باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«جاستىق ورالدان جالىنداعان جۇڭگو ارمانى» تۇسىرىلە باستادى

    كەلۋ قاينارى: شينجياڭ گازەتى    2017-10-17 20:27:01  
ءتىلشىمىز لي لي 16 - قازاندا ۇرىمجىدەن حابارلايدى. 13 - قازان كۇنى تۇستەن بۇرىن جاستىق جىگەردى تاسقىنداتۋ جونىندەگى مادەنيەتتىك كولەمدى باعدارلاما «جاستىق ورالدان جالىنداعان جۇڭگو ارمانى» شينجياڭ تەلەۆيزياسىنىڭ 1800 شارشى مەترلىك ستۋدياسىندا تۇسىرىلە باستادى. اتالعان باعدارلاما قاراشادا قويىلادى.
  «جاستىق ورالدان جالىنداعان جۇڭگو ارمانى» باعدارلاماسىنىڭ جاۋاپتى رەداكتورى ۋاڭ حايشيا بىلاي دەپ تانىستىردى: بۇل باعدارلامانى اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق پارتكومنىڭ وقۋ - اعارتۋ قىزمەتى كوميتەتى جانە شينجياڭ تەلەۆيزياسى بىرلەسىپ ۇيىمداستىرعان، شينجياڭ تەلەۆيزياسىنىڭ جوعارى مەكتەپ ستۋدەنتتەرىنە باعىتتاعان، جاستىق ورال حيكايالارىن شەرتەتىن، جاستىق قۇندى جەتكىزەتىن تۇڭعىش باعدارلاماسى. «جاستىق ورالدان جالىنداعان جۇڭگو ارمانىنىڭ» 2 ءبولىم 11 سەرياسى ءتۇسىرىلىپ قويىلىپ بولدى. پارتيا 19 - قۇرىلتايىنىڭ جەڭىسپەن اشىلۋىن قارسى الۋ ءۇشىن، پارتيا ورتالىق كوميتەتىنىڭ شينجياڭدى جاپپاي جونگە سالۋ جالپى جوباسى مەن شينجياڭ قىزمەتى باس نىساناسىنىڭ ماڭىزدى شارالارى توڭىرەگىندە «جاستىق ورالدان جالىنداعان جۇڭگو ارمانى» باعدارلاماسى جاستىق ورال اتىمەن، وقۋ - اعارتۋعا كومەك، باتىس بولىك ەرىكتىلەرىنىڭ شەكارا ءوڭىردى گۇلدەندىرۋى، «ۇلتتار ىنتىماعىنىڭ بەرەكەلى شاڭىراعى» قيمىلى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى دەگەن سياقتى 6 تاقىرىپتى ارقاۋ، ستۋدەنتتەردى نەگىزگى تۇلعا ەتىپ، 16 سەريالى جاڭا باعدارلاما جاساپ، شينجياڭدا 5 جىلدان بەرى جارىققا شىققان زور وزگەرىستەردى كورسەتەدى.
  «جاستىق ورال اتىمەن» − «جاستىق ورالدان جالىنداعان جۇڭگو ارمانى» باعدارلاماسى تۇڭعىش تۇسىرگەن وزەكتى تاقىرىپ، وتانشىلدىق، وزگەرىس، كۋا، العىس ايتۋ تاقىرىپتارىندا 4 سەريا تۇسىرىلەدى، الەۋمەتتىك اۋماق كادرلارى، ستۋدەنت قىستاق كادرلارى، جاس وقىتۋشىلار، قوعام حاۋىپسىزدىگى كادر - ساقشىلارى، تىلشىلەر، قىستاق تۇرعىندارى، قىستاق ساقشىلارى، اۋىلعا قايتقان ستۋدەنتتەر، مەكتەپ قۇشاعىنداعى ستۋدەنتتەر سياقتى ءار كاسىپ، ءار سالاداعى جاستار ۇسىنىس ەتىلىپ، ولاردىڭ وزدەرىنىڭ ەسەيۋ اڭگىمەلەرى ءىس جۇزىندىك جاعدايىمەن ۇشتاستىرىلا وتىرىپ ايتىلىپ، ەكونوميكالىق دامۋ، حالىق تۇرمىسىنىڭ جاقسارۋى، ۇلتتار ىنتىماعى، قوعام جاراسىمدىلىعى تولىق كورسەتىلەدى؛ پارتيا 18 - قۇرىلتايىنان بەرى، وتە - موتە، ج ك پ اۆتونوميالى رايوندىق 9 - قۇرىلتايىنان بەرى شينجياڭنىڭ قول جەتكىزگەن زور جەتىستىكتەرى بارىنشا ۇگىتتەلەدى؛ جاستار مەن ورەندەردى ۇلتتار ىنتىماعىنىڭ ىسكە اسىرۋشىلارى جانە جەتەكشىلەرى رەتىندە كوركەم شينجياڭ قۇرۋدىڭ، وتان ارمانىن بىرگە ورىنداۋدىڭ قۇدىرەتتى كۇشىن ۇيىستىرۋعا شىن مانىندە تاربيەلەيدى.
ءان الەمى

جول توسىلىپ قالدى

تۇلپارىم