باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

داۋلەتتى قوعام قۇرۋدىڭ شەشۋشى جەڭىسىنە جەتۋدەن جاپپاي سوتسياليستىك وسىزاماندانعان قۇدىرەتتى ەل قۇرۋعا دەيىن

    كەلۋ قاينارى: شينجياڭ گازەتى    2017-10-22 19:18:36  

−19-قۇرىلتاي ۋاكىلدەرى «قوس 100 جىلدىق» كۇرەس نىساناسىن تىلگە تيەك ەتتى
شينحۋا اگەنتتىگىنىڭ ءتىلشىسى جاڭ شينشين

 19 - قۇرىلتايدىڭ بايانداماسىندا جاپپاي دوڭگەلەك داۋلەتتى قوعام قۇرۋ، ءبىرىنشى 100 جىلدىق كۇرەس نىساناسىن جۇزەگە اسىرۋ ءارى قولايلى جاعدايدان پايدالانىپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي شەرۋ تارتۋ كەرەكتىگى العا قويىلدى.
  ۋاكىلدەر بىلاي دەپ قارادى: وسى ستراتەگيالىق ورنالاستىرۋ «تاياۋ مەزگىلدىك، ورتا مەزگىلدىك، ۇزاق مەزگىلدىك» نىسانالارمەن ورگانيكالى تۇردە ۇشتاستىرىلعان، لۋشيانى اناعۇرلىم انىق، مازمۇنى اناعۇرلىم باي، تاقىرىبى اناعۇرلىم تەرەڭ، پارتيانىڭ بۇكىل ەلدەگى ءار ۇلت حالقىنا باسشىلىق ەتىپ، «قوس 100 جىلدىق» كۇرەس نىساناسىن جۇزەگە اسىرۋداعى قۇدىرەتتى بەكىمى مەن بەرىك سەنىمىن كورسەتتى، ونىڭ بۇكىل قوعامنىڭ تەبىندى العا باسۋىنىڭ سارقىلماس قوزعاۋشى كۇشىنە شابىت بەرەتىندىگى ءشۇباسىز.
  ۇلى گۇلدەنۋدىڭ جول كارتاسىن سالدى
  ارمان كۇرەسكە شاقىرادى، نىسانا كۇش - قۋاتتى شوعىرلاندىرادى.
  ۋاكىلدەر مىنانى ءبىلدىردى: باياندامادا «قوس 100 جىلدىق» كۇرەس نىساناسى تەرەڭ بايىمدالىپ، جۇڭحۋا ۇلتىنىڭ ۇلى گۇلدەنۋىنىڭ جول كارتاسىن انىق سالىپ بەردى، بۇل ادامداردى العا ۇمتىلۋعا ىنتالاندىرىپ، جۇرت جۇرەگىن شابىتتاندىرادى.
  قازىردەن 2020 - جىلعا دەيىنگى ۋاقىت − جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ مەزگىلى.
  2020 - جىلدان وسى عاسىردىڭ ورتا شەنىنە دەيىن، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ ەكى ساتىعا ءبولىپ ورنالاستىرىلدى.
  19 - قۇرىلتاي ۋاكىلى، ىشكى موڭعۇل اۆتونوميالى رايونى شيلينعول ايماقتىق (امىك) پارتكومنىڭ شۋجيى لو حۋ بىلاي دەدى: باياندامادا سوتسياليستىك وسىزاماندانعان قۇدىرەتتى ەل قۇرۋ جوباسى ايقىندالىپ، «بەستى ءبىر تۇلعالاندىرۋ» جالپىلىق ورنالاستىرۋى ءتىپتى ايقىن باعىت سەزىمى مەن نىسانا سەزىمىنە كەنەلتىپ، بولاشاقتاعى دامۋعا باعىت - باعدار كورسەتىلدى.
