جاڭا حابارلار

جاپپاي دوڭگەلىك داۋلەتتى قوعام قۇرۋدىڭ شەشۋشى جەڭىسىنە جەتۋ ءۇشىن رايونىمىزداعى ءار ۇلت كادر، بۇقاراسى جىگەردى تاسقىنداتتى

    كەلۋ قاينارى: شينجياڭ حالىق راديو ىستانسياسى    2017-10-22 13:49:47  
جيناق حاباردى تىڭداڭىزدار: باس شۋجي شي جينپيڭ پارتيا 19-قۇرىلتايىندا جاساعان بايانداماسىندا بىلاي دەپ اتاپ كورسەتتى: 2020-جىلعا بارعاندا، ەلىمىزدىڭ قازىرگى اتقارىپ وتىرعان ولشەمى نەگىزىندە، اۋىل-قىستاقتاعى كەدەي حالىق سانىن كەدەيلكتەن قۇتىلدىرىپ، كەدەي اۋدانداردىڭ كەدەيلىك قالپاعىنان تۇگەلدەي الىپ تاستاۋ، وڭىرلىك سيپاتتى جالپى تۇلعالىق كەدەيلىك ماسەلەسىن شەشىپ، ناعىز كەدەيلەردى كەدەيلىكتەن قۇتىلدىرۋ، كەدەيلىكتەن شىنايى قۇتىلدىرۋ كەرەك. باس شۋجيدىڭ سالماقتى ءسوزى رايونىمىزداعى قالىڭ پارتيالى كادردى ەرلىكپەن العا ۇمتىلىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ ۇلى ىسىنە ءىس جۇزىندىك ارەكتتەرى ارقىلى قاتىناسۋعا شابىتتاندىردى، ءارى رايونىمىزداعى كەدەي بۇقارانىڭ كەدەيلكەن قۇتىلىپ، اۋقتاناۋ سەنىمى مەن بەكىمىن كۇشەيتتى.
العاشقى ءجۇز جىلدىق كۇرەس نىساناسىن جۇزەگە اسىرۋدا ەڭ ماڭىزدىسى كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ. بۇل قازىر شەگەرىپ ساناۋ مەزگىلىنە ءوتتى. اۆتونوميالى رايوندىق سۋ يگىلىگى مەڭگەرمەسى جوبا-جوسپار باسقارماسىنىڭ باستىعى چيۋ شىڭبين، سۋ يگىلىگى تاراۋلارىنىڭ 2020-جىلعا دەيىنگى سۋ يگىلىگى جاعىندا كەدەيلىكتەن قۇتىلدىرۋ جوباسىن جاساپ بولعاندىعىن ايتا كەلىپ بىلاي دەدى: «كەدەيلىكتەن قۇتىلدىرۋدان قامال الۋدى ارقاۋ ەتەتە وتىرىپ، وتە-موتە ەرەكشە كەدەي اۋداندارعا سۋ يگىلىگى جاعىندا تىرەك بولىپ جانە قامتاماسىزداندىرىپ، بۇقارانىڭ اۋىز سۋ جانە جەر سۋارۋ ماسەلەسىن شەشەمىز».
