باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پارتيا وبرازىن سومداي تۇسكەن ۇلى ينجەنەريا

    كەلۋ قاينارى: شينجياڭ گازەتى    2017-10-23 20:28:49  

−جۇڭگو كوممۋنيستىك پارتياسىنىڭ وزىندىك قۇرىلىسىنداعى 5 جىلدىق ىزدەنىس جولى
شينحۋا اگەنتتىگىنىڭ تىلشىلەرى

 2017 - جىلى 18 - قازان ءتۇستىڭ الدىندا، كۇللى الەم كوز تىككەن جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى بەيجيڭدە سالتاناتپەن اشىلدى.
  2200دەن استام پارتيا قۇرىلتايىنىڭ ۋاكىلى قايراتى تاسقىنداعان رۋحاني كۇيمەن جانە ۇدەرە العا تارتقان كۇرەستىك بەينەمەن جۇرت الدىنا شىعىپ، عاسىرلىق ءىرى پارتيانىڭ وت كەشە ءجۇرىپ سومداي تۇسكەن شىت جاڭا وبرازىن كورسەتتى.
  بيىكتى بويسۇندىرۋ ءۇشىن، ادام ءوزىن بويسۇندىرۋى قاجەت.
  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگو كوممۋنيستىك پارتياسىن باستاپ، قالتقىسىز كۇرەس رۋحىمەن وزىندىك توڭكەرىستىڭ، ءوزىن سومداي ءتۇسۋدىڭ ۇلى ينجەنەرياسىن باستادى. جەمقورلىققا اياۋسىز سوققى بەرۋ، تىلەكتەردى توعىستىرىپ، رۋحتى ۇيىستىرۋ، ستيل دۇرىستاپ، ءتارتىپتى قاتايتۋ، جاۋاپكەرشىلىكتى باتىل ارقالاۋ... شويىن بالعا استىندا وت جالىن شاشىرادى. جۇرەكتەردى تەبىرەنتەر ساتتەردە ايبىندى كوز تارتارلىق كارتينالار توپتالدى، توڭكەرىستىك شىنىعۋدا، جاڭا داۋىردەگى پارتيانىڭ بەت - بەينەسىندە بۇرىن بولماعان وزگەرىستەر جارىققا شىقتى.
  تاريحتى اينا ەتىپ، اقاۋسىز تۇلعاسىن سومداي ءتۇستى  
  29 - قىركۇيەكتە پارتيانىڭ 19 - قۇرىلتايىنىڭ اشىلۋىنا 20 كۇنگە جەتپەيتىن ۋاقىت قالعاندا، پارتيا 18 - كەزەكتى ورتالىق كوميتەتى ساياسي بيۋروسىنىڭ مۇشەسى سۇن جىڭساي پارتيانىڭ «6 ۇلكەن تارتىبىنە» اۋىر قايشىلىق جاساعانى ءۇشىن پارتيادان ايدالىپ، قىزمەتتەن قۋالاندى.
  «جينالىس كەزدەرىندە جەمقورلاردى ۇستاماۋ»، «كەزەكتىڭ سوڭعى جىلىندا جەمقورلىققا قارسى تۇرۋدى توقتاتۋ»، «ۇلكەن ءمانساپتىلارعا جازا جۇرمەۋ» ... باتىستىڭ اقپارات قۇرالدارىنىڭ قالامىنداعى اتالمىش جۇڭگونىڭ «ساياسي كومەسكى ەرەجەلەرى» جۇڭگو كوممۋنيستىك پارتياسىنىڭ ءىس جۇزىندىك ارەكەتى ارقىلى ءبىر - بىردەن تالقاندالدى.
  سۇراپىل داۋىلدىڭ كەلە جاتقانىن از ساندى ادامدار سەزىندى.
  2012 - جىلى جەلتوقساننىڭ باسىندا، پارتيا 18 - كەزەكتى ورتالىق كوميتەتىنىڭ كانديدات مۇشەسى بولىپ سايلانعانىنا ايعا تولا قويماعان سىچۋان ولكەلىك پارتكومنىڭ ورىنباسار شۋجيى لي چۇنچىڭ 18 - قۇرىلتايدان كەيىنگى جەمقورلىققا قارسى تۇرۋدىڭ «ءبىرىنشى مىلتىعىنىڭ» وزىنە كەزەلەرىن مۇلدە ويلاماعان ەدى.
  «وسى مەزگىلدە كادرلار قوسىنىندا كىشى - گىرىم ماسەلەلەردىڭ جارىققا شىعۋىنان ساقتانۋ قيىن دەپ ويلاپ كەلگەن ەدىم»، - دەدى بىرنەشە جىلدان كەيىن، پارا الۋ قىلمىسىمەن، قىزمەت ۇقىعىن بەتالدى ىستەتۋ قىلمىسىمەن اباقتىعا تۇسكەن لي چۇنچىڭ وتكەن ىستەرىنە وكىنىپ.
  ءدال وسى ساتتەگى وكىنىش سول ءبىر شاقتاعى اداسقان ويدى كورسەتىپ تۇر.
  5 جىلدىڭ الدىندا، «40 ميلليون يۋانعا جۋىق پارا الۋ» لي چۇنچىڭنىڭ نازارىندا كىشى - گىرىم ماسەلە بولىپ تۇرعان كەزدە، پارتيامىز جەمقورلىقتىڭ اسقىنا تۇسكەن قاتاڭ سىنىنا ءدوپ كەلدى.
  «سانشي ولكەلىك اسكەري رايونىنىڭ بۇرىنعى سىليڭيۋانى فاڭ ۋىنپيڭ، چىڭدۋ اسكەري رايونىنىڭ بۇرىنعى ورىنباسار سىليڭيۋانى ياڭ جينشان، لانجوۋ اسكەري رايونىنىڭ بۇرىنعى ورىنباسار ساياسي كوميسسارى فان چاڭمي...»
  مەملەكەت قورعانىسى ۋنيۆەرسيتەتىندەگى ءبىر رەتكى لەكسيادا، جين ينان پروفەسسور جەمقورلىق ماسەلەسىمەن «وماقاسقان» گەنەرالداردى ءبىر - بىرلەپ ساناپ بەردى. پارتيانىڭ 18 - قۇرىلتايىنان بەرى، بۇكىل ارميادا تارتىپكە، زاڭعا اۋىر قايشىلىق جاساعان كورپۋستان جوعارى دارەجەدەگى 100دەن استام كادر ىلگەرىندى - كەيىندى تەكسەرىلىپ ءبىر جاقتى ەتىلدى. بۇل سان وق بوراعان سوعىس جىلدارىندا جاڭا جۇڭگونى قۇرۋ ءۇشىن قۇربان بولعان گەنەرالداردىڭ سانىنان الدەقايدا اسىپ ءتۇستى.
  «سونداي كوممۋنيستەردىڭ بولۋى ىقتيمال، ولار قۇرالدى جاۋعا باعىنعان ەمەس، ولار سول جاۋلاردىڭ الدىندا قاھارماندىق اتاعىنا داق تۇسىرمەگەن؛ ءبىراق ولار باسقالاردىڭ قانت قابىرشىقتى زەڭبىرەك وعىنىڭ شابۋىلىنا توتەپ بەرە المايدى».
  68 جىلدىڭ الدىندا «بەيجيڭگە بارىپ ەمتيحان تاپسىرۋ» قارساڭىندا، ماۋ زىدۇڭ جولداستىڭ بۇكىل پارتياعا جاساعان ەسكەرتۋى ءالى قۇلاق تۇبىمىزدە جاڭعىرىپ تۇر.
  «ەمتيحان تاپسىرۋ» ماڭگى اياقتامايدى، تەك جاڭا داۋىرلىك سۇراقتار شىعىپ تۇرادى.
  ءىرىپ - شىرىگەن تۇرمىستىڭ ءشىرىتۋى، مۇددەلىك توپتاردىڭ «قاۋمالاپ اۋلاۋى»، اقشا لوگيكاسىنىڭ ءورشۋى، توڭكەرىستىك سوعىس جىلدارى مەن جوسپارلى شارۋاشىلىق مەزگىلىندە ءالى كورنەكتىلەنە قويماعان وسى ماسەلەلەر كەيىنتىندە پارتيانى بىرتىندەپ جەمقورلىققا جۇعىسۋدىڭ، قۇرىپ - جوعالۋدىڭ الدىڭعى لەگىنە يتەرمەلەدى.
  «قىرۋار فاكتتەر بىزگە جەمقورلىق ماسەلەسى اسقىنا تۇسسە، ەڭ سوڭىندا پارتيانىڭ، مەملەكەتتىڭ قۇرىپ - جوعالۋىنا اپارىپ سوعاتىندىعىن ءتۇسىندىردى». پارتيانىڭ 18 - قۇرىلتايىنان كەيىن، باس شۋجي شي جينپيڭ مىندەتكە وتىرىسىمەن بۇكىل پارتيانىڭ قۇلاعىنا قۇيىپ انىق ەسكەرتۋ جاسادى.
  مىڭداعان ادامنىڭ شامىنا تيۋگە بولادى ەكەن، ءبىراق ءبىر ميلليارد 300 ميلليوننان استام ادامنىڭ ءۇمىتىن جەردە قالدىرۋعا استە بولمايدى.
  وتاسا الماعاندار اراسىندا سەمسەر جارقىلداتۋ بىردەن - ءبىر تالعامعا اينالادى.
