باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رۋحتى سەرپىلتىپ، جاڭا ناتيجەلەرگە قول جەتكىزەمىز

    كەلۋ قاينارى: شينجياڭ گازەتى    2017-10-23 19:43:03  

تۇتاس رايونىمىزداعى جەر-جەر، مەكەمە-ورىندار 19-قۇرىلتايدىڭ بايانداماسىن ۇيرەنۋگە جەدەل ۇيىمداستىردى

20 - قازاندا التاي قالالىق پارتكوم ۇگىت ءبولىمىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا وسى قالانىڭ مەملەكەت يەلىگىندەگى 1 - مال فەرماسى توسشى بولىمشە الاڭىندا تۇراتىن قىزمەت اترەتىنىڭ مۇشەسى (وڭنان 1 - ) توسشى بولىمشە الاڭىنداعى جۇمىسشى - قىزمەتشىلەرمەن بىرگە 19 - قۇرىلتاي بايانداماسىن ۇيرەندى.

سۋرەتتى ليۋ شىحى تۇسىرگەن

 گازەتىمىزدىڭ جيناق حابارى. پارتيا 19 - قۇرىلتايى اشىلعاننان كەيىن، رايونىمىزدىڭ جەر - جەرى، مەكەمە - ورىندار 19 - قۇرىلتايدىڭ بايانداماسىن ۇيرەنۋگە جەدەل ۇيىمداستىردى. جەر - جەر، مەكەمە - ورىندار ءوز قىزمەتتەرىمەن ۇشتاستىرىپ، 19 - قۇرىلتايدىڭ رۋحىن ىشكەرىلەي ۇيرەنىپ، ءتۇسىنىپ، اۋەلگى ماقساتتى ۇمىتپاي، بورىشتى كوكەيدە بەرىك ساقتاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، رۋحتى سەرپىلتىپ، جاڭا ناتيجەلەرگە قول جەتكىزۋگە تالپىنىپ، جاپپاي دوڭگەلەك داۋلەتتى قوعام قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا ۇلەس قوساتىندىقتارىن ءبىلدىردى.
اۆتونوميالى رايوندىق ءتارتىپ تەكسەرۋ كوميتەتى:«4 تانىمدى» بەرىك ورناتىپ، «4 سەنىمدى» بەكەمدەيمىز
  20 - قازان تۇستەن كەيىن اۆتونوميالى رايوندىق ءتارتىپ تەكسەرۋ كوميتەتى ورىنباسار باسقارما دارەجەلىدەن جوعارى پارتيالى باسشى كادرلار ءماجىلىسىن اشىپ، پارتيا 19 - قۇرىلتايىنىڭ بايانداماسىنان ۇزىندىلەردى شوعىرلى جەتكىزدى، ۇيرەندى. ءماجىلىس مىنانى تالاپ ەتتى: تۇتاس ورگانداعى پارتيا مۇشەلەرى مەن كادرلار «4 تانىمدى» بەرىك ورناتىپ، «4 سەنىمدى» بەكەمدەپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن وي - سانانى اناعۇرلىم جاقسى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن ىسكە اسىرۋ ءۇشىن بەلسەنە ۇلەس قوسۋ كەرەك.
  كوپشىلىك ءبىر اۋىزدان بىلاي دەپ قارادى: اسقاق ايبىنعا، كورەگەندىككە تولى، داۋىرگە جەتەكشىلىك ەتەتىن پارتيا 19 - قۇرىلتايىنىڭ بايانداماسى جۇڭگو كوممۋنيستىك پارتياسىنىڭ اۋەلگى ماقساتتى ۇمىتپاي، بورىشتى باتىل ارقالاپ، ۇدەرە العا تارتۋىنىڭ ساياسي جارناماسى، جاپپاي دوڭگەلەك داۋلەتتى قوعام قۇرۋدا شەشۋشى جەڭىسكە جەتۋدىڭ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ جورىق دابىلى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋدىڭ قيمىل باعدارناماسى.
  ءماجىلىس مىنانى تالاپ ەتتى: قاراستى پارتيا باس ياچەيكالارى، پارتيا ياچەيكالارى، ۋاقىتشا پارتيا ياچەيكالارى بارلىق پارتيا مۇشەلەرى مەن كادرلاردى 19 - قۇرىلتايدىڭ بايانداماسىن ىشكەرىلەي ۇيرەنۋگە، تالقىلاۋعا دەرەۋ ۇيىمداستىرۋ كەرەك. بارلىق پارتيا مۇشەلەرى مەن كادرلار 19 - قۇرىلتايدىڭ رۋحىن ۇيرەنۋدى، دايەكتىلەندىرۋدى قازىرگى جانە الداعى ءبىر مەزگىلدەگى ماڭداي الدى ساياسي مىندەت ەتىپ، يدەيانى پارتيا ورتالىق كوميتەتىنىڭ جاعداي جونىندەگى تالداۋىمەن، تۇجىرىمىمەن جانە شەشىمدەرىمەن، ورنالاستىرۋلارىمەن بىرلىككە كەلتىرىپ، ىشكەرىلەي ۇيرەنىپ، تەرەڭدەي ءتۇسىنىپ، جەتىك ءبىلۋ؛ پارتيا