جاڭا حابارلار

ولار كورىكتى شينجياڭ قۇرۋعا ءبىر كىسىلىك ۇلەس قوساتىندىقتارىن ءبىلدىردى

    كەلۋ قاينارى: شينجياڭ حالىق راديو ىستانسياسى    2017-10-23 15:09:58  
جيناق حاباردى تىڭداڭىزدار: پارتيا 19-قۇرىلتايىنىڭ بايانداماسىندا، ەكولوگيالىق وركەنيەت ءتۇزىلىسى رەفورماسىنىڭ اياق الىسىن تەزدەتىپ، كورىكتى جۇڭگو قۇرۋ كەرەكتىگى اتاپ كورسەتىلدى. بىرنەشە كۇننەن بەرى، شينجياڭداعىءار ۇلت كادىر، بۇقاراسى پارتيا 19-قۇرىلتايىنىڭ بايانداماسىن مۇقيات ۇيرەنىپ، شوگەلدىكپەن بەرىلە ىستەپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا ءبىر كىسىلىك ۇلەس قوساتىن سەنىمدەرىن ءبىلدىردى.
ءدال قازىر جىل قۇستارىنىڭ جىلى جاققا قايتاتىن ماڭىزدى مەزگىلى، ءار كۇنى ۇزىن سانى ون مىڭنان اساتىن اق قوتان، سۋ قۇزعىنى سياقتى جىل قۇستارى ماناس مەملەكەتتىك سازدىق باقشاسىنا كەلەدى، جىل قوستارىنىڭ حاۋىپسىز دامىلداپ قايتۋى ءۇشىن، سازدىقتى باسقارۋ-قورعاۋ قىزمەتكەرلەرى باسقارۋ مەن قورعاۋ تەبىنىن كۇشەيتتى، سازدىقتى باسقارۋ كەڭسەسىنىڭ مەڭگەرۋشىسى ياڭ چاۋ بىلاي دەدى: قۇرىلتاي بايانداماسىندا، ەكولوگيالىق وركەنيەت قۇرىلىسى ـــ جۇڭحۋا ۇلتىنىڭ باياندى دامۋىنىڭ مىڭ جىلدىق ۇلى جوسپارى ەكەندىگى العا قويىلدى.ءبىز ءسوز جوق جاسىل تاۋ، ءمولدىر سۋدىڭ ءوزى بايلىق دەيتىن كوزقاراسقا بويسۇنۋىمىز، ءارى ونى امالياتتا ايگىلەۋىمىز كەرەك.سوڭعى بىرنەشە جىلدان بەرگى قورعاۋ ارقىلى ماناس مەملەكەتتىك سازدىق باقشاسىنىڭ وسىمدىك جامىلعىسى ءبىر ەسەگە جۋىق ارتتى، ونداعى حايۋاناتتاردىڭ ءتۇرى دە 70 نەشەدەن 331 جەتتى.ءبىز وسى كوركەم سازدىقتى جانىمىزداي قورعايمىز.
بىرنەشە كۇننەن بەرى، التاي ايماعىنىڭ ءىشىنارا وڭىرىندە جاڭبىر ارالاس قار جاۋدى، التاي مەملەكەت مەنشىگىندەگى ورماندى باسقارۋ مەكەمەسى كوكتوعاي بولىمشەسىنىڭ باسقارۋ-قورعاۋ اترەتىندەگىلەر ءار كۇنى ەلەڭ-الاڭدا ورىندارىنان تۇرىپ، تاڭعى استارىن ءىشىپ، ساپ تۇزەپ، جۇمىسقا اتتانۋعا ازىرىلەنىپ، باسقارۋ كولەمىندەگى 9 ميلليون 990 مىڭ مۋدان ارتىق ورماندى ءوڭىردى كۇندەلىك شارلاۋ مىندەتىن باستايدى. كوكتوعاي بولىمشە مەكەمەسىنىڭ ورمان قورعاۋ ءبولىمىنىڭ باستىعى مادەن بىلاي دەدى: وسى رەتكى پارتيا 19-قۇرىلتايى بايانداماسىندا باس شۋجي، ادام مەن تابيعاتت تىرشىلىكتىڭ ورتاق تۇلعاسى ەكەنىن، ادامزاتتىڭ ءسوزجوق تابيعاتقا قۇرمەت ەتۋى كەرەكتىگىن ارناۋلى اۋىزعا الدى، ورمان شارۋاشىلىعى قىزمەتكەرى سالاۋاتىمەن، پارتيا مەن حالىقتىڭ ءبىزدىڭ قىزمەتىمىزدى شىنىمەن قولدايتىنىنا سەنەمىن، الدا ورتاق قۇلشىنىپ، كورىكتى جۇڭگو قۇرۋعا ءبىر كىسىلىك ۇلەس قوسامىز.
