باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ج ك پ ورتالىق كوميتەتى پارتيا سىرتىنداعى قايراتكەرلەرمەن اڭگىمە ءماجىلىس وتكىزىپ ج ك پ 19 - قۇرىلتايىنىڭ بايانداماسى جونىندە پىكىر الدى

    كەلۋ قاينارى: شينجياڭ گازەتى    2017-10-16 20:39:19  

شي جينپيڭ اڭگىمە ءماجىلىستى باسقاردى جانە ماڭىزدى ءسوز سويلەدى 

يۇي جىڭشىڭ، ليۋ يۇنشان، ۋاڭ چيشان اڭگىمە ماجىلىسكە قاتىناستى

 شينحۋا اگەنتتىگىنىڭ 15 - قازاندا بەيجيڭنەن بەرگەن حابارى. ج ك پ ورتالىق كوميتەتى 30 - تامىز كۇنى جۇڭنانحايدا پارتيا سىرتىنداعى قايراتكەرلەرمەن اڭگىمە ءماجىلىس وتكىزىپ، ج ك پ 19 - قۇرىلتايى بايانداماسىنىڭ پىكىر الۋ نۇسقاسى جونىندە دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ باسشىلارى مەن پارتيادا، توپتا جوق قايراتكەرلەردىڭ ۇسىنىس - پىكىرلەرىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ءماجىلىستى باسقاردى جانە ماڭىزدى ءسوز سويلەدى. ول مىنالاردى باسا دارىپتەدى: جاڭا نىسانا، جاڭا ساپارعا سايكەس، جۇڭگو كوممۋنيستىك پارتياسى مەن دەموكراتيالىق پارتيا - توپتار سەلبەسۋدى، بىرگە جۇمىس ىستەۋدى ونان سايىن كۇشەيتىپ، ەڭ ىرگەلى وتانشىلدىق بىرلىكساپتى بەكەمدەپ جانە دامىتىپ، ءار ساتىنىڭ، ءار جاقتىڭ اقىل - پاراساتى مەن كۇش - قۋاتىن مەيلىنشە شوعىرلاندىرىپ، بۇكىل قوعامنىڭ، بۇكىل ۇلتتىڭ بەلسەندىلىگىن، ىرىقتىلىعىن، جاسامپازدىعىن مەيلىنشە ساۋلەلەندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇمىلا ىسكە اسىرۋ جولىندا كۇرەس جۇرگىزۋى كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى يۇي جىڭشىڭ، ليۋ يۇنشان، ۋاڭ چيشان اڭگىمە ماجىلىسكە قاتىناستى.
  اڭگىمە ماجىلىستە، شي جينپيڭ ج ك پ 19 - قۇرىلتايى بايانداماسىنىڭ پىكىر الۋ نۇسقاسىنىڭ دايىندالۋ بارىسىن تانىستىردى، ول پارتيا سىرتىنداعى قايراتكەرلەردەن كوسىلە سويلەپ، ءوز ويلارىن ورتاعا سالىپ، ج ك پ 19 - قۇرىلتايى بايانداماسىنىڭ پىكىر الۋ نۇسقاسىنا پىكىر بەرۋدى ءۇمىت ەتتى.
