جاڭا حابارلار

مەن قۇربان تۇلىمنىڭ جيەنشارى ماليكەممەن تۋىس بولدىم

    كەلۋ قاينارى: شينجياڭ گازەتى    2017-10-21 19:13:34  

اڭگىمەلەۋشى: ۋاكىل ليۋ جىحۋاي

 مەن اۆتونوميالى رايون ورىستەتكەن «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى دوستىق قيمىلى − ۇلتتار ىنتىماعىن جەبەۋدىڭ تاماشا تۇتقاسى دەپ قارايمىن.
  بىلتىر اۆتونوميالى رايون «ۇلتتار ىنتىماعىنىڭ بەرەكەلى شاڭىراعى» قيمىلىن باستاعاننان كەيىن، قۇمىل كاسىپتىك تەحنيكالىق ينستيتۋتىنداعى 329 وقىتۋشى، جۇمىسشى - قىزمەتكەر جۇپ قۇراپ، تۋىس بولۋ قيمىلىنا جابال ات سالىستى، بۇل قيمىل مەكتەپتەگى 3000نان استام وقۋشىنى دا تۇگەل شارپىدى. وقىتۋشىلار مەن وقۋشىلار، وقىتۋشىلار مەن وقىتۋشىلار، وقىتۋشىلار مەن پەنسياعا شىققان جۇمىسشى - قىزمەتكەرلەر ءوزارا تۋىس بولدى، ءتىپتى، ءبىرقانشا وتباسىمەن تۋىس بولعاندار دا بار. ءوزارا بارىس - كەلىس جاساۋ بارىسىندا كوپشىلىكتىڭ ىنتىماعى كۇشەيىپ، دوستىعى نىعايىپ، سۇيىسپەنشىلىكتەرى تەرەڭدەي ءتۇستى. مەن سياقتى شينجياڭعا كومەككە كەلگەن كادر جونىنەن العاندا مۇنىڭ ءمانى ءتىپتى دە زور بولدى، ويتكەنى مەن دە شينجياڭنان تۋىس تاپتىم.
  بارىنەن دە قۋاناتىنىم، «ۇلتتار ىنتىماعىنىڭ بەرەكەلى شاڭىراعى» قيمىلىندا مەن قۇربان تۇلىمنىڭ جيەنشارى ماليكەم ماتتۇرسىنمەن تۋىس بولدىم. ماليكەم قۇربان تۇلىم اتايدىڭ ۇلكەن قىزى توحتىحاننىڭ نەمەرە قىزى، قازىر ءبىزدىڭ مەكتەپتىڭ ەلەكترلەندىرۋ، اۆتوماتتاندىرۋ ماماندىعىنىڭ 1 - جىلدىعىندا وقيدى. ەكەۋىمىز تۋىس بولعاننان كەيىن، كىشكەنتاي بويجەتكەن مەنى جاقىنىنداي كورىپ، ويىنا العان ىستەردى ماعان كەلىپ ايتىپ، اڭگىمەلەسەتىن بولدى، مەن دە سابىرلىلىقپەن وعان تاربيە بەرىپ، اقىل ايتىپ وتىردىم. جايشىلىقتا مەكتەپتىڭ اسحاناسىنان بىرگە تاماقتانامىز، ول ماعان كلاستارىندا بولىپ جاتقان ىستەردى ايتادى، مەن دە مەرەكە - مەيرامداردا ودان حال سۇراپ بارىپ تۇرامىن. وسىلايشا، ءبىرقانشا رەت بارىس - كەلىس جاساسقاننان كەيىن، ماليكەم ەكەۋىمىز بۇكپەسىز اڭگىمەلەسەتىن بولدىق.
  تۋىس بولعان ادامدار ءجيى - ءجيى بارىس - كەلىس جاساپ تۇرۋى كەرەك. بيىل جازدىق دەمالىستا جۇبايىمدى ەرتىپ ماليكەمنىڭ اتا مەكەنى كەريا اۋدانىنىڭ سەمبى بازار قالاشىعى تۇقىم الاڭى قىستاعىنا بارىپ، ماليكەمنىڭ ۇيىندە قوناق بولدىق. ءبىز قۇربان تۇلىم ەسكەرتكىش سارايىن ەكسكۋرسيالاپ، توحتىحان اجەيدەن قۇربان تۇلىم اتايدىڭ اڭگىمەسىن ەستىپ، تەرەڭ اسەرلەندىك. ماليكەم ءبىزدىڭ ۇنەمى كەلىپ تۇرۋىمىزدى ءۇمىت ەتەتىندىگىن ايتتى. مەن: ءبىز دە سەنىڭ ورتا جازىقتاعى كەڭ ولكەگە، حىنانعا بارىپ قوناق بولۋىڭدى قارسى الامىز. تۋىستار ءجيى بارىس - كەلىس جاساعان سايىن سۇيىسپەنشىلىك تەرەڭدەي تۇسەدى، بارلىعىمىز ءبىر ءۇيلى جانبىز، - دەدىم.
   (ءتىلشىمىز لي ياڭ رەتتەگەن)


بەرىپ كەت ورامالىڭدى

دوستار

الىستاعى اق ەركە