جاڭا حابارلار

كاسىپورنىمنىڭ الداعى دامۋىنا سەنىمىم كۇشەيە ءتۇستى

    كەلۋ قاينارى: شينجياڭ گازەتى    2017-10-22 18:55:15  

ىلە تىلشىلەر پۋنكتىندە تۇراتىن ءتىلشىمىز جاڭ چيڭحۋا

 ساناۋار ميجىت 18 - قازان تاڭ سارىدە قۇلجا قالاسى قازانشى ۇلتتىق قولونەر كاسىپ بازاسىنداعى سەرىكتەستىگىنە كەلىپ، 30 نەشە قىزمەتكەرمەن بىرگە جيىن زالىندا پارتيا 19 - قۇرىلتايىنىڭ اشىلۋ سالتاناتىن كوردى، ول اۋىق - اۋىق ءىشىنارا كىندىك سوزدەردى ۇيعۇر تىلىنە اۋدارىپ، قىزمەتكەرلەرىنە ءتۇسىندىردى.
  ساناۋار قۇلجا قالاسى تانناز ساۋدا شەكتى جاۋاپكەرلىك سەرىكتەستىگىنىڭ باس مەڭگەرۋشىسى، ول ىلە توقىماشىلىق فابريكاسىنان جۇمىستان بوساعاننان كەيىن، 15 شارشى مەترلىك تىگىنحانا اشتى، جەرگىلىكتى ۇكىمەتتىڭ كومەگىندە ساناۋاردىڭ ساۋداسى بارعان سايىن زورايدى، كوپ جىلدىق دامۋدىڭ ارقاسىندا ساناۋار تانناز ساۋدا شەكتى جاۋاپكەرلىك سەرىكتەستىگىن قۇردى. قازىر تانناز ساۋدا شەكتى جاۋاپكەرلىك سەرىكتەستىگى قۇلجا قالاسىنداعى اتى نەداۋىر تانىمالى ۇلتتىق كيىم - كەشەك جانە توي كيىمدەرىن جوبالايتىن، تىگەتىن كاسىپورىنعا اينالدى. سەرىكتەستىكتە 350 شارشى مەترلىك ءوندىرىس ورنى بار، ساپاسى جوعارى، ورتاشا كيىم - كەشەكتەردى، توي كيىمدەرىن جوبالاۋ، تىگۋ جاعىندا بەلگىلى كولەم قالىپتاستىردى، سونداي - اق 6 دۇكەن اشتى.
  ساناۋار ءتۇرلى قايىرىمدىلىق قيمىلدارىنا بەلسەنە ات سالىستى، قۇلجا قالاسىنداعى «مەيىربان انالاردىڭ» ءبىر مۇشەسى بولعان ول قۇلجا قالاسى بايانداي قالاشىعى گانگۋ باستاۋىش مەكتەبىندەگى 10 كەدەي بالاعا ۇزاق ۋاقىت قارجىلاي كومەكتەستى، قۇلجا قالاسىنداعى وتباسىندا ەكونوميكالىق قيىنشىلىعى بار ستۋدەنتتەرگە نەشە 10 مىڭ يۋان قارجىلاي جىلۋ اتادى.
  «مەملەكەتتىڭ ساياساتى بارعان سايىن جاقسارىپ كەلەدى، ءبىز دە كاسىپورىننىڭ بارعان سايىن زورايىپ، ءتىپتى دە كوپ ادامداردىڭ كاسىپورنىمىزدا قىزمەت ىستەپ، ءتىپتى دە جاقسى تۇرمىسقا كەنەلۋىن ءۇمىت ەتەمىز» دەپ ءسوزىن ساباقتاعان ساناۋار: پارتيا 19 - قۇرىلتايىنىڭ اشىلۋى وتانىمىزدىڭ بولاشاقتاعى دامۋىنا دەگەن سەنىمىمدى ارتتىرا ءتۇستى، - دەدى.
  ساناۋار بىلاي دەدى: «باس شۋجي شي جينپيڭ پارتيا 19 - قۇرىلتايىنا جاساعان بايانداماسىندا: جالپىلىق مەنشىككە جاتپايتىن شارۋاشىلىقتىڭ دامۋىنا دەم بەرۋدەن، قولداۋ كورسەتۋدەن، جەتەكشىلىك ەتۋدەن جازباي، بازاردىڭ بايلىقتى ورنالاستىرۋداعى شەشۋشى رولىن ساۋلەلەندىرۋدى اتاپ كورسەتتى. بۇل كاسىپورنىمنىڭ الداعى دامۋىنا دەگەن سەنىمىمدى كۇشەيتە ءتۇستى». قازىر سەرىكتەستىك وندىرگەن «ساناۋار» ماركالى كيىم - كەشەكتىڭ شينجياڭداعى ساتىلىمى ءبىرشاما جاقسى بولعانىمەن، الايدا كاسىپورىندى شىن مانىندە زورايتۋدا، كۇشەيتۋدە ءتىپتى دە ۇلكەن بازاردى ۇزدىكسىز اشۋعا تۋرا كەلەدى.
  «ءبىز ىلەلىكتەردىڭ، سونداي - اق تۇتاس شينجياڭدىقتاردىڭ، بۇكىل ەل حالقىنىڭ ساناۋار كيىم - كەشەگىن بىلۋىنە مۇمكىندىك جاساپ قانا قويماي، ماركامىزدى دۇنيە جۇزىنە بەت الدىرامىز»، - دەدى ساناۋار.

  «باس شۋجي شي جينپيڭنىڭ پارتيا 19 - قۇرىلتايىنا جاساعان بايانداماسىندا حالىققا باسشىلىق ەتىپ، تاماشا تۇرمىس جاراتۋ − پارتيامىزدىڭ باستان - اياق بۇلجىمايتىن كۇرەس نىساناسى دەلىندى. بۇل سوزدەن ءبىز اناعۇرلىم تاماشا بولاشاقتى بايقادىق. ءبىز قۇلشىنا قىزمەت ىستەسەك عانا، جاپپاي دوڭگەلەك داۋلەتتى قوعام قۇرۋ، ءسوزسىز، جۇزەگە اسادى»، - دەدى ساناۋار نىق سەنىممەن.
  سەرىكتەستىكتىڭ ءاربىر قىزمەتكەرىنە پارتيا 19 - قۇرىلتايى بايانداماسىنىڭ قاتىستى مازمۇندارىن ءتۇسىندىرۋ ءۇشىن ساناۋار قول تەلەفونىنان قاتىستى مازمۇنداردى تاڭداپ الىپ، ءوندىرىس سەحىنداعى قىزمەتكەرلەرگە ۇيعۇرشا تۇسىنىك جاسادى.


بەرىپ كەت ورامالىڭدى

دوستار

الىستاعى اق ەركە