جۋىقتا، مەكىت اۋداندىق ورمان شارۋاشىلىعى مەكەمەسى كۇزگى اعاش ەگۋ قىزمەتىن جەدەلدەتتى.2012-جىلى مەكىت اۋدانى اۋدان قالاشىعىنىڭ شىعىسىنداعى تاكلاماكان ءشولىنىڭ جيەگىندە ءبىر ميلليون مۋلىق بوراندى توسىپ، قۇمدى تۇراقتاندىراتىن ەكولوگيالىق ورمان بازاسى قۇرىلىسى ينجەنەرياسىن باستاعان بولاتىن، قازىر جۋىق مەزگىلدىك جوبانىڭ 300 مىڭ مۋىن ورىندادى، مەكىت اۋداندىق ورمان شارۋاشىلىعى مەكەمەسىنىڭ ورىنباسار باستىعى، قۇمدى تىزگىندەۋ كەڭسەسىنىڭ ورىنباسار مەڭگەرۋشىسى ۋاڭ يۇيفىڭ بىلاي دەدى: «بيىل كوكتەمنەن كەلەر جىلى كۇزگە دەيىن، 13 ميلليون تۇپ قالامشانى تولىقتاپ ەگۋدى جوسپارلادىق، قازىرگە دەيىن، باسقارۋ-قورعاۋ قىزمەتكەرلەرىن تۇگەل اتتانىسقا كەلتىرىپ، تامشىلاتىپ سۋارۋ قۇبىر تورابىن جوندەۋ قىزمەتىن جاپپاي ورىستەتۋمەن بىرگە، ورماندى وڭىرگە قالامشا تاسۋ قىزمەتىن باستادىق». باس شۋجي شي جينپيڭ بايانداماسىندا ارناۋلى باسا دارىپتەپ بىلاي دەپ اتاپ كورسەتتى: «ەكولوگيالىق وركەنيەت قۇرىلىسى ـــ بۇگىن قاجىرلى ەڭبەك ەتىپ، ۇرپاقتار پايداسىن كورەتىن ۇلى ءىس، ورمان شارۋاشىلىعى قىزمەتكەرلەرى سوتسياليستىك ەكولوگيالىق وركەنيەت كوزقاراسىن بەرىك ورناتىپ، تابيعاتقا بەيىمدەلىپ، ادام مەن تابيعاتتىڭ جاراسىمدى داميتىن شىت جاڭا بەت-بەينەسىن جۇزەگە اسىرعا قۇلشىنۋى، وسى ءداۋىردىڭ ۇرپاقتارى ەكولوگيالىق ورتانى قورعاۋ جاعىندا زور قۇلشىنىس جاساپ، بۇرىنعىدان دا كوپ ەڭبەك سىڭىرىپ، تەر توگەۋى كەرەك».
