جاڭا حابارلار

رايونىمىز جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جەدەلدەتىپ، اشىق شينجياڭدى اناعۇرلىم اشىق ۇستايدى

    كەلۋ قاينارى: شينجياڭ حالىق راديو ىستانسياسى    2017-10-23 14:48:33  
حابار تىڭداڭىزدار: پارتيا 19-قۇرىلتايىندا مىنالار العا قويىلدى: جۇڭگونىڭ سىرتقا قاراتقان ەسىگى جابىلمايدى، قايتا بارعان سايىن ايقارا اشىلادى، «ءبىر بەلدەۋ، ءبىر جول» قۇرىلىسىن ءتۇيىن ەتىپ، جاپپاي ەسىك اشقان جاڭا جۇلگەنى قالىپتاستىرۋدى ىلگەرىلەتۋ كەرەك. رايونىمىزداعى ءار ۇلت كادرلارى مەن جۇمىسشى-قىزمەتكەرلەرى: قىزمەتتەگى تاسقىنداعان بەينەمەن پارتيا 19-قۇرىلتايىنىڭ بايانداماسىن تياناقتاندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتىپ، شينجياڭنىڭ ەسىگىن ءتىپتى دە ايقارا اشاتىندىقتارىن، ــ ايتتى.
مەن ءتىلشى جين لەيمىن، قازىر ءۇرىمجى باتىس پويەز ۆاگزالىندا تۇرمىن، جۇمىسشىلار جۇكتەردى تيەپ-تۇسىرۋمەن، گراندار تيەۋىش قوراپتاردى كوتەرۋمەن قاربالاستانۋدا. 10 نەشە رەلستە پويەزدەر ارلى-بەرلى قايشالىسۋدا، وسى جەردە قايتادان رەتتەلگەننەن كەيىن، ءتۇرلى زاتتار ەلىمىزدىڭ جەر-جەرىنە جانە ورتا ازيا، ەۆروپا ەلدەرىنە جونەلتىلەدى.
شينجياڭ شينتيە حالىقارالىق زات اينالىمى شەكتى جاۋاپكەرلىك سەرىكتەستىگىنىڭ ورىنباسار باس مەڭگەرۋشىسى جۋ يانحۇڭ ورتا ازياداعى مەملەكەتتەرگە قاتىنايتىن كەزەكشى پويەزداردى نۇسقاپ تۇرىپ بىلاي دەدى: «ءبىر پويەزداعى زات 2 مىڭ تونناداي، نەگىزىنەن جەرگىلىكتى ورىننىڭ حيميا-ونەركاسىپ ونىمدەرى، قۇرىلىس ماتەريالدارى، تاعى مەحنيكالىق جابدىقتار بار، ىشكى ولكەلەردەن وسى اراعا جەتكىزىلگەن، شاي، بالون، جانە باسقا بولات ماتەريلى سياقتىلار».
كەزەكتە، جوڭگو-ەۆروپا كەزەكشى پويەزىنىڭ ۇرىمجىدەگى شوعىرلاندىرۋ ورتالىعىنان باتىسقا جول الاتىن كەزەكشى پويەز ءار كۇنى ەكى كەزەككە جەتتى، ۇزاق وتپەي ءار كۇنى 3 كەزەكشى پويەز قاتىناپ، تۇتاس جىلدا 700 كەزەكشى پويەز قاتىناتۋدان ءۇمىت زور.ءۇرىمجى تەمىر جول مەكەمەسى سىرتپەن قارىم-قاتىناس جاساۋ باسقارماسىنىڭ باستىعى لان شياۋچيڭ بىلاي دەدى: «باياندامادا جۇڭگونىڭ سىرتقا باعىتتالعان ەسىگى جابىلمايتىندىعى، ءتىپتى بارعان سايىن ايقارا اشىلاتىندىعى العا قويىلدى، وتە-موتە ءبىر بەلدەۋ، ءبىر جولدى ءتۇيىن ەتىپ، سىرتتان ەنگىزۋ مەن سىرتقا شىعارۋدى قاتار ماڭىزدى ورىنعا قويىپ، قۇرىلىق پەن تەڭىز