جاڭا حابارلار

كاسىپتىك وقۋ - اعارتۋدى ويداعىداي جۇرگىزىپ، ءىرى ەل شەبەرلەرىن جەتىلدىرەيىك

    كەلۋ قاينارى: شينجياڭ گازەتى    2017-10-23 20:14:53  

ۋاكىل ليۋ جىحۋاي 19-قۇرىلتايدىڭ «وقۋ-اعارتۋ جالپىلىق رەفورماسى» تاقىرىبىنداعى توپتىق تىلشىلىك سۇحباتقا قاتىناستى

ءتىلشىمىز يۋان لەي

22 - قازاندا پارتيا 19 - قۇرىلتايى اقپارات ورتالىعى مەديا ورتالىعىنىڭ 2 - قاباتىنداعى اقپار جاريالاۋ زالىندا توپتىق تىلشىلىك سۇحبات وتكىزىپ، وقۋ - اعارتۋ سالاسىنداعى ۋاكىلدەردى ۇسىنىس ەتىپ، «وقۋ - اعارتۋ جالپىلىق رەفورماسى» جونىندە سۇحبات بەردى. سۋرەتتە: پارتيا 19 - قۇرىلتايى شينجياڭ ۋاكىلدەر ۇيىرمەسىنىڭ ۋاكىلى، شينجياڭ قۇمىل كاسىپتىك - تەحنيكالىق ينستيتۋتىنىڭ ورىنباسار باستىعى ليۋ جىحۋاي (سولدان 3 - ) تىلشىلەردىڭ سۇراعىنا جاۋاپ قايتاردى.