2020-جىلعا بارعاندا، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدەن جاپپاي قامال الامىز، ۋاقىت استە ءبىزدى كۇتىپ تۇرمايدى، اۆتونوميالى رايوننىڭ قازىنالىق باقىلاۋ تاراۋلارى، مىندەتىن ادال اتقارىپ، كەدەيلەردى سۇيەمەلدەۋ قارجىسىن قازىنالىق باقىلاۋ تەبىنىن جەدەلدەتىپ، ناعىز كەدەيلەردى كەدەيلىكتەن قۇتىلدىرىپ، كەدەيلىكتەن شىنايى قۇتىلدىرۋعا كەپىلدىك ەتەتىنىن ايتتى. اۆتونوميالى رايوندىق قازىنالىق باقىلاۋ مەڭگەرمەسى اۋىل-شارۋاشىلىعى جانە بايلىق قورشاعان ورتاسى قازىنالىق باقىلاۋ باسقارماسىنىڭ باستىعى لي جىندۇڭ بىلاي دەدى: «قازىنالىق باقىلاۋ مەڭگەرمەسى رايونىمىزداعى 21 اۋدان، قالانىڭ جىلدىق حالىق تۇرمىسى قارجىسىن باسقارۋ، پايدالانۋ جاعدايىنا قازىنالىق باقىلاۋ جۇرگىزدى، مۇنىڭ ىشىندە، كەدەي اۋدان، قالاعا ساياتىنى 14، وڭتۇستىك شينجياڭداعى 3 ايماق، 1 وبىلىستىڭ كەدەي اۋدان، قالالارىنا ساياتىنى 10، قازىنالىق باقىلاۋ جۇرگىزىلەتىن قارجى كولەمى قازىنانىڭ كەدەيلەردى سۇيەمەلدەۋ ارناۋلى قارجىسى، بەيقۇت ءۇي سالىپ، حالىقتى اۋقاتتاندىرۋ ينجەنەرياسى كومەك قاراجاتى سياقتى 13 ءتۇرلى قارجىنى قامتىدى. بۇدان كەيىن باس شۋجيدىڭ بايانداما رۋحىن ىشكەرىلەي دايەكتىلەندىرىپ، تياناقتاندىرىپ، قازىنانىڭ كەدەيلەردى سۇيەمەلدەۋ ارناۋلى قارجىسى سياقتى حالىق تۇرمىسى قارجىسىن قازىنالىق باقىلاۋ تەبىنىن جالعاستى كۇشەيتىپ، قازىنالىق باقىلاۋدا بايقالعان ماسەلەلەرگە وسكەلەڭ ءمان بەرەمىز، وتە-موتە كەدەيلەردى سۇيەمەلدەۋ سالاسىندا ساقتالعان ماسەلەلەردى ءبىر جايلى ەتىپ جازالاۋ جانە جاۋاپكەرلىگىن قۋزاستىرۋ تەبىنىن ارتتىرىپ، جاۋاپكەرلىگىن قۋزاستىرىپ، اۆتونوميالى رايوننىڭ ەكونوميكاسى مەن قوعامىنىڭ دامۋى ءۇشىن، جۇمىس ورنىمىزدان تاپجىلماي، ساقاداي ساي تۇرامىز».
پارتيا ورتالىق كوميتەتىنىڭ ساياساتىنىڭ جاقسى-جاماندىعىن اۋىلداستاردىڭ جۇزىنەن بايقايسىز. 67 جاستاعى گى شۋەجيڭ قۇتىبي اۋدانى يۋانحۋسۇن قالاشىعى حىجۋاڭ قىستاعىنداعى كەدەيلەردى دالمە-ءدال سۇيەمەلدەۋ وبيەكتىسى، ونىڭ ايەلى مەن ۇلى مۇگەدەك، ءبىر ءۇيلى جان گى شۋەجيڭنىڭ ۇساق-تۇيەك جۇمىس ىستەپ تاپقان تابىسىنا جانە 6 مۋ جەرىن اينالىمعا سالۋ قاراجاتىنا سۇيەنىپ كۇنەلتەدى. بىلتىر بۇل وتباسى ۇكىمەت تەگىن سالىپ بەرگەن كەدەيلەردى دالمە-ءدال سۇيەمەلدەۋ تۇرعىن ۇيىنە كوشىپ كىرگەن، بيىل قىركۇيەكتە، ۇلى جەرگىلىكتى ورىنداعى ورتا دارەجەلى كاسىپتىك تەحنيكا مەكتەبىنە قابىلدانادى، كەدەي وتباسىلارىنداعى بالالاردى تەگىن وقىتۋ سىندى حالىققا ءتيىمدى ساياساتتىڭ ارقاسىندا، ونىڭ 17 مىڭ 600 يۋان وقۋ قاراجاتى قالتاسىندا قالدى، ول بىلاي دەدى: 19- قۇرىلتايدىڭ نەگىزگى ءمانى تاعى دا وتباسىن دامىتىپ اۋقاتتاندىرۋ، دوڭگەلەك داۋلەتتى دەڭگەيگە جەتكىزۋ، دوڭگەلەك داۋلەتتى دەڭگەيگە جەتكىزۋدە كەدەيلەرىنىڭ بىردە-بىرەۋىن قاعىس قالدىرماۋ ەكەن، ءوز باسىم ىشتەي ءدان ريزا بولدىم، پارتيانىڭ ءتيىمدى ساياساتىنا العىستان باسقا ايتارىم جوق.
