جاڭا حابارلار

ەمدەۋ جاعىندا حالىققا تيىمدىلىك جەتكىزۋ «سالامات شينجياڭ» قۇرىلىسىن ىلگەرلەتتى

    كەلۋ قاينارى: شينجياڭ حالىق راديو ىستانسياسى    2017-10-18 18:56:35  

ستانسيامىزدىڭ تىلشىلەرى لان تيان، ديڭ شياۋدان، ەرىكتى تىلشىلەر ما جينجيڭ، جاڭ جيڭشۇيلەردىڭ حابارىن تىڭداڭىزدار: پارتيا 18-قۇرىلتايىنان، وتە-موتە ج ك پ اۆتونوميالى رايوندىق 9-قۇرىلتايىنان بەرى، اۆتونوميالى رايوندىق پارتكوم ەمدەۋ جاعىندا حالىققا تيىمدىلىك جەتكىزۋدى ماڭىزدى حالىق تۇرمىسى ينجەنەرياسى جانە حالىق تىلەگى ينجەنەرياسى ەتۋدەن جازباي، ەمدەۋ دەنساۋلىق ساقتاۋ جاعىنداعى ۇسىنىلىمدى ۇزدىكسىز ارتتىرىپ، «سالامات شينجياڭ» قۇرىلىسىن ىلگەرلەتىپ، ءار ۇلت بۇقاراسىنىڭ دەنساۋلىعىن قورعادى.
تۇستەن بۇرىن ساعات 10:00 دا، ءتىلشى ءۇرىمجى قالاسى جوعارى، جاڭا تەحنيكا رايونى (جاڭا قالا رايونى) ىرگۇڭ ءمالى باسقارماسى الەۋمەتتىك اۋماعى دەنساۋلىق ساقتاۋ قىزمەت وتەۋ ورتالىعىنىڭ وتباسى شيپاگەرلەر اترەتىنە ىلەسىپ، چاڭچيڭ الەۋمەتتىك اۋماعىنداعى تۇرعىن ۋ پيڭنىڭ ۇيىنە بارىپ، ونىڭ دەنساۋلىق جاعدايىن تەكسەردى. بيىل جاسى 70 كە كەلگەن ۋ پيڭ جوعارى قان قىسىمى، ديابەت اۋرۋىنا شالدىققان، وتباسى شيپاگەرىنىڭ قارايلاسۋىندا، قازىر قارتتىڭ قان قىسىمى نەداۋىر جاقسى مەڭگەرىلىپتى. ۋ پيڭ: «بۇرىن وتباسى شيپاگەرىنىڭ ۇيگە كەلۋىن تەلەۆيزوردان كورۋشى ەدىك، قازىر وتباسى شيپاگەرى ءبىزدىڭ ۇيگە دە جەتتى. ۇنەمى ۇيگە كەلىپ، قان قسىمى مەن قانداعى قانت قۇرامىن تەكسەرىپ تۇرادى، بىزگە كوڭىل بولۋگە ءتيىستى ىستەردى، ازىقتانۋ جانە ماي، تۇز قۇرامى تومەن ازىقتاردى تۇتىنۋدى ايتادى»،-دەدى.
قازىر وتباسى شيپاگەرىنىڭ توقتامداسىپ قىزمەت وتەۋ قىزمەتى تيانشاننىڭ تۇستىگى مەن تەرىستىگىندە قاۋرىت ورىستەتىلىپ، بۇقارانىڭ ەمدەلۋى قيىن بولۋ ماسەلەسىن ءونىمدى شەشتى. سونىمەن بىرگە، ءدارى- دارمەككە ۇستەمەلەي اقى قوسۋدى كۇشىنەن قالدىرۋ «ەمدەلۋدىڭ قىمبات بولۋ» ماسەلەسىن شەشۋدىڭ نەگىزىن قالادى. ىلە وبلىستىق دوستىق شيپاحاناسىندا 65 جاستاعى قارت جاڭ شۋشيان شيپاگەر جەتەكشىسىنىڭ كومەگىندە قاتارعا ءتىزىلىپ ءدارى الىپ جاتىپتى، ول: «ءدارى تىزىمدىگى كۇندەلىكتى تاراتىلىپ تۇرادى»،-دەدى.
