جاڭا حابارلار

ءتورت القا كادرلار مەن جۇمىسشى-قىزمەتكەرلەر ج ك پ مەملەكەتتىك 19-قۇرىلتايىنىڭ اشىلۋ سالتىنىڭ تىكە تاراتىلىمىن شوعىرلى كوردى

    كەلۋ قاينارى: شينجياڭ حالىق راديو ىستانسياسى    2017-10-19 16:12:02  
ستانسيامىزدىڭ جيناق حابارىن تىڭداڭىزدار: 18-قازان تۇستەن بۇرىن، اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس سىندى 4 القا كادرلار مەن جۇمىسشى-قىزمەتكەرلەردى جۇڭگو كوممۋنيستىك پارتياسى مەملەكەتتىك 19-قۇرىلتايىنىڭ اشىلۋ سالتىنىڭ تىكە تاراتىلىمىن شوعىرلى كورىپ، باس شۋجي جاساعان باياندامانى مۇقيات تىڭداۋعا ۇيىمداستىردى.
تاڭەرتەڭ ەرتە، اۆتونوميالى رايوندىق پارتكومنىڭ كەڭسەسىنەن 200 گە جۋىق كادر ءماجىلىس ورتالىعىنا بارىپ جۇڭگو كوممۋنيستىك پارتياسى مەملەكەتتىك 19-قۇرىلتايىنىڭ اشىلۋ سالتىنىڭ تىكە تاراتىلۋ بارىسىن كورۋگە ساقاداي سايلاندى. تىكە تاراتىلىمدى كورۋ بارىسىندا، كوپشىلىك دەن قويا تىڭداپ، مۇقيات ەستەلىككە الىپ، ءالسىن-ءالسىن دۋ قول شاپالاق سوقتى، تىكە تاراتىلىم اياقتاعاننان كەيىن، وڭتۇستىك شينجياڭنىڭ اۋىل-قىستاعىنا باراتىن اۆتونوميالى رايوندىق پارتكوم كەڭسەسى اۋدارماشىلار باسقارماسىنىڭ كادرى ءالميرا ابلەميت تىلشىگە بىلاي دەدى:
مەن باسۋ شۋجي شي جينپيڭنىڭ بايانداماسىن مۇقيات تىڭداپ قاتتى قۋاندىم ءارى ەرەكشە ماقتانىش سەزىنىنە بولەندىم.ءبىز جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋعا بۇرىنعى كەزدەگى ءارقانداي ۋاقىتتان دا اناعۇرلىم جاپپاي اتسالىسامىز، جۇڭگولىق بولعاندىعىمدى ەرەكشە ماقتانىش سەزىنەمىن، مەن وڭتۇستىككە اتتانۋ الدىندا تۇرمىن، باياندامانىڭ رۋحىن ديقاندارعا ەڭ الدىمەن جەتكىزەمىن.
اۆتونوميالى رايوندىق پارتكوم كەڭسەسى ۋنيۆەرسال باسقارماسىنىڭ كادرى ۋاڭ جى بىلاي دەدى: 19-قۇرىلتاي بايانداماسىندا، باس شۋجي اۋەلگى ماقساتتان جازباي، بورىشتى ەستە بەرىك ساقتاۋدى تاقىرىپ ەتىپ، جۇڭگو كوممۋنيستىك پارتياسىنىڭ اۋەلگى ماقساتى مەن تاريحي بورىشىنىڭ حالىققا باقىت جاراتاتىندىعىن ىشكەرلەي باياندادى، مەن ءوزىمنىڭ ءىس جۇزىندىك قىزمەتىممەن بىرلەستىرىپ، باس شۋجيدىڭ بايانداماسىن ەڭ الدىمەن مۇقيات ۇيرەنەمىن، وي-سانامدى قارۋلاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جولىندا ءبىر كىسىلىك ۇلەسىمدى قوسامىن.
