جاڭا حابارلار

اۋىل شارۋاشىلىعىن كاسىپ سالالاندىرۋ شينجياڭداعى ديحانداردىڭ اۋقاتتانۋ قادامىن جەدەلدەتتى

    كەلۋ قاينارى: شينجياڭ حالىق راديو ىستانسياسى    2017-10-22 13:09:51  

ستانسيامىزدىڭ ءتىلشىسى ايبىنعازى راحمان ۇلى، لان تيان، ياڭ جيانچياۋدىڭ حابارىن تىڭداڭىزدار: پارتيا 19-قۇرىلتاينىڭ بايانداماسىندا: «اۋىل شارۋاشىلىعى، اۋىل- قىستاقتى الدىمەن دامىتۋعا تاباندى بولىپ، كاسىپتى كوركەيتۋ، ەكولوگيالىق ورتا قونىستانۋعا جايلى بولۋ، اۋىل سالتى وركەنيەتتى بولۋ، وڭاۋ ءونىمدى بولۋ، تۇرمىسى اۋقاتتى بولۋ سىندى باستى تالاپ بويىنشا، اۋىل شارۋاشىلىعى مەن اۋىل قىستاقتىڭ وسىزاماندانۋىن جەدەل ىلگەرلەتۋ كەرەكتىگى» اتاپ كورسەتىلدى. لوپنۇر اۋدانى داشي قىستاعى مەن شينجياڭ جەمىس كاسىبى توبى شەكتى سەرىكتەستىگى تۇرلىشە اۋىل شارۋاشىلىعىن كاسىپ سالالاندىرىپ دامتىۋ ۇلگىسىن بەلسەنە زەرتتەپ، شينجياڭ ديحاندارىنىڭ اۋقاتتانۋ جولىندا ءتىپتى تەز ءارى نىق قاداممەن العا باسۋىنا مۇمكىندىك جاراتتى.
مەن ءتىلشى لان تيان بولامىن، لوپنۇر اۋدانى شيڭپيڭ اۋىلىنداعى زۇلايا ديحاندار قولونەر كاسىپتىك سەلبەستىك كوپەراتيۆىندە، سەلبەستىك كوپەراتيۆىنىڭ جاۋاپتىسى زۇلحۇمار ءالىپ اۆتوماتتى تىگىن ماشيناسىمەن قاريدار تاپسىرىس بەرگەن كەستەلى جاستىق قاپتى تىگۋدە. زۇلحۇمار ءالىپ تىلشىگە، پارتيانىڭ ساياساتىنىڭ سۇيەمەلىندە، سەلبەستىك كوپەراتيۆى كولەمىنىڭ ۇزدىكسىز كەڭەيگەنىن ايتتى. پارتيا 19-قۇرىلتايى بايانداماسىندا ورتاعا قويىلعان «ديحانداردىڭ كاسىپتەنۋىن، شارۋاشىلىق قۇرۋىن قولداۋ جانە شابىتتاندىرۋ» بەكىمى زۇلحۇمار ءالىپنىڭ سەنىمىن ءتىپتى ارتتىردى، ول وزىنە ءبىر كىشكەنە نىسانا بەلگىلەدى: «مەن دە شارۋاشىلىق قۇرۋشىمىن، قازىر توڭىرەگىمدەگى 158 ايەل قىستاق تۇرعىنىن جەتەكتەدىم، ءبىز سەلبەستىك كوپەراتيۆىندە مەملەكەت ءتىلىن ۇيرەنە ءجۇرىپ، تەحنيكانى دا ۇيرەندىك. قازىر سەلبەستىك كوپەراتيۆىندەگى اپەكە- ءسىڭىلىلەردىڭ جىلدىق كىرىسى 70 مىڭ يۋانعا جەتىپ، قالتامىز قامپايدى. پارتيانىڭ ساياساتى ءتيىمدى، ءار ۇلت بۇقاراسى تىزە قوسا العا ۇمتىلدى، مەن بۇدان كەيىن جۇمىسكەر سانىن 300 دە 400 گە دەيىن ارتتىرىپ، اناعۇرلىم كوپ ايەلدى بىرگە شارۋاشىلىق قۇرىپ، كىرىس كىرگىزۋگە باستايمىن»،-دەدى.

