جاڭا حابارلار

اناعۇرلىم كوركەم بولاشاقتى جاراتۋعا قۇلشىنامىز

    كەلۋ قاينارى: شينجياڭ گازەتى    2017-10-23 20:09:12  

 تىلشىلەرىمىز يۋان لەي، ياۋ تۇڭ

 شي جينپيڭ جولداس پارتيا 19 - قۇرىلتايىنىڭ بايانداماسىندا: جۇڭگوشا سوتسياليزمنىڭ جاڭا داۋىرگە وتكەندىگىن، ەلىمىز قوعامىنداعى باستى قايشىلىقتىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەرگەندىگىن اتاپ كورسەتتى.
پارتيا 19 - قۇرىلتايىنا قاتىناسقان شينجياڭ ۋاكىلدەرى بىلاي دەدى: بايانداما باستى قايشىلىقتىڭ وزگەرگەندىگى جونىندەگى عىلمي تۇجىرىمدى العا قويدى، وندا باي مازمۇن قامتىلعان. «زاتتىق مادەنيەت قاجەتىنەن» «تاماشا تۇرمىس قاجەتىنە» دەيىنگى وزگەرىستە قوعامنىڭ العا باسۋى جانە دامۋ ساتىسىنىڭ جوعارىلاۋى اڭىس ەتىلىپ، جۇڭگوشا سوتسياليزم جاڭا داۋىرگە وتكەننەن كەيىن جارىققا شىعاتىن جاڭا ەرەكشەلىكتەر، ءدوپ كەلەتىن جاڭا مىندەتتەر مەن سىن - سايىستار ايگىلەندى. قوعامدىق باستى قايشىلىقتىڭ تاريحي جاڭا وزگەرىسىن ارقاۋ ەتەتىن، جاڭا نىسانالاردى كوزدەيتىن، جاڭا ىسكەرىلىكتى ايگىلەيتىن بولساق، ءبىز، ءسوز جوق، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرا الامىز.
ۋاكىل پاي ليجيە: تاماشا تۇرمىسقا دەگەن ارمانىم اسقاقتاي ءتۇستى  
  «پارتيا 19 - قۇرىلتايىنىڭ بايانداماسى ەلىمىز قوعامىنداعى باستى قايشىلىققا جاڭا كەلەلى تۇجىرىم جاساپ، ءبىزدىڭ جاڭا داۋىردە دامۋدى جوسپارلاۋىمىزعا، دامۋدى ىلگەرىلەتۋىمىزگە دۇرىس باعدار كورسەتىپ بەردى» دەپ ءسوزىن ساباقتاعان حوشۇت اۋدانى نارىنكەر اۋىلى ۇلزات قىستاعى پارتيا ياچەيكاسىنىڭ ورىنباسار شۋجيى، ايەلدەر بىرلەستىگىنىڭ مەڭگەرۋشىسى، ۋاكىل پاي ليجيە: ىلگەرى ءبىز بار ما، جوق پا دەگەن ماسەلەنى شەشەتىنبىز، قازىر جاقسى ما، ەمەس پە دەگەن ماسەلەنى شەشەتىن بولدىق، - دەدى.
  «زاتتىق مادەنيەت قاجەتىنەن تاماشا تۇرمىس قاجەتىنە دەيىن، مەشەۋ قوعامدىق وندىرىستەن دامۋدىڭ بىركەلكى، تولىق بولماۋىنا دەيىن، نازار اۋداراتىن جارىق شەڭبەر زورايدى، ماسەلەنىڭ ءتۇيىنى اناعۇرلىم دالمە - ءدال بولا ءتۇستى. جالپى جاعدايعا ساياتىن بۇل تاريحي وزگەرىس جۇڭگونىڭ 5 جىلدان بەرگى دامۋىنداعى تاريحي ناتيجەلەر مەن رەفورمالار جونىندەگى تەرەڭ قورىتىندى، ونان دا ماڭىزدىسى، بولاشاق دامۋ باعدارى، دامۋ نىساناسى جونىندەگى دالمە - ءدال ورىن تۇراقتاندىرۋ»، - دەدى ۋاكىل پاي ليجيە.