پارتيانىڭ ءتۇپ تامىرى نەگىزگى ساتىدا، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدىڭ شەشۋشى ءتۇيىنى ـــ نەگىزگى ساتى پارتيا ۇيىمىنىڭ كۇرەسكەرلىك رۋحىنا قاتىستى. بىرنەشە كۇننەن بەرى، مارالباسى اۋداندىق ەگىن-مال شارۋاشىلىق رايونى جاڭاشا سەلبەسىپ ەمدەۋدى باسقارۋ ورتالىعىنىڭ مارالباسى اۋدانى اناركول اۋىلى بەستۇپ قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىستاق ديحاندارىن پارتيا 19-قۇرىلتايى بايانداماسىنىڭ رۋحىن ۇيرەنۋگە ۇيىمداستىردى، باياندامادا باس شۋجي «اۋىل شارۋاشىلىعى، اۋىل-قىستاق، شارۋالار» ماسەلەسىن قىزمەتتىڭ ماڭداي الدى ورىنعا قويىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جاپپاي قول جەتكىزىپ، كوپشىلىكتىڭ سەنىمىن بەكەمدەپ، جىگەرىن شىڭاۋدى العا قويدى. قىزمەت اترەتىنىڭ ورىنباسار باستىعى ابدسامەت اقات بىلاي دەدى: نەگىزگى ساتى كادرى تۇرعىسىنان، وسى ساياساتتاردى قىستاق ديحاندارىنا تولىق جەتكىزۋدەن سىرت، ولارعا ءتۇسىندىرۋىمىز كەرەك. ادامداردىڭ جاعدايىنا، دالمە-دال سۇيەمەلدەۋ سۇرانىسىنا ساي، ءار ادامعا ۇيلەسەتىن كەدەيلىكتەن قۇتىلدىرۋ جولىن قاراستىرۋىمىز قاجەت.
كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدە ناعىز كەدەيلەردى كەدەيلىكتەن قۇتىلدىرۋ، كەدەيلىكتەن شىنايى قۇتىلدىرۋ كەرەك.
لوپ اۋدانى دول اۋىلىنىڭ حالۋاپ قىستاعىنداعى ديحاندارعا كومەكتەسۋ كەپتەر باعىمشىلىعى كاسىبى سەلبەستىك كوپەراتيۆبىنە باراتىن بولساڭىز، قاز-قاتار سالىنعان تازا دا رەتتى كەپتەر ۇياسىن كورەسىز، وندا كەپتەر باعاتىندار تەك قانا ناۋاعا سۋ جىبەرىپ تازالاسا بولدى، اۆتوماتتى جەم بەرۋ جۇيەسى كەپتەرلەرگە جەمىن جەتكىزەدى، تازا اۋىز سۋ جۇيەسى ارقىلى كەپتەرلەرگە سۋ بەرىلەدى. بۇل اۆتونوميالى رايوندىق قازىنا مەڭگەرمەسىنىڭ حالۋاپ قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىستاق تۇرعىندار كوميتەتىمەن سەلبەسىپ اتقارعان «عىلىم-تەحنيكاعا سۇيەنىپ، كەدەيلەردى دالمە-ءدال سۇيەمەلدەۋ ارناۋلى ارەكەت» نىسانى. قازىنا مەڭگەرمەسى عىلىم-تەحنيكادان پايدالانىپ كەدەيلەردى دالمە-ءدال سۇيەمەلدەۋ نىسانىنان ءبىر ميلليون يۋان قارجىنى كەدەي قينشىلىعى بار وتباسىلارىنا بەيىمدەپ، ءار ادامنىڭ اتىندا سەلبەستىك كوپەراتيۆبىنە 3 مىڭ يۋاننان قارجى قوسىپ، 60 وتباسىنداعى 230 كەدەي جان سانىن سەلبەستىك كوپەراتيۆبىنىڭ قارجىگەرىنە اينالدىرىپ، جىل سوڭىندا ولارعا سيلىق اقشا بەرۋدى جوسپارلاپ وتىر. اۆتونوميالى رايوندىق قازىنا مەڭگەرمەسىنىڭ حالۋاپ قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى ارداق ياسىن بىلاي دەدى: العاشقى مەجەگە قاراعاندا، كۇنىنە 200 دەي جۇمىرتقا الىپ، ءبىر جۇمىرتقانى 5 يۋانعا ساتساق، جىلىنا 300 مىڭ يۋانداي كىرىس كىرگىزەدى ەكەنبىز. پارتيا 19-قۇرىلتايىنىڭ بايانداماسىندا ناعىز كەدەيلەردى كەدەيلىكتەن قۇتىلدىرۋ، كەدەيلىكتەن شىنايى قۇتىلدىرۋ ماسەلەسى العا قويىلدى، بيىل كەپتەر كاسىبىن تاعى دا كولەمدەندىرىپ، وسى نىسان ارقىلى قىستاق سايىن بىردەن ءونىم بولۋ تالابى نەگىزىندە كەپتەر باعىمشىلىق كاسىبىن كولەمدەندىرىپ، كەدەي وتباسىلارىنىڭ توپتىق كەپتەر باعۋىنا مۇمكىندىك جاساماقشىمىز، دامىعاننان كەيىن، كەدەيلىكتەن قۇتىلۋ سەنىمىز ءتىپتى بەكەمدەلەدى، -دەدى.
بىرنەشە كۇننەن بەرى، باركول قازاق اۆتونوميالى اۋدانى سارشوقى اۋىلى باتىس سۋجي قىستاعى حۇڭشيڭ دۇكەنىندەگى جانار مۋسا قىزى جاڭا زات كىرۋگىزۋگە ازىرلەنىپ جاتىپتى. 2016- جىلدىڭ باسىندا، ول قىستاقتاعى 235 وتباسىمەن بىرگە كەدەي وتباسىلار قاتارىنا ەنگىزىلگەن بولاتىن، قىستاق تۇرعىندار كوميتەتى مەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتىمەن قىستاقتا تۇرعان قىزمەت اترەتى وعان كەدەيلەردى دالمە-ءدال سۇيەمەلدەۋ ساياساتىن بەلگىلەپ، ساۋدا دۇكەنىن اشۋىنا قولعابىس ەتەدى، ءارى كەدەيلەردى سۇيەمەلدەۋ فينانىس قارىز اقشاسىن تاراتادى. بۇگىنگى كۇندە، ونىڭ وتباسىندا 40 قوي، 4 سيىر بار. شاعىن ساۋدا دۇكەنىنىڭ ايلىق كىرىسى 4 مىڭ يۋاننان اسادى. وسى رەت باس شۋجيدىڭ بايانداماسىن تىڭداعاننان كەيىن جانار مۋسا قىزى دوڭگەلەك داۋلەتتى دەڭگەيگە جەتۋ بەرىك بەكىمىنە كەلىپتى. ول تىلشىگە بىلاي دەدى: 2016- جىلى ۇكىمەت ماعان ءبىر تۇيە بەردى، ونى بىرەۋگە باققىزدىم جانە 10 قوي بەردى، 30 مىڭ يۋان فينانىس قارىز اقشاسىن الدىم، وسى دۇكەندى اشقاننان كەيىن ساۋدام كۇسەت بولدى. جالقاۋ بولماي، ەڭبەكشىل بولساڭ تۇرمىسىڭ بارعان سايىن جاقسارادى ەكەن.