  ۇلى بريتانيا كۇندەلىكتى تەلەگراف حابارلارىنىڭ شولۋىندا بىلاي دەلىندى: جۇڭگو كوممۋنيستىك پارتياسىنىڭ جاڭا بۋىن باسشىلارى جەمقورلىق ماسەلەسىن، ءسوز جوق، تاباندا ءبىر جاقتى ەتۋ كەرەكتىگىن ءبىلدىردى، بايقاساق، ەشقانداي ۋاقىت ىسىراپ ەتپەي ايتقان ءسوزىن، ءسوز جوق، ورىندايتىن ءتارىزدى.
  ايتقان ءسوزدى، ءسوز جوق، ورىنداۋ كەرەك، ايتقان ءسوز − اتىلعان وق!
  لي چۇنچىڭنان كەيىن ورتالىق باسقاراتىن كادرلاردان تەكسەرىلىپ ءبىر جاقتى ەتىلگەندەر اي سايىن بولىپ وتىردى، ەڭ كوپ بولعان كەزدەرى «ءبىر ايدا 7 جولبارىس سوعىلدى». قىسقا عانا 5 جىلدا مەملەكەت بويىنشا ولكە، كورپۋس دارەجەلىدەن جوعارى پارتيالى كادرلاردان جانە باسقا دا ورتالىق باسقاراتىن كادرلاردان 440 ادامعا دەلو تۇرعىزىلىپ تەكسەرىلدى. مۇنىڭ ىشىندە پارتيا 18 - كەزەكتى ورتالىق كوميتەتىنىڭ مۇشەسىنەن، ورتالىق كوميتەتتىڭ كانديدات مۇشەسىنەن 43 ادام، ورتالىق ءتارتىپ تەكسەرۋ كوميتەتىنىڭ مۇشەسىنەن 9 ادام بار.
  جوعارىدا جوۋ يۇڭكاڭ، بو شيلاي، گو بوشيۇڭ، شۇي سايحوۋ، سۇن جىڭساي، ليڭ جيحۋا سياقتى «ۇلكەن جولبارىستاردان» تومەندە بۇقارانىڭ جانىنداعى «شىبىندار مەن تىشقاندارعا» دەيىن ەشكىمنىڭ دە جازادان امان قالاتىن «ەرەكشە ۇقىق كۋالىگى» جوق، ەشكىم دە «تەمىر قالپاقتى پاتشا» ەمەس.
  جەر - كوكتى ءدۇر سىلكىندىرەر سۇراپىل داۋىل، جويقىن نوسەر ادامداردىڭ تانىمىن الدەنەشە رەت جاڭالادى.
  جۇڭگو كوممۋنيستىك پارتياسىنىڭ باتىل تۇردە وزىنە توڭكەرىس جۇرگىزۋ، پارتيانى قاتاڭ باسقارۋ، قاتاڭ جونگە سالۋ سىندى ەڭ ايقىن قاسيەتى بارعان سايىن القاۋعا بولەنىپ كەلەدى.
  ءبىر ولكەدە مەملەكەتتىك حالىق قۇرىلتايىنىڭ 45 ۋاكىلى سايلاۋدا پارا الىپ، پارا بەرۋگە ارالاستى، بۇعان 1000عا تاياۋ «ساياسي، ساۋدا سالاسىنىڭ ەگەيلەرى» دە شاتىلدى. 2016 - جىلى قىركۇيەكتە لياۋنيڭ ولكەسىندە تۋىلعان داۋىس جيناپ پارامەن سايلانۋ دەلوسى قاتاڭ تەكسەرىلىپ ءبىر جاقتى ەتىلدى ءارى اشىق جاريالانىپ، جاڭا جۇڭگو تاريحىنداعى ەڭ ۇلكەن پارامەن سايلانۋ دەلوسىنىڭ سىرى اشىلدى ءارى لياۋنيڭ ولكەلىك حالىق قۇرىلتايى تۇراقتى كوميتەتى دە ءبىر مەزەت تۇرالاڭقى كۇيگە ءتۇستى.
  سوتسياليستىك دەموكراتيالى زاڭمەن جونگە سالۋ اياق استى ەتىلگەن تۇستا، جۇڭگو كوممۋنيستىك پارتياسىنىڭ بيلىك جۇرگىزۋ نەگىزى سىن - سايىسقا كەز بولعاندا، شي جينپيڭ جولداستى ۇيتقى ەتكەن پارتيا ورتالىق كوميتەتى باتىلدىقپەن ىسكە كىرىستى، تاسقا اتقانىم باسقا تيەر مە دەپ قورعانۋدان، زاڭ كوپ ادامعا توتەپ بەرۋ ءۇشىن ەمەس، قايتا از ساندى ادامدى جازالاۋ ءۇشىن ىستەتىلەدى دەپ ىمىرالاسۋدان، ەندىگارى قايتالاماس دەپ شەگىنشەكتەۋدەن ادا بولدى.
 تەك لياۋنيڭ عانا ما!
  سانشيدەگى جۇيە سيپاتتى، وپىرىلۋ فورماسىنداعى جەمقورلىق، سىچۋاننىڭ نانچۇڭىنداعى داۋىس جيناپ پارامەن سايلانۋ، حۋناننىڭ حىڭياڭىنداعى سايلاۋدى بۇزۋ ءىسى... ءىرى دەلولار، ماڭىزدى دەلولار، استاسپالى دەلولار، توپتىق دەلولار جالپاق جۇرتقا اشىق جاريالاندى.
  ءوزىن قايتالاي سومداۋ ءۇشىن، ءسوز جوق، تاباندا كەسىم جاساۋ، ءارقانداي قيىنشىلىق اتاۋلىنى باتىل جەڭۋ كەرەك.
  2015 - جىلى جەمقورلىققا قارسى تۇرۋ كۇرەسى 3 - جىلعا قادام تاستادى، جاعداي ءالى دە تەكە تىرەس كۇيدە ەدى.
  وسى كەزدە قوعامدا قاڭقۋ سوزدەر جارىققا شىقتى: «جەمقورلىققا قارسى تۇرۋ ەكونوميكالىق دامۋعا ىقپال جاساپ، كادرلاردىڭ ءىس تىندىرماۋىنا مۇرىندىق بولدى»، «جەمقورلىققا قارسى تۇرسا پارتيا قۇرىپ كەتە مە، جوق پا»، «جەمقورلىققا قارسى تۇرۋ بيلىك كۇرەسى، قارتالار ءۇيى»...
  قاڭقۋ سوزدەردىڭ استارىندا تانىم كۇڭگىرتتىگىنەن تۋىنداعان كۇدىك - كۇمان بار، ونان دا ماڭىزدىسى، وندا وركەشتەگەن استىرتىن اعىنداردىڭ مۇيىزدەسۋى جاتىر.
  «حالىق بيلىكتى بىزگە تاپسىردى، ءبىز، ءسوز جوق، پارتيا، وتان ءۇشىن بەرىلە قىزمەت ەتۋىمىز، پارتيا مەن وتاننىڭ ءۇمىتىن اقتاۋىمىز، ىستەۋگە ءتيىستى ىستەردى ىستەۋىمىز، شامىنا تيەتىندەردىڭ شامىنا ءتيۋىمىز كەرەك».
  شەشۋشى كەزەڭدە باس شۋجي شي جينپيڭ تاعى دا كەسەتە ايتىپ، تياناقتى ءۇن قاتتى.
  جەڭىلمەيتىن ءارى مۇلدە جەڭىلۋگە بولمايتىن كۇرەستە شي جينپيڭ جولداستى ۇيتقى ەتكەن پارتيا ورتالىق كوميتەتى قات - قابات قىسىمعا توتەپ بەرىپ، ءتۇرلى سىن - سايىسقا بەتپە - بەت كەلىپ، جۇڭگو كوممۋنيستىك پارتياسىنىڭ وزىنە - ءوزى باتىل توڭكەرىس جاسايتىن ساياسي باتىلدىعى مەن ساياسي اقىل - پاراساتىن بارىنشا ساۋلەلەندىردى.
  2016 - جىلى 29 - ماۋسىم تۇستەن بۇرىن تيانجين قالالىق پارتكومنىڭ اۋلاسىنا ءبىر مينبۋس كەلىپ توقتادى. سول كەزدەگى ۋاقىتتىق شۋجي، قالا باستىعى حۋاڭ شيڭگو ەسىك الدىنا بۇرىنىراق شىعىپ، ورتالىقتىڭ شارلاۋ گرۋپپاسىنىڭ «قايتالاي ساپارىن» قارسى الدى.
  وسى ۋاقىتتىق شۋجي مۇنىڭ «تەكسەرىپ كورىپ رەسميلەستىرەتىن» «قايىرلى ساپار» بولۋىن شىن پەيىلىمەن ءۇمىت ەتكەن ەدى. الايدا، 2 جارىم ايدان كەيىن ونىڭ ساياسي ءومىرى شارلاۋداعى «قايىرىلا اتىلعان وقتان» تۇبەگەيلى اقىرلاستى.
  شارلاۋدىڭ الماس قىلىشى 5 جىل قايرالىپ، ءبىر پارتيا بيلىك جۇرگىزگەن جاعدايدا ءوزىن - ءوزى باقىلاۋ سىندى قيىن تاقىرىپتا قامال الاتىن ماڭىزدى تۇزىمدىك وتكىر قارۋعا اينالدى، تەكسەرىلىپ ءبىر جايلى ەتىلگەن ورتالىق باسقاراتىن كادرلاردىڭ %60تەن استامىنىڭ قاتىستى ءىز - دەرەكتەرى شارلاۋدان كەلگەن.
