باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تاسقىنداعان سۇيىسپەنشىلىكپەن جاڭا داۋىرمەن قاۋىشتى

    كەلۋ قاينارى: شينجياڭ گازەتى    2017-10-22 19:00:51  

−رايونىمىزداعى ءار ۇلت كادر-جۇرتشىلىعى پارتيا 19-قۇرىلتايىنىڭ بايانداماسىن قىزۋ تالقىلادى

 وسى 2 كۇندە تەلەۆيزوردا، قول تەلەفوندا، گازەت بەتىندە «جاڭا ءداۋىر» دەگەن ءسوز ادامداردىڭ نازارىنا ءجيى - ءجيى ءىلىنىپ، كەزەكتەگى قىزۋ سوزگە اينالىپ، نازارعا ءىلىنۋ مولشەرى بارىنشا جوعارى بولدى. شي جينپيڭ جولداس پارتيا 19 - قۇرىلتايىنىڭ بايانداماسىندا بىلاي دەپ اتاپ كورسەتتى: «ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى. بۇل − ەلىمىز دامۋىنىڭ جاڭا تاريحي بەلەسى». رايونىمىزداعى ءار ۇلت كادر - جۇرتشىلىعى باياندامانى مۇقيات ۇيرەنگەننەن كەيىن، جابال تۇردە تاسقىنداعان سۇيىسپەنشىلىكپەن جاڭا داۋىرمەن قاۋىشىپ، جاڭا بورىشتى ارقالاپ، جاڭا ارەكەتكە كىرىسەمىز دەستى.
  جاڭا وزگەرىستەرگە قۋانىشپەن نازار سالدى
  شينجياڭ قوعامدىق عىلىمدار اكادەمياسى عىلمي زەرتتەۋ باسقارماسىنىڭ باستىعى ليۋ لۋمەي بىلاي دەدى: پارتيا 19 - قۇرىلتايىنىڭ بايانداماسىندا «پارتيا 18 - قۇرىلتايىنان بەرگى 5 جىل − پارتيا مەن مەملەكەتتىڭ دامۋىنداعى تىم ەرەكشە 5 جىل» دەپ اتاپ كورسەتىلدى. مۇنداي ەرەكشەلىك «ۇزاق ۋاقىتتان بەرى شەشۋدى ويلاساق تا شەشىلمەگەن ءبىرتالاي قيىن ماسەلەلەردى شەشۋدەن، ىلگەرى ىستەۋدى ويلاساق تا ىستەي الماعان ءبىرتالاي ۇلكەن ىستەردى ىستەۋدەن» شوعىرلى ايگىلەندى.
  «ءشول دالادان مەملەكەتتىك تازا قالا، مەملەكەتتىك قورشاعان ورتانى قورعاۋداعى ۇلگىلى قالا، مەملەكەتتىك وركەنيەتتى قالاعا دەيىن، ونان قازىرگى پاراساتتى قالاعا دەيىنگى 50 جىلدان استام ۋاقىتتان بەرى، قارامايلى سىندى ءشول دالاداعى جاڭا قالا كۇن ساناپ تۇلەجىپ، اي ساناپ جاڭاردى. توڭىرەگىمىزدە تۋىلعان بۇل وزگەرىستەر ءبىزدىڭ شىنىمەن جاڭا داۋىرگە وتكەنىمىزدى تولىق دالەلدەدى»، - دەدى قارامايلى قالالىق پارتكوم پارتيا مەكتەبىنىڭ ۇنەمىلىك ىستەرگە جاۋاپتى ورىنباسار باستىعى ليۋ شين ءوز باسىنان وتكىزگەندەرى مەن سەزىنگەندەرى ارقىلى جاڭا داۋىرگە دەگەن تۇسىنىگىن بايانداپ.