  «بايانداماداعى بولاشاق جونىندەگى جوبانى ەستىگەندە، قىستاعىمىزدىڭ قالاي وزگەرىپ، قىستاق تۇرعىندارىنىڭ تۇرمىسىندا قانداي وزگەرىس بولاتىندىعىن ويلادىم». 19 - قۇرىلتاي ۋاكىلى، گۇيجوۋ چياننان وبلىسى لوديان اۋدانى موياڭ قالاشىعى ماحۋاي قىستاعى پارتيا ياچەيكاسىنىڭ شۋجيى دىڭ يىڭشياڭ بىلاي دەدى: جاڭا كۇرەس نىساناسىنىڭ اسەرى اسا مول، ادامدارعا ونىڭ بويىنان ءوز ارمانىن تابۋىنا مۇمكىندىك بەرەدى.
  دىڭ يىڭشياڭ تۇراتىن ماحۋاي قىستاعىنىڭ ءتورت توڭىرەگىن تاۋ قورشاعان، جەرى كۇدىر، كەزىندە ايگىلى كەدەي قىستاق بولاتىن. تاۋدى تەسىپ جول سالۋ، كوكونىس ءوسىرۋدىڭ ناتيجەسىندە، 5 جىلدان بەرى قىستاق تۇرعىندارىنىڭ جان باسىندىق ورتاشا كىرىسى 10 ەسەنىڭ ۇستىندە ارتتى. «قىستاعىمىز شەت، شالعاي تاۋلى ءوڭىر بولعانىمەن، اۋقاتتانۋداعى سەرپىنىمىز ەشكىمنەن كەم ەمەس، پارتيانىڭ كۇرەس نىساناسىمەن ءجۇرىپ، جاڭا ءۇي سالىپ، جەڭىل اۆتوكولىك ساتىپ الىپ، كەدەيلىك قالپاعىن تۇبەگەيلى الىپ تاستايمىز».
  ارماندى سەزىنۋگە، ءتىپتى مەڭگەرۋگە دە بولادى. ۋاكىلدەر بىلاي دەپ قارادى: 2020 - جىلدان وسى عاسىردىڭ ورتا شەنىنە دەيىنگى مەزگىلدى ەكى 15 جىلعا ءبولىپ ورنالاستىرۋ سوتسياليستىك وسىزاماندانعان قۇدىرەتتى مەملەكەت قۇرۋدىڭ ستراتەگيالىق قادامىن، نىسانالىق مىندەتىن ايقىن كورسەتىپ، قادام بويىنشا ىلگەرىلەتۋ، نىق باسىپ الىسقا جەتۋدەي دامۋ جۇلگەسىن ايگىلەدى.
  «باياندامادا وسىزامانداندىرۋ نىساناسى ونان ارى اشالانىپ، كەزەڭدىك مىندەتتەر وتە ايقىن بايىمدالعان». 19 - قۇرىلتاي ۋاكىلى، كۇنميڭ تەمىر جول مەكەمەسى پارتكومىنىڭ شۋجيى جوۋ رۇڭ بىلاي دەدى: «بۇرىن كۇنميڭنەن پويەزبەن بەيجيڭگە، شاڭحايعا، گۋاڭجوۋعا بارۋ ءۇشىن تاۋلىك بويى جول باساتىنبىز، جوعارى جىلدامدىقتى تەمىر جول ىسكە قوسىلعان سوڭ، نەبارى 10 ساعاتتا جەتەتىن بولدىق». جوعارى جىلدامدىقتى تەمىر جولدىڭ ۇشقان قۇستاي دامۋىنا كۋا بولعان جوۋ رۇڭ 2035 - جىلى ەلىمىزدىڭ جاڭاشىل ەلدەردىڭ الدىڭعى قاتارىنان بوي كورسەتۋ نىساناسىنا كامىل سەنەدى.