  بيلىكتى تەجەۋ مەن باقىلاۋ سىندى شەشۋشى ءتۇيىندى كوزدەپ، 5 جىلدان بەرى پارتيانىڭ ىشكى باقىلاۋ ءتۇزىم قۇرىلىسى، زاڭ - ەرەجە، ءتۇزىم قۇرىلىسى، ءتارتىپتى اتقارۋ، جاۋاپقا تارتۋ فورماسى، كادرلاردى سۇرىپتاپ مىندەتكە قويۋ ءادىسى جونىندە جاڭالىق اشۋ سيپاتتى «شارالار» العا قويىلدى.
  پىشاقتىڭ ءجۇزىن ىشكە كەزەپ، سۇيەكتى قىرىپ، ۋىتتى ايداپ، تۇلعانى قايتا سومدادى.
  بۇگىنگى دۇنيە جۇزىنە نازار سالساق، قانداي ءبىر ساياسي پارتيانىڭ «ءوزىن - ءوزى بورشالاۋ» ەركى مەن سەرپىنى ءدال وسىنداي بولىپ كورمەسە كەرەك.
  بۇل 5 جىلدان بەرگى جۇڭگو كوممۋنيستىك پارتياسىنىڭ عالامات ۇلى باستاماسى ەدى.
  2016 - جىلى 16 - قاراشا تۇستەن كەيىن بەيجيڭدەگى استانا اۋەجايى.
  شاشى بۋرىل تارتقان، تالتىرەكتەي باسقان قارت ايەل 2 ايەل ساقشىنىڭ ايداۋىمەن ۇشاق باسپالداعىنان باياۋ ءتۇستى.
  13 جىلدىڭ الدىندا «قىزىل ءتۇستى قۋعىنداۋ بۇيرىعى شىعارىلعان، شەتەلگە قاشقان 100 ادامنىڭ» ىشىندەگى ەڭ ۇلكەن قىلمىس كۇماندىسى، جىجياڭ ولكەلىك قۇرىلىس مەڭگەرمەسىنىڭ بۇرىنعى ورىنباسار باستىعى ياڭ شيۋجۋ قيانات ىستەۋ قىلمىسىنا شاتىلىپ، شەتەلگە قاشتى، ول «ولسەم ا ق ش - تا ولەيىن» دەپ بەكىگەن ەدى.
  13 جىلدان كەيىن، جۇڭگو كوممۋنيستىك پارتياسىنىڭ جەمقورلىققا قارسى تۇرۋ كۇرەسى ەرەكشە ايبىنمەن شەتەلگە كەڭەيگەندە، ياڭ شيۋجۋ بىرتىندەپ قالتاسىندا كوك تيىنى جوق، سۇيەنەر سۇيەنىشى جوق، بارار جەر، باسار تاۋى جوق حالگە ءتۇستى. سونىمەن مۇلدە وقشاۋ قالعان ول اقىرى اياعىندا «ەلگە شارتسىز قايتىپ، زاڭنىڭ جازاسىن قابىلداۋ» بەكىمىنە كەلدى.
  ەل تىلەگى − ەڭ ۇلكەن ساياسي، ادىلەت − ەڭ قۇدىرەتتى كۇش.
  2015 - جىلعى «تەكە تىرەس كۇيدەن» 2016 - جىلى «باسىم جاعداي قالىپتاسا باستاعانعا» دەيىن، ونان بۇگىنگى جەمقورلىققا قارسى تۇرۋدىڭ «باسىم جاعدايى قالىپتاسقان ءارى بەكەمدەلىپ دامىعانعا» دەيىن.

  شەتەلدە قاشىپ جۇرگەندەر كوشەدەن قاشقان تىشقاننىڭ كەبىن كيدى؛ ەل ىشىندە سان مىڭداعان پارتيالى كادرلار ۇيىمعا ءوز ماسەلەسىن ىرىقتى تۇردە تاپسىردى.
  بۇل ءبىر ساياسي پارتيانىڭ باتىلدىقپەن تۇلەۋى، بۇل ءبىر مەملەكەتتىڭ جارقىن ءۇمىتى.
  2016 - جىلى حالىق جۇرتشىلىعىنىڭ پارتيا ستيلى، پاكتىك قۇرىلىسى مەن جەمقورلىققا قارسى تۇرۋ قىزمەتىنە دەگەن ريزاشىلىعى پارتيانىڭ 18 - قۇرىلتايىنان بۇرىنعى %75تەن %92.9كە جوعارىلادى.
  تاياۋدا سينگاپۋردىڭ زۇڭليى لي شيانلۇڭ جۇڭگوعا ساپارلاي كەلگەندە جۇڭگو كوممۋنيستىك پارتياسىنىڭ پارتيانى جاپپاي قاتاڭ جونگە سالۋدا قول جەتكىزگەن كورنەكتى تابىستارىن ايرىقشا القادى ءارى «جۇڭگو كوممۋنيستىك پارتياسىنىڭ باسشىلارىمەن جەمقورلىققا قارسى تۇرۋ تاجىريبەسى جونىندە اۋىس - ءتۇيىس جاساسۋ» دەگەن كۇن ءتارتىپتى قوسۋدى ىرىقتى تۇردە العا قويدى.
 «ازياداعى ەڭ كىرشىكسىز ەل» دەپ اتالاتىن مەملەكەتتىڭ باسشىسى ءبىر ساياسي پارتيانىڭ ءوز - وزىنە توڭكەرىس جۇرگىزۋ ارقىلى ۇزاق ۋاقىت بيلىك جۇرگىزۋ بارىسىندا باستان - اياق كىرشىكسىز بولۋعا شىنايى كەپىلدىك ەتۋ ءۇشىن قانشالىقتى باتىلدىق، قانشالىقتى ىسكەرلىك، قانشالىقتى اقىل - پاراسات كەرەك ەكەندىگىن ۇعىندى.
  5 جىل ميحىناتتى كۇرەستەر جاسادى، 5 جىلدا قۇرىش بولىپ جەتىلدى.
  جەمقورلىق سىندى دۇنيە جۇزىلىك قيىن تاقىرىپ الدىندا، جۇڭگو كوممۋنيستىك پارتياسى ساياسي پارتيا مەن كاپيتالدىڭ شەكاراسىن اشالاي ايقىنداپ، ۇقىقتى ءونىمدى تۇردە تەجەپ جانە باقىلاپ، باسشى كادرلار سىندى «شەشۋشى ازشىلىقتى» بەرىك يگەردى... ءبىرسىپىرا شارالار جانە ءتۇزىم قۇرىلىسى ارقىلى العاباسارلىقتى، كىرشىكسىزدىكتى باستان - اياق ساقتاۋدىڭ ءونىمدى جولى جونىندە ىزدەنىس جاساپ، جەمقورلىققا قارسى تۇرۋدىڭ تۇبەگەيلى جەڭىسىنە قول جەتكىزۋ نىساناسىنا قاراي ۇدەرە العا تارتتى.
  سەنىمدى رۋح ەتىپ، مۇرات - سەنىمدى قايتا سومدادى
  حۋنان ولكەسى چاڭشا قالاسىنىڭ شۋيۋان كوشەسى 356 - نومىرلى اۋلا، ايبىندى دا دەگدار اق ءتۇستى قۇرىلىستىڭ توبەسىندە «1 - پەداگوگيكا» دەگەن ءسوز كوزگە وتتاي باسىلادى.
  2017 - جىلى 1 - شىلدە قارساڭىندا ۋنيۆەرسيتەتتىڭ 21 جاستاعى 3 - كۋرس وقۋشىسى ۋاڭ جيابەي ساباقتاستارىمەن بىرگە نارت قىزىل پارتيا تۋى الدىندا «كوممۋنيزم جولىندا ءومىر بويى كۇرەس جۇرگىزەمىن» دەپ ايبىندى سەرت بەردى.
  تۋپ - تۋرا 100 جىلدىڭ الدىندا، وسى ارادا وقىعان ماۋ زىدۇڭ بۇكىل مەكتەپتى ءدۇر سىلكىندىرگەن «جۇرەك كۇشى» اتتى ماقالاسىن جازعان ەدى: «مۇراتتاس، جۇرتقا كومەكتەسۋگە ۇمتىلعان، دۇنيەنى قۇتقاراتىن اقيقاتشىلارمەن قول ۇستاسا ىلگەرىلەۋدى قالايمىن».
  اقيقاتقا تالپىنۋ، تالماي كۇرەس جۇرگىزۋ − ەكى عاسىر جاستارىنىڭ عاسىر اتتاعان رۋحاني ۇندەسۋى.
  ادام رۋحپەن جاسايدى، پارتيا رۋحپەن گۇلدەنەدى.
  جۇڭگو كوممۋنيستىك پارتياسىنىڭ 96 جىلدىق كۇرەس تاريحىنا كوز جىبەرسەك، كەرەمەتتەر تۋدىرۋدىڭ ءتاسىلى سان الۋان، ءبىراق ۇلى ءىس تىندىرۋدىڭ ءتۇپ نەگىزى بىرەۋ عانا −
  سەنىم ساۋلەسىمەن العا باسۋ جولىن نۇرلاندىردى.