سۋرەتتى ءتىلشىمىز سۇي جىجيان تۇسىرگەن

 22 - قازان كۇنى ساعات 17دەن 30 مينۋت وتكەندە، 19 - قۇرىلتاي اقپارات ورتالىعىنىڭ «وقۋ - اعارتۋدىڭ جالپىلىق رەفورماسى» تاقىرىبىنداعى توپتىق تىلشىلىك سۇحباتى بەيجيڭ مەديا ورتالىعىندا ءوتتى. شينجياڭ قۇمىل كاسىپتىك - تەحنيكا ينستيتۋتى پارتكومىنىڭ مۇشەسى، ينستيتۋتتىڭ ورىنباسار باستىعى، ۋاكىل ليۋ جىحۋاي جانە وقۋ - اعارتۋ شەبىنەن كەلگەن باسقا 5 پارتيا قۇرىلتايى ۋاكىلى تىلشىلەردىڭ سۇراۋلارىنا جاۋاپ بەردى.
  ليۋ جىحۋاي پارتيانىڭ 18 - قۇرىلتايىنان بەرى، كاسىپتىك وقۋ - اعارتۋدىڭ تەز دامىعانىن، پارتيا ورتالىق كوميتەتىنىڭ كاسىپتىك وقۋ - اعارتۋعا ءمان بەرىپ، شينجياڭعا قولداۋ كورسەتكەنىن جاقىننان سەزىنگەنىن ايتتى.   اقپارات قۇرالدارىنىڭ ءبىرىنشى سۇراۋى ۋاكىل ليۋ جىحۋايعا قويىلدى. «جاڭاشىل مەملەكەت قۇرۋ بارىسىندا كاسىپتىك وقۋ - اعارتۋ ءىرى ەل شەبەرلەرىن تاربيەلەۋ جاۋاپكەرشىلىگىن ۇستىنە الىپ وتىر، ءبىراق قازىرگى تاڭدا كاسىپتىك وقۋ - اعارتۋدىڭ باۋرامدىلىعى دەگەندەي كۇشتى ەمەس، كاسىپتىك وقۋ - اعارتۋدى قالاي دامىتقاندا، ءتىپتى كوپ ءىرى ەل شەبەرلەرىن تاربيەلەۋگە بولادى؟» - دەپ سۇرادى جۇڭگو اقپارات اگەنتتىگىنىڭ ءتىلشىسى.
  ۋاكىل ليۋ جىحۋاي بىلاي دەپ جاۋاپ بەردى: «19 - قۇرىلتاي بايانداماسىندا ەڭبەك ەرلەرى رۋحى مەن شەبەرلىك رۋحتى بارىنشا ساۋلەلەندىرىپ، كاسىپتىك وقۋ - اعارتۋ ارقىلى شەبەرلىك رۋحتى جەتىلدىرۋ كەرەكتىگى العا قويىلدى. مەنشە، بۇل مەكتەپ پەن قوعام سىندى ەكى جىكتىڭ ورتاق قۇلشىنىسىن قاجەت ەتەدى. مەكتەپ ەڭ الدىمەن وقۋشىلاردىڭ يدەيالىق كوزقاراسىن وزگەرتىپ، وقۋشىلاردىڭ شەبەرلىك رۋحىن جەتىلدىرۋدىڭ ولاردىڭ ەسەيىپ جارامدى ادام بولۋىنداعى ماڭىزدىلىعىن تانۋىنا مۇمكىندىك جاساۋى كەرەك؛ ەكىنشىدەن، ۇستازدىق ءمورال، ۇستازدىك ستيل قۇرىلىسىن كۇشەيتۋ كەرەك، ۇستازداردا الدىمەن شەبەرلىك رۋح بولعاندا عانا، وقۋشىلارعا ىقپال ەتىپ، ولاردى جەتەكتەي الادى؛ ۇشىنشىدەن، جالپىلىق ساباقتارعا، ارناۋلى ساباقتارعا جانە مەكتەپ اۋلاسى مادەنيەتىنە شەبەرلىك رۋح تاربيەسى مازمۇنىن ەنگىزۋ كەرەك.
  «شەبەرلىك رۋحتى جەتىلدىرۋ بۇكىل قوعامنىڭ بىرگە قۇلشىنۋىنا مۇقتاج». ۋاكىل ليۋ جىحۋاي بىلاي دەدى: قوعامدا ءبىر ءبولىم ادامداردىڭ شەبەر ەڭبەكشىلەرگە دەگەن سىڭار جاقتى كوزقاراسىن ارىلتىپ، تەڭ قۇرمەتتەۋ ورتاسىن قالىپتاستىرۋ، سونىمەن قاتار شەبەرلەردىڭ قوعامدىق ورنى مەن مامىلەسىن جوعارىلاتىپ، شەبەرلىك رۋحتى تۇزىمدىك دەڭگەيدە قورعاۋ كەرەك، مەكتەپ، قوعام شەبەرلىك رۋحتى جەتىلدىرۋگە بىرگە نازار اۋدارعاندا عانا، مەملەكەتىمىزدە ءتىپتى كوپ ءىرى ەل شەبەرلەرى جارىققا شىعا الادى.
  «قوس بىرەگەيلەر» تىزىمىنە قالاي قاراۋ كەرەك؟ يدەيا - ساياسي ساباعىن قايتكەندە وقۋشىلار ءتىپتى جاقسى كورەدى؟ وقۋشىلاردىڭ ساباق تولىقتاۋ جايتتەرىنە قالاي قاراۋ كەرەك؟... 80 مينۋتقا جالعاسقان توپتىق تىلشىلىك سۇحباتتا 6 ۋاكىل وزدەرىنىڭ كورگەندەرىن، سەزىنگەندەرىن، ويلاعاندارىن ايتتى.
  توپتىق تىلشىلىك سۇحبات اياقتاعان سوڭ، ۋاكىل ليۋ جىحۋاي ءوزىنىڭ شينجياڭنىڭ كاسىپتىك وقۋ - اعارتۋ جونىندەگى ءۇمىت - تىلەكتەرىن بىلاي جەتكىزدى: «شينجياڭدا كاسىپتىك وقۋ - اعارتۋ، اسىرەسە، ماڭىزدى. پارتيا ورتالىق كوميتەتىنىڭ قامقورلىعى مەن شينجياڭعا كومەكتەسۋشى ولكە - قالالاردىڭ كومەگىندە شينجياڭنىڭ كاسىپتىك وقۋ - اعارتۋىنىڭ، ءسوز جوق، ءتىپتى كوپ ادامدى جۇمىستانۋعا جەتەكتەيتىنىنە، ادامداردىڭ بارلىعى شەبەرلىكتى، ونەردى يگەرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ادام كۇشى بايلىعى جاعىنان كەپىلدىك ەتۋگە مۇمكىندىك جاسايتىنىنا سەنەمىن».
  ۋاكىل ليۋ جىحۋاي بىلاي دەدى: 19 - قۇرىلتاي بايانداماسىندا كاسىپتىك وقۋ - اعارتۋدى جانە تەحنيكالىق شەبەرلىككە باۋلۋدى كۇشەيتۋ العا قويىلدى، بۇل پارتيا ورتالىق كوميتەتىنىڭ حالىق تۇرمىسىنا، جۇمىستانۋعا ساياتىن كاسىپتىك وقۋ - اعارتۋعا ەرەكشە ءمان بەرگەنىن ايگىلەيدى. شينجياڭعا كومەكتەسۋشى كادرلاردىڭ جانە وقۋ - اعارتۋ قىزمەتكەرلەرىنىڭ ۋاكىلى رەتىندە، مەن بايانداما رۋحىن مۇقيات ۇيرەنىپ، يگەرىپ، وقۋ - اعارتۋ ارقىلى شينجياڭعا كومەكتەسۋدىڭ باسىمدىعىن تولىق ساۋلەلەندىرىپ، شينجياڭنىڭ وقۋ - اعارتۋ ىستەرىنىڭ، اسىرەسە، كاسىپتىك وقۋ - اعارتۋدىڭ جىلدام دامۋىنا ءوز ۇلەسىمدى قوسامىن.


بەرىپ كەت ورامالىڭدى

دوستار

الىستاعى اق ەركە