جاڭا حابارلار

تاماشا مەزگىلگە كەز بولدىق

    كەلۋ قاينارى: شينجياڭ گازەتى    2017-10-22 18:56:54  

ءتىلشىمىز لۋ ۋيچۇن

 قازاننىڭ ورتا شەنى. شىعىس شينجياڭنىڭ قۇمىل قالاسىندا كۇن ءالى دە جىلى. شارۋالار ماقتا تەرىپ، ءجۇزىم ۇزۋمەن نەمەسە جيناپ ۇيگە اكەلىنگەن شىلانداردى كەپتىرۋ جۇمىسىمەن ابىگەر. اتىزداردان مول ءونىم شاتتىعىنا شومعان بەينەلەر مەن مۇندالايدى.
  14 - قازان تۇستە قۇمىل قالاسى ەۋىرعول رايونى پالۋانتۇر قالاشىعى ياۋلۇڭ قىستاعىندا اپپاق ماقتالار، جايقالا وسكەن كوكپەڭبەك ۋسارىمساقتار كوزگە ەرەكشە باسىلادى. جەمىسى ۇزىلگەن ءجۇزىم، شىلان اعاشتارىنىڭ تىرشىلىك تىنىسى ءالى دە قاۋلاپ تۇر. كەلەر جىلعى مول ونىمگە كۇش - قۋات، ءنار جيناپ تۇرعانداي.
  ءجۇزىم باعىندا تۇسكى اس ءىشىپ جاتقان ياۋلۇڭ قىستاعىنىڭ تۇرعىنى ۋاڭ يانيۇن قۋانا: 15 مۋ جەرگە ءجۇزىم ەككەن بولاتىنمىن. مۋ باسىندىق ورتاشا ءونىمى 2 تونناداي بولىپ، جالپى 30 نەشە توننا جۇزىمنەن 150 مىڭ يۋاننان استام كىرىس تاپتىم. بۇگىن ۋسارىمساقتاردى سۋارىپ جاتىرمىن، 10 كۇننەن كەيىن ساتۋعا كەلەدى، 2 مۋ جەرگە ەگىلگەن وسى ۋسارىمساقتان 20 نەشە مىڭ يۋان كىرىس كىرەدى. قازىر پارتيا مەن ۇكىمەتتىڭ ساياساتى جاقسى. ەگىن ەكسەك سالىق تاپسىرۋ بىلاي تۇرسىن، جاردەماقى بەرىلەدى. تاماشا مەزگىلگە كەز بولدىق، - دەدى.
  ياۋلۇڭ قىستاعىنداعى ماقتا ەگەتىن ءىرى كاسىپكەر ليۋ ميڭكاي: 170 مۋ جەرگە ماقتا ەكتىم، مۇنىڭ 140 مۋ جەرى ماشينامەن تەرىلەدى. 100 نەشە مۋ جەرگە ەگىلگەن ماقتانى 2 كۇندە تەرىپ بولامىن، بيىل ماقتانىڭ باعاسى جاقسى. العاشقى مەجەگە قاراعاندا، مۋ باسىندىق كىرىسى 2500 يۋانعا جەتۋى مۇمكىن، - دەدى.
  ياۋلۇڭ قىستاعى پارتيا ياچەيكاسىنىڭ ورىنباسار شۋجيى ليۋ ميڭفىڭ: سوڭعى جىلدارى قىستاق تۇرعىندارىنىڭ جەردى كوتەرمەگە الۋ جاعدايىنا نەگىزدەلىپ، ءۇرتىس تالاي جىل ەگىمشىلىك قۇرىلىمىن رەتتەپ، ءجۇزىمدى، شىلاندى، ماقتانى، ۋسارىمساقتى نەگىز ەتكەن ەگىمشىلىك قۇرىلىمىن العاشقى ادىمدا قالىپتاستىردى. قازىر قىستاق تۇرعىندارى اۋقاتتانىپ، دوڭگەلەك داۋلەتتى ورەگە ۇمتىلۋدا، - دەدى.
  ەۋىرعول رايونىنىڭ شىعىسىنداعى باقىت قىستاعى الەۋمەتتىك اۋماعىنداعى قۇمىل حۇڭشيڭ توبىنىڭ ءجۇزىم بازاسىندا جۇرتتىڭ ءجۇزىم ءۇزۋ، تۇرگە ايىرۋ، قوراپتاۋ جۇمىسىمەن ابىگەر بولىپ جاتقانىن كوردىك. ولاردىڭ اراسىندا ءبىر توپ قازاق ايەلدەر ەرەكشە كوزگە ءتۇستى. اسىلىندە ولار سول جەردەگى شەت، شالعاي تاۋلى وڭىرلەردەن بيىل ەتەككە تۇسكەن مالشىلار ەكەن.
  «بۇل ارادا ىستەگەنىمە 5 ايدان استى، ايىنا 2000 نەشە يۋان ەڭبەكاقى الامىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىققا تيىمدىلىك جاساۋ جاقسى ساياساتىنا العىسىمىز بولەك، - دەدى ەۋىرعول رايونىنىڭ تيانشان اۋىلىنان باقىت قىستاعى الەۋمەتتىك اۋماعىنا كوشىپ كەلگەن مالشى اسيگۇل قۋانا.
  ۇعىسۋعا قاراعاندا، تاۋلى وڭىرلەردەگى مالشىلاردىڭ «ەتەككە تۇسۋىنە، ورنىعۋىنا، اۋقاتتانۋىنا، دامۋىنا» مۇمكىندىك جاساۋ ءۇشىن، باقىت قىستاعى الەۋمەتتىك اۋماعى حالىققا تيىمدىلىك جاساۋ ساياساتتارىن جاپپاي تياناقتاندىرىپ، شىلان، ءجۇزىم بازاسىنا سۇيەنىپ، الۋان ءتۇرلى شارالاردى قولدانىپ، مالشىلاردىڭ جۇمىسقا ورنالاسۋىنا كومەكتەسكەندىكتەن، نەشە ونداعان مالشى وتباسى اۋقاتتانۋعا قادام تاستاعان.


بەرىپ كەت ورامالىڭدى

دوستار

الىستاعى اق ەركە