  «پارتيانىڭ 19 - قۇرىلتايىنىڭ بايانداماسىنداعى جۇڭگوشا سوتسياليزم جاڭا داۋىرگە وتكەنى جونىندەگى شىت جاڭا تۇجىرىم ادامنىڭ كوڭىلىن تولقىتتى. جاڭا ءداۋىر − ەلىمىزدىڭ دامۋىنىڭ جاڭا تاريحي بەلەسى، پارتيا مەن مەملەكەتتىڭ ىستەرىنىڭ دامۋىنىڭ جاڭا ءداۋىرى بولىپ قانا قالماستان، ءبىز بۇقاراعا دا دامۋدىڭ سۇبەلى تابىستارىن شىنايى سەزدىرگەن جاڭا ءداۋىر»، - دەدى چارقىلىق اۋدانى ايجيانكاڭ شىلانى كاسىپتىك سەلبەستىك كووپەراتيۆىنىڭ القا باستىعى حان يۇيپىڭ: «وقۋ ءبىتىرىپ 5 جىلدان كەيىن، مەن شارۋاشىلىق قۇرىپ اۋقاتتانۋ ارمانىمەن اۋىلىما قايتىپ، شىلان وسىرەتىن 8 وتباسىنىڭ باسىن قوسىپ، ءبىر ميلليون 200 مىڭ يۋان قارجى قوسىپ سەلبەستىك كووپەراتيۆىن قۇردىم، العاشقى جىلى 40 توننادان استام شىلان جيناپ، ساتۋ كىرىسىمىز ءبىر ميلليون 270 مىڭ يۋانعا جەتتى. بىلتىر جيىنى 200 توننادان استام شىلان ساتىپ، ساتۋ سومامىز 6 ميلليوننان استى، مۇنىڭ ىشىندە %80 زاكاز ينتەرنەتتە ورىندالدى».
  ءدوربىلجىن اۋدانى جەلاعاش قالاشىعى تومەنگى جەلاعاش قىستاعىنىڭ تۇرعىنى ساۋ جىنشين دا وسىنداي اسەردە. ول بىلاي دەدى: «پارتيانىڭ حالىقتى اۋقاتتاندىرۋ ساياساتىنىڭ قولداۋىندا، مەن 1860 شارشى مەترلىك باعىمشىلىق الاڭىن قۇرىپ، ءسۇتتى سيىر باعىمشىلىعىمەن اينالىسىپ، اۋقاتتانۋ جولىنا ءتۇستىم. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىزدىڭ جاڭا داۋىردە اناعۇرلىم تاماشا جاڭا تۇرمىسقا كەنەلەرىمىز ءسوزسىز».
  5 جىلدان بەرگى وزگەرىستەردى تىلگە العاندا، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى قورا - جاي بازارىن باقىلاۋ - باسقارۋ باسقارماسىنىڭ باستىعى جاڭ حۇڭتاۋ ساۋساعىن بۇگىپ اسىلدارىن ساناعانداي سويلەدى: پارتيا 18 - قۇرىلتايىنان بەرى، اۆتونوميالى رايونىمىز بەيقۇت ءۇي سالىپ، حالىققا تيىمدىلىك جاساۋ ينجەنەرياسىن زور كۇشپەن جۇرگىزىپ، اۋىل - قىستاقتاردا جيىنى ءبىر ميلليون 500 مىڭ بەيقۇت ءۇي سالىپ، 6 ميلليونعا تاياۋ ەگىنشى - مالشى بۇقارا جاڭا ۇيگە كوشتى؛ لاشىقتى اۋماقتاردان جيىنى 929 مىڭ 700 ءۇي جاڭالانىپ سالىنىپ، لاشىقتى اۋماقتاردان 2 ميلليون 300 مىڭنان استام تۇرعىن جاڭا ۇيگە كوشتى؛ جيىنى 820 مىڭ 500 الەۋمەتتىك جالعا بەرىلەتىن ءۇي سالىپ (دايىنداپ)، قالا - قالاشىقتارداعى 2 ميلليوننان استام ورتا، تومەن كىرىستەگىلەردىڭ، جاڭادان جۇمىسقا ورنالاسقان قىزمەتكەرلەردىڭ، سىرتتان كەلىپ جۇمىس ىستەۋشىلەردىڭ باسپانا قيىنشىلىعىن شەشتى... «جاڭا داۋىردەگى باقىتتى تۇرمىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دۇرىس باسشىلىعىنان ايرىلا المايدى»، - دەدى جاڭ حۇڭتاۋ.
