جاڭا حابارلار

وقۋ-اعارتۋدا حالىققا تيىمدىلىك جاساۋ- ارمانعا قانات قاقتىردى

    كەلۋ قاينارى: شينجياڭ حالىق راديو ىستانسياسى    2017-10-17 12:30:00  
ستانسيامىزدىڭ تىلشىلەرى چيۋ جين، ياڭ جيانچياۋ جانە ەرىكتى ءتىلشى شۇي چيۋىندەردىڭ حابارىن تىڭداڭىزدار: ج ك پ اۆتونوميالى رايوندىق 9-قۇرىلتايى «وقۋ-اعارتۋدا حالىققا تيىمدىلىك جاساۋدى» 9 ءتۇرلى حالىققا تيىمدىلىك جاساۋ ينجەنەرياسىنىڭ ءبىرى رەتىندە تۇراقتاندىرىپ، وقۋ-اعارتۋ قىزمەتىن رايونىمىزدىڭ رەفورما جاساۋ، دامۋ، ورنىقتىلىق جالپى جاعدايىنا قاتىستى ماڭداي الدى ورىنعا قويدى. وقۋ-اعارتۋ جاعىندا حالىققا تيىمدىلىك جاساۋ شارالارىنىڭ رايونىمىزدا تياناقتانۋىنا بايلانىستى، بۇرىنعىدان دا كوپ بالا ساپالى وقۋ-اعارتۋ بايلىعىنان يگىلىكتەندى.
تاڭەرتەڭ ساعات 9 دان اسقاندا، شينجياڭ تاجىريبە ورتا مەكتەبىنىڭ 1-جىلدىق وقۋشىسى پاريگۇل ابدىرەشيت ءبىر كۇندىك ۇيرەنۋىن باستادى. ول تىلشىگە، ءۇرىمجى قالاسى اتقارعان ورتا مەكتەپتى تەگىن وقىتۋ ساياساتى وتباسىنىڭ كوپتەگەن اۋىرتپالىعىن جەڭىلدەتكەنىن ايتا كەلىپ: اپەكەم ورتا مەكتەپتىڭ 3-جىلدىعىندا، مەن 1-جىلدىعىندا وقيمىن، ورتا مەكتەپتى تەگىن وقىتۋ ساياساتىنىڭ ارقاسىندا ءار وقۋ ماۋسىمىندا 900 يۋان وقۋ قاراجاتى كەشىرىم ەتىلەدى، وسىلاي ەسەپتەگەندە ءبىر جىلدا اپەكەمىز ەكەۋىمىزدىڭ 3 مىڭ 600 يۋان وقۋ قاراجاتىمىز كەشىرىم ەتىلىپ، ءۇيىمىزدىڭ اۋىرتپالىعى دا كوپ جەڭىلدەدى، اكە-شەشەم دە قاتتى قۋاندى،-دەدى.
ءدال سول ۋاقىتتا، باي اۋدانى باي قالاشىعى كوكونىس ەگەتىن قىستاقتاعى 5 جاستاعى كىشكەنتاي پاراحات مامەت تە سومكاسىن اسىنىپ، قۋانىشپەن قىستاقتاعى چيسايحۋا بالا باقشاسىنا باردى. بيىل رايونىمىزدا سالىنعان 4 مىڭ 408 قوس ءتىل بالا باقشاسى تۇگەل اشىلىپ، بالا باقشا جاسىنا تولعان ءبىر ميلليون 176 مىڭ 200 بالدىرعان تۇگەل بالا باقشاعا كىردى. قازىر، پاراحات مامەت كىشكەنتاي دوستارىمەن بىرگە ۇيرەنىپ، بىرگە ويناعانىنا ەرەكشە قۋانادى. ول: بالالار باقشاسىن وتە ۇناتامىن، وسىندا كوپتەگەن كىشكەنتاي دوستارىم بار، ءان ايتۋدى، ءبي بيلەۋدى ۇيرەنۋدەن سىرت، مەمىلەكەت ءتىلىن ۇيرەندىم،-دەدى.
اۋىل-قىستاقتاردا وقۋعا تۇسۋدەن بۇرىنعى قوس ءتىل بالا باقشاسى وقىتۋشىلارىنىڭ كەمشىل بولۋ ماسەلەسىن شەشۋ ءۇشىن، 2016-جىلى قازاندا، رايونىمىز كادرلاردى وڭتۇستىك شينجياڭنىڭ وقۋعا تۇسۋدەن بۇرىنعى قوس ءتىل تاربيەسىنە كومەكتەسۋگە جىبەرۋ قىزمەتىن باستادى.