بىرىككەن جانە شىعىس پەن باتىسقا جىبەرەتىن ەسىك اشۋ جۇلگەسىن قالىپتاستىرۋ العا قويىلدى، ءۇرىمجى تەمىر جول مەكەمەسى وسى ماڭىزدى وتكەلەكتە، كاسىپورىننىڭ دامۋ ستراتەگياسىن ءبىر بەلدەۋ ءبىر جول دارىپتەمەسىمەن بارىنشا سايكەستىرۋ كەرەك، سوندىقتان دا ەندىگى جەردە ءبىز تاعى مەملەكەتتىڭ جاڭا يدەياسىن، جاڭا ستراتەگياسىن تىعىز ارقاۋ ەتىپ، ءبىر بەلدەۋ، ءبىر جول قۇرىلىسىندا رولىمىزدى ساۋلەلەندىرەمىز، وتە-موتە شىعىسپەن بىرلەسىپ، باتىسقا شىعاراتىن حالىقارالىق جولدى سالۋ بارىسىندا تەمىر جولدىڭ دانەكەرلىك رولىن ساۋلەلەندىرىپ، شينجياڭنىڭ دامۋى، ءبىر بەلدەۋ، ءبىر جول قۇرىلىسى ءۇشىن ۇلەس قوسامىز».
مەن الاتاۋ ساعاسى راديو-تەلەۆيزياسىنىڭ ءتىلشىسى ۋىن ياحۇيمىن، قازىر الاتاۋ پويەز ۆاگزالىندا تۇرمىن، مەنىڭ ارتىمدا كەدەننەن وتكەلى تۇرعان جۇڭگو-ەۆروپا كەزەكشى پويەزى تۇر. قازىر جۇڭگو مەن ەۆروپا ارالىعىنا قاتىنايتىن 4 تە 5 پويەز ءار كۇنى وسى جەردەن مەملەكەت قاقپاسىنان شىعىپ، ورتا ازياعا، ەۆروپاعا بارادى. كەدەننەن ءوتۋ قارقىنىن جەدەلدەتۋ ءۇشىن، الاتاۋ ساعاسى وتكەلى جاسىل ءدالىز اشىپ، كەدەننەن ءوتۋدى تاۋلىك بويى الدىن-الا ۋادەلەسۋدى جانە كەلگەن زامان كەدەننەن وتكىزۋدى كەپىلدەندىردى ءارى تەمىر جول تاراۋلارىمەن بىرلەسىپ جۇمىس ىستەپ، ءتۇرلى جۇمىس وتكەلەكتەرىنىڭ كىناراتسىز جالعاسۋىنا كەپىلدىك ەتتى. قازىر، كەزەكشى پويەزدەردىڭ كەدەننەن ءوتۋ ۋاقتى بۇرىنعى 3 ساعاتتان ءبىر ساعاتتان ارتىق ۋاقىتقا قىسقاردى. الاتاۋ ساعاسى كەدەندى باقىلاۋ باسقارۋ ءبولىمىنىڭ قىزمەتكەرى شۇي يۋەحىڭ تىلشىگە، «ءبىر بەلدەۋ، ءبىر جول» قۇرىلىسىنىڭ ۇزدىكسىز تەرەڭدەۋىنە ساي، الاتاۋ ساعاسى ارقىلى شەكارادان وتكەن جۇڭگو-ەۆروپا كەزەكشى پويەزىنىڭ سانى بارىنشا ارتقانىن ايتا كەلىپ بىلاي دەدى: «العاش رەت جۇڭگو مەن ەۆروپا اراسىنا قاتىنايتىن مىڭ كەزەكشى پويەزدىڭ كەدەننەن وتۋىنە 54 اي ۋاقىت كەتكەن بولاتىن، ال بيىل قاڭتاردان قىركۇيەككە دەيىن جۇڭگو مەن ەۆروپا اراسىنا قاتىنايتىن ءبىر مىڭ 300 دەن ارتىق پويەزدى جونەلتىپ، جۇڭگو مەن ەۆروپا اراسىنا قاتىنايتىن كەزەكشى پويەز سانىنىڭ ارت-ارتىنان 9 رەت ارتۋىن جۇزەگە اسىردىق».