  «ماركسيزمگە دەگەن سەنىم، سوتسياليزم مەن كوممۋنيزمگە دەگەن سەنىم − كوممۋنيستەردىڭ ساياسي جانى، كوممۋنيستەردىڭ ءارقانداي سىنعا توتەپ بەرۋىنىڭ رۋحاني تىرەگى». پارتيانىڭ 18 - قۇرىلتايىنداعى نەبارى 49 ارىپتىك وسى سوزدەر بۇرىنعىلاردىڭ ىزىمەن بولاشاققا جول اشۋدىڭ ساياسي جارناماسى، اسىرەسە، ماسەلەلەرگە بەتپە - بەت كەلۋدىڭ ساياسي ەسكەرتۋى.
  2017 - جىلى مەملەكەت مەرەكەسى كەزى، بەيجيڭ كورمە سارايىندا قايشالىسقان ادام.
  «ۇدەرە العا تارتقان 5 جىل» اتتى كولەمدى جەتىستىكتەر كورمەسىنىڭ 10 - كورمە اۋماعىندا سۋ رۇڭ، ۋاڭ مين، جوۋ بىنشۇن، چوۋ حى سياقتى ادامدار جازعان تاۋبەسىن ءۇيىرۋ حاتى ادامداردى تەرەڭ تولعاندىردى.   «پارتيادان ايدالعانىممەن، ۇيىمنىڭ 45 جىلدان بەرى مەنى تاربيەلەگەنىن ۇمىتپايمىن. پارتيا ۇيىمى سىندى وسى شاڭىراقتى ماڭگى ۇمىتپايمىن، پارتيا سىندى قادىرلى انانى ۇمىتپايمىن». جوۋ بىنشۇننىڭ جازعاندارىنان كەي ادامدار ونىڭ قىلمىسىنا وكىنەتىندىگىن كوردى، كەي ادامدار ونىڭ ۇيىمعا دەگەن ساعىنىشىن ءبىلدى...
  الايدا وسى 45 جىلدىق پارتيالىق ستاجى بار حىبەي ولكەلىك پارتكومنىڭ بۇرىنعى شۋجيى اتتان قۇلاردان بۇرىن ءوزىنىڭ كوپ جەردەگى ۇيلەرىندە بۇت ورناتىپ، ءار جىلعى كوكتەم مەرەكەسىنىڭ 1 - كۇنى، 15 - كۇنى ۇيىندە ءيىستى تۇتانعىش تۇتاتىپ، بۇتقا تابىناتىن، ءتىپتى ءوزى باققان تاسباقاسى ولگەندە ارنايى ءتاپسىر جازىپ بىرگە كومگەن...
  ۇيىم تالاي جىل تاربيەلەگەن وسى ساقا پارتيا مۇشەسىنىڭ، پارتيانىڭ جوعارى دارەجەلى كادرىنىڭ ءبىر جاعىنان، پارا الىپ، ءىرىپ - شىرىسە، ەندى ءبىر جاعىنان، بۇتقا تابىنىپ جالىنعان بەينەسىن ويلاۋدىڭ ءوزى قيىن.   ەگەر ماركسيزمدىك ساياسي پارتيا سەنىمگە وپاسىزدىق جاساعان وسىنداي سوراقى ارەكەتتەرمەن تولسا، ونىڭ رۋحاني عيماراتى قالاي عانا مىزعىماي بوي كوتەرىپ، جۇرتتى وزىنە تارتا الادى.

  سەنىمدى ەشقانداي ۋاقىتتا ۇمىتۋعا بولمايدى −
  «قاي كەزدە تۋعانىم ەسىمدە جوق. پارتياعا كىرگەن كۇنىم ءالى ەسىمدە، 1954 - جىلى 7 - قازاندا پارتياعا كىرگەنمىن». 101 جاستاعى قىزىل ارميا جاۋىنگەرى ليۋ گۋاڭدىڭنىڭ جۇرەگىندە اۋەلگى ماقسات ومىردەن دە ماڭىزدى ەدى.
  84 جىلدىڭ الدىندا 17 جاستاعى ليۋ گۋاڭدىڭ ورتالىق سوۆەت رايونىندا قىزىل ارمياعا قاتىناسادى. وزىمەن بىرگە قوسىنعا كىرگەن 10 ءوسپىرىم بالانىڭ اراسىندا ول توڭكەرىس جەڭىسىن كوزىمەن كورگەن بىردەن - ءبىر ادام.
  ءوز سەنىمىنە ادال بولۋ − امان قالعان جانە قۇربان بولعان قىزىل ارميا ساردارلارى مەن ساربازدارىنىڭ ۋاقىت اتتاعان جان ايعايى، ول جۇڭگو كوممۋنيستەرىنىڭ قاي جەردەن اتتانۋ، نە ءۇشىن اتتانۋى سىندى ءتۇبىرلى سۇراۋعا جاۋاپ بەردى.
  اۋەلگى ماقساتتى ۇمىتپاعاندا عانا، ءىس باياندى بولادى.
  2017 - جىلى ماۋسىمدا سانشيدە قىزمەت تەكسەرگەن باس شۋجي شي جينپيڭ جينسۇي شەكارا رايونى توڭكەرىستىك ەسكەرتكىش سارايىنا كەلىپ، توڭكەرىستىك قۇرباندارعا گۇل شارباق قويدى.
  ول تەبىرەنە بىلاي دەدى: «توڭكەرىستىك سوعىس جىلدارىندا لۇيلياڭ ۇلاندارى ىستىق قان، ومىرلەرىمەن ۇلى لۇيلياڭ رۋحىن سومدادى. وسى رۋحتى قازىرگى داۋىردە جالعاستىرىپ، بۇقارانىڭ باقىتتى تۇرمىس كەشىرۋى، جۇڭحۋا ۇلتىنىڭ ۇلى گۇلدەنۋى جولىندا توقتاۋسىز كۇرەس جۇرگىزۋىمىز كەرەك».
  سەنىم وتىنىڭ جەتەكشىلىگىندە عانا تاريحتى جاراتۋدىڭ، ۇزدىكسىز العا باسۋدىڭ سارقىلماس قوزعاۋشى كۇشى بولادى.
  اقيقات ءار ۋاقىت قىراعىلىقتى قاجەت ەتەدى −
  شاڭحايدىڭ لۋجيازۇيىندە، 632 مەترلىك شاڭحاي ورتالىق عيماراتى كوككە بوي سوزىپ تۇر. الىستان كوكجيەك انىق كورىنەدى.
 دۇنيە جۇزىندەگى ەكىنشى بيىك عيماراتتا جالپىلىق مەنشىككە جاتپايتىن 30دان استام كاسىپورىننىڭ پارتيا ياچەيكاسى، 600دەن استام پارتيا مۇشەسى بار. جايشىلىقتاعى ءبىر قىزمەت كۇنى، 22 - قاباتتاعى 500 نەشە شارشى مەترلىك «جينليڭ بەكەتىندە» بىرلەسكەن پارتيا ياچەيكاسىنىڭ 24 جاستاعى شۋجيى لۋ جيا - ۋي پارتيا مۇشەلەرىمەن بىرگە «باس شۋجي شي جينپيڭنىڭ جەلىلەس ماڭىزدى سوزدەرى وقۋلىعىن» ۇيرەنۋدەن العان اسەرلەرىن ءبولىسىپ وتىردى.
  «بۇل جەردە فيزيكالىق بيىكتىكتى عانا ەمەس، سەنىمگە يە بولۋدىڭ بيىكتىگىن دە تۇسىندىك؛ كوز ايامىز عانا كەڭ ەمەس، ونان دا ماڭىزدىسى، مۇراتىمىز اسقاق»، - دەدى لۋ جيا - ۋي.
  5 جىلدان بەرى، پارتيانىڭ بۇقارالىق لۋشيان تاربيەسى جانە امالياتتىق قيمىلىنان تارتىپ «ۇشتە قاتاڭ، ۇشتە شىنايى بولۋ» تاقىرىپتىق تاربيەسىنە دەيىن، ونان «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىنە دەيىن پارتيا ىشىندەگى ءبىرسىپىرا يدەيالىق - ساياسي تاربيەلەر ءبىر - بىرىمەن تىعىز قابىسىپ، ىشكەرىلەي العا ىلگەرىلەتىلىپ، «شەشۋشى ازشىلىقتان» جالپى پارتيا مۇشەلەرىنە كەڭەيىپ، بۇكىل پارتيانىڭ قاسيەتىن، اۋەلگى ماقساتتى سومداي ءتۇسىپ، سەنىمنىڭ بارىنشا تەرەڭ، بارىنشا بەرىك تامىر تارتۋىنا مۇمكىندىك جاسادى.
  كوممۋنيستەردىڭ قۇن تالپىنىسىندا، ءسوز جوق، ادىلەت جولىندا ەشتەڭەدەن تايىنباي تاباندى بولۋ كەرەك −
  ءتارتىپ جازاسى ەرەجەسى مەن پاك، تارتىپشەڭ بولۋ ولشەمىنە تۇگەلدەي وزگەرىس ەنگىزىلىپ، بىرگە جاريالانىپ، ءتارتىپتىڭ «ەڭ تومەنگى شەگى» ايقىن كورسەتىلۋمەن بىرگە، بويسۇنۋعا ءتيىستى ءمورالدىق «جوعارعى شەگى» بەلگىلەندى.
