جاڭا حابارلار

جاسىل دامۋدى جەبەپ، كوركەم شينجياڭ قۇرايىق

    كەلۋ قاينارى: شينجياڭ حالىق راديو ىستانسياسى    2017-10-23 15:00:18  
ستانسيامىزدىڭ تىلشىلەرى دۇڭ جىيۇڭ، حى فەي، ەرىكتى ءتىلشى جاڭ جيڭيۇي، زىڭ ۋيلاردىڭ حابارىن تىڭداڭىزدار: پارتيا 18-قۇرىلتايىنان بەرى، پارتيا ورتالىق كوميتەتى ەكولوگيالىق وركەنيەت قۇرىلىسىنا وسكەلەڭ ءمان بەردى، باس شۋجي شي جينپيڭ «جاسىل تاۋ ءمولدىر سۋدىڭ ءوزى بايلىق» دەگەندى كوپ رەت ورتاعا قويدى. پارتيا 19-قۇرىلتايىنىڭ اشىلۋ سالتىندا، باس شۋجي جاساعان بايانداماسىندا: «ەكولوگيالىق وركەنيەت ءتۇزىلىسى رەفورماسىن جەدەلدەتىپ، كورىكتى جۇڭگو قۇرۋ» اتاپ كورسەتىلدى، تيانشاننىڭ تۇستىگى مەن تەرىستىگىندە، شينجياڭداعى ءار ۇلت كادرلارى مەن بۇقاراسى شىنايى تاپسىرمانى ىنتىماقتاسا العا ۇمتىلۋ كۇشىنە اينالدىرىپ، جاسىل تاۋ ءمولدىر سۋدىڭ ءوزى بايلىق دەگەندى امالياتتان وتكىزۋگە قۇلشىناتىن بولدى.
بىرنەشە كۇننەن بەرى، تۇرپان جاڭا ەنەرگيادان ۇلگى كورسەتۋ رايونى ياڭگۋاڭيۋان ەكىنشى رايونىنا جىلۋ جەتكىزىلدى، وسىدان رەۆماتيزمدىك بۋىن قابىنۋ اۋرۋىنا شالدىققان تۇرعىن جياڭ ليچۇن قۋانىشقا بولەندى. ول: «قىستا ءۇيىمىز كوكتەمدەي جىلىندى. ال جازدا ءۇي سالقىن، ءجايلى، مۇنىڭ بارلىعى تازا ەنەرگيانىڭ ناقتى تيىمدىلىگى»،-دەدى.
تۇرپان نىڭحۇي جاڭا ەنەرگيا شەكتى جاۋاپكەرلىك سەرىكتەستىگىنىڭ ورىنباسار باس مەڭگەرۋشىسى حۋاڭ ليدۇڭ تىلشىگە، شاعىن رايونداعى جىلۋمەن قامداۋ، سۋىتۋ جۇيەسىنىڭ جەر استى ەنەرگيا ناسوسى ەكەنىن، مۇنىڭ جەر استى سۋىنىڭ تۇراقتى تەمپەراتۋراسىنان پايدالانىپ سۋىتۋ مەن جىلىتۋدى ىسكە اسىراتىندىعىن ايتتى. حۋاڭ ليدۇڭ: جەر استى ەنەرگيا ناسوسى شوعىرى قايتا تۋىندايتىن تازا ەنەرگيا شىعارادى، ناسوس شوعىرىنىڭ اينالىمىندا جاراقسىز گاز، جاراقسىز سۋ، جاراقسىز تۇيىرشىك بولمايدى، بۇل باس شۋجي شي جينپيڭ ايتقان «قاراپايىم دا جايلى، جاسىل تومەن كومىرتەكتى تۇرمىس تاسىلىنە» ۇيلەسەدى. كەلەسى كەزەكتە ءبىز جاڭا ەنەرگيا كاسىبىن ۇزدىكسىز دامىتىپ، كۇن ەنەرگياسىن قابىلداپ سۋىتۋ جانە جىلۋمەن قامداۋ ينجەنەرياسىن ەنگىزىپ، بۇقاراعا جاسىل تومەن كومىرتەكتى تۇرمىس ورتاسىن جاراتامىز،-دەدى.