ۋستاۆىندا جۇكتەلگەن قىزمەت جاۋاپكەرشىلىگىن دەن قويا اتقارىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ ءىس جۇزىندىك جاعدايىمەن تىعىز بايلانىستىرا وتىرىپ بۇعان ات سالىسۋ؛ پارتيانىڭ باسشىلىعىنا تۋى ايقىن تۇردە تاباندى بولىپ، پارتيانىڭ ىشكى ساياسي تۇرمىسىن قاتايتىپ، پارتيانىڭ ىشكى باقىلاۋىن كۇشەيتىپ، ورتالىقتىڭ «8 ءتۇرلى بەلگىلەمەسىنىڭ» رۋحىن تياناقتاندىرۋدىڭ جەتىستىكتەرىن بەكەمدەپ، كەڭەيتىپ، «4 ءتۇرلى بۇرىس ستيلدى» كۇش سالا جونگە سالىپ، قاشاندا تاباندىلىق، قاجىرلىلىق كورسەتىپ، العان بەتىنەن قايتپايتىن رۋحتى ساۋلەلەندىرىپ، تاباندى بولۋ بارىسىندا تەرەڭدەتىپ، تەرەڭدەتۋ بارىسىندا تاباندى بولىپ، جەمقورلىققا قارسى كۇرەستىڭ شەشۋشى جەڭىسىنە جەتۋ؛ تەمىر سوعۋ ءۇشىن تەمىردەن دە بەرىك بولىپ، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارىنىڭ جانە ءتارتىپ تەكسەرۋ، باقىلاۋ - تەكسەرۋ كادرلارىنىڭ يدەيالىق، ساياسي ورەسى مەن مىندەتتى اتقارۋ قابىلەتىن ءوسىرىپ، قوسىندى باسقارۋدى قاتايتىپ، جاۋاپكەرشىلىكتى ادالدىقپەن، كىرشىكسىزدىكپەن وتەۋ كەرەك.
شينجياڭ كوركەمونەر تەاترى:مادەنيەت جونىندەگى سەنىمدى بەكەمدەپ، شينجياڭ حيكايالارىن ەرشىمىنە كەلتىرە ايتامىز 
 شينجياڭ كوركەمونەر تەاترى 21 - قازان تۇستەن كەيىن 19 - قۇرىلتايدىڭ رۋحىن ۇيرەنۋ، دايەكتىلەندىرۋ اڭگىمە ءماجىلىسىن وتكىزدى.
  اڭگىمە ماجىلىسكە شينجياڭ كوركەمونەر تەاترىنداعى پارتيالى كادرلاردىڭ، كوركەمونەرشىلەردىڭ ءبىر ءبولىم ۋاكىلدەرى قاتىناستى. ماجىلىستە جۇرتشىلىق اقتارىلا بىلاي دەدى: پارتيا 19 - قۇرىلتايىنىڭ بايانداماسى ادامدى جەلپىندىرەدى، شابىتتاندىرادى، ول جاپپاي دوڭگەلەك داۋلەتتى قوعام قۇرىپ شىعۋدىڭ دابىلىن قاقتى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى. مادەنيەت - كوركەمونەر قىزمەتكەرلەرى تاريحي جاۋاپكەرشىلىكتى باتىلدىقپەن ارقالاپ، وسكەلەڭ ساياسي جاۋاپكەرشىلىك سەزىمدە، بورىشتىلىق سەزىمدە بولا وتىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا 19 - قۇرىلتايىنىڭ رۋحىن جەتەكشى ەتىپ، حالىقتى وزەك ەتكەن شىعارماشىلىق بەتالىسىنان جازباي، ءوز قىزمەتىن تياناق ەتىپ، مادەنيەت جونىندەگى سەنىمدى بەكەمدەپ، قايراتتانا قۇلشىنىپ، مادەنيەت - كوركەمونەر قىزمەتىنىڭ جاڭا جاعدايىن جاپپاي اشۋ قاجەت.
  شينجياڭ كوركەمونەر تەاترىنىڭ ورىنباسار باستىعى، ءان - ءبي ۇيىرمەسىنىڭ باستىعى ءانۋار سامەت بىلاي دەدى: مادەنيەت - كوركەمونەر قىزمەتكەرلەرى مادەنيەتتە قۇدىرەتتى ەل قۇرۋداعى ماڭىزدى كۇش. پارتيا 19 - قۇرىلتايىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ ءۇشىن، وتكەن 5 جىلدا پارتيا مەن مەملەكەت ىستەرىندە، اسىرەسە، پارتيانىڭ مادەنيەت - كوركەمونەر ىستەرىندە قول جەتكەن تاريحي تابىستاردى جەتە تانىپ، مادەنيەت - كوركەمونەردىڭ گۇلدەنىپ - كوركەيۋىن، دامۋىن ىلگەرىلەتۋ، مادەنيەتتە قۇدىرەتتى ەل قۇرۋ سەنىمى مەن بەكىمىن نىعايتۋ كەرەك. بۇدان بىلاي ءبىز 19 - قۇرىلتايدىڭ رۋحىن مادەنيەت - كوركەمونەردى كوركەيتۋ، دامىتۋ جاقتارىندا تاباندىلىقپەن تياناقتاندىرىپ، مادەنيەت - كوركەمونەر جاسامپازدىعى، ءوندىرىسى، تاراتۋ، شولۋ سياقتىلاردىڭ تۇتاس بارىسىنا سىڭىرۋدەن جازباۋىمىز كەرەك.

  (تىلشىلەرىمىز جاۋ جىيۇن، لي لي)

ءان الەمى

جول توسىلىپ قالدى

تۇلپارىم