  19 - قۇرىلتايدىڭ ۋاكىلى، حاي - ىر توبى جورالار القاسىنىڭ ءتوراعاسى جاڭ رۇيمين: عىلىم - تەحنيكا مىعىم بولسا، مەملەكەت قۇدىرەتتى بولادى. ءبىز 15 جىلدىق ۋاقىت ارقىلى عىلىم - تەحنيكا سەركەسىنە اينالدىق، بۇل وسى عاسىردىڭ ورتا شەنىنە بارعاندا مەملەكەتتىڭ جالپىلىق قۋاتى مەن حالىقارالىق ىقپال كۇشى جاعىندا الدا جۇرۋگە، ءسوز جوق، بەرىك نەگىز ازىرلەيدى. «قوس 100 جىلدىق» كۇرەس نىساناسى كوكەيدەگى ارمان ءارى ناقتى جوبا، ۇلى گۇلدەنۋدىڭ بولاشاعى اناعۇرلىم شۇعىلالى، - دەدى.
  «حالىقتى بارىنەن جوعارى ورىنعا قويۋ» سىندى شىنايى سۇيىسپەنشىلىك ايگىلەندى
  مەملەكەتتىڭ تاعدىرى حالىقتىڭ تىلەگىندە. «جالپى حالىقتىڭ بىرگە اۋقاتتانۋى نەگىزىنەن جۇزەگە استى»، «حالقىمىز اناعۇرلىم باقىتتى، امان - ەسەن تۇرمىس كەشىرەتىن بولادى»... مەيلى «قوس 100 جىلدىق» كۇرەس نىساناسى بولسىن، الدە كەزەڭدىك نىسانا بولسىن، ءبار - ءبارى دە ءبىزدىڭ بىرگە اۋقاتتانۋ جولىمەن بۇلجىماي جۇرەتىنىمىزدى، حالىقتى باقىتقا كەنەلتەتىن جان - جاقتى دامۋعا تالپىناتىنىمىزدى ايگىلەيدى.
  ۋاكىلدەر: «قوس 100 جىلدىق» كۇرەس نىساناسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىقتى بارىنەن جوعارى ورىنعا قويۋ سىندى ساياسي ىقىلاسىن ايگىلەدى، - دەپ قاراستى.
 19 - قۇرىلتايدىڭ ۋاكىلى، حاينان ولكەسى دانجوۋ قالاسىنىڭ لانياڭ قالاشىعىنداعى پاندا باستاۋىش مەكتەبىنىڭ وقىتۋشىسى ۋاڭ جينحۋا: قايسى ءبىر مەملەكەت، قايسى ءبىر ساياسي پارتيا جۇڭگو كوممۋنيستىك پارتياسى سياقتى حالىق پەن مەملەكەتتى تىعىز جاناستىرىپ، 100 جىلدان اساتىن كۇرەس نىساناسىن باتىلدىقپەن العا قويىپ، نەشە ۇرپاق ادامنىڭ باق - ىرىسىن ءوزىنىڭ ارەكەت باعدارلاماسىنا ەنگىزگەن ەمەس، - دەدى.
  وقۋ - اعارتۋ − حالىق تۇرمىسىنداعى ماڭداي الدى ءىرى ءىس. ۋاڭ جينحۋا: وسى بىرنەشە جىلدا اۋىل - قىستاقتاعى شالعاي وڭىرلەر وقۋ - اعارتۋ، نەگىزدىك قۇرىلعى سياقتى حالىق تۇرمىسى ينجەنەرياسىندا قول جەتكىزگەن تابىستار مەنى ەرەكشە «باقىت سەزىمىنە» بولەدى. پاندا باستاۋىش مەكتەبى ۇلى تاۋدىڭ تەرەڭ قويناۋىنا ورنالاسقان، قالاشىق ۇكىمەتتەن 50 نەشە كيلومەتر شالعايدا. بۇرىن مەكتەپتەگى ۇستەل - ورىندىقتاردىڭ ءوزى ابدەن توزىعى جەتكەن كونە ەدى، ال بۇگىن وقىتۋدا تەگىس ينفورماتسيالانعان جابدىق ىستەتىلەتىن بولدى. مەن اۋىل - قىستاق مەكتەپتەرىنىڭ ءشوپ كۇركەلەردەن كەرپىش ۇيلەرگە، ونان وقىتۋ عيماراتتارىنا اينالعان وراسان زور وزگەرىسىنە كۋا بولدىم. قازىر قىستاعىمىزداعى، قالاشىعىمىزداعى ەڭ كوركەم جەرلەر مەكتەپتەر. بالالاردىڭ باسىم كوبى ساباقحانالارعا كىرىپ، اناعۇرلىم جاقسى ءتالىم - تاربيە الۋدا، - دەدى.
