باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پارتياعا العىس ايتىپ، جەتىستىكتەردى تىلگە الىپ، اق تىلەك جەتكىزدى

    كەلۋ قاينارى: شينجياڭ گازەتى    2017-10-17 20:32:16  

«پارتيانىڭ شۇلەن شۇعىلاسى تيانشاندى نۇرلاندىردى» اتتى ساۋىق كەش ءار ۇلت كادرلارى مەن بۇقاراسى اراسىندا قىزۋ اڭىس تۋدىردى

 گازەتىمىزدىڭ جيناق حابارى. 15 - قازاننان باستاپ، اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق مادەنيەت مەڭگەرمەسى جانە اۆتونوميالى رايوندىق اقپارات - باسپا ءسوز، راديو - كينو - تەلەۆيزيا مەكەمەسى ۇيىمداستىرىپ، شينجياڭ تەلەۆيزياسى ۇستىنە الىپ وتكىزگەن «پارتيانىڭ شۇلەن شۇعىلاسى تيانشاندى نۇرلاندىردى» اتتى تاقىرىپتىق ساۋىق كەشى شينجياڭ تەلەۆيزيا ستانسياسىندا 3 تىلدە، سونداي - اق سيفرلى ارنادا تاراتىلعان سوڭ، رايونىمىزداعى ءار ۇلت كادرلارى مەن بۇقاراسى اراسىندا قىزۋ اڭىس تۋدىردى. كوپشىلىك تۇس - تۇستان: تاقىرىپتىق ساۋىق كەش ەرەكشە تارتىمدى بولدى، شينجياڭداعى ءار ۇلت ۇلاندارىنىڭ ارىنداي العا ۇمتىلعان رۋحاني كەلبەتىن ايگىلەدى. پارتيانىڭ پارمەندى باسشىلىعىندا، وتانىمىزدىڭ ءتىپتى گۇلدەنىپ - كوركەيەتىنىنە، شينجياڭنىڭ بولاشاعىنىڭ ءتىپتى كوركەم بولاتىنىنا كامىل سەنەمىز. قىزمەتىمىزدى تاسقىنداعان ىنتامەن جاقسى ىستەپ، پارتيا 19 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الامىز، - دەستى.
  ءۇرىمجى قالاسى سايباق رايونى پيڭديڭشان اۋماعى باسقارۋ كوميتەتى جينشاجياڭ كوشەسى باتىس الەۋمەتتىك اۋماعىنىڭ كادرى سۇي لي بىلاي دەدى: «پارتيانىڭ شۇلەن شۇعىلاسى تيانشاندى نۇرلاندىردى اتتى ساۋىق كەش شينجياڭداعى ءار ۇلت حالقىنىڭ پارتيانىڭ 19 - قۇرىلتايىنىڭ جەڭىسپەن اشىلۋىن قۋانىشپەن قارسى العان شاتتىققا تولى كوڭىل كۇيىن تولىق ايگىلەدى، كورگەن جاندى اسەرلەندىرەدى. نەگىزگى ساتىدا قىزمەت ىستەگەنىمە 7 جىل بولدى، ءار كۇنى ەڭ كوپ ارالاساتىندارىم بۇقارا، وسى جىلداردا مەن بۇقارانىڭ باقىت سەزىمىنىڭ ارتقانىن انىق سەزىندىم، دەنساۋلىقتى تەگىن تەكسەرۋ، مادەنيەت ارقىلى حالىققا تيىمدىلىك جاساۋ سياقتى حالىققا تيىمدىلىك جاساۋ ينجەنەريالارى اتقارىلىپ، ءار ۇلت بۇقاراسى كوزبەن كورىپ، كوكىرەكپەن سەزۋگە