  «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر» «مىزعىماس مۇرات - سەنىمدى» پارتيانىڭ ىشكى ساياسي تۇرمىسىن ورىستەتۋدىڭ ماڭداي الدى مىندەتى رەتىندە ايقىنداپ بەردى.

  ەگەر ءتۇزىمدى كومەسكى تەجەۋ دەسەك، وندا ۇلگى جاندى ولشەم ەسەپتەلەدى.
  ارادا 20 جىلدان كەيىن قايتا باستالعان «مەملەكەتتىك تاڭداۋلى اۋداندىق پارتكوم شۋجيىن» باعالاپ، مەملەكەتتىك تاڭداۋلى كومپارتيا مۇشەسىن تۇڭعىش رەت ج ك پ ورتالىق كوميتەتىنىڭ اتىندا ماداقتاپ، پارتيا ىشىندەگى ەڭ جوعارى داڭق «1 - شىلدە وردەنىن» بەرۋ ءادىسىن بەلگىلەدى... مىنە وسىنداي جاڭا داۋىردەگى جاقسى كادر ولشەمىنىڭ ىشىندەگى 1 - تارماق، سونداي - اق 1 - ورىندا تۇراتىن ءتۇيىن «مۇرات - سەنىمنىڭ بەرىكتىگى».   30 جاسقا كەلگەن ونى بۇقارا «پارتيانىڭ جاقسى كادرى» دەسەدى.
  چۇڭچيڭنىڭ بايشا قالاشىعىندا ورىنباسار قالاشىق باستىعى جاڭ جاۋيۋان ىلگەرىندى - كەيىندى 3 اۋىل - قالاشىقتا 6 جىل قىزمەت ىستەپ، بارلىق كەدەي قىستاقتى تەگىس ارالاپ شىققان ەدى. چيڭحۋا ۋنيۆەرسيتەتىنەن وزات وقىعان وسى وقۋشى مەكتەپ تاۋىسقان كەزدە «ەڭ جاپالى نەگىزگى ساتىعا بارىپ، ەڭ ۇلى مۇراتتى جۇزەگە اسىرامىن» دەگەن تالعامدى العا قويدى.
  جاڭ جاۋيۋان: مەن كوممۋنيستىك پارتيانىڭ ءبىر مۇشەسىمىن، مەنىڭ تالعامىمدى سەنىمىم بەلگىلەگەن، - دەيدى.
  نەشە ون كيلومەتر شالعايداعى گىلىشان تاۋى، جازىدۇڭ تۇرمەسىنىڭ كونە جۇرتى، سۇركەيلى اباقتى، مۇزداي سۋىق جازا قۇرالدارى، قاھارمانداردىڭ رۋحىنا تاعزىم ەتكەن ادامدار ءوز كەزىندەگى اق تەررورلىقتى ءالى دە سەزىنە الادى.
  وسى جەردە 200 نەشە توڭكەرىسشىل ارداگەر ەرلىكپەن قۇربان بولعان، ولاردىڭ باسىم كوبى ىشەر اس، كيەر كيىمنەن تارىقپايتىن باردام وتباسىنان شىققان ەدى. توڭكەرىسپەن شۇعىلدانىپ، ولىمگە باسىن ءباي تىكتى، ءومىر تالعامىنىڭ قاينارى «باسىم كوپ ساندى ادامدار ءۇشىن كۇرەس جاساۋ» سىندى مىزعىماس بەرىك سەنىم ەدى.
  بۇگىن كوممۋنيستەردىڭ سەنىم تۋى اياسىندا اناعۇرلىم كوپ ادام جانە دە وكىنىشسىز تالعام جاساۋدا −
  ستراتەگ عالىم حۋاڭ دانيان شەتەلدەگى باردام تۇرمىستان باز كەشىپ، جۇرەك قانىن وتان ءۇمىتىن اقتاۋدىڭ تەلەگەي تەڭىزىنە قوستى؛ اۋداندىق پارتكوم شۋجيى لياۋ جۇنبو جان قيارلىقپەن قىزمەت ەتىپ، قالتقىسىز ۇلەس قوسىپ، كوكەيدەگى جۇرەك الاۋىمەن توڭىرەگىندەگى جۇرتشىلىقتى شۋاققا بولەدى؛ ۋنيۆەرسيتەت پروفەسسورى لي باۋگو 35 جىل بويى تايحاڭشان تاۋىنا تامىر تارتىپ، تاۋدان دا مىزعىماس بەرىك جىگەرمەن بۇقارانىڭ كەدەيلىكتەن قۇتىلىپ، اۋقاتتانۋ جولىنا تۇسۋىنە كومەك كورسەتتى...
  مۇرات - سەنىمنىڭ اسقاقتاۋى 89 ميلليوننان استام كوممۋنيستىك پارتيا مۇشەسىنىڭ رۋحاني ارقاۋىن تۇلعالادى، ول پارتيانىڭ جاسامپازدىق كۇشىن، ۇيىسۋ كۇشىن، جاۋىنگەرلىك كۇشىن زور دارەجەدە نىعايتتى.  جۇڭگو كوممۋنيستىك پارتياسى كىرشىكسىزدىك جانە پاكتىك ارقىلى تاعى ءبىر مارتە قۇرمەتكە بولەندى، ارداقتالدى.
  «بۇگىن مەن نەگە جۇڭگو كوممۋنيستىك پارتياسىنا مۇشە بولدىم؟» 2016 - جىلى 1 - مامىر كەزىن
دە نانجيڭ اۆياتسيا عارىش ۋنيۆەرسيتەتىنىڭ وقىتۋشىسى شۇي چۋاننىڭ ماقالاسى ۋيچات دوستىق شەڭبەرىندە كەڭ تارالدى: بۇل ساياسي پارتيا العاش قۇرىلعان كەزدە ەشقانداي ىقپالى جوق ەدى، ەشقانداي ارتقى كورىنىسى جوق ەدى، ەشقانداي مال - مۇلكى جوق ەدى... حالىق وزگە ساياسي پارتيانى ەمەس، كوممۋنيستىك پارتيانى نەگە تاڭدادى؟ مۇنىڭ جاۋابى − سەنىم.
  وسى جاس وقىتۋشى پارتيا ساباعىن وتكەن كەزدە ساباقحاناعا ادام لىق تولىپ كەتەتىن، بۇرىنىراق ورىن الۋعا تۋرا كەلەتىن، ساباقحانادان باستان - اياق دۋ قول شاپالاق ءۇنى ۇزىلمەيتىن.
 بۇگىن رەال تۇرمىستان تارتىپ ينتەرنەت اياسىنا دەيىن اناعۇرلىم كوپ 80 -، 90 - جىلداردىڭ تۋمالارى پارتيانى بىلەتىن، پارتيانى سۇيەتىن، پارتيانىڭ قامىن جەيتىن، پارتيانى قورعايتىن جاڭا كۇشكە اينالدى. 

 جۇڭگو كوممۋنيستەرى اسقاق تۇلعاسىمەن جانە مىزعىماس مۇراتمەن تاعى ءبىر مارتە باۋىرمال، جاناسىمدى جاندارعا اينالدى.
  2016 - جىلى پارتيا قۇرىلعاندىعىنىڭ 95 جىلدىعى قارساڭىندا، 9 مينۋت 05 سەكۋندتان تۇراتىن «قىزىل مىنەزدەمە» اتتى قىسقا مەتراجدى فيلم ينتەرنەتتى بيلەپ الدى.
  اسقاقتاعان ينتەرناتسيونال ءانىنىڭ اۋەنىمەن كومكەرىلىپ، تانىس جۇزدەر تاريحتىڭ تەرەڭ قويناۋىنان كوز الدىمىزعا تارتىلىپ، جۇڭگو كوممۋنيستەرىنىڭ سەنىم كۇشى ۋاقىت پەن كەڭىستىككە بوگەلمەي، جۇرەكتەرگە تۋرا كەلىپ قوناقتادى. ينتەرنەتكە جۇكتەلگەن از كۇننىڭ ىشىندە بەينەجازبانىڭ ءتۇرتىلىمى 100 ميلليوننان استى.
  بەيجيڭ ۋنيۆەرسيتەتىنىڭ ءبىر ستۋدەنتى «مۇرات - سەنىم بۇرىننان جۇرەگىمىزدە، ونى سىرتتان ەنگىزۋدىڭ قاجەتى جوق، تەك وياتا بىلسەك بولعانى» دەپ لەبىز قالدىردى.

  شاڭحايداعى شيڭيە جولى − تاريحتىڭ ءتۇيىلىسى.
  ج ك پ مەملەكەتتىك 1 - قۇرىلتايى وتكەن جەردەگى ەسكەرتكىش سارايىنا جازىپ قالدىرىلعان نەشە ون مىڭ لەبىزدە «اۋەلگى ماقساتتى ۇمىتپاي، ۇزدىكسىز العا باسايىق» دەگەن تىركەستىڭ جيىلىگى ەڭ جوعارى.

  70 جاستاعى جۇمىسشى زەينەتكەر، پارتيا مۇشەسى يۇي چياڭحۋا 7 جاسار جيەنىن ەرتىپ، اۋدانى نەبارى 18 شارشى مەتر كەلەتىن جيىن زالىندا ۇزاق كىدىرىپ، جۇڭگو كوممۋنيستىك پارتياسى قۇرىلعان ساتتەگى ناقتى ىستەر تۋرالى تۇسىندىرمەنى زەيىن سالا تىڭدادى.