  عىلىم - تەحنيكانىڭ كوركەيۋى دە حالىق تۇرمىسىنا يگىلىك اكەلەدى. 19 - قۇرىلتايدىڭ ۋاكىلى، شىنجىن حۋادا گەن زەرتتەۋ ورنى پارتكومىنىڭ شۋجيى دۋ يۇيتاۋ: گەن تىزبەگىن ولشەۋ تەحنيكاسىندا قامال الىنعاندىقتان، تۋىتتان بۇرىن زاقىمداماي ەكشەۋ ءتاسىلى كەڭ كولەمدى جالپىلاسىپ، اناعۇرلىم كوپ تۋما كەمىستىك باقىلاندى. بۇلاردى عىلىم - تەحنيكا العاباسارلىعى مەن مەملەكەتتىڭ قولداۋىنان بولە قاراۋعا كەلمەيدى. جاڭا كۇرەس نىساناسى عىلىم - تەحنيكا جاسامپازدىعىن تاعى دا كورنەكتىلەندىردى، بۇل اناعۇرلىم كوپ عىلمي زەرتتەۋ تابىستارىنىڭ قوعامدى يگىلىككە كەنەلتۋىن، ءسوز جوق، جەبەپ، ادامداردى اناعۇرلىم باقىتتى، تىنىش تۇرمىسقا بولەيدى، - دەدى.
  كۇرەس نىساناسىنىڭ ءمانى تىنباي كەڭەيتىلىپ، ادامدى ارقاۋ ەتۋ ۇستانىمى بارىنشا ايگىلەنىپ، قالىڭ جۇرتشىلىقتىڭ تىلەگىنە سايكەستى. 19 - قۇرىلتايدىڭ ۋاكىلى، حۇيجوۋ قالالىق پارتكومنىڭ شۋجيى چىن ي - ۋي: بۇرىنعى قارىن توقتىقتان، ءومىر سۇرۋگە ۇمتىلۋدان بۇگىنگىدەي قورشاعان ورتانى قورعاۋعا، ەكولوگياعا دەن قويۋعا دەيىن بايانداما قالىڭ جۇرتشىلىقتىڭ ۇمىتىنە سايكەستى. سوتسياليستىك وسىزاماندانعان قۇدىرەتتى ەل تۇسىنىگى «باي، قۇدىرەتتى، دەموكراتيالى، وركەنيەتتى، جاراسىمدى» بولۋدى كورنەكتىلەندىرۋمەن بىرگە، «كورىكتىلىكتى» ايرىقشا باسا دارىپتەدى، «نىساناعا ساتى - ساتى بويىنشا ىلگەرىلەپ، بۇرىنعىعا مۇراگەر، كەيىنگىگە بۇيداگەر بولىپ، حالىقتىڭ باقىتتى تۇرمىسقا، كورىكتى اتا مەكەنگە دەگەن ارمانىنا ۇيلەستى». حۇيجوۋ «تاۋ - سۋلى قالا» قۇرىلىسىن ۇزبەي العا ىلگەرىلەتىپ كەلەدى، بۇل نىسانا بىزگە وسى جىلداردا جۇرگەن جولىمىزدىڭ دۇرىس ەكەنىن سەزىندىردى، سەنىمىمىز نىعايا ءتۇستى، بىلەكتى سىبانىپ قۇلشىنا كىرىسۋگە بارىنشا ىنتالاندىردى، - دەدى.
