جاڭا حابارلار

19-قۇرىلتايدىڭ بايانداماسى رايونىمىزداعى ديحانداردىڭ كىرىستەرىن ارتتىرىپ، اۋقاتتانۋ قىزعىندىلىعىن جۇمىلدىردى

    كەلۋ قاينارى: شينجياڭ حالىق راديو ىستانسياسى    2017-10-21 12:42:30  
ستانسيامىزدىڭ تىلشىلەرى لان تيان، زىڭ يە، ما گولەيلەردىڭ حابارىن تىڭداڭىزدار: قوڭىر كۇز قازان ايى، ماقتا، المۇرت، الاقات سياقتى اۋىل شارۋاشىلىق داقىلدارى مەن جەمىس-جيدەكتەر ارت-ارتىنان پىسىپ، شينجياڭداعى ءار ۇلت حالقى مول ءونىمىنىڭ شاتتىعىنا شومدى. وسى قۋانىشپەن بىرگە، پارتيا 19-قۇرىلتايىنىڭ بايانداماسىندا ورتاعا قويىلعان اۋىل شارۋاشىلىعى، اۋىل-قىستاق، شارۋالارعا قاتىستى ءبىر قىدىرۋ جاقسى ساياساتتار ەگىنشى-مالشىلارعا تاماشا تارتۋ بولدى، ولار وسى ساياساتتاردى ەرەكشە مۇقيات ۇيرەنۋدە.
مەن ءتىلشى لان تيانمىن، قوڭىر كۇزدەگى قازان ايى كورلا المۇرتىنان مول ءونىم الىناتىن مەزگىل، مەن لوپنۇر اۋدانى شيڭپيڭ اۋىلى داشي قىستاعىنىڭ تۇرعىنى ياسىنجان عانيدىڭ ۇيىنە بارعانىمدا، ول تولىق پىسقان المۇرتتى اۆتوموبيلمەن اۋدان قالاشىعىنداعى ەلەكتروندى ساۋدا كاسىپ باقشاسىنا جەتكىزۋدىڭ قاربالاستىعىندا ەكەن.
-ياسىنجان تاعى كەلگەن ەكەنسىڭ-عوي، قانشالىق المۇرت اكەلدىڭ؟
-بۇگىن ءبىر جارىم توننادان كوبىرەك.
ياسىنجان عاني ماعان ەلەكتروندى ساۋدا تەكشەسىنىڭ كومەگىندە، 30 مۋ جەرىندەگى المۇرتتى ساتۋدان ەندىگارى الاڭدامايتىندىعىن ايتا كەلىپ بىلاي دەدى: «توراپتىڭ قولايلىلىعىنا ابدەن كوزىم جەتتى، بۇرىن المۇرتتى كوشەگە شىعارىپ ساتاتىنبىز، قازىر ەلەكتروندى ساۋدا تەكشەسى جاقسى-اق بولدى، ءبىز ۇيدە وتىرىپ-اق تاپسىرىس قابىلدايمىز، المۇرتتى جەتكىزىپ بەرىپ، ۇستىندە اقشامىزدى ساناپ الامىز، باعاسى بازار باعاسىنان تاعى 50 فىن قىمبات. 19-قۇرىلتاي بايانداماسىندا ينتەرنەت پەن تۇلعالىق ەكونوميكانى اناعۇرلىم توعىستىرۋ ايتىلدى، مۇنداي بولعاندا ءبىز الدا قينالمايتىن بولدىق، تۇرمىسىمىز مىنا المۇرت سياقتى بالداي ءتاتتى بولادى».
