جاڭا حابارلار

تيانشاننىڭ تۇستىگى مەن تەرىستىگىندەگى كادرلار مەن جۇمىسشى-قىزمەتكەرلەر پارتيا 19-قۇرىلتايىن كوتەرىڭكى رۋح، قۇلشىنا العا ۇمتىلعان بەينەمەن قارسى الدى

    كەلۋ قاينارى: شينجياڭ حالىق راديو ىستانسياسى    2017-10-17 12:28:08  
ستانسيامىزدىڭ جيناق حابارىن تىڭداڭىزدار: بىرنەشە كۇننەن بەرى، تيانشاننىڭ تۇستىگى مەن تەرىستىگىندەگى كادرلار مەن جۇمىسشى-قىزمەتكەرلەر پارتيا 19-قۇرىلتايىن كوتەرىڭكى رۋح، قۇلشىنا العا ۇمتىلعان بەينەمەن قارسى الدى.
بيىل، رايونىمىز قاشقار، حوتان ايماقتارىنىڭ قالا-اۋىلدارىنداعى ارتىق ەڭبەككۇشتەردى باسقا سالادا ۇيىمدى جۇمىسقا ورنالاستىرۋ قىزمەتىن ورىستەتتى، وڭتۇستىك شينجياڭداعى نەشە 10 مىڭ جاس وزدەرىن جۇمىسقا قابىلداعان مەكەمە-ورىندارعا بارىپ ورنالاستى، ولار پارتياعا شىن جۇرەكتەن العىستارىن ايتىپ، پارتيا 19-قۇرىلتايىنىڭ جەڭىسپەن اشىلۋىن اسىعا كۇتتى. شينجياڭ جۇڭتاي حيميا شەكتى جارنا سەرىكتەستىگى توقسۇن ەنەرگيا حيميا شەكتى سەرىكتەستىگىنىڭ سەحىندە، قاشقار ايماعىنىڭ مەكىت اۋدانىنان كەلگەن ريزۋانگۇل احات بىلاي دەدى: «بۇل جەردە قىزمەت ىستەگەنىمە 3 مىڭ يۋان ەڭبەكاقى الامىن، پارتيا مەن ۇكىمەتتىڭ بىزگە جۇمىسقا ورنالاسۋ ورايىن جاراتىپ بەرگەنىنە شىنايى العىسىمدى بىلدىرەمىن، پارتيا 19-قۇرىلتايى اشىلۋ الدىندا تۇر، اسىعا كۇتۋدەمىز، مەملەكەتتىمىزدىڭ بارعان سايىن جاقسارىپ، كوركەيىپ-گۇلدەنە بەرۋىن شىن جۇرەكتەن تىلەيمىن».
پارتيا 19-قۇرىلتايى اشىلۋ قارساڭىندا، شىحىزى تىڭ يگەرۋ رايونىنداعى پارتيالى كادرلار، جۇمىسشى-قىزمەتكەرلەر اسقان قىزعىندىلىق جانە كوتەرىڭكى كوڭىل-كۇيمەن ءتۇرلى قىزمەتكە بەلسەنە كىرىسىپ، پارتيا 19-قۇرىلتايىنا تارتۋ ۇسىندى. شىحىزى اۋەجايى جولاۋشى جۇك تاسىمال ءبولمىنىڭ ورىنباسار باستىعى سۇن جيڭ بىلاي دەدى: «شىحىزى اۋەجايىنىڭ قىزمەت ەتۋ تاراۋى بولعان ءبىز شىنايى قىزمەت ەتۋ تانىمىن ورناتىپ، ساياحاتشىلارعا ىقىلاستى، كوڭىلدەگىدەي، ساپالى، قولايلى قىزمەت ەتىپ، ءىس جۇزىندىك ارەكەتىمىز ارقىلى پارتيا 19-قۇرىلتايىنىڭ اشىلۋىن قارسى الامىز».