جاڭ شۋشيان، جۇرەك اۋرۋى، جوعارى قان قسىمى اۋرۋىنا شالدىققاندىقتان، شيپاحانانىڭ تۇراقتى ناۋقاسىنا اينالعانىن، اي سايىن ءدارى-دارمەكتىڭ وزىنە كوپ اقشا جۇمسايتىنىن، الايدا ءدارى-دارمەككە ۇستەمەلەي قوسىلاتىن اقى كۇشىنەن قالدىرعاننان كەيىن، ءدارى-دارمەك اقىسىنىڭ ازايعانىن ايتىپ: «ادەتتە بۋچاڭناۋشينتۇڭ، ينشيڭيە سياقتى ءدارى-دارمەكتەردى ىشەمىن، بۇرىن ىشكەن قان قىسىمىن تۇسىرەتىن ءدارىنىڭ ءبىر تالى 4 يۋاننان اساتىن ەدى، قازىر ارزاندادى. بۇقارا جونىنەن اقشانى از جۇمساپ، اۋرۋىن جاقسى تەكسەرتكەنى ابزال. قازىر مەملەكەتتىڭ ساياساتى بارعان سايىن جاقسارۋدا. 19-قۇرىلتايدىڭ اشىلۋىنا ءبىز توتەنشە قۋاندىق، ءار قايسى جاقتىڭ بارعان سايىن جاقسارۋىن ءۇمىت ەتەمىز»،-دەدى.
ەمدەۋ جاعىنداعى حالىققا تيىمدىلىك جەتكىزەتىن كوپتەگەن ساياساتتارىنىڭ ۇزدىكسىز ىشكەرلەي اتقارىلۋىنان ءار ۇلت بۇقاراسىنىڭ دەنساۋلىق تانىمى دا ۇزدىكسىز ارتتى.
17-قازان تۇستەن بۇرىن، قاراقاش اۋدانى ۇرچى دەنساۋلىق ساقتاۋ ورنىنان ءتىلشى، ەكىنشى كەزەكتى جالپى حالىقتىق دەنساۋلىق تەكسەرۋ قىزمەتىنىڭ قايتالاي تەكسەرۋ قىزمەتى شۇعىل ىستەلىپ جاتقانىن كوردى. قىستاق تۇرعىنى احىمەت جاپپار B تيپتەگى اسىرە دىبىس تولقىنى تەكسەرۋىنە تۇسپەكشى، احمەت جاپپار: «بيىل دەنساۋلىق تەكسەرۋىندە وتىمدە تاس بارلىعى انىقتالدى، قايتالاي تەكسەرگەننەن كەيىن شيپاگەر ماعان اۋرۋحاناعا جاتىپ وپەراتسيا جاساتۋدى ۇسىنىس ەتتى، ءارى ماعان كۇندەلىكتى ازىقتانۋ مەن تۇرمىستىق ادەت سياقتى دەنساۋلىق ساقتاۋ بىلىمدەرىن ءتۇسىندىردى. پارتيا مەن ۇكىمەتتىڭ حالىققا ءتيىمدى ساياساتتارىنا العىس ايتامىن، سونىڭ ارقاسىندا اۋرۋىم ەرتە بايقالدى. 19-قۇرىلتاي بۇگىننەن باستاپ اشىلادى. مەن جاڭا ساياساتتاردى تولىق ءبىلىپ، توڭىرەكتەگى تۋىس-تۋعان، دوس-جاراندارىما ۇگىتتەيمىن، پارتيا 19-قۇرىلتايىنىڭ تابىسپەن اشىلۋىن تىلەيمىن»،-دەدى.


بەرىپ كەت ورامالىڭدى

دوستار

الىستاعى اق ەركە