بولاتىن ناقتى يگىلىكتەرگە قول جەتكىزدى، ءار ۇلت بۇقاراسىنىڭ ءتول مۇددەسىنە ساياتىن حالىق تۇرمىسىنداعى ءبىر توپ قيىن ماسەلەلەر شەشىمىن تاۋىپ، وتباسىلاردىڭ تۇرمىسى كۇن سايىن جاقسارا ءتۇستى. كوپشىلىكتىڭ باقىتتى ءومىرىن كورىپ، قانشا جاپا شەكسەك تە رازىمىز. الداعى جەردە بۇقارالىق قىزمەتتى ءتىپتى قۇلشىنا ىستەپ، ءار ۇلت بۇقاراسىنىڭ ويلاعاندارىن، ارمان - تىلەكتەرىن قاشاندا كوڭىل تورىنە قويىپ، ءار ۇلت بۇقاراسىن ماڭگى پارتياعا ىلەسۋگە باستاۋىمىز كەرەك.
  «ساۋىق كەشتە پارتيا مەن مەملەكەتتىڭ قامقورلىعى مەن قولداۋى كورسەتىلدى، شينجياڭدا جالىنداعان جاڭا لەپ كورگەن ادامنىڭ جانىن جەلپىنتەدى». اۆتونوميالى رايوندىق «قوس ءتىل» وقىتۋ قىزمەتىنە باسشىلىق ەتۋ گرۋپپاسى كەڭسەسىنىڭ ورىنباسار مەڭگەرۋشىسى گۇلزار سادىر: ءبىز بۇكىل رايونىمىزدىڭ اۋىل - قىستاقتارىندا مەكتەپكە دەيىنگى 3 جىلدىق «قوس ءتىلدى» تەگىن تاربيەمەن قامتۋدى ىسكە اسىرۋ نەگىزىندە، «5 توعىستىرۋدى» كۇش سالا مىقتى يگەرىپ، مەملەكەتتە ءبىر تۇتاس قولدانىلاتىن ءتىل - جازۋمەن ساباق ءوتۋدى ساتىلار بويىنشا ىلگەرىلەتىپ، 2020 - جىلعا دەيىن از ۇلت وقۋشىلارىنىڭ مەملەكەتتە ءبىر تۇتاس قولدانىلاتىن ءتىل - جازۋدى نەگىزىنەن يگەرۋى مەن قولدانۋىنا شىنايى كەپىلدىك ەتىپ، «قوس ءتىل» تاربيەسىنىڭ شينجياڭنىڭ وقۋ - اعارتۋىنىڭ دامۋىنداعى نەگىز قالاۋ ينجەنەرياسىنا اينالۋىنا مۇمكىندىك جاسايمىز، - دەدى.
  ءۇرىمجى قالالىق 13 - باستاۋىش مەكتەپتىڭ زەينەتتەگى وقىتۋشىسى دۋ سۋجۋان ساۋىق كەشتى كورگەن سوڭ تەبىرەنە: كونسەرت كەرەمەت ەكەن، شينجياڭداعى ءار ۇلت حالقىنىڭ پارتياعا دەگەن العىستى سەزىمىن، 19 - قۇرىلتايدى اسىعا كۇتكەن تىلەگىن، كوركەم بولاشاققا دەگەن كامىل سەنىمىن وتە ءدال بەينەلەپتى، - دەدى.
  تۇرپان قالاسى يدىقۇت رايونى سىڭگىم اۋىلى قەستۇر قىستاعىنىڭ تۇرعىنى ءسامي احىمەت: پارتيانىڭ 18 - قۇرىلتايىنان بەرى، وتە - موتە، ج ك پ اۆتونوميالى رايوندىق 9 - قۇرىلتايىنان بەرى، اۋىل - قىستاق ومىرىندە زور وزگەرىس جارىققا شىقتى، قىستاقتاردىڭ بارىنە اسفالت جول تارتىلدى، بارلىق ءۇيدىڭ ەسىك الدىنا دەيىن جول شىراعى جەتكىزىلدى، حالىق بارعان سايىن اۋقاتتانا ءتۇستى، - دەدى.