مەن ءتىلشى ما گولەيمىن، قازىر، جىڭ اۋدانى الاقات جەمىسىن ءۇزۋدىڭ قاربالاس مەزگىلىنە ءوتتى. جىڭ اۋدانى تولى قالاشىعىنىڭ وشاقباي قىستاعىنداعى ەگىنشىلەر اتىز باسىندا الاقات جەمىسىن ءۇزىپ، كەپتىرۋمەن قاربالاس. ۋاڭ لەي 30 جىلدىق الاقات ەگۋ تاجىريبەسىنە يە، ۇكىمەت ۇيىمداستىرعان تەحنيكالىق جەتەكشىلىك ەتۋدىڭ ارقاسىندا، ول جاڭا سورت ەنگىزىپ، جاسىل، زالالسىز بولۋ سىندى وسى زامانعى ەگىس فورماسىن قولدانىپ، ءار مۋ جەردىڭ كىرىسىن 2 مىڭ يۋاننان 5 مىڭ يۋانعا جەتكىزدى. 19-قۇرىلتاي بايانداماسىن مۇقيات وقىعان ونىڭ جىگەرى ءتىپتى تاسقىندادى. ۋاڭ لەي:-مەن سياقتى 30 مۋ جەرگە الاقات ەككەن ديقاندار ءبىر جىلدا 100 مىڭ يۋانعا جۋىق كىرىس كىرگىزەدى، كىرىسىمىز كوڭىلدەگىدەي. باس شۋجي شي جينپيڭ ەگىنشىلەردىڭ ەگىستىك جەردى كوتەرمەگە الۋ ۋاقىتىن تاعى 30 جىل ۇزاراتىنىن تىلگە تيەك ەتتى، كەلەر جىلى ءتىپتى دە مول جەر كوتەرمەگە الىپ، الاقات ەگىس اۋماعىن كەڭەيتىپ، تىزبەكتى كاسىپ سالالانعان ءوندىرىس فورماسىن قالىپتاستىرىپ، الاقات سورتىنىڭ ساپاسىن ءتىپتى دە جوعارلاتىپ، وزىمىزگە ءتان ماركانى كوپكە ايگىلەيمىز،-دەدى.
مەن ەرىكتى ءتىلشى لۋ كايمىن. قازىر، ماناس اۋدانى لانجوۋۋانزى قالاشىعى ۋاڭجياجۋاڭ قىستاعىنداعى «التىن كارتوپيا» قامداۋ كاسىپتىك كوپەراتيۆىنىڭ قامباسىندا تۇرمىن، كوپەراتيۆ القاسى چىن ۋانحۋ قازىر سىرت جەردەن كەلگەن ساۋداگەرلەرگە كارتوپيا تۇقىمىن ساتىپ بەرۋمەن قاربالاس ەكەن. پارتيا 19-قۇرىلتايىنىڭ اشىلۋى، چىن ۋانحۋدىڭ سەنىمىن ءتىپتى دە بەكەمدەدى، باياندامادا اۋىل-قىستاقتى كوركەيتۋ ستراتەگياسىن اتقارۋ، مەملەكەتتىڭ استىق حاۋىپسىزدىگىنە كەپىلدىك ەتۋ سىندى مازمۇندار ورتاعا قويىلىپ، ولاردىڭ كوڭىلىنەن شىقتى. چىن ۋانحۋ بىلاي دەدى:-كوپەراتيۆىمىز جونىنەن العاندا، ەكى جىلدان بەرگى مەملەكەتتىڭ ءتيىمدى ساياساتتارى كوپەراتيۆىمىزدى تىڭ دامۋعا باستادى. اۋىلداستاردىڭ كىرىسى كورنەكتى ارتتى. الدا ءبىز وسى جولدان اۋىتقىماي، بۇقارانىڭ كىرىسىن ارتتىرىپ، اۋقاتتانۋعا قۇلشىنامىز. كوپەراتيۆىمىزدەگى بارلىق مۇشەلەر مەن كادرلەر رۋحتى سارپىلتىپ، بىلەك سىبانا ىسكە كىرىسەمىز.

بەرىپ كەت ورامالىڭدى

دوستار

الىستاعى اق ەركە