جاڭا حابارلار

اپەكەلى-سىڭىلىلەر اراسىنداعى قويۋ سۇيسپەنشىلىك

    كەلۋ قاينارى: شينجياڭ حالىق راديو ىستانسياسى    2017-10-21 12:37:16  
ستانسيامىزدىڭ ءتىلشىسى ديڭ شياۋدان جانە ەرىكتى ءتىلشى ءمارامنيسا ۇبۇلاسەن جازعان حاباردى تىڭداڭىزدار: ءدال قازىر اناردان ءونىم الاتىن مەزگىل، تيانجيننەن شينجياڭعا كومەككە كەلگەن شيپاگەر لۋ يۇيشياڭ كەريا اۋدانى كوكجار اۋىلى قارا ءدوۋا قىستاعىنىڭ ديحانى مايمۇنحان ابدقادىردىڭ ۇيىنە تاعى دا امانداسا بارىپ، ارالارىنداعى ۇلت جانە ءوڭىر اتتاعان اپەكە-قارىنداستىق سۇيسپەنشىلىكتى ۇزدىكسىز تەرەڭدەتتى.
لۋ يۇيشياڭ مايمۇنحان ابدقادىردىڭ ۇلكەن قىزىنا ۇيرەنۋ قۇرالدارىنان الا بارۋدان سىرت، ساعىنىپ جۇرگەن جيەن قىزى «كىشكەنتاي انارعا» دا ساۋعا الا باردى. ول: «كىشكەنتاي انار بۇرىنعىدان قارا قۇلاقتانىپ ، تولىسىپ قالىپتى، كۇلكىسى دە ءتاتتى ەكەن»،-دەدى.
بيىل ساۋىردە، جۇكتى بولعانىنا 35 اپتا بولعان مايمۇنحان ابدقادىر اۋىر دارەجەدە قان ازدىق ناۋقاسىنا شالدىعىپ، اۋىرۋحاناعا جاتادى، ءبىراق جۇبايى قاسىندا بولماعاندىقتان، ەمدەۋ قاراجاتىن تاپسىرۋعا امالسىز قالادى. كەريا اۋداندىق حالىق شيپاحاناسىنداعى شينجياڭعا كومەككە كەلگەن شيپاگەر لۋ يۇيشاڭ وسى جاعدايدى بىلگەننەن كەيىن، دەرەۋ كاسىپتەستەرىن اتتانىسقا كەلتىرىپ، 2 مىڭ يۋان جىلۋ جينايدى. وسىدان كەيىن، ولار ءبىرىن-ءبىرى اپەكە-ءسىڭىلى دەپ اتاستى، ءار اپتانىڭ سوڭىندا اپەكەسى لۋ يۇيشياڭ كاسىپتەستەرمەن بىرگە ۇن، ازىقتىق ماي سياقتى تۇرمىستىق بۇيىمداردى الىپ سىڭىلىسىنە امانداسا بارادى. وسىلايشا ولار مايمۇنحان ابدقادىرعا ءبىر ايدان ارتىق قارايلاسادى، 17-مامىر تۇستە، مايمۇنحان ابدقادىر امان-ەسەن بوساندى. لو يۇيشياڭ: «قازىر كەريادا ءبىر ءسىڭىلىم بولۋدان سىرت، تاعى ءبىر جيەن قىزىم بولدى، ەرەكشە قۋانىشتامىن. ءبىز ماڭگى جاقىن اپەكە-سىڭىلىلەردەن بولامىز»،-دەدى.
تيانجيننان شينجياڭعا كومەككە كەلگەن قىزمەت اترەتىندەگىلەر لۋ يۇيشياڭنىڭ ءسىڭىلىسى مايمۇنحان ابدقادىردىڭ امان-ەسەن بوسانعانىن ەستىگەننەن كەيىن، ونىڭ بالاسىنا «كىشكەنتاي انار» دەپ ات قويدى. مايمۇنحان ابدقادىر: «لۋ يۇيشاڭ اپەكەمدى جانە ونىڭ كاسىپتەستەرىن ماڭگى ۇمىتپايمىن. لۋ يۇيشاڭ اپەكەم بالاما اناردىڭ دانىندەي تىعىز ۇيىسايىق دەگەن ماعىنامەن «انارگۇل» دەپ ات قويدى، بالامدى ماڭگى وسى اتپەن اتايمىن، ونى ەسەيگەندە لۋ يۇيشاڭ اپەكەم سياقتى شيپاگەر بولۋعا باۋليمىن»،-دەدى.

بەرىپ كەت ورامالىڭدى

دوستار

الىستاعى اق ەركە