  ءۇرىمجى قالالىق ورتا حالىق سوتى مەكەمەسى ساياسي ءبولىمىنىڭ ورىنباسار مەڭگەرۋشىسى جاڭ جۇن بىلاي دەدى: ساۋىق كەشتە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تيانشاننىڭ تۇستىگى مەن تەرىستىگىندە تياناقتاندىرىلىپ جەمىس بەرگەنى كورسەتىلگەن، كومەديا بولسىن، الدە ءان - بيلەر بولسىن، بارلىعىندا پارتيانىڭ 18 - قۇرىلتايىنان، وتە - موتە، ج ك پ اۆتونوميالى رايوندىق 9 - قۇرىلتايىنان بەرى حالىققا تيىمدىلىك جەتكىزۋ ساياساتتارى شينجياڭداعى ءار ۇلت حالقىنىڭ ومىرىنە اكەلگەن جاڭا وزگەرىستەر، جاڭا اسەرلەر ايگىلەنگەن. اسقاق تا اسەرلى ءان - بيلەر شينجياڭداعى ءار ۇلت ۇلاندارىنىڭ ارىنداي العا ۇمتىلعان كەلبەتىن ايگىلەپ، ۇلى وتانعا دەگەن القاۋى مەن ماحابباتىن جەتكىزدى.
  اقسۋ قالاسى حۇڭچيپو اۋماعىن باسقارۋ كوميتەتى كوكيار الەۋمەتتىك اۋماعى پارتيا ياچەيكاسىنىڭ شۋجيى تاڭ يانيان بىلاي دەدى: ءبىز الەۋمەتتىك اۋماق كادرلارى مەن تۇرعىنداردان 200 نەشە ادامدى ۇيىمداستىرىپ ساۋىق كەشتى كورسەتتىك، «بەيجيڭدىك شەشە» اتتى اڭگىمە − شينجياڭعا كومەككە كەلگەن كادرلاردىڭ ۇلتتار ىنتىماعىنا قاتىستى تيپتىك حيكايا. ءبىزدىڭ الەۋمەتتىك اۋماقتىڭ مادەنيەت زالىن 2015 - جىلى جىجياڭنىڭ حاڭجوۋ قالاسى كومەكتەسىپ سالىپ بەرگەن، بۇگىندە الەۋمەتتىك اۋماقتىڭ مادەنيەت زالىندا ۇلتتار ىنتىماعى جاعىنداعى كوپتەگەن اسەرلى اڭگىمەلەر جارىققا شىعىپ، ءار ۇلت تۇرعىندارى ىنتىماعىنىڭ دانەكەرى مەن كوپىرىنە اينالدى.   «جۇرەك ءسوزىمدى باس شۋجي شي جينپيڭگە ايتامىن اتتى ءان بۇكىل شينجياڭداعى ءار ۇلت ۇلاندارىنىڭ جۇرەك ءۇنىن جەتكىزىپتى. بۇگىندە حالىققا تيىمدىلىك جاساۋ ساياساتتارى شينجياڭداعى ءار ۇلت حالقىنىڭ ومىرىنە جاڭا وزگەرىستەر اكەلدى. اعا بۋىن رەتىندە، ۇرپاقتاردى جاقسى تاربيەلەپ، ولارعا قازىرگى جارقىن ءومىردى قاستەرلەۋدى، پارتياعا، مەملەكەتكە قاشاندا العىستى سەزىمدە بولۋدى ۇقتىرۋ جاۋاپكەرشىلىگىمىز بار»، - دەدى ءۇرىمجى قالاسىنىڭ تۇرعىنى گۇلباھار سىدىق.
  15 - قازان كەشتە وتباسىنداعىلارمەن بىرگە ساۋىق كەشتى كورگەن سوڭ، بۋرىلتوعاي اۋداندىق پارتكوم پارتيا مەكتەبىنىڭ اعا لەكتورى قۋانبەك زەينەلقان ۇلىنىڭ تولقىعان كوڭىلى ءبىر تالايعا دەيىن باسىلمادى، ول: تۇتاس ساۋىق كەشتەن مەن وتانىمىزدىڭ گۇلدەنىپ - كوركەيگەنىن، شينجياڭنىڭ قوعام ورنىقتىلىعى − بۇكىل شينجياڭداعى ءار ۇلت حالقىنىڭ باقىتتى تۇرمىسىنىڭ كەپىلى ەكەنىن ءتىپتى دە تەرەڭ سەزىندىم. وقىتۋشى رەتىندە، مەن مىندەتتى تۇردە بۇكىل رايونىمىز قوعامىنىڭ جاراسىمدى دا ورنىقتى بولۋى ءۇشىن ءبىر كىسىلىك ۇلەس قوسىپ، پارتيا 19 - قۇرىلتايىنىڭ جەڭىسپەن اشىلۋىن كوكىرەك كەرنەگەن ىستىق ىقىلاسپەن قارسى الامىن. مەن پارتيانىڭ پارمەندى باسشىلىعىندا وتانىمىزدىڭ بۇدان دا كوركەيىپ - گۇلدەنە بەرەتىنىنە، شينجياڭنىڭ بولاشاعى ءتىپتى دە نۇرلى بولاتىنىنا كامىل سەنەمىن، - دەدى.