  داۋىرمەن قادامداس جاڭا تۇجىرىم قاراپايىم ادامداردىڭ تالابىمەن قابىسادى. ۋاكىل پاي ليجيە ايەلدەر، بالالار قىزمەتىمەن ۇزاق ۋاقىت شۇعىلداندى، «اۋىل - قىستاقتاردا ەكونوميكالىق جاعدايى جاقسى شارۋالاردىڭ ءبارى ساپاسى ءبىرشاما جوعارى تۇرمىستىق بۇيىمداردى ساتىپ الادى، مىسالى، ادەمى كويلەك، ساپالى ويىنشىق، ت. ب، بۇل كوپشىلىكتىڭ تۇرمىس ورەسىنىڭ شىنىمەن جوعارىلاعاندىعىن ايگىلەيدى. ءبىزدىڭ بۇدان كەيىن ىستەيتىنىمىز شاعىن قالا، اۋىلدارداعى تۇرعىنداردىڭ كىرىس پارقىن بىرتىندەپ ازايتۋ، الەۋمەتتىك قىزمەت كورسەتۋدى تەڭگەرۋدى جۇزەگە اسىرۋ، اسىرەسە، وڭىرلەردى سايكەستى دامىتۋ».
ۋاكىل ۋاڭ پيڭ: دامۋدىڭ اناعۇرلىم بىركەلكى، اناعۇرلىم تولىق بولۋىنا مۇمكىندىك جاسايمىن 
  «ۇدەرە العا تارتقان 5 جىل» اتتى ءىرى كولەمدى جەتىستىكتەر كورمەسىندە بيڭتۋاننىڭ 5 - ديۆيزيا 84 - پولك 7 - روتاسىنان كەلگەن ۋاكىل ۋاڭ پيڭ ەلىمىز دەربەس زەرتتەپ جاساعان العاشقى 400 ات كۇشىندىك ساتىسىز بەرىلىستى تراكتوردى كورگەنىندە، الداعى كۇندەردە روتا - اترەتكە وسى تراكتوردى ساتىپ الۋعا بەكىم جاسادى.
  ۋاكىل ۋاڭ پيڭ بىلاي دەدى: وتاننىڭ قۇدىرەتتەنۋىن ءاربىر ادام تەرەڭ سەزىنىپ وتىر. كيەر كيىم، ىشەر اس ماسەلەسى الدەقاشان شەشىلىپ، قالتامىز قامپايۋمەن بىرگە، ءبىز اناعۇرلىم جوعارى ساپاداعى زاتتىق ماتەريالداردان يگىلىكتەنۋدى، رۋحاني تۇرمىسىمىزدىڭ اناعۇرلىم باي بولۋىن، سۋدىڭ تۇنىق، اسپاننىڭ اشىق، اتموسفەرانىڭ تاماشا بولۋىن ءۇمىت ەتەمىز، بىلايشا ايتقاندا، حالىقتىڭ تاماشا تۇرمىس قاجەتى كۇن سايىن ارتۋدا.  باستى قايشىلىق وزگەرىسىمەن سايكەس كەلگەنى باياندامادا ورتاعا قويىلعان «ەكىنى، ءسوز جوق، تانۋ». باستى قايشىلىق وزگەردى، الايدا ەلىمىزدىڭ ءالى دە سوتسياليزمنىڭ العاشقى ساتىسىندا تۇرعاندىعى ءارى ۇزاق ۋاقىت تۇراتىندىعى سىندى نەگىزگى مەملەكەت جاعدايى وزگەرگەن جوق، ەلىمىزدىڭ دۇنيە جۇزىندەگى ەڭ ۇلكەن دامۋ ۇستىندەگى مەملەكەت سىندى حالىقارالىق ورنى وزگەرگەن جوق. ۋاكىل ۋاڭ پيڭ بىلاي دەدى: قوعامداعى باستى قايشىلىقتىڭ وزگەرۋى بىزدەن سوتسياليزمنىڭ العاشقى ساتىسىندا تۇرعاندىعى سىندى نەگىزگى مەملەكەت جاعدايىن بەرىك يگەرىپ، حالىقتى وزەك