«تومەن كومىرتەكتى، ەنەرگيا ۇنەمدەيتىن، جاسىل، قونىستانۋعا جايلى بولۋدى» قۇرۋ تانىمىنا اينالدىرعان تۇرپان جاڭا ەنەرگيادان ۇلگى كورسەتۋ رايونى سوڭعى قۇرىلىس جۇمىسىن تەزدەتۋدە. بيىل جىل باسىنان بەرى، رايونىمىز تازا ەنەرگيا كاسىبىن پارمەندى دامىتتى، قۇمىل جاڭا ەنەرگيا كاسىپ بازاسىنىڭ قۇرىلىسى دا قاۋرىت جۇرىلۋدە، باجىنى ازايتۋ جانە كەشىرىم ەتۋ، جاسىل ءتۇستى سەنىمدى قارىز بەرۋ، قازىنالىق قوسىمشا قاراجات بەرۋ سياقتى ءتۇرلى ءتيىمدى ساياساتتار دا اناعۇرلىم كوپ كاسىپورىندى بۇرىلس جاساپ دەڭگەيىن جوعارىلاتۋعا، نەگىزگى ساتىعا ىرگە تەبۋگە باۋراۋدا. مۇنان تىس، رايونىمىز سۋ بايلىعىن قورعاۋدى تۇتقا ەتىپ، ەكولوگيالىق جۇيەنى قورعاۋ تەبىنىن ارتتىردى.
16-قازاندا، ىلە وبلىسىنىڭ باس وزەن باستىعىن جالپى حابارلاندىرۋ تاقتاسى ىلە وزەنىنىڭ سولتۇستىك جاعالاۋىنداعى كورىنىستىك جولدىڭ كورنەۋ ورنىنا اسىلدى، جالپى حابارلاندىرۋ تاقتاسىندا ىلە وزەنىنىڭ باستالعان جەرى، ۇزىندىعى، وبلىس، قالا، اۋىل، قىستاق سىندى ءتورت دارەجەلى وزەن باستىعى، حابارلاسۋ تەلەفون ءنومىرى، جاۋاپكەرشىلىگى جانە رەتتەپ وڭاۋ نىساناسى انىق كورسەتىلدى. وسى اراعا ۇنەمى كەلىپ سەيىلدەيتىن قالا تۇرعىنى چاڭ حانىم: «بۇل تاقتانىڭ ورناتىلعانى جاقسى بولدى، ءبىز ءارقاشان باقىلاي الاتىن بولدىق»،-دەدى.
بۇگىنگى كۇندە ىلە وزەنىندە اعاشتار قاۋلاپ ءوسىپ، قۇستار سايراپ، گۇلدەر جايقالىپ، جىلدىق ساياحاتشى مولشەرى ءبىر ميلليون 200 مىڭ ادام رەتكە جەتتى. مۇنىڭ بارلىعى بيىل ىلە وزەنىنىڭ تۇتاس رايونىمىزدا ەڭ الدىمەن وزەن باستىعى ءتۇزىمىن اتقارۋىنىڭ ارقاسى.كەزەكتە ىلە وبلىسى نەگىزگى باسشىلار مەن 22 قاتىستى فۋنكتسيالىق تاراۋدان قۇرام تاپقان وبلىس-اۋدان ەكى دارەجەلى وزەن باستىعى ءتۇزىمى قىزمەتىنىڭ باسشىلىق گرۋپپاسىن قۇرىپ، ءار دارەجەلى 200 وزەن باستىعىن، وزەن بولەگى باستىعىن مىندەتكە تاعايىندادى، ءارى كوپتەگەن تازالىقتى باسقارۋ-قورعاۋشىلاردى، قوعامدىق ەرىكتىلەردى ۇسىنىس ەتىپ، دارەجەگە، بولەككە ءبولىپ قاتاڭ باقىلاپ باسقاردى.