  «مەيلى قانشالىق قيىن بولسا دا، جۇرەكتە سەنىم بولسا، ارمان - مۇرات ءسوزسىز ىسكە اسادى»، - دەدى يۇي چياڭحۋا تەبىرەنىپ.
  حالىقتى وزەك ەتىپ، تاڭداۋلى ستيلدى قايتا سومدادى  
  «8 ءتۇرلى بەلگىلەمە جۇڭگونى وزگەرتەدى!».
  بۇل حالىقتىڭ جۇرەكجاردى باعاسى.
  2012 - جىلى 4 - جەلتوقساندا پارتيا 18 - كەزەكتى ورتالىق كوميتەتىنىڭ باسشىلىق كوللەكتيۆى جۇمىسقا كىرىسىپ 20 كۇن وتەر - وتپەستە، ورتالىق كوميتەتتىڭ ساياسي بيۋروسى ءماجىلىس اشىپ، جۇمىس ستيلىن جاقسارتىپ، بۇقارامەن بايلانىستى نىعايتۋ جونىندەگى 8 ءتۇرلى بەلگىلەمەنى قاراپ، ماقۇلدادى.
  زامانىمىزداعى جۇڭگو كوممۋنيستەرى قاعيدا ورناتۋدان باستاپ، ستيل قۇرىلىسىنان ىسكە كىرىسىپ، ەڭ جوعارى باسشىلىق جىكتەن باستاپ اتقارىپ، پارتيا ستيلىن قايتا قالىپتاۋدىڭ «العاشقى ارەكەتىن» جولعا قويدى.
  قىسقا عانا 5 جىلدا ءۇپ ەتكەن سامالدان باستالعان ستيل وزگەرىسى جۇڭگوعا ءمانى تەرەڭ بۇرىلىستار الا كەلدى.
  حىبەي ولكەسى شىجياجۋاڭ قالاسىنىڭ يۇيحۋا جولىنداعى «بۇقارا قوناق ءۇيىنىڭ» الدى قايناعان قان بازار ىسپەتتى.
  «قازىر ءبىر تاباق قۋىرماشتىڭ باعاسى 10 نەشە يۋان دا 20 يۋان، ءۇيىمىزدىڭ الدىنداعى ۇلكەن اسحاناعا ۇقسايدى»، - دەدى ۇنەمى وسىندا كەلىپ تۇراتىن قالا تۇرعىنى شياۋ حۇڭ.
  2014 - جىلعا دەيىن بۇل جەر «وردا قوناق ءۇيى» دەپ اتالاتىن، جەرگىلىكتى لاۋازىمدى تۇلعالار مەن كوپەس ساۋداگەرلەر باس قوساتىن داڭسالى ورىن بولاتىن، ءبىر ۇستەل تاماقتىڭ باعاسى قىمسەتسە 10 مىڭ يۋانعا دەيىن باراتىن.
  «وردانىڭ» عايىپ بولىپ، «بۇقارانىڭ» مىنبەگە كوتەرىلۋى 5 جىلدان بەرگى ستيل وزگەرىسىنىڭ كۋاسى ەدى.
  2013 - جىلى قاڭتاردا باس شۋجي شي جينپيڭ 18 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سول تۇستاعى پارتيا ىشىندەگى بۇرىس ستيلدەردىڭ ءتۇرلى بەينەسىن قاداپ - قاداپ كورسەتتى:
  «قازىر كەي جەرلەردە عيمارات، كەڭسە، سارايلار قانداي اسەم، الىس - بەرىس قانداي دۋماندى، قاۋمالاۋشىلاردىڭ قاتارى قانداي مول، ءسان - سالتانات قانداي كوز تارتادى، جايىلعان داستارقاندار قانداي كول - كوسىر...»
  قاتار كەلگەن 5 «قانداي» پارتيا ىشىندەگى فورماشىلدىق، تورەشىلدىك، راقاتقۇمارلىق اسقىنىپ، استا - توك ىسىراپشىلدىق ەتەك جايعان جاعدايدى سۋرەتپەن سىزعانداي كوز الدىمىزعا كەلتىردى، ال ءبىرتالاي باسشى كادرلار بۇنى قالىپتى جاعداي دەپ قابىلداپ، وعان بويى دا ۇيرەنىپ كەتكەن ەدى.
  «گولف ويناۋ − حالىقارالىق قاعيداعا ۇيلەسۋ، باسشى كادرلاردا بولۋعا ءتيىستى ونەر»، «اقشا الماساڭ ارىڭ تازا، ال ۇكىمەت اقشاسىمەن ءىشىپ - جەۋگە ابدەن بولادى»، «كوممۋنيستەر دە ادام، تۇرمىس جاعدايى جاقسارعاندا، ازىن - اۋلاق جالاپ - جۇقتاعانى تۇك تە ەمەس»...
  وسى تەكتەس تاڭ قالارلىق بۇرالقى سوزدەردىڭ ءبىر كەزدە قانى جەرگە تامباي تۇرىپ ەدى.
  ستيلدەگى كىناراتتار كۇن وتكەن سايىن قوردالانىپ، جەمقورلىقتىڭ جىلى جورگەگىنە اينالۋمەن بىرگە، ساياسي ەكولوگياعا زيان كەلتىرىپ، اكىمشىلىك ستيل مەن حالىقتىڭ سالت - ساناسىن ءبۇلدىرىپ، پارتيا مەن بۇقارانىڭ، كادرلار مەن بۇقارانىڭ قارىم - قاتىناسىن الشاقتاتادى.
  كەي كەزدە تاماقتانۋدىڭ ءوزى ساياسي سانالادى.
  جاپون شاپقىنشىلارىنا قارسى سوعىستىڭ ەڭ ماشاحاتتى كەزىندە، جياڭ جيەشى، ماۋ زىدۇڭ شەتەلدەن ورالعان وتانشىل مۇھاجىرلاردىڭ باسشىسى چىن جياگىڭدى قوناققا شاقىرادى، جياڭ جيەشى استا - توك داستارقان جايىپ، قوناعاسىعا 80 مىڭ يۋان جۇمسايدى؛ ماۋ زىدۇڭ ءوز اقشاسىمەن جۇپىنى عانا داستارقان جايىپ قوناق قىلادى.
  ءبىر جولعى قوناعاسىدان چىن جياگىڭ جۇڭگو كوممۋنيستىك پارتياسى سىندى «تاۋ قويناۋىنداعى پارتيانىڭ» حالىقپەن ەتەنە بايلانىسىن، قاراپايىمدىلىق پەن پاكتىك ستيلىنىڭ استارىندا ۇلكەن مۇرات جاتقاندىعىن سەزىنەدى. ءبىر جولعى قوناعاسىدان چىن جياگىڭ: جۇڭگونىڭ ءۇمىتى يان - اندا دەگەن تۇجىرىم شىعارادى.
  باس شۋجي شي جينپيڭ بۇكىل پارتياعا «پارتيانىڭ ستيلى − پارتيانىڭ وبرازى، ول جۇرت تىلەگىنىڭ استارىنا سايادى، پارتيانىڭ ءومىر سۇرۋىمەن، قۇرىپ - جوعالۋىمەن قاتىستى. بيلىك باسىنداعى پارتيا ستيل قۇرىلىسىنا ءمان بەرمەيتىن، بۇرىس ستيلدىڭ پارتيانىڭ تۇلعاسىن بۇلدىرۋىنە ەرىك بەرەتىن بولسا، وندا حالىقتىڭ سەنىمىنەن ايرىلۋ، بيلىكتەن ايرىلۋ حاۋپى تۋىلادى» دەگەندى ەسكەرتتى.
  2 المانىڭ قۇنى قانشالىق؟
  شاندۇڭ ولكەسى جۇييە اۋدانى تيانچياۋ قالاشىق حالىق ۇكىمەتى كەڭسەسىنىڭ مەڭگەرۋشىسى ۋي يانشۇن 2 الماعا بولا «وماقاسقانداردىڭ» ءبىرى. بازاردى ارالاپ تەكسەرگەن كەزدە ساۋداگەرلەردەن الىپ جەگەن 2 المانىڭ اقشاسىن تولەمەگەندىگى سەبەپتى ۋي يانشۇن جەرگىلىكتى ءتارتىپ تەكسەرۋ كوميتەتى جاعىنان حابارلاندىرىلىپ، ورنى تولماس ساياسي بوداۋ بەردى.
  تۇيمەدەي ءىستى تۇيەدەي ەتىپ كورسەتكەندىك ەمەس، بۇقارانىڭ مۇددەسىنە قاتىستى ىستە ەلەۋسىز ءىس بولمايدى.
  60 نەشە جىلدىڭ الدىندا لياۋشي شايقاسى قيان - كەسكى جۇرگىزىلەدى. جيڭجوۋ اۋىلىندا المالار ابدەن پىسقان كەز، وسى ارادان وتكەن ازاتتىق ارميا جاۋىنگەرلەرى تاڭدايلارى كەۋىپ شولدەپ بارا جاتسادا، بىردە - ءبىر المانى ۇزبەيدى.
  جاۋىنگەرلەر: بۇل − حالىقتىڭ الماسى، - دەيدى.
  «حالىقتىڭ الماسى» دەگەن ءبىر اۋىز ءسوز جۇڭگو كوممۋنيستىك پارتياسىنىڭ باسقا ساياسي ۇيىمداردان وزگەشەلىگىن ايتىپ تۇر، ياعني قاتاڭ ءتارتىپ، وسكەلەڭ قاسيەت، حالىققا دەگەن سۇيىسپەنشىلىك.