ءۇشتۇرپان اۋدانىندا 67 شارشى كيلومەترلىك جابايى شىرعاناق ورمانى بار، وسى اراداعى وڭاي-وسپاق قول جەتپەيتىن جاسىل جامىلعىنى قورعاۋ ءۇشىن، جەرگىلىكتى ورىن ارناۋلى شىرعاناق ورمانى سازدىق باقشاسىن قۇردى.سوڭعى جىلدان بەرى، شىرعاناق ورمانى ءۇشتۇرپان اۋدانىنىڭ جاسىل ورتاسىن قورعاۋدان سىرت، جەر-جەردەن كەلگەن ساياحاتشىلاردى باۋرايتىن ساياحات مەكەنىنە اينالدى. ءۇشتۇرپان اۋداندىق شىرعاناق ورمانى كاڭياڭ سەرىكتەستىگىنىڭ ورىنباسار مەڭگەرۋشىسى چىن شياۋدان بىلاي دەدى: «پارتيا 19-قۇرىلتايى بايانداماسىنان، ەكولوگيالىق وركەنيەت قۇرىلىسىنا باسا نازار اۋدارىلعانىن، سونداي-اق كوپتەگەن ساياساتتىڭ دا شىعارىلعانىن بىلدىك، الدا مۇنى ويداعىداي ۇيرەنەمىز، ءارى ساياحات قۇرىلىسىندا كۇش-قۋاتتى نەگىزىنەن قورشاعان ورتانى قورعاۋ تاربيەسى، ەكولوگيالىق وركەنيەت قۇرىلىسى تاربيەسى سياقتى جاقتارداعى ۇگىتكە شوعىرلاندىرىپ، جالپىلاستىرامىز».
سوڭعى جىلداردان بەرى، باركول اۋدانى اعاش ەگىپ، ورمان ءوسىرۋ، جايلىمدى قالپىنا كەلتىرۋ، سازدىقتى جانە سۋ بايلىعىن قورعاۋ سياقتىلاردى نەگىز ەتكەن ەكولوگيانى قورعاۋ نىساندارىن جەدەل ىلگەرلەتتى، باركولدىڭ اسپانى اشىق، سۋى ءمولدىر، جەرى جاسىل بولعان ەكولوگيالىق ورتاسى ءونىمدى قورعالدى جانە دامىدى. تابيعي ەكولوگياسىنىڭ كوركەم كورىنىستەرى ساياحات سىندى تانىسقىنى ايگىلىپ، جەرگىلىكتى ورىننىڭ كاسىبىن دامىتۋدى جەبەدى. مالشى جۇمان ساتارقان قىزى بۇرىن وتباسى ايەلى ەدى، قازىر، باركول كولى جايلىم ەكولوگيالىق ساياحات رايونىنان ساۋدا دۇكەنىن اشىپ، كەستە بۇيىمدارى، قۇرت، سارى ماي، قىمىز سياقتى قازاقى ەرەكشەلىككە يە ونىمدەردى ساتادى. ول بىلاي دەدى: «باس شۋجي شي جينپيڭ بايانداماسىندا كوپتەگەن ءتيىمدى ساياساتتاردى العا قويدى، قورشاعان ورتانى قورعاۋ كەرەكتىگىن ايتتى، بۇعان ايىرىقشا قۋانىشتامىن.باركول كولى كورىنىس رايونى وتە كوركەم، كەلەتىن ساياحاتشىلار دا كوپ، ساياحاتشىلار كوپ كەزدە كۇندىك كىرىسىم 500 يۋاننان اسادى، كەلەر جىلى تاۋار تۇرلەرىن جالعاستى كوبەيتىپ، ساياحاتشىلارعا اناعۇرلىم ويداعىداي قىزمەت كورسەتەمىن».
