باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پارتيا 19 - قۇرىلتايىنىڭ دايىندىق ءماجىلىسى جانە ءتوراعالار القاسىنىڭ 1 - جيىنى وتكىزىلدى

    كەلۋ قاينارى: شينجياڭ گازەتى    2017-10-18 20:10:03  

شي جينپيڭ جولداس دايىندىق ءماجىلىستى باسقاردى، ۋاكىلدەردىڭ تولىمدىلىعىن تەكسەرۋ كوميسسياسىنداعىلار، قۇرىلتايدىڭ ءتوراعالار القاسىنداعىلار جانە قۇرىلتايدىڭ كەڭەس ءتارتىبى سياقتىلار ماقۇلداندى    

        شي جينپيڭ جولداس ءتوراعالار القاسىنىڭ جيىنىنا قاتىناستى ءارى ماڭىزدى ءسوز سويلەدى، جيىندا ءتوراعالار القاسى تۇراقتى كوميتەتىنىڭ قۇرامىنداعىلار، ۋاكىلدەردىڭ تولىمدىلىعىن تەكسەرۋ بايانداماسى جانە قۇرىلتايدىڭ كۇن ءتارتىبى سياقتىلار ماقۇلداندى

جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ ءتوراعالار القاسى 17 - قازاندا بەيجيڭدەگى حالىق سارايىندا 1 - جيىنىن وتكىزدى.شي جينپيڭ جولداس جيىنعا قاتىناستى ءارى ماڭىزدى ءسوز سويلەدى (شينحۋا اگەنتتىگى)