  شاعانتوعاي اۋدانى قارابۋرا قالاشىعى مادەنيەت كوشەسى الەۋمەتتىك اۋماعىنىڭ تۇرعىنى ارۋنا وتباسىمەن بىرگە «پارتيانىڭ شۇلەن شۇعىلاسى تيانشاندى نۇرلاندىردى» اتتى ساۋىق كەشتى كورىپ، تارتىمدى نومىرلەرگە ايرىقشا قىزىقتى. ارۋنا: اسىرەسە، «جاڭا جىبەك جولىندا جاڭا ءان شىرقايمىز» دەگەن ءان ءبىزدىڭ قالا، اۋىلداعى نەگىزدىك قۇرىلعىلار، ەكولوگيالىق وركەنيەت سياقتى جاقتارداعى دامۋ مەن وزگەرىستەردى كورسەتىپ، ءان اۋەنى ارقىلى شينجياڭنىڭ ۇشقان قۇستاي دامىعانىن سەزىندىردى، وتباسىمىزداعىلار تۇگەلدەي ەرىكسىز شاپالاق سوقتىق. مەن ءبىزدىڭ شينجياڭنىڭ بارعان سايىن كورىكتى بولا ءتۇسۋىن، وتانىمىزدىڭ ونان ارى گۇلدەنىپ، قۇدىرەتتەنە ءتۇسۋىن تىلەيمىن، - دەدى.
  ءپىشان اۋدانى پىچان اۋىلى قورعان قىستاعىنىڭ تۇرعىنى ءابيبول حوجامىدىن تەبىرەنە بىلاي دەدى: 5 جىلدان بەرى، شينجياڭنىڭ كەسەك تابىستارى پارتيانىڭ پارمەندى باسشىلىعىنىڭ ارقاسىندا قولعا كەلگەن، مەن ماڭگى پارتيانىڭ شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىن.
  اراسان اۋدانى اڭگىرلىك قالاشىعى بوگدۇر قىستاعىنىڭ تۇرعىنى بايىنجاپتىڭ شارۋالار شاتتىعى ساياجايىنىڭ ساۋداسى 2 جىلدان بەرى جاقسى ءجۇرىپ جاتىر. ول بىلاي دەدى: پارتيانىڭ ساياساتى جاقسى، ءبىز يگىلىكتەنىپ وتىرعان حالىققا ءتيىمدى ساياساتتار ءتىپتى ساناپ تاۋىسقىسىز، بۇدان كەيىنگى كۇندەرىمىزدىڭ ونان ارى جاقسارا تۇسەتىنىنە سەنەمىن.
  جىڭ اۋدانى تاقيا قالاشىعى كوكقاشا قىستاعىنىڭ ءبىرىنشى شۋجيى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ باستىعى، بۇراتالا موڭعۇل اۆتونوميالى وبلىستىق ۇلت، ءدىن ىستەرى كوميتەتىنىڭ ورىنباسار مەڭگەرۋشىسى داۋاجاپتىڭ ايتۋىنشا، «ۇعىسۋ، تيىمدىلىك جاساۋ، توعىستىرۋ» قىزمەتىنىڭ بار - ىنتا - پەيىلمەن حالىق قامىن ويلايتىنىن بەينەلەگەن «مەن ءبىرىنشى شۋجيمىن» اتتى كومەديا ونىڭ جان دۇنيەسىن قاتتى تەبىرەنتكەن. ول بىلاي دەدى: قىزمەت اترەتىن باستاپ، بۇقارالىق كوزقاراستى بەرىك ورناتىپ، قىستاق تۇرعىندارىنىڭ الاڭسىز تىرشىلىك ەتۋىنە قاتىستى ناقتى ماسەلەلەردى كىرىسۋ ءتۇيىنى ەتىپ، قىزمەتتى ءار ۇلت بۇقاراسىنىڭ كوڭىلىنەن شىعاتىنداي ىستەپ، بۇقارانىڭ القاۋىمەن پارتيا 19 - قۇرىلتايىنىڭ جەڭىسپەن اشىلۋىنا سي ۇسىنامىن.
  (تىلشىلەرىمىز جاۋ چۇنحۋا، مايگۇل ايتقازى قىزى، ياڭ شۋحان، ميھىرگۇل ناسىر، ريزا زەينەلقان قىزى، جاۋ شييا، گاۋا، تۇرپان تىلشىلەر پۋنكتىنەن دۇڭ شىڭشياڭ، شياۋ جيانجىن، ەرىكتى تىلشىلەر يە چياۋ، جاڭ حۇڭ، دۇڭ چىڭجۇڭ، لي ليڭ، گو يۇڭميڭ، سۇن تايباۋ)

ءان الەمى

جول توسىلىپ قالدى

تۇلپارىم