەمىز. ءبىز وسى رەت پارتيا 19-قۇرىلتايىنا ءار دارەجەلى پارتيا ۇيىمدارىنىڭ، قالىڭ پارتيا مۇشەلەرىنىڭ جانە ءار ۇلت بۇقاراسىنىڭ اۋىر تاپسىرماسىن الا كەلدىك، ءبىز ،ءسوزجوق ،تاسقىنداعان جىگەر ارقىلى ۋاكىلدىك مىندەتىمىزدى ويداعىداي وتەپ، بۇدان كەيىن جۇڭگوشا سوتسياليزمنىڭ جاڭا جەڭىسىنە اناعۇرلىم ويداعىداي قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ،ءسوزسىز، جەڭەتىن سەنىمىمىزدى ويداعىداي ورناتامىز!».

بەرىپ كەت ورامالىڭدى

دوستار

الىستاعى اق ەركە