ىلە وبلىستىق سۋ يگىلىگى مەكەمەسى سۋ ىستەرى اكىمشىلىگىن باسقارۋ باقىلاۋ-تەكسەرۋ باس اترەتىنىڭ قىزمەتكەرى ما ساييان: «باس شۋجي 19-قۇرىلتاي بايانداماسىندا ەكولوگيالىق ورتانى تاعى ءبىر رەت اسا ماڭىزدى ورىنعا قويدى، ىلە وبلىسىنىڭ تۇتاس رايونىمىزدا بارىنەن بۇرىن «وزەن باستىعى ءتۇزىمى» قىزمەتىن ورىستەتۋى باس شۋجيدىڭ تالابىن تياناقتاندىرىپ، سۋ بايلىعىن قورعاۋىنىڭ پارمەندى شاراسى. جىل سوڭىنان بۇرىن، ءبىز وبلىس، اۋدان-قالا، اۋىل-قالاشىق-الاڭ سىندى ءتورت دارەجەنى قامتيتىن «وزەن باستىعى ءتۇزىمى» ۇيىمدىق جۇيەسىن ورناتىپ، 2018-جىلعا بارعاندا، وزەن باستىعى تۇزىمىمەن سۋ قاينارىن قورعاۋ، وزەن-كول سۋ اڭعارى بويىن باسقارۋ-قورعاۋ، سۋدىڭ بىلعانۋىنان ساقتانۋ، وڭاۋ سياقتى التى ءتۇرلى قىزمەت مىندەتىن ارقاۋ ەتىپ، ۇيىمدىق قۇرىلىمى كەمەلدى، اينالىم مەحانيزمى ىركىلىسسىز، باسقارۋ ءتۇزىلىسى عىلىمي بولعان وزەن-كول باسقارۋ جۇيەسىن قالىپتاستىرامىز»،-دەدى.
19-قۇرىلتايدىڭ بايانداماسىندا بىلاي دەپ اتاپ كورسەتىلدى: ءبىز سوتسياليستىك ەكولوگيالىق وركەنيەت كوزقاراسىن مىقتاپ ورناتىپ، ادامزات پەن تابيعاتتىڭ جاراسىمدى دامۋ، وسىزاماندانۋ قۇرىلىسى جاڭا جۇلگەسىنىڭ قالىپتاسۋىن ىلگەرلەتىپ، ەكولوگيالىق ورتانى قورعاۋ ءۇشىن وسى ۇرپاقتىڭ قۇلشىنىسىن كورسەتەمىز! باس شۋجيدىڭ تاپسىرماسى شينجياڭداعى ءار ۇلت پارتيالى كادرلار مەن بۇقارانىڭ كۇرەس جاساۋ نىساناسى، بەيجيڭدە سالتاناتتى قۇرىلتايعا قاتىناسىپ جاتقان پارتيا 19-قۇرىلتايىنىڭ ۋاكىلى ليدا پەرۋاي قىزى: «مەنىڭ ءۇيىم كورىكتى قاناس كولىنە توتەنشە جاقىن، ورتامىز توتەنشە جاقسى، ورتانىڭ وڭالۋى بۇقارا جونىنەن ءتيىمدى.باس شۋجي شي جينپيڭ شينجياڭ حالىقىمەن جۇرەكتەس، ەكولوگيالىق ورتامىزعا ەرەسەن كوڭىل بولەدى.مەن كاسىپورننىڭ جاۋاپتىسى رەتىندە، زاۆوتىمدى جاسىل كومىرتەكتى اينالمالى دامىتۋعا ۇمتىلامىن.پارتيا قۇرىلتاي ۋاكىلى سالاۋاتىممەن ءار ۇلت بۇقاراسىن ءمولدىر سۋ، جاسىل تاۋدىڭ ءوزى بايلىق دەيتىن تانىمدى ورناتۋعا جانە امالياتتان وتكىزۋگە، كورىكتى شينجياڭ، كورىكتى جۇڭگو قۇرۋ جولىندا تيەسىلى ۇلەس قوسۋعا باستايمىن»،-دەدى.

بەرىپ كەت ورامالىڭدى

دوستار

الىستاعى اق ەركە