سوڭعى جىلداردان بەرى، ءۇرىمجى قالاسىنىڭ ەكونوميكالىق، تەحنيكالىق اشۋ رايونى (توۋتۇنحى رايونى) ءتۇرلى جاسىل اڭعارلار، باينياۋحۋ كولى سياقتى قورشاعان ورتا ينجەنەريالارىن اتقارىپ، ەكونوميكاسى دامۋمەن قوسا قورشاعان ورتاسى دا جاقساردى. ورمان شارۋاشىلىق باقشاسى ورمان باسقارۋ مەكەمەسى جوسپار قۇرىلىس باسقارماسىنىڭ جاۋاپتىستى جاۋ چۋانجياڭ بىلاي دەدى: «الدا باينياۋحۋ كولىنىڭ ماڭىن، ءبىرىنشى ءنومىرلى، ەكىنشى ءنومىرلى جەردىڭ ماڭىن قامتىعان ۋشان تاۋىن جاسىلداندىرىپ جانە باينياۋحۋ كولىنىڭ ماڭى ەكولوگياسىن جالعاستى قورعاپ، اشۋ رايونىنا قاراستى تۇرعىنداردىڭ سىرتقا شىقسا جاسىل القاپتان ءلاززات الۋىنا، دەمالۋىنا، كوڭىل اشۋ ورنىنىڭ بولۋىنا كەپىلدىك تەمىز».
تيانيە سۋدى ۇنەمدەپ سۋارۋ شەكتى جارنا جاۋاپكەرلىك سەرىكتەستىگى تەز قارقىنمەن دامىعان 20 جىلعا جۋىق ۋاقىتتا، سۋدى ۇنەمدەپ سۋارۋ اۋماعىن 60 ميلليون مۋدان اسىرىپ، جۇڭگونىڭ سۋدى ۇنەمدەپ سۋارۋ كاسىبىندەگى كوشباسشى كاسىپورىن بولىپ باعالاندى.تيانيە سۋدى ۇنەمدەۋ سەرىكتەستىگى تامشىلاتىپ سۋارۋ سەحىنىڭ مەڭگەرۋشىسى جاڭ شۇنجيە 19-قۇرىلتاي بايانداماسىن تىڭداعاننان كەيىن بىلاي دەدى: «كاسىپورنىمىز الدا اناعۇرلىم دامۋ ورايىنا ءدوپ كەلەدى»، باس شۋجي شي جينپيڭ بايانداماسىندا: «بايلىقتى جاپپاي ۇنەمدەپ پايدالانۋدى ىلگەرلەتىپ، مەملەكەتتىڭ سۋدى ۇنەمدەۋ ارەكەتىن اتقارۋ كەرەك»،-دەگەندى اتاپ كورسەتتى. وسى رەتكى قۇرىلتاي بۇكىل ەل حالقى جونىنەن كەلەلى ءىس، ءارى قۋانىشتى ءىس بولىپ عانا قالماستان، تيانيە سەرىكتەستىگىنىڭ سۋدى ۇنەمدەۋ ىستەرىن دامىتۋىنداعى تىڭ ءتۇيىن بولدى.
اۆتونوميالى رايوندىق قورشاعان ورتانى قورعاۋ مەڭگەرمەسى سۋ ورتاسى باسقارماسىنىڭ ورىنباسار باستىعى مىڭ شياۋيان 19-قۇرىلتاي بايانداماسىن ۇيرەنگەننەن كەيىن، قىزمەتكە دەگەن رۋحى اناعۇرلىم تاسقىندادى، ول بىلاي دەدى: بايانداما بارىسىندا ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتى جونىندە ناقتى تالاپتار العا قويىلدى، الدا، وڭىرلىك وزەن اعارلارىن بىرلەسىپ قورعاۋ جانە مەڭگەرۋدى كۇشەيتىپ، اعار ورتاسىن جان-جاقتىلى باسقارۋ ءادىسىن اتقارامىز؛ ەندى ءبىر جاعىنان لاستانۋدى ازايتىپ، سيىمدىلىقتى ارتتىرۋ ارقىلى اعاردىڭ سۋ ەكولوگياسىن قورعاۋدى بارىنشا كۇشەيتەمىز.كىشى-گىرىم ىستەردەن باستاپ تيەسىلى ۇلەستەر قوسىپ، مەكەنىمىزدى اناعۇرلىم كوركەيتەمىز.