ەتۋدەي دامۋ يدەياسىن ەكونوميكالىق، قوعامدىق دامۋدىڭ ءارقايسى بۋىندارىندا ايگىلەۋدى تالاپ ەتەدى. نەگىزگى ساتى قىزمەتكەرى بولعان مەن اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىقتى وزەك ەتۋگە تاباندى بولىپ، بۇقارانىڭ تالابىن ويداعىداي شەشىپ، تۇرمىستىڭ اناعۇرلىم كوركەم بولۋىنا مۇمكىندىك جاساپ، اناعۇرلىم بىركەلكى، تولىق بولۋىن جۇزەگە اسىرۋعا قۇلشىنامىن.
ۋاكىل حاي جۇي: بىلەكتى سىبانا وتىرىپ قايراتتانا ىستەيمىن 
  ءۇرىمجى اۋدانى شۇيشيگوۋ قالاشىعى فاڭجياجۋاڭ قىستاعى تۇرعىندار كوميتەتىنىڭ مەڭگەرۋشىسى، ۋاكىل حاي جۇي بىلاي دەدى: پارتيا 19 - قۇرىلتايىنىڭ بايانداماسىندا جۇڭگو قوعامىنداعى باستى قايشىلىققا تىڭنان انىقتاما جاسالۋى «حالىقتىڭ تاماشا تۇرمىسقا ۇمتىلىسىن كۇرەس نىساناسى ەتكەن» ايبىندى ۋادەسىن ىسكە اسىرۋ ءۇشىن بولىپ تابىلادى. العا باسۋ باعىتى ايقىندالدى، الداعى جەردە بىلەك سىبانا وتىرىپ، قايراتتانا ىستەۋ كەرەك.
  حالىققا باسشىلىق ەتىپ، تاماشا تۇرمىستى جاراتۋ پارتيامىزدىڭ العان بەتىنەن قايتپايتىن كۇرەس نىساناسى. «سوڭعى جىلدارى فاڭجياجۋاڭ قىستاعىندا زور وزگەرىس تۋىلدى، قورشاعان ورتاسى جاقساردى، ناقتى قۋاتى كۇشەيدى، بۇقارا اۋقاتتاندى، قوعام ءتىپتى دە جاراسىمدى بولدى. ايتسەدە مەن تاعى دا وتە زور جوعارىلاۋ ءورىسىن سەزىنىپ وتىرمىن، ءبىز ەسەلەپ قۇلشىنۋىمىز كەرەك»، - دەپ ءسوزىن ساباقتاعان حاي جۇي: «نەگىزگى ساتىداعى پارتيالى كادر بولعان مەن حالىقتىڭ مۇددەسىن باستان - اياق جوعارى ورىنعا قويىپ، قىستاق تۇرعىندارىن قورشاعان ورتانى ويداعىداي قورعاۋعا، مەكەنىن ويداعىداي كوركەيتۋگە باستاپ، قىستاق كوللەكتيۆىنىڭ ءاربىر ىسىندە ادىلدىكتى، تۋراشىلدىقتى ايگىلەپ، قىستاق تۇرعىندارى كىرىسىنىڭ تاعى دا تىڭ ساتىعا كوتەرىلۋىنە مۇمكىندىك جاسايمىن».
  ۋاكىل حاي جۇي بىلاي دەدى: جاڭا ساپارداعى العا ىلگەرىلەۋ جولىندا بارلىق ادام ات سالىسۋشى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، جاڭا دامۋ ۇستانىمىن ىشكەرىلەي دايەكتىلەندىرىپ، دامۋدىڭ بىركەلكى، تولىق بولماۋ ماسەلەسىن ويداعىداي شەشۋگە كۇش سالۋ كەرەك. تۇتاس قوعام بەلسەنە ارەكەتتەنەتىن بولسا، كوپشىلىكتىڭ تۇرمىسى، ءسوزسىز، اناعۇرلىم تاماشا بولادى.


بەرىپ كەت ورامالىڭدى

دوستار

الىستاعى اق ەركە