  جاڭا تالاپتى مىقتى يگەردى
  «پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن پارتيا 19 - قۇرىلتايىنىڭ جەڭىسپەن اشىلعانىنا دەيىن، مەن وتانىمىزدىڭ رەفورما جاساعان العاشقى ماشاقاتتى كەزىنەن گۇلدەنىپ - كوركەيگەن كەزىنە، ونان جاڭا داۋىرگە كىرگەن بۇگىنگى جاعدايعا دەيىنگى بارىستى باسىمنان وتكەردىم. 30 جىلعا جۋىق پارتيا ستاجى بار قارت پارتيا مۇشەسى رەتىندە، مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دۇرىس باسشىلىعىنا شىن جۇرەكتەن العىس ايتامىن. جۇڭگو كوممۋنيستىك پارتياسىنىڭ دۇرىس باسشىلىعى بولماسا، جۇڭحۋا ۇلتىنىڭ ۇلى گۇلدەنۋى دە بولماق ەمەس. وتاندى كوركەيتۋدىڭ ۇلى امالياتىندا ءبىز پارتيالى كادرلاردا جاڭا جاۋاپكەرلىك، جاڭا بەينە بولۋ كەرەك»، - دەدى اۆتونوميالى رايوندىق حالىق ۇكىمەتى كەڭسەسى پارتيا باسشىلىق گرۋپپاسىنىڭ مۇشەسى، كەڭسەنىڭ ورىنباسار مەڭگەرۋشىسى ءىلحام احات.
  «شي جينپيڭ جولداس پارتيا 19 - قۇرىلتايىنىڭ بايانداماسىندا جاڭا داۋىردەگى جۇڭگوشا سوتسياليزم يدەياسى مەن نەگىزگى جالپى جوباسىن جۇيەلى تۇردە بايىمدادى، اسىرەسە، جاڭالىق اشۋدىڭ دامۋعا جەتەكشىلىك ەتەتىن ءبىرىنشى قوزعاۋشى كۇش، وسىزاماندانعان ەكونوميكالىق جۇيە قۇرۋدىڭ ستراتەگيالىق تىرەگى ەكەنىن ستراتەگيالىق بيىكتەن باسا دارىپتەدى، بۇل ءبىز سياقتى عىلىم - تەحنيكا قىزمەتكەرلەرىن ايرىقشا جىگەرلەندىردى»، - دەدى اۆتونوميالى رايوندىق عىلىم - تەحنيكا مەڭگەرمەسىنىڭ باستىعى جاڭ شياۋلەي.
  «تۇرعىن ءۇي ماسەلەسى ءارقاشان حالىق بۇقاراسىنىڭ ەڭ كوڭىل بولەتىن، ەڭ رەال، ەڭ تىكە مۇددە ماسەلەلەرىنىڭ ءبىرى بولىپ كەلەدى. ءبىز تۇرعىن ءۇي شارت - جاعدايىن جاقسارتىپ، حالىق بۇقاراسىنىڭ تۇرعىن ءۇي دەڭگەيىن جوعارىلاتىپ، جايلى ۇيدەن جۇرتتىڭ ءبارىن يگىلىكتەندىرۋ ءتۇبىرلى نىساناسىن ورىنداپ، ءۇي، قورا - جاي بازارىنا ماكرولىق رەتتەۋدى شىنايى كۇشەيتەمىز جانە جاقسارتامىز. جاڭا داۋىرگە وتكەن سوڭ، حالىق بۇقاراسىنىڭ تۇرمىسى بارعان سايىن جاقسارىپ، تۇرمىسى بارعان سايىن باقىتتى بولا تۇسەتىنىنە سەنەمىز»، - دەدى جاڭ حۇڭتاۋ.
  جاڭا ىسكەرلىك كورسەتتى
  «پارتيا 19 - قۇرىلتايىنىڭ بايانداماسىندا جەردى كوتەرمەگە الۋدىڭ 2 - كەزەگىنىڭ مەرزىمى تولعان سوڭ تاعى 30 جىلعا ۇزارتىلادى دەلىندى، بۇل ءبىز شارۋالاردىڭ كوڭىلىن ورنىقتىردى. مەن سيىر تۇقىمىن ۇزدىكسىز اسىلداندىرىپ، قىستاقتا باعىمشىلىق كاسىپتىك كووپەراتيۆىن قۇرىپ، ءوزىمنىڭ مال باعۋ تاجىريبەمدى قىستاق تۇرعىندارىنا ۇيرەتىپ، جۇرتتى بىرگە بايۋعا باستايمىن» دەگەن ساۋ جىنشين الداعى دامۋ تۋرالى ايقىن جوسپار جاساپ قويىپتى.