قاعىلىق اۋدانى سايباق اۋىلى ويلاكەنت قىستاعى ويلاكەنت بالا باقشاسىندا، اۆتونوميالى رايوندىق حالىق قۇرىلتايى تۇراقتى كوميتەتى ورگانىنىڭ وڭتۇستىك شينجياڭنىڭ وقۋ-اعارتۋ ىستەرىنە كومەكتەسۋگە بارعان كادرى جاڭ بين ءۇنحات ارقىلى دوستار شەڭبەرىنە، 43 بالانىڭ ەسەيۋ، وزگەرۋ بارىسى تۇسىرىلگەن «مەنىڭ بالالارىم، مەنىڭ كلاسىم» اتتى كەسكىندى جولدادى. ول بىلاي دەدى: وڭتۇستىك شينجياڭنىڭ وقۋ-اعارتۋ ىستەرىنە كومەككە كەلگەنىمە ءبىر جىلدان استى، نە ىستەرىمدى بىلمەي ساسقالاقتاعان العاشقى كەزدەن ءوز-وزىمە سەنىم ارتقان قازىرگە دەيىن، بالالار مەمىلەكەت تىلىندە سالەمدەسەتىن، سويلەسە الاتىن، توڭكەرىستىك اندەردى شىرقاي الاتىن، تاعى بىرنەشە بايىرعى ولەڭدى جاتقا ايتا الاتىن بولدى، وسى وزگەرىستەر اتا-انالارعا دا تەرەڭ اسەر ەتتى. بالالاردىڭ ۇيرەنۋ اياق الىسىنا ىلەسۋ ءۇشىن، ءتىپتى بالالارىنىڭ ۇيرەنۋىنە جەتەكشىلىك ەتۋ ءۇشىن، ولار دا مەمىلەكەت ءتىلى قابىلەتىن جوعارلاتۋدى ارماندايدى، ولاردىڭ ديحاندار كەشكى كلاسىنا قاتىناسۋ بەلسەندىلىكتەرى دە جوعارلادى. پارتيانىڭ ساياساتىن تياناقتاندىرۋ بارىسىندا، مەنىڭ ءبىر سەزىنگەنىم، ۇگىتتەۋگە ءمان بەرۋدەن سىرت، ونەگە كورسەتۋگە دە كوڭىلءبولۋ كەرەكتىگى، وقۋشىلارعا كىشىگىرىم ىستەردەن باستاپ كوڭىل ءبولىپ، قامقورلىق جاساۋ كەرەكتىگى بولدى، سوندا عانا ءوزارا كوڭىل توعىستىرىپ، حالىق بۇقاراسىنىڭ سەنىمىنە يە بولۋعا، ولاردىڭ مەمىلەكەت ءتىلىن ۇيرەنۋ قىزعىندىلىعىن ارتتىرۋعا بولاتىنىن ءتۇسىنىپ جەتتىم.
وقۋ-اعارتۋ جاعىندا حالىققا تيىمدىلىك جاساۋ بولاشاق ارماندى ارقالاپ وتىر. وقۋ-اعارتۋ جاعىندا حالىققا تيىمدىلىك جاساۋ شارالارىنىڭ رايونىمىزدا تياناقتانۋىنا بايلانىستى، بۇرىنعىدان دا كوپ بالا بولاشاققا كوز جىبەرىپ، ارمانعا قانات قاقتى. ال ولاردىڭ ارمانىن ۇشتاپ، توپشىسىن قاتايتاتىن ىشكى ولكەدە شينجياڭ ورتا مەكتەپ، ورتالاۋ مەكتەپ وقىتۋشىلارى بار. جاقىندا، حيلۇڭجياڭ ولكەسى حاربين قالالىق 73-ورتا مەكتەبىندەگى شينجياڭ ورتا مەكتەپ كلاسىنىڭ وقىتۋشىسى حوۋ جينرۇي شينجياڭداعى ءبىر رەتكى ەرەكشە وتباسىلارىن ارالاۋ ساپارىن اياقتاتتى. ول بىلاي دەدى: اتا-انالارمەن جولىققاننان كەيىن، شينجياڭدىقتاردىڭ ەرەكشە قىزعىندى ەكەنىن بايقادىم، ولار بىزگە اعىنان اقتارىلدى، ءاربىر اتا-انانىڭ شىن نيەتىن، شينجياڭدىقتاردىڭ وتاندى قىزۋ سۇيەتىن سۇيسپەنشىلىگىن شىنايى سەزىندىم. ىشكى ولكەدەگى شينجياڭ ورتا مەكتەپ كلاسىنىڭ جەتەكشىلەرى تۇگەل شينجياڭدى ەكىنشى اتا-مەكەنىنە بالايدى. شينجياڭدىق ءاربىر بالانىڭ دارىندى، شينجياڭعا، ەلىمىزگە، قوعامعا جارامدى ادام بولۋىن تىلەيمىن، كومەگىم قاجەت بولسا، ولاردىڭ ءارقانداي كەزدە مەنىمەن حابارلاسۋىنا بولادى، مەن ماڭگى ولاردىڭ بەرىك قالقانىمىن.

بەرىپ كەت ورامالىڭدى

دوستار

الىستاعى اق ەركە