شينحۋا اگەنتتىگىنىڭ 17 - قازاندا بەيجيڭنەن بەرگەن حابارى. جۇڭگو كوممۋنيستىك پارتياسى مەملەكەتتىك 19 - قۇرىلتايى 17 - قازان كۇنى تۇستەن كەيىن حالىق سارايىندا دايىندىق ءماجىلىسىن وتكىزدى.
  شي جينپيڭ جولداس ءماجىلىستى باسقاردى.
  پارتيانىڭ 19 - قۇرىلتايىنا قاتىناسۋعا ءتيىستى ۋاكىل، ۇسىنىس ەتىلگەن ۋاكىل 2354.
  دايىندىق ماجىلىسىنە قاتىناسقان ۋاكىل، ۇسىنىس ەتىلگەن ۋاكىل 2307.
  ءماجىلىس قول كوتەرىپ داۋىسقا سالۋ تاسىلىمەن، 22 ادامنان قۇرالعان ۋاكىلدەردىڭ تولىمدىلىعىن تەكسەرۋ كوميسسياسىنداعىلاردى، 243 ادامنان قۇرالعان قۇرىلتاي ءتوراعالار القاسىنداعىلاردى، ليۋ يۇنشاننىڭ قۇرىلتايدىڭ باس حاتشىسى بولۋىن ماقۇلدادى. ءماجىلىس تاعى قۇرىلتاي حاتشىلار باسقارماسىنىڭ قۇرىلىمى مەن قىزمەت مىندەتىن ماقۇلدادى.
  ءماجىلىس 19 - قۇرىلتايدىڭ كەڭەس ءتارتىبىن دە ماقۇلدادى. قۇرىلتايدىڭ كەڭەس ءتارتىبى: پارتيا 18 - كەزەكتى ورتالىق كوميتەتىنىڭ بايانداماسىن تىڭداۋ جانە قاراۋ؛ پارتيا 18 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسىن قاراۋ؛ «جۇڭگو كوممۋنيستىك پارتياسىنىڭ ۋستاۆىن (وزگەرىس ەنگىزىلگەن نۇسقا)» قاراپ ماقۇلداۋ؛ پارتيا 19 - كەزەكتى ورتالىق كوميتەتىن سايلاۋ، پارتيا 19 - كەزەكتى ورتالىق ءتارتىپ تەكسەرۋ كوميتەتىن سايلاۋ.
  شينحۋا اگەنتتىگىنىڭ 17 - قازاندا بەيجيڭنەن بەرگەن حابارى. جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ ءتوراعالار القاسى 17 - قازان كۇنى تۇستەن كەيىن حالىق سارايىندا 1 - جيىنىن وتكىزدى.   شي جينپيڭ جولداس جيىنعا قاتىناستى ءارى ماڭىزدى ءسوز سويلەدى.
  جيىن، الدىمەن، قۇرىلتايدىڭ باس حاتشىسى ليۋ يۇنشاننىڭ باسقارۋىندا، قول كوتەرىپ داۋىس بەرۋ جولىمەن، شي جينپيڭ جولداس قاتارلى 42 ادامنان قۇرالعان ءتوراعالار القاسىنىڭ تۇراقتى كوميتەتىنىڭ قۇرامىنداعىلاردى ماقۇلدادى.
  ونان سوڭ جيىن شي جينپيڭ جولداستىڭ باسقارۋىندا ءتۇرلى كەڭەس تارتىپتەرىن جۇرگىزدى. جيىن قول كوتەرىپ داۋىسقا سالۋ جولىمەن ليۋ چيباۋدىڭ، مىڭ جيانجۋدىڭ، جاۋ لىجيدىڭ، لي جانشۋدىڭ قۇرىلتايدىڭ ورىنباسار باس حاتشىسى بولۋىن ماقۇلدادى.
  جيىن جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ ۋاكىلدەردىڭ تولىمدىلىعىن تەكسەرۋ كوميسسياسىنىڭ ۋاكىلدەردىڭ تولىمدىلىعىن تەكسەرۋ جونىندەگى بايانداماسىن ماقۇلدادى.
  باياندامادا بىلاي دەلىنگەن: بۇكىل ەلىمىزدەگى سايلاۋ ورىندارى سايلاعان جانە ورتالىقتىڭ بەكىتۋىمەن جاريالانعان ۋاكىل 2287. تەكسەرۋ ارقىلى 2280 ۋاكىلدىڭ تولىمدىلىعى كۇشكە يە ەكەندىگى تۇراقتاندى. قۇرىلتايعا قاتىناسۋعا ءتيىستى ۋاكىل 2280.