  اۋەلگى ماقساتتى ۇمىتپاعاندا عانا، كوزدەگەن ناتيجەگە جەتە الامىز. ۋاكىلدەر: «حالىق» باستان - اياق پارتيامىزدىڭ بارلىق قىزمەتىنىڭ شىعار ءتۇيىنى جانە تابان تىرەر تياناعى سانالادى. بۇل ءبىزدىڭ كۇرەس نىسانامىز، سونداي - اق بۇل ومىرشەڭدىك كۇشتىڭ قاينارى، - دەپ قاراستى.
  جىگەرلەنە العا باسۋدىڭ قۋاتتى قوزعاۋشى كۇشىن ۇيىستىردى
  ۋاكىلدەر بىلاي دەدى: «قوس 100 جىلدىق» كۇرەس نىساناسى جۇرتتى جەلپىنتىپ، پارتيا مەن مەملەكەت ىستەرىنىڭ «ۇلكەن نىسانالارىن» جەكە ادام ومىرىندەگى «شاعىن نىسانالارعا» اينالدىرىپ، ۇلى گۇلدەنۋ سىندى جۇڭگو ارمانىن جۇزەگە اسىرۋدىڭ قۋاتتى كۇشىن توپتادى.
  19 - قۇرىلتاي ۋاكىلى، جۇڭگو تەمىر جولى عىلىم - ونەركاسىپ توبى جيۋچياۋ سەرىكتەستىگىنىڭ جۇمىسشىسى، 10 نەشە جىلدان بەرى دانەكەرلەۋ جۇمىسىمەن ارنايى شۇعىلدانىپ كەلە جاتقان ۋاڭ جۇڭمەي ءوزىنىڭ قىزمەتى كوپىردىڭ ساپاسى مەن حاۋىپسىزدىگىنە بايلانىستى ەكەنىن، قىزمەتى قاراپايىم، ءبىر سىدىرعى بولعانىمەن، ەرەكشە ماڭىزدى ەكەنىن ايتتى. باياندامادا ايتىلعان ەڭبەكتى داڭق دەپ بىلەتىن قوعامدىق سالت جانە كەمەلدىلىككە تالپىنىپ، كاسىپتى سۇيەتىن راي قالىپتاستىرۋ وعان ەرەكشە اسەر قالدىرىپتى. «وسى زامانعى ونەركاسىپ مەيلى قالاي دامىسىن، شىنشىل، مۇقيات، قاتاڭ، قاجىماس، كەمەلدىلىككە تالپىناتىن ۇستالىق رۋح ەشقاشان ەسكىرمەيدى. مەملەكەتتىڭ ۇلكەن نىسانالارىنىڭ قالقاسىندا، مەنىڭ شاعىن نىسانام − ۇستالىق رۋحتى ۇزدىكسىز اسقاقتاتىپ، ءار بۋىنداعى دانەكەرلەۋ جۇمىسىنا جاۋاپكەرلىكپەن قاراپ، كوپىر دانەكەرلەۋشى ءتىپتى دە كوپ جۇمىسشىنى شەبەر، جاسامپاز، تولىمدى ەڭبەكشىلەردەن بولۋعا قۇلشىنا جەتەكتەۋ. ەلىمىزدىڭ كوپىر قۇرىلىسىنداعى ءىرى ەلدەن كوپىر قۇرىلىسىنداعى ەگەي ەلگە ءوتۋى ءبىز سياقتى كوپىر دانەكەرلەۋشى جۇمىسشىلاردىڭ ءوز كۇشىن قوسۋىن قاجەت ەتەدى»، - دەدى ول.
