جاڭا حابارلار

12 قازاق ايەل پارتيا مۇشەسى العىستارىن كەستەگە ءتۇسىردى

    كەلۋ قاينارى: شينجياڭ گازەتى    2017-10-20 19:04:13  

ءتىلشىمىز جاڭ تيڭ، ەرىكتى تىلشىلەر گوۋ چاۋشيا، حۋ يۇيپيڭ

 15 - قازاندا بۋرىلتوعاي اۋدانى كوكاعاش اۋىلىنىڭ بىرلىك قىستاعىندا قىستاق ايەلدەر بىرلەستىگىنىڭ مەڭگەرۋشىسى جانار قىستاقتاعى ءار ۇلت پارتيا مۇشەلەرى مەن بۇقارانىڭ پارتيانىڭ 19 - قۇرىلتايىنا ارناعان العىس كەستەسىنىڭ ەڭ سوڭعى ءجىبىن توقىپ بولدى.
  العىس كەستەسىنىڭ ۇزىندىعى 1.5 مەتر، كەڭدىگى ءبىر مەتر، كىرشىكسىز بەيبىتشىلىك كوگارشىنى قىزىل بۇلعا ءدال بەدەرلەنگەن، پارتيا بەلگىسى ايرىقشا كوز تارتادى، «پارتيانىڭ شاپاعاتىنا العىس ايتامىز، پارتيانىڭ سوزىنە قۇلاق اسامىز، پارتياعا ىلەسەمىز» دەگەن التىن ارىپتەر كوزگە وتتاي باسىلادى.
  بيىل قىركۇيەك ايىندا بۋرىلتوعاي اۋداندىق قازىنالىق باقىلاۋ مەكەمەسىنىڭ بىرلىك قىستاعىنا «ۇعىسۋ، تيىمدىلىك جاساۋ، توعىستىرۋ» بويىنشا تۇسكەن قىزمەت اترەتى مەن «ەكى كوميتەت» القاسى جيىن اشتى، پارتيانىڭ 19 - قۇرىلتايى اشىلعاندا نەگىزگى ساتىداعى ءار ۇلت پارتيا مۇشەلەرىنىڭ، بۇقاراسىنىڭ پارتياعا دەگەن العىستى سەزىمىن قالاي بەينەلەۋ تالقىنىڭ باستى تاقىرىبى بولدى.
  جيىنعا قاتىناسقاندار جابال ءوز پىكىرلەرىن ورتاعا قويدى، سونىڭ ىشىندە ءبىز مالشىلىق قىستاقپىز، قىستاعىمىزداعى قازاق كەستەشى ايەلدەردىڭ ارتىقشىلىعىن ساۋلەلەندىرىپ، پارتياعا العىس ايتۋ مازمۇنىندا كەستە سالساق دەگەن ءبىر ۇسىنىس ءتۇستى. قىستاق پارتيا ياچەيكاسى مەن قىستاق تۇرعىندار كوميتەتىنىڭ القالارى، قىستاقتا تۇراتىن قىزمەت اترەتى تالقىلاپ بارىپ، العىس كەستەسىنىڭ باستى تاقىرىبى، جاڭالىعى، نەگىزگى كەستەشىلەر سياقتىلاردى تۇراقتاندىرىدى.
  ءۇرتىس 24 جىل قىستاق ايەلدەر بىرلەستىگىنىڭ مەڭگەرۋشىسى مىندەتىن وتەگەن جانار كەستەنىڭ نەگىزگى جۇمىسىن باتىلدىقپەن ۇستىنە الاتىنىن ءبىلدىرىپ: مەنىڭ پارتيالىق ستاجىم 20 جىلدان استى، تالاي جىلدان بەرى پارتيانىڭ ءتالىم - تاربيەسىندە بولدىم، ونىڭ ۇستىنە قىستاعىمىزدىڭ ايەلدەر بىرلەستىگىنىڭ مەڭگەرۋشىسى مىندەتىن دە وتەپ كەلەمىن، سوندىقتان وسىنداي فورما ارقىلى پارتياعا دەگەن العىس سەزىمىمدى بەينەلەگىم كەلەدى، - دەدى.
  بىرلىك قىستاعى شاعىن قىستاق بولعاندىقتان، العىس كەستەسىن سالىپ، پارتيانىڭ 19 - قۇرىلتايىنا تارتۋ ەتۋدەي كەلەلى ءىستىڭ حابارى دەرەۋ بۇكىل قىستاققا تاراپ كەتتى. قىستاقتاعى كەستە تىگۋدەن حابارى بار ايەلدەر كەستە توقۋ قيمىلىنا جابال ات سالىستى. ولار كەستەنى قولدان - قولعا وتكىزىپ، وڭ ەنەرگيا تاراتاتىن تۇقىم سپەتتى كوز قاراشىعىنداي ايالاپ، كەزەكپەن تاپتىشتەپ توقىدى، كەستە ەندى كەزەكتە اڭگىمەنىڭ تۇزدىعىنا جانە نازار اۋداراتىن باستى تۇيىنگە اينالدى. 12 ايەل ۇنەمى قىستاق كەڭسەسىنە بارىپ كەستەنى بىرگە تىگىپ، پارتياعا، ۇلى وتانعا شىن ىقىلاستى العىسىن ءبىلدىردى.
  ءبىر ايدان استام ۋاقىت قۇلشىنۋ ارقىلى العىس كەستەسى 15 - قازاندا اقىرى تىگىلىپ بولدى. وسىعان سايكەس قىستاق ارنايى جيىن اشتى، قىستاق تۇرعىندارى كەڭسەگە كەلىپ، كەستەنى تاماشالاپ، قۇتتى بولسىن ايتتى. كەستەنىڭ ەڭ سوڭعى ءجىبى تىگىلىپ بولعان كەزدە قىستاق تۇرعىندارى كوميتەتىنەن شاتىرلاعان شاپالاق ءۇنى مەن الاقاي داۋىسى كوتەرىلدى.
  12 كەستەشى ايەل پارتيا مۇشەسى: پارتيا ۇيىمى ءبىزدىڭ «رۋحاني باسپانامىز»، 19 - قۇرىلتايدىڭ جەڭىسپەن اشىلۋىنا ءبىز وسىنداي فورمامەن تارتۋ سيلاپ، ءساليقالى جينالىستى قۇتتىقتادىق، بۇل وتە ماعىنالى ءىس بولدى، - دەدى.


بەرىپ كەت ورامالىڭدى

دوستار

الىستاعى اق ەركە