  قايتا اينالىپ 1927 - جىلعا نازار سالساق، كۇزگى جيىن - تەرىن كوتەرىلىسىندە قوسىن توتەنشە مۇشكىل كۇيدە قالادى، ماۋ زىدۇڭ قوسىنداعى كوماندير - جاۋىنگەرلەردەن ءىس - ارەكەتتە قولباسشىلىققا بويسۇنۋ، بۇقارانىڭ ءبىر تال كارتوبىنا دا تيىسپەۋ، زومەگەرلەردەن تۇسىرگەن ولجانى ۇكىمەتكە تاپسىرۋ... دەگەندى تالاپ ەتەدى. مىنە بۇل حالىق ارمياسىن جەڭىمپاز قوسىنعا اينالدىرعان «3 ۇلكەن ءتارتىپ پەن 8 ساقتىق» ەدى.
  ستيل − پارتيانىڭ حالىقتىڭ جۇرەگىندەگى بەينەسى.
  وسىنداي ەرەكشە ەلەۋسىز ىستەردەن باستاپ كىرىسكەن، جۇڭگو كوممۋنيستىك پارتياسى باسشىلىق ەتكەن ارميا باسقا ءارقانداي ەسكى قالىپتاعى قوسىنداردان وزگەشە تاڭداۋلى ستيلگە جانە قاتاڭ تارتىپكە يە بولدى، حالىق بۇقاراسى مۇنان مەملەكەتتىڭ ءۇمىتىن، حالىقتىڭ بولاشاعىن كوردى.
  8 ءتۇرلى بەلگىلەمە ءدال بۇگىنگى «3 ۇلكەن ءتارتىپ پەن 8 ساقتىق».
  2013 - جىلدىڭ سوڭىندا ورتالىق ءتارتىپ تەكسەرۋ كوميتەتى حيلۇڭجياڭ ولكەسىندەگى ورىنباسار ولكە دارەجەلى كادر فۋ شياۋگۋاڭنىڭ جەكە شارۋاسىنا بولا ۇكىمەت اقشاسىن جۇمساپ، بىرگە اراق ىشكەن ادامنىڭ ولىمىنە سەبەپشى بولعان تيپتىك دەلونى حابارلاندىردى.
  «8 ءتۇرلى بەلگىلەمە توتەنشە دەر كەزىندە شىقتى، بۇل مەنىڭ جۇرەك ءسوزىم». سول كەزدە بىرگە اراق ىشكەن كادر سۇن شۋگۇڭ: نەگىزگى ساتى كادرى بولعان مەن، قوناققا شاقىرۋ دەگەنگە زاۋقىم سوقپايدى... 8 ءتۇرلى بەلگىلەمە شىققاننان كەيىن، قازىر شاقىرساق تا كەلمەيتىن بولدى، - دەدى.
  تىنباي، ۇزاق ۋاقىت ەڭبەكتەنسەك، پاكتىك ستيلىنىڭ بەكەمدەلەتىندىگى ءسوزسىز.
  پارتيا 18 - قۇرىلتايىنان بەرى، بۇكىل ەلىمىزدە ءار كۇنى ورتا ەسەپپەن 140تان استام ادام 8 ءتۇرلى بەلگىلەمەگە قايشىلىق جاساعاندىعى سەبەپتى تەكسەرىلىپ ءبىر جايلى ەتىلدى، جالپى 12 مىڭ پارتيالى كادردىڭ اتى اتالىپ حابارلاندىرىلدى.
  ولكە، مينيسترلىك دارەجەلى باسشىدان اۋىل - قالاشىق كادرلارىنا دەيىن «كىشى - گىرىم» ستيل ماسەلەسىنە بولا ءبىر جايلى ەتىلگەندەر، شەگىنەرگە جول تابا الماي، ابىرويدان جۇرداي بولعاندار از ەمەس.
  ءتارتىپ قاتاڭ بولسا، ستيل دۇرىس بولادى. ستيل قۇرىلىسىن تالىقپاي يگەرۋدەگى ماقسات − الەۋمەت پەن جەكەنىڭ قاتىناسىن اشالاپ، ءمانساپتىلار مەن حالىقتىڭ ورنىن دۇرىس تۇراقتاندىرۋ.
  «ەرتەدە ءوندىرىس اترەتىندەگى كەزىمدە، اۋىل كادرلارىمەن ءبىر شىراقتىڭ استىندا، ءبىر ۇستەلدە وتىراتىنبىز». جياڭشي ولكەسى پيڭشياڭ اۋىلىنىڭ تۇرعىنى 61 جاستاعى يان سىپيڭ: قازىر كەلگەن كادرلاردىڭ ءبارى ەلپەك، ناقتى ءىس، جاقسى ءىس ىستەيدى. اۋدان اكىمى، قالاشىق باستىعى بولسىن، ۇيگە كەلسە اعاش ورىندىققا وتىرادى، - دەدى.
  حالىقپەن بىرگە بولعاندا عانا، حالىقتىڭ كوڭىلىن تۇسىنۋگە بولادى.
  «سوۆەت رايونىنداعى كادرلاردىڭ ستيلى جاقسى، تاماقتارىن الا ءجۇرىپ جۇمىس تىندىرادى، اياقتارىنا كيگەنى ءشوپ شاقاي، جۇرگىزگەندەرى توڭكەرىس، تۇندە قولدارىنا شام الىپ كەدەي ديقانداردان حال سۇرايدى...»  2017 - جىلى ناۋرىزدا «ماڭگىلىك جىر» اتتى گاننان شاي تەرۋ تەاترى بەيجيڭدە قويىلدى. 80 نەشە جىل شىرقالىپ كەلە جاتقان «سوۆەت رايونىنداعى كادرلاردىڭ ستيلى جاقسى» ءانى حالىقتىڭ جۇرەك ءسوزىن جەتكىزدى.  وسى حالىق ءانى دۇنيەگە كەلگەن جياڭشي ولكەسىنىڭ شيڭگو اۋدانىنان بارعان قىستاقتا تۇراتىن ءبىرىنشى شۋجي جۋ چاڭحۋا جانىنان تاستاماي الىپ جۇرەتىن ەستەلىك داپتەرىنە بۇقارانىڭ ءار ءتۇرلى شۇعىل، قيىن ىستەرىن جازعان، وتباسىلارىن ارالاۋ، قيىنشىلىعى بارلاردان حال سۇراۋ ونىڭ كۇندەلىكتى جۇمىسىنا اينالعان، ول بۇقارامەن اڭگىمەلەسىپ، بۇقارامەن دوستاسىپ، بۇقارانىڭ ۇنىنە قۇلاق ءتۇرىپ، قيىن ماسەلەلەردى شەشىپ، كوپشىلىكتىڭ سەنىمىنە يە بولدى.
 ستيل دۇرىس بولسا، سالت تۋرا بولادى، سالت تۋرا بولسا، تىلەك ءبىر بولادى، تىلەك ءبىر بولسا، جۇمىس تىندىرىمدى بولادى.
  بەيجيڭ دۇڭچىڭ رايونىنىڭ دۇڭسى ءمالىسى سىندى كەزىندەگى تار كوشەنىڭ بەيجيڭدەگى ءداستۇرلى تار كوشە بەينەسى اقىرى قالپىنا كەلدى. تۇرعىن ليۋ چۇنشي: ءمالى كادرلارىنىڭ ءوز الدىنا، الباتى سالىنعان قۇرىلىستاردى رەتتەۋ ءۇشىن، كوشە - كوشەنى ارالاپ زىر جۇگىرگەن بەينەلەرى ءالى ەسىمدە، - دەدى.
  ول دوسىنا: ولاردى تانىمايمىن، ەسىمدەرىن دە بىلمەيمىن، ءبىراق ولاردىڭ كەۋدەلەرىنە تاققان جەلبىرەپ تۇرعان پارتيا تۋى بار ىزناكتى تانيمىن، - دەپ كەلتە حات جولدادى.
  اۋەلگى ماقساتتى ۇمىتپاي، 5 جىل دەن قويا قۇلشىنۋ ارقىلى ستيل قۇرىلىسىندا قول جەتكەن تابىستار پارتيا 18 - كەزەكتى ورتالىق كوميتەتىنىڭ پارتيانىڭ 19 - قۇرىلتايىنا ۇسىنعان ەڭ تارتىمدى سيىنا اينالدى.
  بورىشتى ماڭىزدى ورىنعا قويىپ، جاۋاپكەرلىكتى باتىلدىقپەن ارقالاۋ ساناسىن قايتادان سومدادى
  «حالىق ءۇشىن قىزمەت كورسەتۋدە ارقالاۋعا ءتيىستى جاۋاپكەرلىكتى باتىلدىقپەن ارقالاۋ كەرەك».
  2014 - جىلى 7 - اقپاندا ءتوراعا شي جينپيڭ رەسەي تەلەۆيزياسىنىڭ ارناۋلى سۇحباتىن قابىلداعان كەزدە، ءوزىنىڭ بيلىك جۇرگىزۋ ۇستانىمىن وسىلاي بەينەلەدى.
  ءتوراعا شي جينپيڭ تەرەڭ ويدى قاراپايىم تىلمەن ءتۇسىندىرىپ، جۇڭگو كوممۋنيستەرىنىڭ مۇراتى مەن قاسيەتىن ايگىلەدى.
