جاڭا حابارلار

حالىق تۇرمىسىنا جاسالعان تيىمدىلىك «بۇقارانىڭ باقىتقا كەنەلۋ سەزىمىن جوعارلاتتى»

    كەلۋ قاينارى: شينجياڭ حالىق راديو ىستانسياسى    2017-10-22 13:32:27  
ستانسيامىزدىڭ تىلشىلەرى ايبىعازى راحمان ۇلى، لان تيان، ياڭ جيانچياۋلاردىڭ حابارىن تىڭداڭىزدار: پارتيا 19-قۇرىلتايىنىڭ بايانداماسىندا، حالىق تۇرمىسىن قامتاماسىز ەتۋ جانە جاقسارتۋدا حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن مىقتى يگەرۋ كەرەكتىگى اتاپ كورسەتىلدى. رايونىمىزدىڭ جەر-جەرى، تاراۋلارى بەلسەنە ارەكەتكە كەلىپ، «حالىق تۇرمىسىنا جاسالعان تيىمدىلىك» بۇقارانىڭ باقىتقا كەنەلۋ سەزىمىن جوعارلاتۋى كەرەك دەپ ەسەپتەدى.
مەن ءتىلشى لان تيان بولامىن، لوپنۇر اۋدانى شيڭپيڭ اۋىلى زۇلايرا قولونەر تەحنولوگيا ديقاندار كوپەراتيۆىندە تۇرمىن، كوپەراتيۆتىڭ جاۋاپتىسى زۇلقۇمار ءالىپ اۆتوماتتى كەستە تىگۋ ماشيناسىمەن قاريدارلار تاپسىرىس بەرگەن كەستەلى جاستىق قاپتى ۇلگىرتىپ تىگىپ جاتىر. زۇلقۇمار ءالىپ تىلشىگە، پارتيانىڭ ساياسات جاعىنان كومەكتەسىپ سۇيەمەلدەۋىندە، كوپەراتيۆ كولەمىنىڭ ۇزدىكسىز كەڭەيگەنىن ايتتى. پارتيا 19-قۇرىلتايىندا العا قويىلعان «ديقانداردى جۇمىسقا ورنالاستىرىپ،شارۋاشىلىق قۇرۋعا شابىتتاندىرۋ» زۇلقۇمار ءالىپتىڭ سەنىمىن ءتىپتى بەكەمدەدى، ول وزىنە كىشكەنە نىسانا بەلگىلەگەنىن ايتا كەلىپ بىلاي دەدى: «مەن دە شارۋاشىلىق قۇرۋشىمىن، قازىر ماڭىمداعى 158 ايەل قىستاق تۇرعىنىنا جەتەكشىلىك ەتتىم، ءبىز كوپەراتيۆتە مەملەكەت ءتىلىن جانە تەحنيكا ۇيرەنەمىز. قازىر كوپەراتيۆتەگى اپەكە-سىڭىلىلەرىم ءبىر جىلدا 70 مىڭ يۋان كىرىس كىرگىزەدى، قالتالارى دا قامپايىپ قالدى. پارتيانىڭ جاقسى ساياساتى مەنءار ۇلت بۇقاراسىنىڭ ءبىر نيەت، ءبىر تىلەكتە كۇرەس جاساۋىنىڭ ارقاسىندا، بۇدان بىلاي ايەل جۇمىسشىلاردىڭ سانىن 300 دە 400 گە ارتتىرىپ، اناعۇرلىم كوپ ايەلدى بىرگە شارۋاشىلىق قۇرىپ، اقشا تابۋعا باستايمىن».