  باياندامادا بىلاي دەلىنگەن: شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا 19 - قۇرىلتايىنىڭ ۋاكىلدەرىن سايلاۋ قىزمەتىنە وسكەلەڭ ءمان بەردى. بىلتىر قاراشا ايىنان باستاپ، پارتيا ورتالىق كوميتەتىنىڭ دۇرىس باسشىلىعىندا، سايلاۋ ورىندارى پارتيا ۋستاۆىنا قاتاڭ بويسۇنىپ، پارتيانىڭ سيپاتىنا تاباندى بولىپ، پارتيانىڭ باسشىلىعىن كۇشەيتىپ، ساياسي ولشەم مەن العاباسارلىقتى كورنەكتىلەندىرىپ، ۋاكىلدەردىڭ قۇرىلىمىن جاقسارتۋعا ءمان بەرىپ، ۋاكىلدەردى سايلاپ شىعۋ ءتارتىبىن ارناعا ءتۇسىرىپ، پارتيا ىشىندەگى دەموكراتيانى تولىق ساۋلەلەندىرىپ، تەكسەرۋدى، مەڭگەرۋدى قاتايتىپ، سايلاۋ ءتارتىبىن قاتاڭداستىرىپ، ۋاكىلدەردى سايلاۋ قىزمەتتەرىن تىڭعىلىقتى ىستەدى.
  باياندامادا بىلاي دەلىنگەن: ۋاكىلدەردى سايلاپ شىعۋ بارىسىندا، بۇكىل ەلدەگى نەگىزگى ساتى پارتيا ۇيىمدارى سايلاۋعا نەگىزىنەن تۇگەلدەي قاتىناستى، پارتيا مۇشەلەرىنىڭ قاتىناسۋ سالىستىرماسى %99.2كە جەتتى. سايلاۋ ورىندارى تومەننەن جوعارىعا كورسەتۋ، جوعارى مەن تومەن ۇشتاسۋ، قايتا - قايتا اقىلداسۋ، دارەجەلەر بويىنشا سارالاۋ تاسىلىنە تاباندى بولىپ، نەگىزگى ساتى پارتيا ۇيىمدارىنىڭ، پارتيا ۋاكىلدەرىنىڭ جانە قالىڭ پارتيا مۇشەلەرىنىڭ پىكىرىن تولىق تىڭدادى؛ ساياسي ولشەمدى ماڭداي الدى ورىنعا قويۋدان جازباي، ۋاكىلدەردىڭ ساياسي وتكەلىن مىقتى يگەردى؛ «4 ءسوز جوق» تالابىن قاتاڭ تياناقتاندىرىپ، بارلىق تەكسەرىلەتىن وبيەكتىلەردىڭ ارحيۆ ماتەريالدارىن مۇقيات تەكسەرىپ، پارتيا ستيلى، پاكتىك جاعدايى جونىندە ءتارتىپ تەكسەرۋ ورگاندارىنان پىكىر الدى، حات ارقىلى، ارىزدانۋ ارقىلى اڭىس ەتىلگەن دەرەكتەردىڭ ناقتىلارىن تۇگەلدەي مۇقيات تەكسەرىپ انىقتادى. كانديداتتاردىڭ اراسىنداعى پارتيالى باسشى كادرلاردىڭ جەكە باسىنا قاتىستى ىستەردى تەكسەردى. پىكىر الۋ جانە تەكسەرىپ انىقتاۋ جاعدايىنا ساي، ۋاكىل كانديداتتىعىنا لايىق ەمەستەردى رەتتەدى؛ كانديداتتاردىڭ سالاۋاتىن دۇرىس بەلگىلەپ، وزگەنىڭ اتىن جامىلۋدان باتىل ساقتاندى. سايلاۋ ورىندارى پارتكوم جالپى ءماجىلىسىن نەمەسە پارتكومنىڭ (پارتيا باسشىلىق گرۋپپاسىنىڭ) كەڭەيتىلگەن ءماجىلىسىن اشىپ، ۋاكىل كانديداتتىعىنا كورسەتىلۋگە دايىندالعانداردى بەلەت تاستاۋ جولىمەن بەلگىلەدى. پارتيا 19 - قۇرىلتايىنا قاتىناساتىن ۋاكىلدەردى شيزاڭ مەن شينجياڭدا ورتالىقتىڭ بەكىتۋىمەن تەڭ سان بويىنشا سايلاۋدان تىس، ءارقايسى سايلاۋ ورىندارى پارتيا قۇرىلتايى نەمەسە پارتيا ۋاكىلدەر ءماجىلىسىن اشىپ، پارىقتى سان بويىنشا سايلاپ شىقتى، پارىقتى سالىستىرما تۇگەلدەي %15تەن جوعارى بولدى، بۇل ورتالىقتىڭ تالابىنا ۇيلەسەدى. ۋاكىلدەر سايلانعاننان كەيىن، ورتالىقتىڭ نەگىزگى اقپارات قۇرالدارى ۋاكىلدەردى سايلاۋ قىزمەت جاعدايىن ءتۇرلى فورمامەن حابارلادى.