اۆتونوميالى رايوندىق مال شارۋاشىلىعى مەڭگەرمەسى جايىلىم باسقارماسىنىڭ ورىنباسار باستىعى شيۇڭ ليڭ تىلشگە، جايىلىم قىزمەتكەرى رەتىندە، الداعى جەردە جايلىمنىڭ ەكولوگيالىق وركەنيەت قۇرىلىسىنىڭ ءار جاقتىلى رەفورما مىندەتىن شىنايى ويداعىداي تياناقتاندىراتىندىعىن ايتا كەلىپ بىلاي دەدى: قاينارىن قورعاۋ، بارىسىن مەڭگەرۋ، بۇلىنگەنىنە تولەم بەرۋ، جاۋپكەرشىلىگىن قۋزاۋدى ارقاۋ ەتىپ، جايلىم ەكولوگيالىق ورتاسىن قورعاۋ ءتۇزىمى قۇرىلىسىن ىلگەرلەتىپ، جايلىم مەنشىك ۇقىعى، جايلىمدى قورعاۋ، بارلاپ تەكسەرىپ ساقتانۋ، عىلمي پايدالانۋ، باقىلاۋ-باسقارۋ سياقتى تۇزىمدەردى ورناتىپ كەمەلدەندىرۋىمىز ءتيىس.جايلىمدى كوتەرمەگە بەرىپ اينالىمعا سالۋ ءتۇزىمىن ورنىقتىرىپ جانە كەمەلدەندىرىپ، تيجارات ۇقىعىن وتكەرمەلەۋدى جۇيەلەندىرۋ قاجەت، باس شۋجي شي جينپيڭ باياندامادا جانە گۇيجوۋ ۋاكىلدەر ۇيىرمەسىندە سويلەگەندە اتاپ كورسەتكەن «جەردى كوتەرمەگە بەرۋ قاتىناسىن ورنىقتىرۋ، ءارى ۇزاققا دەيىن وزگەرتپەۋ، جەردى كوتەرمەگە بەرۋ مەرزىمى تولعاندارىنىڭ ۋاقىتىن تاعى دا 30 جىل ۇزارتۋ ساياساتى» بويىنشا، ءبىز جايلىم ۇقىعىن تۇاقتاندىرۋ، كوتەرمەگە بەرۋدى كەمەلدەندىرۋ قىزمەتىن ويداعىداي ىستەۋىمىز كەرەك.
بىرنەشە كۇننەن بەرى، اۆتونوميالى رايوندىق ساياحاتتى دامىتۋ كوميتەتىنىڭ كادرى گۇلنار عوپۇر پارتيا 19-قۇرىلتايىنىڭ بايانداماسىن مۇقيات زەرتتەپ وقىدى.ول، باس شۋجي شي جينپيڭنىڭ ەكولوگيالىق وركەنيەت ءتۇزىلىسى رەفورماسىن جەدەلدەتىپ، كورىكتى شينجياڭ قۇرۋدى اتاپ كورسەتىپ، الداعى شينجياڭنىڭ ساياحات كاسىبىنىڭ دامۋىنا تىڭ دامۋ باعدارىن نۇسقاعانىن ايتا كەلىپ: «شينجياڭ ساياحاتىنىڭ اسا مول ەرەكشە بايلىعى بار، الايدا ەكولوگيالىق ورتاسى توتەنشە ءالسىز، ءبىز ساياحات كاسىبىن دامىتۋمەن بىرگە، ەڭ اۋەلى ساياحات جوباسىن ويداعىداي جاساپ، ەكولوگيالىق ورتانى، ساياحات بايلىعىن جاقسى قورعاۋىمىز، ساياحات كاسىبىن ءۇرتىس اقاۋسىز دامىتىپ، تاماشا ەكولوگيانى ەلىمىزدىڭ ءىشى-سىرتىنداعى ساياحاتشىلاردى باۋرايتىن اسا كورىكتى تانىسقىعا اينالدىرۋىمىز كەرەك»،-دەدى.

بەرىپ كەت ورامالىڭدى

دوستار

الىستاعى اق ەركە