  جۇڭگو گومينداڭ پارتياسى توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى جاڭ باۋۋىن، جۇڭگو دەموكراتيالىق مەملەكەت قۇرۋ وداعى ورتالىق كوميتەتىنىڭ ءتوراعاسى چىن چاڭجى، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى يان جۇنچي، جۇڭگو ديقان - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، ادىلەت پارتياسى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى جياڭ زوجۇن، 3 - قىركۇيەك عىلمي قوعامى ورتالىق كوميتەتىنىڭ ءتوراعاسى حان چيدى، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى لين ۋىن - ي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى ۋاڭ چينمين، پارتيادا، توپتا جوق قايراتكەرلەردىڭ ۋاكىلى گو لەي ىركەس - تىركەس ءسوز كەزەگىن الدى. ولار بىلاي دەپ قارادى: ج ك پ 18 - قۇرىلتايىنان بەرى، شي جينپيڭ جولداستى ۇيتقى ەتكەن ج ك پ ورتالىق كوميتەتى بۇگىنگى دۇنيە مەن قازىرگى جۇڭگونىڭ دامۋ بەتالىسىن عىلمي يگەرىپ، وراسان زور ساياسي باتىلدىقپەن جانە كۇشتى جاۋاپكەرشىلىك - مىندەتكەرلىكپەن، تۋ كوتەرىپ، باعىت بەلگىلەپ، جوبا جاساپ، جوسپار ورنالاستىرىپ، قيىندىقتى جەڭە قياعا ورلەپ، ءورىس اشا العا ىلگەرىلەپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جۇڭگوشا سوتسياليزم ىستەرىنىڭ ەلەۋلى جەتىستىكتەرگە جەتۋىن ىلگەرىلەتتى. ج ك پ 19 - قۇرىلتايىنىڭ بايانداماسىندا، ج ك پ 18 - قۇرىلتايىنان بەرى جۇڭگو كوممۋنيستىك پارتياسى مەن مەملەكەتتىڭ ىستەرىندە جارىققا شىققان تاريحي وزگەرىستەرگە تاريح پەن ءداۋىردىڭ بيىگىنەن كوز جىبەرىلىپ، تەرەڭ بايىمدالىپ، جاڭا تاريحي شارت - جاعدايدا جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ءبىر قاتار ماڭىزدى نازاريالىق جانە امالياتتىق ماسەلەلەرى تەرەڭ بايىمدالىپ، ءبىر قاتار ماڭىزدى يدەيالار، ماڭىزدى كوزقاراستار، كەلەلى تۇجىرىمدار، كەلەلى شارالار العا قويىلعان. اڭگىمە ماجىلىسكە قاتىناسقان جولداستار سالىقتى قۇرىلىمدىق ازايتۋدى ىلگەرىلەتۋ، ەكونوميكالىق دامۋ ورتاسىن ساپالىلاندىرۋ، اۋىل - قىستاق ءتۇزىلىسى رەفورماسىن تەرەڭدەتۋ، جاڭاشىل مەملەكەت قۇرىلىسىن ىلگەرىلەتۋ، عىلىم - تەحنيكادا جاڭالىق اشۋدىڭ جۇيەلى ورتا قۇرىلىسىنا ءمان بەرۋ، جالپىلىق مەنشىككە جاتپايتىن ەكونوميكانىڭ دامۋىنا ءتىپتى ادىلەتتى زاڭمەن جونگە سالۋ ورتاسىن ازىرلەۋ، پارتيا سىرتىنداعى زيالىلار قىزمەتىن كۇشەيتۋ، بيلىكتىڭ اينالىمىن تەجەۋ جانە باقىلاۋ جۇيەسىن كەمەلدەندىرۋ، كەدەيلىكتەن قۇتىلدىرۋدان قامال الۋ مەن ەكولوگيالىق قۇرىلىستى ءبىر تۇتاس جوبالاۋ، ورەندەر مەن بالالاردىڭ جالپىلىق ساپاسىنىڭ كوتەرىلۋىنە ءمان بەرۋ، سالاماتتى جۇڭگو جانە كورىكتى جۇڭگو قۇرىلىستارىن ىلگەرىلەتۋ، ەكولوگيالىق وركەنيەت ءتۇزىلىسى رەفورماسىن ءبىر تۇتاس جوسپارلاۋ، پارتيانى جاپپاي قاتاڭ جونگە سالۋدىڭ نەگىزگى ساتىعا قانات جازۋىن ىلگەرىلەتۋ، پارتيانىڭ نەگىزگى ساتى ۇيىمدارىنىڭ قۇرىلىسىن كۇشەيتۋ، ت.ب ماسەلەلەر جونىندە ۇسىنىس - پىكىرلەر ايتتى.
  ولاردىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول مىنانى اتاپ كورسەتتى: دەموكراتيالىق پارتيا - توپتار − جۇڭگو كوممۋنيستىك پارتياسىنىڭ جاقىن دوسى، جۇڭگو كوممۋنيستىك پارتياسى مەن مەملەكەتتىڭ ماڭىزدى باعىت - ساياساتتارى، شەشىم - ورنالاستىرۋلارى جونىندە دەموكراتيالىق پارتيا - توپتاردىڭ ورتالىق كوميتەتتەرى مەن مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا - توپتا جوق قايراتكەرلەردىڭ پىكىرىن تىڭداۋ ۇزاقتان بەرى قالىپتاسقان داعدى جانە سوتسياليستىك كەڭەستىك دەموكراتيانىڭ ماڭىزدى بەينەسى.
  شي جينپيڭ مىنانى باسا دارىپتەدى: ج ك پ 19 - قۇرىلتايىنىڭ بايانداماسىن جازۋ قىزمەتى − ج ك پ 19 - قۇرىلتايىنا دايىندالۋ قىزمەتىنىڭ ماڭىزدى قۇرامداس بولەگى. ج ك پ ورتالىق كوميتەتى بۇل قىزمەتكە ايرىقشا ءمان بەردى. جازۋ قىزمەتى باستالعاندا - اق، ءبىز بۇكىل پارتيانىڭ اقىل - پاراساتىن شوعىرلاندىرعان، حالىقتىڭ تىلەگىنە ۇيلەسەتىن، ەلىمىزدىڭ دامۋىندا ماڭىزدى جەتەكشىلىك رولى بار، حالىقارالىق قوعامعا بەلسەندى ىقپال جاسايتىن بايانداما جازۋعا قۇلشىنۋدى ورتاعا قويدىق. وسى نىساناعا جەتۋ ءۇشىن، ءبىز باياندامانى جازۋ بارىسىندا دەموكراتيانى تولىق ساۋلەلەندىرىپ، تەكسەرۋ - زەرتتەۋدى كۇشەيتىپ، كەڭ كولەمدە پىكىر الىپ، ءار جاقتىڭ اقىل - پاراساتىن شوعىرلاندىرۋعا بارىنشا قۇلشىنۋدى باسا دارىپتەدىك. بۇگىن سىزدەر كوپتەگەن جاقسى ۇسىنىس - پىكىرلەردى ورتاعا قويدىڭىزدار، بۇل بايانداماعا ويداعىداي وزگەرىس جاساۋعا ەرەكشە سەپتىگىن تيگىزەدى. ءبىز سىزدەر العا قويعان پىكىردى مۇقيات زەردەلەپ، وزگەرىس ەنگىزۋ بارىسىندا تولىق قابىلداپ، پايدالانامىز.
  شي جينپيڭ مىنانى اتاپ كورسەتتى: جۇڭگو كوممۋنيستىك پارتياسى باسشىلىق ەتكەن كوپ پارتيا سەلبەستىگى مەن ساياسي كەڭەس ءتۇزىمى − ەلىمىزدىڭ نەگىزگى ساياسي تۇزىمدەرىنىڭ ءبىرى. جۇڭگوشا سوتسياليزمگە تاباندى بولۋ جانە ونى كەمەلدەندىرۋدىڭ اسا ماڭىزدى ءبىر جاعى − جۇڭگو كوممۋنيستىك پارتياسىنىڭ باسشىلىعىندا كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، سوتسياليستىك