مەن ءتىلشى ايبىنعازى راحمان ۇلىمىن، قازىر اقسۋ كاسىپتىك تەحنيكا ينيستيتۋتىنىڭ توقىما ينجەنەريا فاكۋلدەتىندە تۇرىن. بۇل ارادا تىگىن ماشيناسىن ۇيرەنىپ پايدالانۋدان، ءىرى تۇرپاتتى توقىما ماشيناسىن مەڭگەرۋ، كۇتىمدەپ جوندەۋگە دەيىن، بارلىعى دا ساباقحانادا كورسەتىلەدى ەكەن، سونىمەن بىرگە، وقۋشىلار وسى جەردە ورتا دارەجەلى كاسىپتىك تاربيەگە يە بولعان 3 جىلدا، ولاردىڭ وقۋ قاراجاتى، كىتاپ اقىسى تۇگەلدەي كەشىرىم ەتىلىپ قانا قالماستان، ايىنا تاعى بەلگىلى تۇرمىستىق قوسىمشا قاراجات بەرىلەدى ەكەن.
پارتيا 19-قۇرىلتايىندا، كاسىپتىك وقۋ-اعارتۋ مەن تاربيەلەۋ جۇيەسىن كەمەلدەندىرىپ، كاسىپ پەن تاربيەلەۋدىڭ توعىسىپ، مەكتەپ پەن كاسىپورىننىڭ سەلبەسۋىن تەرەڭدەتۋ كەرەكتىگى العا قويىلدى. اقسۋ ايماعى قۇرعان اقسۋ كاسىپتىك تەحنيكا ينيستيتۋىنىڭ توقىما ينجەنەرياسى فاكۋلتەتى اقسۋدىڭ توقىما ونەركاسىپ قالاشىعىنداعى كاسىپورىندارمەن بايلانىسىن اناعۇرلىم كۇشەيتىپ، وقۋشىلاردى توپقا ءبولىپ توقىما كيىم -كەشەك كاسىپورىندارىنا بارىپ پراكتيكا جاساۋعا ۇيىمداستىردى. اقسۋ كاسىپتىك تەحنيكا ينيستيتۋتى توقىما ينجەنەريا فاكۋلدەتى پارتيا ياچەيكاسىنىڭ شۋجيى ياڭ جىچياڭ بىلاي دەدى: «پارتيا 19-قۇرىلتايىنىڭ رۋحىن دايەكتىلەندىرىپ، تياناقتاندىرىپ، ءتۇرلى قىزمەتىمىزدى ءىس جۇزىندىك ارەكەتىمىز ارقىلى ويداعىداي ىستەيمىز. ناقتىلاپ ايتقاندا، مۇندا كاسىپتىك شەبەرلىك پەن كاسىپتى دامىتۋدى سايكەستىرۋ، دارىندىلاردى تاربيەلەۋ مەن سول جۇمىس ورنىنىڭ شەبەرلىك ولشەمىن سايكەستىرۋ، قوعامدىق قىزمەت ەتۋ يقۋاتى مەن كەدەيلىكتەن قۇتىلدىرۋدان قامال الۋدى سايكەستىرۋ، وقىتۋ امالياتى مەن ءوندىرىس بارىسىن سايكەستىرۋ سىندى 4 تى تىكە سايكەستىرۋدى ويداعىداي ىستەپ، قوعامنان جىلىنا تاربيەلەنەتىن ادام سانىن 5 مىڭ ادام رەتتەن اسىرىپ، اقسۋ ايماعىنىڭ ەكونوميكاسى مەن قوعامىنىڭ دامۋىنا ءتيىستى ۇلەسىمىزدى قوسامىز».
مەن ءتىلشى ياڭ جيانچياۋ بولامىن، ءۇرىمجى قالاسى ىرداۋچياۋ اۋماعى باسقارۋ كوميتەتىنىڭ جۇمىس ءبىتىرۋ، قىزمەت وتەۋ زالىندا تۇرمىن، فۋشۋ كوشەسى الەۋمەتتىك اۋماعىنىڭ تۇرعىنى ايشام جالەل الەۋمەتتىك اۋماق كادرلارىنىڭ سەرىك بولۋىندا، ەڭبەك ىستەۋ قابىلەتىنەن ايرىلعان بالاسى ءۇشىن قاتىستى كومەك اقشا الۋ ءراسيماتىن ءبىتىردى. ايشام جالەل تىلشىگە، تومەن