جاڭا حابارلار

قاشقارداعى شىنجىن كاسىپ باقشاسى توقىما كاسىپورىندارىن وزىنە باۋرادى

    كەلۋ قاينارى: شينجياڭ حالىق راديو ىستانسياسى    2017-10-22 12:57:04  

ستانسيامىزدىڭ ءتىلشىسى حاميتتىڭ حابارىن تىڭداڭىزدار: «بەس شەكارا وتكەل سەگىز ەلگە، ءبىر جول ەۆروپا-ازياعا تۇتاساتىن» جاعراپيالىق ورىن ابىزالدىعىنىڭ ارقاسىندا قاشقارداعى شىنجىن كاسىپ باقشاسى كوپتەگەن توقىما كاسىپورنىن باۋراپ، كيىم- كەشەكتەرىن ورتا ازيا، ەۋروپا، امەريكا بازارلارىنا دەيىن ساتتى.
مەن قازىر قاشقار مودىڭ-رۇيلەي كيىم-كەشەك شەكتى سەرىكتەستىگى ءوندىرس سەحىندەمىن. بۇل ارادان 600 دەي جۇمىسسشىنىڭ ماشينامەن قاربالاس كيىم تىگىپ جاتقانىن كوردىم. بۇل تاۋارلار قوراپتالىپ بولعاننان كەيىن يسپانيانىڭ مادريت قالاسىنا جونەلتىلەدى ەكەن.
ۇلاسپالى ءوندىرس لەنياسىنىڭ سەحىنەن ءتىلشى، ءار بۋىندارعا دەيىن ارناۋلى ادام جاۋاپتى بولاتىندىعىن كوردى. جۇمىسشى اينۇر مامەت: «مەن ءار كۇنى وسى ارادا قىزمەت ىستەيمىن، ساپاسىنىڭ تولىمدى بولعان-بولماعانىن قاداعالايىمىن، ەگەر ءبىزدىڭ تىككەن كيىم-كەشەكتەرىمىزدىڭ ساپاسى جاقسى بولماسا ولار الماي قويادى-عوي، سوندىقتان مۇقيات قاداعالاۋ كەرەك،-دەدى.

مودىڭ-رۇيلەي كيىم-كەشەك شەكتى سەرىكتەسىگى چيڭداۋدىڭ لۇيرۇيفىڭ سەرىكتەستىگى مەن يسپانيانىڭ ROLY كيىم-كەشەك ايگىلى ماركاسى بىرلەسىپ قۇرعان زەرتتەۋ اشۋ، ءوندىرۋ، ساتۋ ءبىر تۇلعانعان امبەباپ سىرتقى ساۋدا كيىم- كەشەك سەرىكتەستىگى. سەرىكتەستىك بيىل ناۋرىزدا قاشقارداعى شىنجىن كاسىپ باقشاسىنا ىرگە تەپكەن، قازىرگە دەيىن مول قارجىمەن كيىم تىگەتىن ءتۇرلى جابدىقتار مەن ەرەكشە ماشينالاردان 800 ىن ورناتىپ بولدى. جىلدىق ءونىم قۇنى 120 ميلليون يۋان. سەرىكتەستىكتىڭ مەڭگەرۋشىسى جۋيانكۇن تىلشىگە: «تاپسىرىستى وتە كوپ قابىلداعاندىقتان، قازىر قاشقار قالاسىنىڭ ماڭايىنان شاعىن زاۆوتتار قۇرۋمەن ابىگەرىمىز، قازىر اپتاسىنا 70 شارشى مەتردەي زات وندىرەمىز، بۇلار مولشەرمەن 16 مىڭ دا 17 مىڭ دانا اينالاسىنداعى كيىم-كەشەك، بۇدان كەيىن قوسىمشا ءونىم قۇنى جوعارى كيىم-كەشەكتەردى وندىرەمىز.
قاشقارداعى شىنجىن كاسىپ باقشاسىن ارالايتىن بولساڭىز قۇلاعىڭىزعا اۋىر ءتيپتى ماشينالاردىڭ گۇرىلى ەستىلىپ تۇرادى. قاشقار يۇيفان كيىم تىگۋ شەكتى سەرىكتەستىگىنىڭ سەحىنەن ءتىلشى جۇمىسشىلاردىڭ جاڭادان تىگىلىپ بولعان كيىمدەرگە ۇرىدان ساقتانۋ تۇيمەسىن قاداپ جاتقانىن كوردى، وسىدان كەيىن بۇل تاۋارلار ا ق ش-قا شىعارىلادى ەكەن. سەرىكتەستىكتىڭ باس جوراسى دۋان يۇمين تىلشىگە قاشقارداعى شىنجىن كاسىپ باقشاسىنا ىرگە تەپكەن ءۇش جىلدان بەرى ءوندىرىس كولەمى جىل سايىن كەڭەيىپ، ساتىلمى دا العاشقى كەزدەگى تەك موسكۋا بازارى مەن قىرعىزستان بازارىنان ەۆروپا، امەريكا بازارىنا دەيىن كەڭەيدى دەي كەلىپ: 2015-جىلى 20 ميلليون يۋانعا جەتپەۋشى ەدى، ال بيىل 50 ميلليون يۋاننان اساتىندىعىنا كەپىلدىك ەتۋگە بولادى. ارتۋى وتە جاقسى. ەۆروپادان قابىلدانعان تاپسىرىسىمىز وتە كوپ.
قاشقاردا تۇراتىن سىرتقى ساۋدا قارىم-قاتىناس جاساۋ ورنىنىڭ مەڭگەرۋشىسى ءان گودۇڭ تىلشىگە: «ءبىزدىڭ وسى كاسىپ باقشامىزدا قازىر 34 كاسپورىن بار، ولاردىڭ 12 ىسى حالىقارالىق ساۋدامەن اينالسىپ، تاۋارلارى نەگىزىنەن ەۆروپا، ا ق ش، قىرعىزستان، پاكيستان جانە اراب بىرىككەن امىرلىگى سياقتى جەرلەرگە جونەلتىلەدى. ءبىز قازىر شەتەل ساۋداگەرلەرىن دە قاشقارعا قارجى قوسۋعا باۋراۋدامىز، جاقىندا عانا قىرعىزستاندىق ەلەكترون ساۋداگەرىمەن كەلىسىپ قويدىق، تاياۋدا كەلىسمگە قول قويامىز.


بەرىپ كەت ورامالىڭدى

دوستار

الىستاعى اق ەركە