بىرنەشە كۇننەن بەرى، سانجى قالاسىنىڭ اۋىل-قالاشىقتارىنداعى مادەنيەت-راديو پونكيتتەرى جانە قىستاق دارەجەلى جابدىق جوندەۋشىلەر قىستاقتارعا بارىپ، وتباسىلاردى ارالاپ، « راديو-تەلە باعدارلامالارىن وتباسىلارعا جەتكىزۋ ينجەنەرياسىنان» يگىلىكتەنىپ وتىرعانداردىڭ 30 مىڭعا جۋىق جابدىعىن جوندەپ، ءار ۇلت بۇقاراسىنىڭ پارتيا 19-قۇرىلتايىنىڭ سالتاناتىن دەر كەزىندە راديودان تىڭداپ، تەلەۆيزوردان كورۋىنە كەپىلدىك ەتتى. سانجى قالاسى داشيچۇي قالاشىعى يۇيتاڭ قىستاعىندا جابدىقتاردى تەكسەرىپ جوندەپ جۇرگەن لي چيڭ بىلاي دەدى: «پارتيا 19-قۇرىلتايى اشىلۋ الدىندا تۇر، وسى كەزدە ءبىز زەيىندى شوعىرلاندىرىپ، قالاشىعىمىزداعى بارلىق تۇتىنۋشىنىڭ جابدىعىن ءبىر-بىرلەپ تەكسەرىپ، پارتيا 19-قۇرىلتايى اشىلعان كەزدە، ديقانداردىڭ ونى تەلەۆيزوردان دەر كەزىندە كورۋىنە مۇمكىندىك جاساماقپىز».
بىرنەشە كۇننەن بەرى، اراسان اۋدانى بوعدار قالاشىعىنىڭ باقىت الەۋمەتتىك اۋماعىنداعى كادرلار وتباسىلاردى ارالاۋ قىزمەتىن كوتەرىڭكى كوڭىل-كۇيمەن ورىستەتىپ، پارتيا 19-قۇرىلتايىنىڭ جەڭىسپەن اشىلۋى ءۇشىن تاماشا قوعامدىق جاعداي جاراتتى. الەۋمەتتىك اۋماقتىڭ ورىنباسار شۋجيى كۇڭ بايىنكۇسل بىلاي دەدى: «الەۋمەتتىك اۋماقتاعى كادىرلار رۋحتى سەرپىلتىپ، كۇندەلىكتى ءتۇرلى قىزمەتتى ويداعىداي ىستەپ، پارتيا 19-قۇرىلتايىنىڭ جەڭىسپەن اشىلۋىنا ءتيىستى ۇلەس قوستى».
بيىل، پوسكام اۋدانى مەملەكەتتىك باۋ-باقشالى اۋدان قالاشىعىن قۇرۋدى نەگىز ەتىپ، قالا-قالاشىقتىڭ يقۋاتىن ۇزدىكسىز كەمەلدەندىرىپ، قالانىڭ ەكولوگيالىق ورتاسىن جاقسارتتى، ءار ۇلت بۇقاراسى مول تابىسقا كەنەلۋ سەزىمىنە بولەنىپ، پارتيا 19-قۇرىلتايىنىڭ اشىلۋىن اسىعا كۇتتى. تۇرعىن رايلا ابليميت بىلاي دەدى: «پارتيا 19-قۇرىلتايى اشىلۋ الدىندا تۇر. مەن پارتيا 19-قۇرىلتايىنىڭ ءساتتى اشىلۋىنا، مەملەكەتىمىزدىڭ اناعۇرلىم كوركەيىپ-گۇلدەنۋىنە تىلەكتەستىك بىلدىرەمىن، بۇدان كەيىن ءار ۇلت حالقىنىڭ ىنتىماقتاسا تۇسەتىنىنە، پوسكام حالقىنىڭ بۇدان كەيىنگى تۇرمىسىنىڭ دا بارعان سايىن جاقسارا تۇسەتىنىنە سەنىمىم كامىل».

بەرىپ كەت ورامالىڭدى

دوستار

الىستاعى اق ەركە