كىرىستەگىلەردىڭ تۇرمىسىن قامتاماسىزداندىرۋعا جانە جارالانعاندارعا، مۇگەدەكتەرگە بەرىلەتىن كومەك اقشا سياقتى ءىشىنارا كومەك قاراجاتىن قوسقاندا، بالاسىنىڭ قازىر ايىنا 700 يۋاننىڭ ۇستىندە تۇرمىس قاراجاتىن الاتىندىعىن ايتا كەلىپ بىلاي دەدى: «مەملەكەت پەن اۆتونوميالى رايوننىڭ بارلىق كومەك قاراجاتى تياناقتانىپ، بالاما كومەگى ءتيىپ جاتىر. پارتيا 19-قۇرىلتايىندا تومەن كىرىستەگىلەردىڭ تۇرمىس دەڭگەيىن جوعارىلاتۋ العا قويىلدى، وسى حاباردى ەستىگىندە، ەرەكشە اسەرلەندىم جانە قۋاندىم، تۇرمىسىمىزدىڭ بارعان سايىن جاقسارا تۇسەتىندىگىنە سەنىمىم كامىل».
پارتيا 19-قۇرىلتايىندا بىلاي دەپ اتاپ كورسەتىلدى: دامۋ بارىسىندا حالىق تۇرمىسىن قامتاماسىز ەتۋ مەن جاقسارتۋعا تاباندى بولىپ، قالا مەن اۋىلدىڭ قوعامدىق قۇتقارۋ جۇيەسىن ءبىر تۇتاس جوسپارلاپ، ەڭ تومەنگى تۇرمىستى قامتاماسىزداندىرۋ ءتۇزىمىن كەمەلدەندىرىپ، ايەلدەر مەن بالالاردىڭ زاڭدى ۇقىق-مۇددەسىن قامتاماسىز ەتىپ، قوعامدىق كومەك، قوعامدىق يگىلىك، قايىر-ساحابات ىستەرى، الدىمەن قارايلاسىپ ورنالاستىرۋ سياقتى تۇزىمدەردى كەمەلدەندىرۋ كەرەك. اۆتونوميالى رايوندىق حالىق ىستەرى مەڭگەرمەرسى كادرلار ىستەرى تاربيەلەۋ باسقارماسىنىڭ باستىعى لي زىدۇڭ بىلاي دەدى: «اۆتونوميالى رايون بيىل قالا مەن اۋىلداعى ەڭ تومەن كىرىستەگى تۇرمىسى قامتاماسىزداندىرىلاتىنداردىڭ، وتە-موتە اۋىل-قىستاقتاعى ەڭ تومەنگى تۇرمىسى قامتاماسىزداندىرىلاتىنداردىڭ جىلدىق كومەك قاراجات ولشەمىن 2 مىڭ 855 يۋاننان 3 مىڭ 200 يۋاننىڭ ۇستىندە جوعارلاتتى، قالاداعى ەڭ تومەنگى تۇرمىسى قامتاماسىزاندىرىلاتىنداردىڭ ايلىق كومەك قاراجات ولشەمىن 376 يۋاننان 396 يۋانعا جوعارىلاتىپ، تومەن كىرىستەگى تۇرمىسى قامتاماسىزداندىرىلاتىنداردىڭ تۇرمىس دەڭگەيىن بارىنشا جاقسارتتى. بۇدان كەيىن ءبىز، ءسوزجوق، باس شۋجيدىڭ حالىق ىستەرى قىزمەتىنە قويعان تالابى بويىنشا، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا 19-قۇرىلتايىندا العا قويىلعان كۇرەس نىساناسىن جۇزەگە اسىرۋ ءۇشىن ءوز كۇشىمىزدى قوسامىز».

بەرىپ كەت ورامالىڭدى

دوستار

الىستاعى اق ەركە