ءۇشتۇرپان اۋدانى ءۇشتۇرپان قالاشىعى نانگۋان قىستاعى قالا مەن اۋىلدىڭ تۇتاسقان جەرىندە، جان سانى كوپ، جەر از. قىستاق تۇرعىنى ما ۋيپيڭنىڭ اۋلاسى شاعىن بولسا دا 10 سيىر، 10 قوي جانە قاز، ۇيرەك جانە سويىس كەپتەر باعىپ وتىر. ءبىر جىلدىق تابىسى 35 مىڭ يۋان. ماڭىنداعى قسىتاق تۇرعىندارى دا باعىمشىلىقتى دامىتقىسى كەلىپ ۇنەمى ما ۋيپيڭنىڭ وتباسىنا بارىپ باعىم تاجىريبەلەرىن ۇيرەنەدى، ول دا بار تاجىريبەسىن جاسىرماي ولارعا بەلسەنە ۇيرەتەدى. ول بىلاي دەدى: باس شۋجي كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋ كەرەكتىگىن العا قويدى، باس شۋجيدىڭ وسى سوزدەرىنە ەستىگەندە ايىرىقشا قۋاندىم، قازىر، كەدەيلىكتەن قۇتىلعان كۇندە دە، الداعى تۇرمىسىما اناعۇرلىم بەرىك سەنىم بايلاپ وتىرمىن، ماڭىمداعى بۇقارانى جۇمىلدىرىپ، يدەيالىق كوزقاراسىما بۇرىلىس جاساپ، تىڭعىلىقتى ۇيرەنىپ، جولداستارىمنان تەحنيكا يگەرىپ، كوپشىلىك بىرلىكتە اۋقاتتانامىز.
شينجياڭ مەديتسينا ۆنيۋەرسيتەتىنە قاراستى ءبىرىنشى شيپاحانانىڭ باستىعى ۋىن حاۋ بىلاي دەدى: ەمدەۋ قىزمەتكەرى تۇرعىسىنان كەدەيلەردى اقاۋسىزدىق جاعىنان سۇيەمەلدەۋ قىزمەتىن جاقسى ىستەۋ كەرەك. باس شۋجي شي جينپيڭ 19- قۇرىلتاي بايانداماسىندا بۇكىل ەلىمىزگە ۇندەۋ شىعارىپ جانە تالاپتار قويدى، ءبىز جاۋاپكەرلىگىمىزدى بۇلتارماي مۇقيات اتقارىپ، سۇيەمەلدەنەتىن وڭىرلەر مەن بۇقارانى كەدەيلەردى سۇيەمەلدەۋ وزگەرىستەرىن سەزىندىرۋىمىز قاجەت. وڭتۇستىك شينجياڭدا ۇزاق ۋاقىت تۇراتىن ەكى ەمدەۋ اترەتىمىز بار، كەدەيلەردى دالمە-ءدال سۇيەمەلدەۋ ارناۋلى نىسانى جانە تەحنيكتەردى اۋدان دارەجەلى شيپاحانالارعا جىبەرۋ ارقىلى ولاردىڭ قىزمەت وتەۋ قۋاتىن جەدەل جوعارىلاتامىز. اۆتونوميالى رايوننىڭ قازىرگى جالپى حالىقتىق دەنساۋلىق تەكسەرۋ جوسپارىنان ءونىمدى پايدالانىپ، ەمدەۋ بىرىككەن تۇلعاسىنىڭ كومەگىندە، قامتي الاتىن شيپاحانالارمىزدا سولارعا قاراستى ورىندا ۇنەمى كورىنەتىن اۋرۋلاردى، كوپ كەزىگەتىن اۋرۋلاردى، شۇعىل قۇتقارۋعا ءتيىستى ناۋقاستاردى ەمدەۋ ماسەلەسىن اۋدان، اۋىلداردىڭ وزىندە شەشۋگە مۇمكىندىك جاسايمىز.

بەرىپ كەت ورامالىڭدى

دوستار

الىستاعى اق ەركە