جاڭا حابارلار

باۋىرمال اقىن اۋدان قالاشىعىنان تۋىس تاپتى

    كەلۋ قاينارى: شينجياڭ گازەتى    2017-10-17 20:37:30  

ەرىكتى ءتىلشىمىز يە سۇي

 3 - قازاندا باركول قازاق اۆتونوميالى اۋدانى باركول قالاشىعى جاڭا قالا جولى الەۋمەتتىك اۋماعىنىڭ 64 جاستاعى تۇرعىنى سۇڭ يۇيميڭ تۋىسى اقىن قۇرلىقان ۇلىن تىلگە العاندا، باس بارماعىن كوتەرە: وسىنداي جاقسى تۋىسقا كەزىگەمىن دەپ ويلاپ كورمەپپىن، ءبىر از ۇلت ازاماتىنىڭ مەنى ىرىقتىلىقپەن ىزدەپ كەلىپ، تۋىس بولىپ، كومەكتەسكەنىنە قاباعات قۋانىپ قالدىم، - دەدى. سۇڭ يۇيميڭنىڭ ءوزى جايلى ايتقانىن ەستىگەن اقىننىڭ جۇزىنەن ماقتانىش لەبى ەستى.
  بىلتىر جىل سوڭىندا، باركول قازاق اۆتونوميالى اۋدانى شالوبا اۋىلى شالوبا قىستاعىنىڭ تۇرعىنى اقىن تەلەۆيزوردان، راديودان بۇكىل شينجياڭ كولەمىندە «ۇلتتار ىنتىماعىنىڭ بەرەكەلى شاڭىراعى» بويىنشا جۇپ قۇراپ، تۋىس بولۋ قيمىلى ورىستەتىلىپ، پارتيالى كادرلار مەن بۇقارانىڭ ءوزارا تۋىس بولىپ جاتقانىن بىلەدى. تۋىستاردىڭ ءوزارا بارىس - كەلىس جاساعان دۋماندى كورىنىسى ونى قاتتى قىزىقتىرادى. 2017 - جىلى 20 قاڭتاردا اقىن شالوبا اۋىلدىق حالىق ۇكىمەتتىڭ كادرىن ىرىقتىلىقپەن ىزدەپ بارىپ، ءوزىنىڭ ارمانىن ايتادى.
  اۋىلدىق كادرى «جايشىلىقتا ءبىز پارتيالى كادرلار از ۇلت بۇقاراسىمەن جۇپ قۇراپ، تۋىس بولاتىنبىز، قىستاقتاعى از ۇلت تۇرعىنى جۇپ قۇراپ، تۋىس بولۋدى ىرىقتىلىقپەن تالاپ ەتەدى دەپ ويلاپ كورمەپپىز»، - دەدى اقىننىڭ قويعان تالابىنا تاڭعالىسىن جاسىرا الماي.
  اۋىلدىق كادرلارىنىڭ كومەگىندە، 3 كۇننەن كەيىن اقىن اۋدان قالاشىعىنىڭ تۇرعىنى سۇڭ يۇيميڭمەن جۇپ قۇراپ، تۋىس بولادى. ءوزىنىڭ قاڭتاردىڭ 23 - كۇنى تاڭ بوزىنان اۆتوكولىككە وتىرىپ، 128 شاقىرىم شالعايداعى اۋدان قالاشىعىنا كەلىپ تۋىسىن ىزدەگەنى ايقىننىڭ ءالى ەسىندە ەكەن. ساپار الىس بولسا دا، اقىننىڭ تۋىسىمدى كورسەم دەگەن ىنتالى كوڭىلىن مۇقالتا المايدى. اقىن باركول قالاشىعى جاڭا قالا جولى الەۋمەتتىك اۋماعى پارتيا ياچەيكاسىنىڭ شۋجيى حاۋ يۇيرۇڭنىڭ سەرىك بولۋىندا سۇڭ يۇيميڭنىڭ وتباسىنا كەلەدى. اقىن ەسىكتەن كىرە سالا سۇڭ يۇيميڭنىڭ قولىن قىسىپ تۇرىپ: اقىرى مەنىڭ دە حانزۋ تۋىسىم بولدى، - دەيدى. اقىننىڭ وسىنشاما ىستىق ىقىلاسىن كورگەن سۇڭ يۇيميڭ دە قۋانعانىنان كۇلىپ جىبەرەدى. اڭگىمە بارىسىندا، اقىن سۇڭ يۇيميڭنىڭ ساقا پارتيا مۇشەسى ەكەنىن، بالالارىنىڭ سىرتتا قىزمەت ىستەيتىنىن، ۇيىندە ايەلىمەن بىرگە تۇرمىس كەشىرەتىنىن، وتباسىنىڭ ەكونوميكالىق جاعدايى ايتارلىقتاي جاقسى بولماسا دا، قيىنشىلىعى بار وقۋشىلارعا جىل سايىن قارجىلاي كومەك بەرىپ كەلە جاتقانىن بىلەدى. ول كىسىنىڭ بۇل ارەكەتى اقىندى قاتتى اسەرلەندىرەدى، ول دەرەۋ جان قالتاسىنان 500 يۋان الىپ شىعىپ سۇڭ يۇيميڭنىڭ قولىنا ۇستاتادى.