  باياندامادا بىلاي دەلىنگەن: 19 - قۇرىلتاي ۋاكىلدەرى جالپى تۇلعالىق جاقتان ورتالىق بەلگىلەگەن شارتتارعا ۇيلەسەدى، ءبىرشاما جوعارى يدەيالىق ساياسي ساپاعا، تاماشا ستيلگە، مىنەز - قۇلىققا جانە ىستەردى كەڭەسۋدە ءبىرشاما كۇشتى قابىلەتكە يە، ءوز قىزمەت ورىندارىندا كورنەكتى ناتيجەلەر شىعارعان، كومپارتيا مۇشەلەرى اراسىنداعى ۇزدىكتەر. ۋاكىلدەردىڭ قۇرىلىمى جانە قامتىمى ءبىرشاما ۇيلەسىمدى. ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرى ۋاكىلدەرىنىڭ سالىستىرماسى كورنەكتى جوعارىلاعان، ايەل پارتيا مۇشەسى ۋاكىلدەرىنىڭ، از ۇلت پارتيا مۇشەسى ۋاكىلدەرىنىڭ سانى ارتقان، ۋاكىلدەردىڭ ماعلۇماتى ءبىرشاما جوعارى، جاس قۇرىلىمى ۇيلەسىمدى، ءتۇرلى تاريحي داۋىردە پارتياعا كىرگەن پارتيا مۇشەلەرى بار. پارتيا 19 - قۇرىلتايى ۋاكىلدەرىنىڭ قۇرىلىم سالىستىرماسى ورتالىقتىڭ تالابىنا ۇيلەسەدى، كەڭ ۋاكىلدىك سيپاتقا يە.
  باياندامادا بىلاي دەلىنگەن: 18 - قۇرىلتاي كەزىندەگى ءادىس بويىنشا، ورتالىق پارتيا 19 - قۇرىلتايىنا ۇسىنىسپەن قاتىناساتىن 74 ۋاكىلدى بەلگىلەدى، ۇسىنىسپەن قاتىناساتىن ۋاكىلدەر ۋاكىلدەرمەن تەڭ ۇقىقتان يگىلىكتەنەدى.   جيىن جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ سايلاۋ ءادىسىن (جوبا) ماقۇلداپ، ونى ۋاكىلدەر ۇيىرمەلەرىنىڭ اقىلداسۋىنا ۇسىندى.
  جيىن قۇرىلتايعا سىرتتاي قاتىناساتىندار مەن قوناقتارعا قاتىستى ىستەردى دە ماقۇلدادى. ورتالىق پارتيا ىشىندەگى قاتىستى جاۋاپتى جولداستاردى جانە پارتيا سىرتىنداعى ءبىر ءبولىم قايراتكەرلەردى قۇرىلتايعا سىرتتاي قاتىناسۋعا ۇسىنىس ەتۋدى ۇيعاردى. سىرتتاي قاتىناساتىندار: 19 - قۇرىلتاي ۋاكىلى ەمەس پارتيا 18 - كەزەكتى ورتالىق كوميتەتىنىڭ مۇشەلەرى، كانديدات مۇشەلەرى جانە ورتالىق ءتارتىپ تەكسەرۋ كوميتەتىنىڭ مۇشەلەرى، 19 - قۇرىلتاي ۋاكىلى نەمەسە ۇسىنىس ەتىلگەن ۋاكىل ەمەس ورتالىق اقىلشىلار كوميتەتىنىڭ بۇرىنعى مۇشەلەرى، سونداي - اق باسقا دا قاتىستى جولداستار، جيىنى 405 ادام. قۇرىلتايدىڭ اشىلۋ راسىمىنە جانە جابىلۋ راسىمىنە قوناق رەتىندە سىرتتاي قاتىناساتىندار: قازىر نەمەسە بۇرىن مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، مەملەكەتتىك ساياسي كەڭەستىڭ ورىنباسار ءتوراعاسى بولعان پارتيا سىرتىنداعى قايراتكەرلەر، دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدەگى ورىنباسار ءتوراعالارى، پارتيادا، توپتا جوق قايراتكەرلەر ۋاكىلدەرى، ءدىن سالاسىنداعى قايراتكەرلەر ۋاكىلدەرى، مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ بەيجيڭدەگى تۇراقتى مۇشەلەرى اراسىنداعى دەموكراتيالىق پارتيا - توپتاردان شىققان قايراتكەرلەر، پارتيادا، توپتا جوق قايراتكەرلەر جانە ۇلت، ءدىن سالاسىنداعى قايراتكەرلەر، جيىنى 149 ادام.
  ءتوراعالار القاسىنىڭ جيىنى 19 - قۇرىلتايدىڭ كۇن ءتارتىبىن دە ماقۇلدادى. كۇن تارتىپكە ساي، 19 - قۇرىلتاي 18 - قازان كۇنى تۇستەن بۇرىن باستالىپ، 24 - قازان كۇنى تۇستەن بۇرىن اياقتالادى.

ءان الەمى

جول توسىلىپ قالدى

تۇلپارىم