  «پارتيانىڭ جاقسى ساياساتىنا راقىمەت، مەن، ءسوز جوق، بىلەك سىبانا ەڭبەك ەتەمىن»، - دەدى حان يۇيپىڭ، ول پارتيا مەن ۇكىمەتتىڭ قولداپ - قۋاتتاۋىندا كووپەراتيۆ كولەمىن ونان ارى ۇلعايتىپ، ءتىپتى دە كوپ جاستى جۇمىسقا تارتىپ، ءتىپتى دە كوپ شارۋانى اۋقاتتانۋعا باستايتىنىن ءبىلدىردى.
  جاڭ شياۋلەي بىلاي دەدى: «ءبىز ۇيرەنگەندى قولدانا بىلۋگە، قولدانۋ ارقىلى ۇيرەنۋدى جەبەۋگە تاباندى بولىپ، پارتيا 19 - قۇرىلتايى بايانداماسىنىڭ رۋحىن ۇيرەنۋدى، دايەكتىلەندىرۋدى تەز ارادا جاڭالىق اشۋدى جەتەكشى ەتكەن دامۋ ستراتەگياسىن اتقارىپ، جاڭاشىل شينجياڭ قۇرىپ، شينجياڭنىڭ جىبەك جولى ەكونوميكالىق بەلدەۋىندەگى دارا باسىمدىققا يە، عىلىم - تەحنيكالىق بىرەگەي رايونعا اينالۋىن جەبەيتىن ناقتى شارالارعا اينالدىرامىز».   «نازاريا قىزمەتكەرى رەتىندە، ءوز قىزمەت ورنىمدى تياناق ەتىپ، پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، بۇقاراعا جاناسىمدى قاراپايىم تىلمەن پارتيا 19 - قۇرىلتايىنىڭ رۋحىن پارتيا مۇشەلەرىنە، بۇقاراعا جەتكىزىپ، جاڭا داۋىردەگى جۇڭگوشا سوتسياليزمنىڭ ۇزدىكسىز العا ىلگەرىلەۋىنە تىڭ ۇلەس قوسامىن»، - دەدى ليۋ شين.
  شينجياڭ مەديتسينا ۋنيۆەرسيتەتى پارتكومىنىڭ شۋجيى گاۋ فاشۇي بىلاي دەپ قارادى: جاڭا داۋىردە جاڭا كاسىپ اشۋ كەرەك. جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىس كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى مەزگىلدە ءبىز شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ارەكەت قىبلانامامىز ەتىپ، بايانداما رۋحىن ساياسيدى دارىپتەۋ بيىگىنەن ىشكەرىلەي ۇيرەنىپ، باياندامادا ورتاعا قويىلعان مۇرات - سەنىم تاربيەسىن ورىستەتۋ، جۇڭگوشا سوتسياليزم جانە جۇڭگو ارمانى جونىندەگى ۇگىت - تاربيەنى تەرەڭدەتۋ سياقتىلاردى كۇش سالۋ ءتۇيىنى ەتىپ، جوعارى مەكتەپ تاربيەسى شەبىن جاقسى قورعاپ، ءمورالدى ادام تاربيەلەۋدىڭ ءتۇبىرلى مىندەتىن تياناقتاندىرۋىمىز كەرەك.
  «بۇدان كەيىنگى قىزمەت بارىسىندا، مەن شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن وي - سانامدى قارۋلاندىرىپ، اۋىر جۇكتى باتىلدىقپەن ارقالاپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ىسكە شىنداپ ارالاسىپ، بىلەك سىبانا جۇمىس ىستەپ، اۆتونوميالى رايوندىق پارتكومنىڭ ءبىر قاتار ورنالاستىرۋلارىن «سوڭعى ءبىر شاقىرىمعا» دەيىن تياناقتاندىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ءوز كۇشىمدى قوسامىن»، - دەدى ءىلحام احات.
  (تىلشىلەرىمىز جاۋ جىيۇن، فان حۇڭ - ي، ما ينيڭ، يۋە يانيۇن، لي شيڭ، جيڭ بو، شيا چيڭ، ياۋ گاڭ، جاۋ شييا)

ءان الەمى

جول توسىلىپ قالدى

تۇلپارىم