باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايوندىق حالىق ۇكىمەتى جۇڭگو جىلجىمالى حابارلاسۋ توبى سەرىكتەستىگىمەن ستراتەگيالىق سەلبەستىك سۇلبالىق كەلىسىمىنە قول قويدى

    كەلۋ قاينارى: شينجياڭ حالىق راديو ىستانسياسى    2017-10-17 20:00:21  

ستانسيامىزدىڭ حابارى: اۆتونوميالى رايوندىق حالىق ۇكىمەتىنىڭ جۇڭگو جىلجىمالى حابارلاسۋ توبى سەرىكتەستىگىمەن ستراتەگيالىق سەلبەستىك سۇلبالىق كەلىسىمىنە قول قويۋ سالتى 16-قازان بەيجيڭدە وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، جۇڭگو جىلجىمالى حابارلاسۋ توبى سەرىكتەستىگى پارتگرۋپپاسىنىڭ ورىنباسار شۋجيى، باس القاسى لي يۋە قول قويۋ سالتىنا قاتىناستى، ءارى ءسوز سويلەدى.
كەلىسىمگە ساي، الداعى بەس جىلدا، جۇڭگو جىلجىمالى حابارلاسۋ توبى سەرىكتەستىگى شينجياڭدا 46 ميلليارد يۋاننان ارتىق قارجى قوسىپ، حابارلاسۋ نەگىزدىك قۇرىلعى قۇرىلىستارىن ۇزبەي كەمەلدەندىرىپ، «تىنىش شينجياڭ» قۇرلىسى ينجەنەرياسىن جەدەلدەتىپ، ءار سالانىڭ ينفورماتسيالانىپ دامۋىن جەبەپ، زات اينالىم تورابى ينجەنەرياسىن ىلگەرىلەتىپ، 5G تەحنيكاسى مەن كاسىبىنىڭ جاڭالىق اشا توعىسۋىن جەبەپ، ونىڭ قىزمەت وتەگىش ۇكىمەت، جىبەك جولى ەكونوميكالىق بەلدەۋى وزەكتى رايونى، حالىق تۇرمىسىنا پايدالانىلۋى، بۇلتتىق ەسەپتەۋ جانە ءىرى ساندى مالىمەت ورتالىعىن قۇرۋ اياق الىسىن بارىنشا دەمەپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا تاعى دا تىڭ ۇلەستەر قوسادى.
شوكىرات زاكىر بىلاي دەپ اتاپ كورسەتتى: وسى رەتكى كەلىسىمگە قول قويۋ ـــ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ ناقتىلى شاراسى، سونداي-اق جىبەك جولى ەكونوميكالىق بەلدەۋى وزەكتى رايونىن قۇرۋدى ىلگەرىلەتۋدىڭ، شينجياڭنىڭ ينفورماتسيالانۋ دەڭگەيىن جوعارلاتۋدىڭ ناقتىلى قيمىلى، بۇل شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا ماڭىزدى ءمان الادى. جۇڭگو جىلجىمالى حابارلاسۋ توبى سەرىكتەستىگىنەن ەرەكشەلىگىن ساۋلەلەندىرىپ، شينجياڭ تورابى مەن ينفورماتسيالاندىرۋ قۇرىلىسىن قولداۋ تەبىنىن ۇزبەي ارتتىرىپ، سەلبەستىك فورماسىن بىرگە جاڭالاپ، سەلبەستىك سالاسىن كەڭەيتىپ، سەلبەستىك ساتىسىن جوعارلاتىپ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىنىڭ تىڭ داستانىن بىرگە جازۋدى ءۇمىت ەتەمىن.
لي يۋە بىلاي دەدى: جۇڭگو جىلجىمالى حابارلاسۋ توبى سەرىكتەستىگى اسقان ساياسي سەزگىرلىكتى قاشاندا ساقتاپ، ساياسي بورىش پەن قوعامدىق جاۋاپكەرلىكتى ەستەن شىعارماي، ستراتەگيالىق سەلبەستىك سۇلبالىق كەلىسىمىن تياناقتاندىرۋدى شىعار ءتۇيىن ەتىپ، بار كۇشىن سالىپ، شينجياڭنىڭ ينفورماتسيا تورابى قۇرىلعىسىن اناعۇرلىم كەمەلدەندىرۋدى نەگىز، وسىزامانعى حابارلاسۋ مەن ينفورماتسيا تەحنيكاسىن قولدانۋ اياق الىسىن جەبەۋدى وزەك، زاتتاردى عالامتورلاندىرۋ، جىلجىمالى عالامتور سياقتىلاردى تۇلعا ەتىپ، «9 ءىرى ينجەنەريانى» اتقارىپ، شينجياڭدىق قاريدارلاردىڭ قاجەتىن قاناعاتتاندىرىپ، ينفورماتسيالاندىرۋ قۇرىلىسىن اۆتونوميالى رايوننىڭ ورنىقتىلىعىمەن، كىرىستى ارتتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جەتكىزۋمەن تىعىز ۇشتاستىرىپ، شينجياڭنىڭ جاڭالىق اشا دامۋ، سايكەستى دامۋ، جاسىل دامۋ، ەسىك اشا دامۋ، تەڭ يگىلىكتەنە دامۋىن اناعۇرلىم ىلگەرىلەتەدى.
كەلىسىمگە قول قويۋ سالتىنان بۇرىن، شوكىرات زاكىر تاعى جۇڭگو جىلجىمالى حابارلاسۋ توبى سەرىكتەستىگىنىڭ جاڭالىق اشۋ عيماراتىندا جاڭالىق اشۋ پاتەنت كورمە رايونى مەن5G  بىرلەسىپ جاڭالىق اشۋ ورتالىعىن ەكسكورتسيالادى. اۆتونوميالى رايوننىڭ باسشىلارىنان ەركىن تۇنياز، مۇتالىپ قاسىم قاتىستى قيمىلدارعا قاتىناستى.

ءان الەمى

جول توسىلىپ قالدى

تۇلپارىم