  «جۇڭگولىقتاردىڭ قازانىندا اس بولۋى كەرەك، ونان دا ماڭىزدىسى، جۇڭگولىقتاردىڭ اسى ءدامدى، ءنارلى بولۋىنا مۇمكىندىك جاساۋ قاجەت». 19 - قۇرىلتاي ۋاكىلى، حىنان ولكەلىك عىلىم - تەحنيكا ينستيتۋتىنىڭ پروفەسسورى رۋ جىنگاڭ بىلاي دەدى: عىلىم - تەحنيكا قىزمەتكەرى جانە جوعارى مەكتەپ وقىتۋشىسى رەتىندە، جۇمىس توبىن باستاپ، اۋىل شارۋاشىلىعى عىلىم - تەحنيكاسىن دامىتۋعا قۇلشىنىپ، حالىقارادا وزىق ءبيداي تۇقىمىن جەتىلدىرۋگە تالپىنىپ، ءونىمدى كەڭ اۋقىمدا بىركەلكى ارتتىرۋدى، تۇراقتى ءمول ءونىم الۋدى جۇزەگە اسىرىپ، ءتىپتى دە كوپ، ءتىپتى دە ساپالى استىق ءوندىرىپ، شارۋالاردىڭ كىرىسىن ارتتىرۋ، اۋىل شارۋاشىلىعىنىڭ ونىمدىلىگىن جوعارىلاتۋ، الەمنىڭ استىق حاۋىپسىزدىگى ءۇشىن ۇلەس قوسۋىم كەرەك.
  19 - قۇرىلتاي ۋاكىلى، جياڭشي ولكەسى فۋجوۋ قالاسى لينچۋان رايونى چاڭكاي قالاشىعى دۇڭحۋ قىستاعى پارتيا ياچەيكاسىنىڭ شۋجيى حۋاڭ نا باياندامانىڭ سوڭىنداعى جاستارعا ارتىلعان ءۇمىت جۇرتتى جىگەرلەندىرگەنىن ايتتى. «جاستار وركەندەسە، مەملەكەت وركەندەيدى، جاستار مىقتى بولسا، مەملەكەت تە قۇدىرەتتى بولادى». ستۋدەنت قىستاق كادرى رەتىندە، حۋاڭ نادا نىق سەنىم بار. «جاس كادرلاردا ارمان، قابىلەت، جاۋاپكەرلىك، سابىر بولۋى كەرەك. اۋىل - قىستاقتاردى كوركەيتۋ ستراتەگياسى قالىڭ جاس كادرلارعا ءتىپتى دە كەڭ ساحنا ازىرلەپ بەرەدى، نەگىزگى ساتى ءبىرىنشى شەبىنە تامىر تارتقان جاڭا دارىندى بولىپ، كورىكتى اۋىل - قىستاق قۇرىپ، اۋىلداستاردى كەدەيلىكتەن قۇتىلىپ، اۋقاتتانۋعا باستاۋ كەرەك»، - دەدى ول.
  ءبىر ءداۋىردىڭ وزىنە ءتان تاقىرىبى، ءار ءداۋىر ادامدارىنىڭ وزىنە ءتان بورىشى بولادى. ورتاق سەنىم مىنە وسىدان ۇيىسادى، جىگەرلەنە العا باسۋ جولى مىنە وسىدان نۇرلانادى.
  ۋاكىلدەر بىلاي دەدى: جاڭا باستامادا تۇرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، ءبىز، ءسوز جوق، جاپپاي دوڭگەلەك داۋلەتتى قوعام قۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايمىز، جۇڭحۋا ۇلتىنىڭ ءتىپتى دە اسقاق بەينەمەن دۇنيە ءجۇزى ۇلتتارى قاتارىندا ەڭسە كوتەرىپ تۇراتىندىعى ءشۇباسىز.
  (شينحۋا اگەنتتىگىنىڭ 21 - قازاندا بەيجيڭنەن بەرگەن حابارى)

ءان الەمى

جول توسىلىپ قالدى

تۇلپارىم