تۇستەن بۇرىن ساعات 9دا، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورگان كادرلارى 19-قۇرىلتايدىڭ تىكە تاراتىلىمىن كوللەكتيۆ كوردى، باس شۋجي شي جينپيڭنىڭ جاساعان بايانداماسىن مۇقيات تىڭداعاننان كەيىن، بارلىق كادرلار مەن جۇمىسشى-قىزمەتكەرلەر الداعى ىستەلەتىن قىزمەتتەر جونىندە اناعۇرلىم ايقىن تانىمعا يە بولدى ءارى وزدەرىنە جۇكتەلگەن بورىش پەن جاۋاپكەرلىكتى اناعۇرلىم ايقىن تانىدى.اۆتونوميالى رايوندىق حالىق قۇرىلتايى تۇراقتى كوميتەتى وقۋ-اعارتۋ، عىلىم-تەحنيكا، مادەنيەت، دەنساۋلىق ساقتاۋ قىزمەت كوميتەتى كەڭسەسىنىڭ ورىنباسار مەڭگەرۋشىسى ۋاڭ جيانمين بىلاي دەدى: 89 ميلليوننان استام پارتيا مۇشەسىنىڭ ءبىرى بولۋ تۇرعىسىنان، پارتيا مەن مەملەكەتتىڭ قول جەكتىزگەن جەتىستىكتەرىن ماقتانىش سانايمىن. الداعى قىزمەت بارىسىندا وزەكتى ارقاۋ ەتىپ، مىندەتىن زاڭ بويىنشا ادا قىلۋ، ءتۇيىندى كورنەكتىلەندىرىپ، دامۋدى جەبەۋ قىزمەت وي جەلىسىنەن جازباي، حالىق تۇرمىسىنا كوڭىل ءبولىپ، ەكونوميكا مەن قوعامدىق ىستەردىڭ جاراسىمدى دا اقاۋسىز دامۋىن جەبەۋدى نىسانا ەتەمىز، داۋىرمەن تەڭ العا باسىپ، شىندىققا جۇگىنىپ، شينجياڭنىڭ قوعام ورنىقتىلىعى مەن باياندى تىنشىتىعى قىزمەتىنىڭ جاڭا جاعدايىن كۇش سالا جاراتامىز.
اۆتونوميالى رايوندىق حالىق قۇرىلتايى تۇراقتى كوميتەتى كەڭسەسىنىڭ كادرى نيجات ابلەمەت بىلاي دەدى: حالىق قۇرىلتايى تۇراقتى كوميتەتى ورگانىنىڭ كادرى تۇرعىسىنان مىندەتتى بار كۇشپەن ۇستىمە الامىن، قىزمەت ورنىمدا ءوز قىزمەتىمدى جاقسى ىستەپ، كوپتەپ ۇلەس قوسامىن. جۇڭحۋا ۇل-قىزدارىنىڭ جۇدىرىقتاي جۇمىلىپ، ىنتىماقتاسا كۇرەس جاساپ، جاپپاي دوڭگەلەك داۋلەتتى قوعام قۇرۋ نىساناسىنىڭ ءسوزجوق جۇزەگە اساتىنىنا، وتانىمىز ءتىپتى قۇدىرەتتەنىپ، بۇقارانىڭ تۇرمىسى بارعان سايىن جاقساراتىنىنا سەنىمىم كامىل.
18-قازان تۇستەن بۇرىن، اۆتونوميالى رايوندىق حالىق ۇكىمەتى كەڭسەسىندەگى 200 پارتيالى كادر 19-قۇرىلتاي اشىلۋ سالتىنىڭ تىكە تاراتىلىمىن شوعىرلى كورىپ، 19-قۇرىلتاي بايانداماسىن مۇقيات ۇيرەندى، كوپشىلىك ءبىر جاعىنان باياندامانى تىڭداي وتىرىپ ەستەلىك السا، ءبىر جاعىنان وي جۇگىرتتى، اۆتونوميالى رايوندىق حالىق ۇكىمەتى كەڭسەسى حاتشىلار 6-باسقارماسىنىڭ باستىعى ۋاڭ ۋي بىلاي دەدى: باس شۋجيدىڭ بايانداماسىندا، جاڭا داۋىردەگى جۇڭگوشا سوتسياليزىم يدەياسى مەن نەگىزگى جالپى جوباسى اۋىزعا الىنىپ، 14 جاقتان ورنالاستىرۋ جاساعانىنا ءارى ءبىزدىڭ قازىرگى جانە الداعى ءبىر مەزگىلدەگى قىزمەتىمىزدى جاقسى ىستەۋىمىزگە نىسانا بەلگىلەپ، باعدار سىلتەگەنىنە، سونداي-اق، باس شۋجيدىڭ بايانداماسىنداعى حالىق تۇرمىسىن قامتاماسىزداندىرۋ جانە جاقسارتۋ قىزمەتىنە ءتۇيىندى نازار اۋداردىم.