پارتيا 19-قۇرىلتايىندا،ءوڭىردىڭ ەسىك اشۋ جۇلگەسىن ابزالداندىرىپ، باتىس بولەككە ەسىك اشۋ تەبىنىن ارتتىرۋ كەرەكتىگى العا قويىلدى، بۇل وتكەلدەگىلەردىڭ بولاشاققا دەگەن ءۇمىتىن كۇشەيتتى. كوپشىلىك ارت-ارتىنان، جۇمىسقا بىلەك سىبانا كىرىسەتىندىكتەرىن، ايتتى.الاتاۋ ساعاسى كەدەنىنىڭ ورىنباسار باستىعى جورات روزى بىلاي دەدى: «قازىر ءبىز مىندەتىمىز بەن بورىشىمىزدى تاسقىنداعان جىگەرمەن ادا ەتىپ جاتىرمىز، مەملەكەت قاقپاسىن جاقسى قورعاپ، ويداعىداي قىزمەت ەتىپ، جۇڭحۋا ۇلتىنىڭ ۇلى كوركەيۋىن جۇزەگە اسىرۋ ءۇشىن كۇرەس جاسايمىز».
مەن ءتىلشى لي لۇڭمىن، ەرەكشە ترانسفورماتور شەكتى جارنا سەرىكتەستىگى شينجياڭ ترانسفورماتور زاۆوتىنىڭ سەحىندە تۇرمىن، بۇل جەردە جوعارى كەرنەۋلى ترانسفورماتور وندىرىلەدى، وسى جەردە وندىرىلگەن ونىمدەر توكتى شينجياڭنان سىرتقا جەتكىزەتىن ەل ىشىندەگى ينجەنەريانى جابدىقتاۋدا بولسىن، تاجىكستان، قىرعىزستان سياقتى شەتەل نىساندارىن جابدىقتاۋدا بولسىن، جۇڭگودا وندىرىلگەن ونىمدەردى شەتەلگە شىعارۋدىڭ تاماشا تانىسقىسى ەسەپتەلەدى.
پارتيا 19-قۇرىلتايىندا، شەتەلگە قارجى قوسۋ ءتاسىلىن جاڭالاپ، حالىقارالىق ءونىم قۋاتى سەلبەستىگىن جەبەپ، حالىقارالىق ەكونوميكالىق سەلبەستىك پەن باسەكەنىڭ جاڭا ابزالدىلىعىن جەتىلدىرۋدى جەدەلدەتۋ كەرەكتىگى اتاپ كورسەتىلدى. ەرەكشە ترانسفورماتور شەكتى جارنا سەرىكتەستىگىنىڭ باس جوراسى جاڭ شين، وي جەلىسىن جاڭالدۋ جانە تىڭعىلىقتى قىزمەت ىستەۋ ارقىلى باياندامانىڭ تالابىن جاپپاي تياناقتاندىرىپ، جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن ەرتەرەك جۇزەگە اسىرۋ ءۇشىن تەر توگەتىنىن ايتا كەلىپ بىلاي دەدى: «باس شۋجي بايانداماسىندا، جۇڭگو ارمانى جۇڭحۋا ۇلتىنىڭ 5 مىڭ جىلدان بەرگى كوكسەگەن ارمانى، بۇل ءبىزدىڭ كوكەيمىزدەگى ارمان بولىپ قالماستان، ءىس-ارەكەتىمىزدە بەينەلەپ، ءامالياتتان وتكىزۋىمىز كەرەك»،-دەدى. ەرەكشە ترانسفورماتور شەكتى جارنا سەرىكتەستىگى سوڭعى جىلدارى جۇڭگو تەحنيكاسىن، جۇڭگو ولشەمىن، جۇڭگونىڭ قىزمەت كورسەتۋىن، جۇڭگونىڭ شوعىرلى تىزبەگىن سىرتقا شىعارۋدى كۇش سالا ىلگەرىلەتىپ، ورتا ازيا رايونىنان، وڭتۇستىك ازيا رايونىنان شىعىس وڭتۇستىك ازيا وداعى، افريكا، شىعاناق، وڭتۇستىك امەريكا سياقتىلارعا دەيىنگى 60 نەشە ەل مەن رايونعا شىعارىپ، ءىشىنارا ەلدەردە مەملەكەتتىڭ ەلەكتر ەنەرگياسىنىڭ ءىرى جولىن سالدى، وسىنداي جاڭالىق اشىپ جەبەۋ ارقىلى، مەملەكەتتىڭ ەنەرگيا ستراتەگياسىنا، بۇكىل دۇنيە ءجۇزىنىڭ ەنەرگياسىنىڭ دامۋىنا قىزمەت ەتتىك».

بەرىپ كەت ورامالىڭدى

دوستار

الىستاعى اق ەركە