  اقىن: مەن دە باسقالارعا كومەكتەسۋدى قۋانىش سانايمىن، باسقالاردىڭ قيىنشىلىقتا قالعانىن كورگەندە، كومەكتەسپەۋگە ءداتىم شىدامايدى. سۇڭ اعام ەكەۋىمىزدىڭ ۇقساستىقتارىمىز وتە كوپ ەكەن، - دەيدى. العاش رەت كەزىگىپ تۇرسا دا، ول ەكەۋى ارقا - جارقا اڭگىمەلەسىپ كەتەدى.
  اقىن قالاداعى تۋىسىن ۇدايى ەسىنە الىپ تۇرادى. ءساتى ءتۇسىپ قالاعا بارسا بولدى، سۇي يۇيميڭنىڭ وتباسىنا سوقپاي كەتپەيدى. بيىل اقىن ءماريام اتتى قىزىن ۇزاتاردا سۇڭ يۇيميڭ وتباسىن تويعا ارنايى شاقىرادى.   اقىن قاجىرلى، ەڭبەكشىل، ول اۋىلدىق پارتكومنىڭ قولداپ - قۋاتتاۋىندا ەرەكشە تۇيە باعىمشىلىق سەلبەستىك كووپەراتيۆىن قۇرىپ، ءوز تۇرمىسىن جاقسارتۋمەن بىرگە، قىستاقتاعى 160 مالشىنى دا بىرگە اۋقاتتانۋعا جەتەلەدى. بۇل كۇندەرى سەلبەستىك كووپەراتيۆىنىڭ ساۋداسى كۇننەن - كۇنگە كۇسەت بولىپ، كوپشىلىكتىڭ تۇرمىسى دا بارعان سايىن جاقسارا باستادى.
  كىشكەنتايىنان تارتىپ شالوبا قىستاعىندا ەرجەتكەن ۇقىپتى دە زەرەك اقىن كۇندەر وتە كەلە كىمنىڭ وتباسىنداعى قارت ناۋقاستانىپ قالعانىن، قايسى وتباسىنداعى بالانىڭ وقۋعا اقشاسى جەتپەي جاتقانىن، كىمنىڭ ۇيىندە ۇن جوقتىعىن اۋىلداستارىنىڭ جاي اڭگىمەسىنەن - اق ءبىلىپ الاتىن بولدى.
  قىستاقتاعى ا xxتىڭ كۇيەۋىنىڭ قايتىس بولىپ، ەكى جاس بالانى ارەڭ اسىراپ جاتقانىن، تۇرمىسىنىڭ قيىن ەكەنىن بىلگەن اقىن ايەلىمەن اقىلداسىپ، ا xxكە ءبىر تۇيە بەرىپ، ونىڭ قيىنشىلىق قىسپاعىنان وتۋىنە كومەكتەسەدى. كورشىسى اي xxتىڭ ايەلى مەن بالاسى اۋىرىپ، جان - جاقتان قارىز ىزدەسە دە تابا الماي قينالعاندا، اقىن وعان 5000 يۋان قارىز اقشا بەرەدى.
  اقىننىڭ باسقالارعا وسىلايشا قالبىراقتاپ كومەكتەسىپ جاتاتىنىن كەيبىرەۋلەر تۇسىنبەي دە قالادى. اڭگىمە بارىسىندا، اۆتور اقىننىڭ شەشەسىنىڭ بالا كەزىندە ناعاشى اتاسى مەن ناعاشى اپاسى ىركەس - تىركەس قايتىس بولىپ، 4 جاسىندا جەتىم قالعانىن، ول زامانداعى ادامداردىڭ تۇرمىسى دەرلىكتەي جاقسى بولماسا دا، شەشەسىنىڭ قىستاقتاعىلاردىڭ كومەگىندە ىشەر اس، كيەر كيىمنەن تارىقپاعانىن، شەشەسى كوزى تىرىسىندە وعان يگى ىستەردى كوبىرەك ىستەۋدى، باسقالارعا كومەكتەسىپ جاقسىلىق ىستەۋدى ۇنەمى تاپسىرىپ وتىراتىنىن ءبىلدى. اقىننىڭ كوڭىلىندە ونىڭ ىستەپ وتىرعان ىزگى ىستەرى قىستاقتاعىلاردىڭ كەزىندە شەشەسىنە قارايلاسقان قامقورلىعىنا جاۋاپ قايتارۋ ەكەن.


بەرىپ كەت ورامالىڭدى

دوستار

الىستاعى اق ەركە