رايونىمىزاعى كەدەي، قيىنشىلعى بار بۇقارا نەگىزىنەن اۋىل-قىستاقتاردا تۇرادى، اۋىل-قىستاقتارداعى كەدەي، قيىنشىلىعى بار بۇقارانىڭ دوڭگەلەك داۋلەتتى تۇرمىسقا جەتۋى اۋىل شارۋاشىلىعىنداعى جەتەكشى كاسپورىنداردىڭ ىقپالى مەن جەتەكشىلگىنەن ايىرىلا المايدى. شينجياڭ جەمىس كاسىبى توبى داتاڭ جىبەك جولى ەلەكتروندى ساۋدا شەكتى سەرىكتەستىگىنىڭ اتقارۋشى باس جوراسى ياڭ يۇڭشياڭ وزدەرىنىڭ باس شۋجي شي جينپيڭنىڭ 2014-جىلى ساۋىردە شينجياڭدى كوزدەن كەشىرگەندەگى تاپسىرماسىن ەستە بەرىك ساقتاپ، ورمان شارۋاشىلىعى، جەمىس- جيدەك كاسىبىن جاقسى ىستەپ، ديحانداردى كاسىپ ارقىلى كىرىستەرىن ارتتىرىپ كەدەيلىكتەن قۇتىلۋعا باستاماشىلدىق ەتكەندىكتەرىن ايتتى. ول تاعى باس شۋجي شي جينپيڭنىڭ پارتيا 19-قۇرىلتايىندا جاساعان بايانداماسىن ەستىگەندە مىندەتىمىزدىڭ بۇرىنعىدان دا اۋىرلاعانىن سەزگەندەي بولدىق دەي كەلىپ : «باس شۋجي باياندامانىڭ باسىندا-اق كوممونيستىك پارتيا اۋەلگى ماقساتتى ۇمىتپايدى دەگەندى ايتتى. ءىس جۇزىندە اۋەلگى ماقساتتى ۇمىتپاۋ دەگەنىمىز قالىڭ حالىقتى باقىتتى تۇرمىسقا، پايداعا كەنەلتۋ بولماق. كاسپورنىمىز اۋىل شارۋاشىلىعىن كاسىپ سالالاندىرۋداعى جەتەكشى كاسپورىن ءارى اۆتونوميالى رايونىمىزداعى كەدەيلەردى سۇيەمەلدەۋدەگى جەتەكشى كاسپورىن. ءبىز باس شۋجي شي جينپيڭنىڭ تاپسىرماسىن استە ەستەن شىعارمادىق، جەمىس -ورمان شارۋاشىلىعىن قايتكەندە جاقسى ىستەۋ كەرەكتىگىن ەستە بەرىك ساقتادىق. ءبىزدىڭ باستاماشىلدىعىمىزداعى شينجياڭنىڭ اۋىل شارۋاشىلىق ونىمدەرىن تانىسترۋ جينالىسى 10-قاراشادان 14-قاراشاعا دەيىن بەيجيڭ جانە گۋاڭجۋ قالالارىندا اشىلماقشى، سونىمەن بىرگە، الي تورابىمەن سەلبەسكەن 4-كەزەكتى شينجياڭ اۋىل شارۋاشىلىق ونىمدەرىن توراپتا تانىسترۋ قيمىلى دا باستالۋ الدىندا تۇر. وسى قىزمەتتەردىڭ ءتۇيىنى شينجياڭ ەرەكشەلىگىنە يە كاسىپتەردى وتە-موتە اۋىل شارۋاشىلىق ەرەكشە ونىمدەر ءوندىرىسىن جاقسى ىستەپ، ديحانداردىڭ كىرىسىن ارتتىرۋ،-دەدى.


بەرىپ كەت ورامالىڭدى

دوستار

الىستاعى اق ەركە