كەڭەستىك دەموكراتيانى دامىتىپ، دەموكراتيالىق پارتيا - توپتار مەن پارتيادا، توپتا جوق قايراتكەرلەردىڭ بەلسەندى رولىن ءتىپتى جاقسى ساۋلەلەندىرۋ. بۇل جۇڭگو كوممۋنيستىك پارتياسىنىڭ بيلىك جۇرگىزۋ قابىلەتى مەن باسشىلىق دەڭگەيىن جوعارىلاتىپ، بۇكىل ەلدەگى ءار ۇلت حالقىن جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋگە ءتىپتى ويداعىداي باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋىندا توتەنشە ماڭىزدى رول اتقارادى.
  شي جينپيڭ دەموكراتيالىق پارتيا - توپتاردىڭ ورتالىق كوميتەتتەرىنەن، مەملەكەتتىك ساۋدا - ونەركاسىپشىلەر بىرلەستىگىنەن جانە پارتيادا، توپتا جوق قايراتكەرلەردەن جۇڭگو كوممۋنيستىك پارتياسىنىڭ باسشىلىعىن قورعاۋ، جۇڭگوشا سوتسياليزم جولىمەن جۇرۋگە تاباندى بولۋ ساياسي ورتاق تانىمىن سانالى تۇردە نىعايتىپ، ءوز مۇشەلەرىن جانە وزدەرى بايلانىس جاسايتىن بۇقارانى ىنتىماقتاستىرىپ جانە باستاپ، ەلىمىزدىڭ دامۋىندا قول جەتكەن شۇعىلالى جەتىستىكتەردى جەتە تانىپ، جۇڭگوشا سوتسياليزم جولى جونىندەگى سەنىمدى، نازاريا جونىندەگى سەنىمدى، ءتۇزىم جونىندەگى سەنىمدى، مادەنيەت جونىندەگى سەنىمدى بەرىك ورناتىپ، حالىقارالىق جانە ىشكى جاعدايعا دۇرىس تالداۋ جاساپ، ساياسي ورتاق تانىمدى نىعايتىپ، ءار جاقتىڭ كۇشىن جۇمىلدىرۋدى؛ ەلىمىزدىڭ قوعامدىق دامۋىنىڭ كەزەڭدىك ەرەكشەلىكتەرىن دۇرىس تانىپ، رەفورما، دامۋ، ورنىقتىلىق ىستەرىندە بەلەڭ بەرگەن قيىنشىلىق پەن ماسەلەلەردى دۇرىس باعامداپ، ءوز ارتىقشىلىقتارىن ساۋلەلەندىرىپ، مەملەكەتتىڭ ماڭىزدى ستراتەگيالىق ورنالاستىرۋىن ارقاۋ ەتىپ، ماڭىزدى ءتۇيىندى يگەرۋدى، ولقىلىقتاردى تولىقتاۋدى، ءالسىز تۇستاردى كۇشەيتۋدى، نەگىزگى ساتىعا بارۋدى، امالياتقا تەرەڭ ارالاسۋدى كورنەكتىلەندىرىپ، حالىقتىڭ قاجەتىن ءبىلىپ، حالىقتان اقىل الىپ، شىنايى وي - تولعامدارىن ورتاعا سالىپ، ەكونوميكا مەن قوعامنىڭ باياندى، اقاۋسىز دامۋىن ىلگەرىلەتىپ، جاپپاي دوڭگەلەك داۋلەتتى قوعام قۇرۋدىڭ حالىقتان قۇپتاۋ الىپ، تاريحتىڭ سىنىنان سۇرىنبەي وتۋىنە مۇمكىندىك جاساۋىن ءۇمىت ەتتى.
  ۋاڭ حۋنيڭ، ليۋ چيباۋ، شۇي چيلياڭ، سۇن چۇنلان، ۋاڭ ياڭ، جاۋ لىجي، لي جانشۋ، ياڭ جيەچى، جوۋ شياۋچۋان جانە ورتالىقتاعى قاتىستى تاراۋلاردىڭ جاۋاپتىلارى اڭگىمە ماجىلىسكە قاتىناستى.

ءان الەمى

جول توسىلىپ قالدى

تۇلپارىم