ءبىز ورتالىقتىڭ تالابى بويىنشا اۆتونوميالى رايوندىق پارتكوم مەن ۇكىمەتتىڭ مىزعىماس باسشىلىعىندا حالىق تۇرمىسىن جاقسارتۋ قىزمەتىن باتىلدىقپەن جالعاستى العا ىلگەرلەتەمىز.
اۆتونوميالى رايوندىق حالىق ۇكىمەتى كەڭسەسى اۋدارماشىلار باسقارماسىنىڭ ورىنباسار باستىعى ءدىلنۇر ابدۇراسۇل بىلاي دەدى: بايانداما بارىسىندا، جۇڭگو كوممۋنيستىك پارتياسىنىڭ دۇرىس باسشىلىعىنداعى ۇلى وتانىمىزدىڭ كوركەم بولاشاعى مەن زور دامۋ بولاشاعىن سەزگەندەي بولدىم.الداعى قىزمەت بارىسىندا 19-قۇرىلتايدىڭ رۋحىن ناقتى قىزمەت بارىسىندا تياناقتاندىرىپ، قوسىنعا جاقسى كوشباسى بولىپ، دۇرىس ساياسي باعداردى مىقتى يگەرىپ، «ەكى 100 جىلدىق» كۇرەس نىساناسىن، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋ جولىندا ۇلەس قوسامىن.
تۇستەن بۇرىن ساعات 8 دەن 40 مينۋت وتكەندە، اۆتونوميالى رايوندىق ساياسي كەڭەس كەڭسەسىنىڭ ءماجىلىس زالىندا ادامدار قايشالىستى، 200 دەن استام كادر مەن جۇمىسشى-قىزمەتكەر ءماجىلىس الاڭىنا تاڭەرتەڭ ەرتە كەلىپ، ورىنعا رەتتى جايعاسىپ، پارتيا 19-قۇرىلتايى اشىلۋ سالتىنىڭ ۇستىنەن تاراتىلىمىن كورۋدى اسىعا كۇتتى.
باس شۋجي شي جنپيڭ بايانداماسىندا بىلاي دەپ اتاپ كورسەتتى: حالىق ساياسي كەڭەس قىزمەتىندە پارتيا مەن مەملەكەتتىڭ وزەكتى مىندەتىنە نازار اۋدارىپ، ىنتىماق مەن دەموكراتيا سىندى ەكى ۇلكەن تاقىرىپتى ارقاۋ ەتىپ، دەموكراتيالىق اقىلداسۋ، ساياسي اقىلداسۋ، دەموكراتيالىق باقىلاۋ، ۇكىمەت ىسىنە قاتىسۋ، كەڭەس بەرۋ جالپى بارىسىمەن ۇشتاستىرۋ كەرەك.اۆتونوميالى رايوندىق ساياسي كەڭەس كەڭسەسى كادرلار ءىسى باسقارماسىنىڭ باستىعى لي چۋانجياڭ بىلاي دەدى: ساياسي كەڭەستىڭ ىنتىماق جانە دامۋ سىندى ەكى ۇلكەن تاقىرىبىمەن بىرلەستىرىپ، دەموكراتيالىق اقىلداسۋ جاعىندا ساياسي كەڭەس ۇيىمى مەن ساياسي كەڭەس مۇشەلەرىنىڭ ۇكىمەت ىسىنە قاتىسىپ، كەڭەس بەرۋىنە اناعۇرلىم كوپ تەكشە ازىرلەپ، ءتۇيىندى باقىلاۋعا اناعۇرلىم كوپ ارنالار ازىرلەپ، ساياسي كەڭەس قىزمەتىندە 19-قۇرىلتايداعى دايەكتى تياناقتاندىرۋدى ارقاۋ ەتىپ اناعۇرلىم كوپ شارالار قولدانۋىنا كۇش سالۋ ءتيىس.

بەرىپ كەت ورامالىڭدى

دوستار

الىستاعى اق ەركە