  جۇڭگو كوممۋنيستىك پارتياسى قۇرىلعان كۇننەن باستاپ جۇڭگو حالقىن باقىتتى تۇرمىسقا كەنەلتۋ، جۇڭحۋا ۇلتىنىڭ ۇلى گۇلدەنۋىن ىسكە اسىرۋ سىندى تاريحي بورىشتى سانالى تۇردە ارقالاپ، العان بەتىنەن قايتپاي، ۇرپاقتان - ۇرپاققا جالعاستىرىپ كەلەدى.
  ءار داۋىردەگى ادامداردىڭ وزىندىك بورىشى بار. ءار داۋىردەگى ادامدار ءوزىنىڭ جاۋاپكەرلىگىن باتىلدىقپەن ارقالاۋى كەرەك.
  مەملەكەت مۇراجايىنىڭ «گۇلدەنۋ جولىندا» اتتى كورمە زالىنا بارعانىڭىزدا تاريحتىڭ جالىنى بەتىڭىزدى شالىپ وتكەندەي بولادى.
  «زامانىمىزدىڭ كوممۋنيستەرى، ءسوز جوق، بۇرىنعىعا مۇراگەر، كەيىنگىگە بۇيداگەر بولۋى كەرەك».
  «مەن جۇڭحۋا ۇلتىنىڭ ۇلى گۇلدەنۋىن ىسكە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى دەپ ويلايمىن».
  − 5 جىلدىڭ الدىندا باس شۋجي شي جينپيڭنىڭ كورمەنى ەكسكۋرسيالاعان كەزدە سويلەگەن كۇشتى دە كەسەتىمدى سوزدەرى ءداۋىردىڭ وكتەم ءۇنىن جەتكىزدى.
  رەسەيدىڭ ايگىلى ساياسي شولۋشىسى يۋري تاۆروۆسكي بىلاي دەگەن: شي جينپيڭنىڭ مىندەتكە وتىرعاننان كەيىن نەبارى 2 اپتا ىشىندە ايبىندى «جۇڭگو ارمانى» سىندى ستراتەگيالىق ويىن العا قويۋى − جۇڭگو كوممۋنيستىك پارتياسى باسشىسىنىڭ وزىنە اۋىر دا قاتاڭ تالاپ قويىپ، اۋىر مىندەت ارقالاپ، ىرىقتىلىقپەن ءىس تىندىرىپ، تاريحي بورىشتى باتىلدىقپەن ارقالاۋعا بەل بۋعان بەرىك بەكىمىن ايگىلەدى.
  ءبىر ۇلتتىڭ بولاشاق تاعدىرىنا جاۋاپتى بولۋدان اسقان ۇلكەن جاۋاپكەرلىك، ءبىر ميلليارد 300 ميلليوننان استام حالىقتىڭ ورتاق ارمانىن ىسكە اسىرۋدان اسقان ۇلى بورىش جوق.
  2015 - جىلى قاراشادا «تاريحتاعى ەڭ جوعارى دەڭگەيدەگى» كەدەيلەردى سۇيەمەلدەۋ قىزمەت ءماجىلسى اتالعان − ورتالىقتىڭ كەدەيلەردى سۇيەمەلدەۋ، وركەندەتۋ قىزمەت ءماجىلىسى بەيجيڭدە اشىلدى.
  «دوڭگەلەك داۋلەتتى قوعام قۇرۋ ساپارىندا بىردە - ءبىر ادامنىڭ قاعىس قالۋىنا بولمايدى» − بۇل زامانىمىزدىڭ جۇڭگو كوممۋنيستەرىنىڭ تاريحي ايىندى ۋادەسى. ماجىلىستە ورتا، باتىس بولەكتەگى 22 ولكە، اۆتونوميالى رايون، قالالارداعى پارتيا، ۇكىمەت ورىندارىنىڭ ءبىرىنشى باسشىلارى كەدەيلىكتەن قۇتىلدىرۋدان قامال الۋ جاۋاپكەرشىلىك حاتىنا قول قويدى.
  باس شۋجي شي جينپيڭ: مىنە بۇل سەندەردىڭ ورتالىق كوميتەتكە بەرگەن اسكەري انتتارىڭ، - دەدى.
  كەدەيلىكتەن قۇتىلدىرۋدان قامال الۋ − جۇڭگو كوممۋنيستەرى عانا ارقالاي الاتىن ۇلى شەشۋشى شايقاس.
  اسكەري انت سالماقتى، ونى ءسوز جوق، ءارى - ءسارى بولماي ورىنداۋ كەرەك.
  2016 - جىلى 26 - اقپاندا گۇيجوۋ ولكەسى چيڭلۇڭ اۋدانىندا اشىلعان كەدەيلىكتەن قۇتىلدىرۋدان قامال الۋ بويىنشا 1000 كادردىڭ كوتەرمەگە الۋ، كەپىلدىك ەتۋ، كومەكتەسۋ، سۇيەمەلدەۋ جونىندەگى سەرت بەرۋ جينالىسىندا بۇكىل اۋدانداعى ءار دارەجەلى كادرلاردان قۇرام تاپقان 1000عا جۋىق ادام وڭ قولىن كوتەرىپ، ايبىندى تۇردە: «كەدەيلىكتەن قۇتىلدىرۋدان قامال الۋدا، مەن كوممۋنيسپىن، ماعان قاراپ ساپ تۇزەڭدەر!» دەپ سەرت بەردى.  جاڭعىرعان سەرت ءۇنى ىشىندە مىنبەدە تۇرىپ انت باستاعان اۋداندىق پارتكومنىڭ شۋجيى جياڭ شىكۇننىڭ ءومىرى اياقتاۋعا از قالعانىن كوپ ادام بىلە بەرمەسە كەرەك.
  «چيڭلۇڭ اۋدانىندا بىردە - ءبىر ادام قالماي كەدەيلىكتەن قۇتىلعان كەزگە دەيىن دەمالماي قىزمەت ىستەيمىن» دەپ انت بەرگەن وسى كوممۋنيست ءبىر جارىم ايدان سوڭ ماڭگىلىككە كوز جۇمدى.

  ءىس جۇزىندىك ارەكەتىمەن ۋادەسىن ورىنداپ، ادالدىعى ارقىلى جاۋاپكەرلىگىن ايگىلەدى.
  195 مىڭ تاڭداۋلى كادر ورگان اۋلاسىنان شىعىپ، «ءبىرىنشى شۋجي» سالاۋاتىمەن كەدەيلىكتەن قۇتىلدىرۋدان قامال الۋدىڭ ءبىرىنشى شەبىنە اتتاندى؛ كەدەيلەرگە كومەكتەسەتىن، سۇيەمەلدەيتىن 770 مىڭنان استام كادر كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانىنا اتتاندى.
  2013 - جىلدان 2016 - جىلعا دەيىنگى ارالىقتا چاي شىڭفاڭ، جياڭ فۋ - ان، چىڭ فۋياۋ سياقتى 120دان استام كوممۋنيستىك پارتيا مۇشەسى كەدەيلىككە قارسى اتتانۋ كۇرەسىنىڭ ەرەكشە شايقاس مايدانىندا قۇربان بولدى.  5 جىلدان بەرى، جۇڭگودا ءار جىلى ورتاشا ەسەپپەن 13 ميلليوننان استام ادام كەدەيلىكتەن قۇتىلدى، بۇل ەۆروپاداعى ءبىر ورتاشا دارەجەلى مەملەكەتتىڭ حالىق سانىنا بارابار، كەدەيلىكتىڭ تۋىلۋ مولشەرى %4تەن تومەندەپ، دۇنيە ءجۇزىنىڭ كەدەيلەر سانىن ازايتۋ تاريحىنداعى كەرەمەتتى جاراتتى.
  تاياۋدا ۋرۋگۆايدىڭ بيلىك باسىنداعى پارتياسى − «كەڭ كولەمدى شەپتىڭ» ءتوراعاسى حاۆيەر ميراندا جۇڭگونىڭ كەدەيلىكتەن قۇتىلدىرۋ جونىندەگى تاجىريبەسىن يەلەۋ ءۇشىن، ارناۋلى تۇردە يۇننان ولكەسىنىڭ نۋجياڭ وزەنى وڭىرىنە كەلدى. ول تەبىرەنگەن كوڭىل كۇيمەن: جۇڭگو كوممۋنيستىك پارتياسىنىڭ جاۋاپكەرلىك سەزىمى مەن ارەكەت قۋاتى دۇنيە ءجۇزى ەلدەرىنىڭ كەدەيلەر سانىن ازايتۋ ىستەرىنە ۇلگى بولۋعا تاتيدى، - دەدى.  قولدان جىبەرۋگە استە بولمايتىن تاريحي وراي، سەلقوس قاراۋعا بولمايتىن ولقىلىقتار، تايساقتاۋعا كەلمەيتىن قيىنشىلىقتار مەن سىن - سايىستار الدىندا، زامانىمىزدىڭ كوممۋنيستەرى جاۋاپكەرلىكتى ارقالايتىن ءتىپتى دە كۇشتى رۋحپەن تىڭعا تۇرەن سالىپ، جول اشقاندا عانا، حالىقتىڭ كۇتكەن ۇمىتىنەن شىعا الادى.
  2013 - جىلى 25 - قاراشا، تاڭشان.
  450 تەكشە مەترلىك دومنا پەشتىڭ كەسەكتەۋ ماشيناسى مورجاسىنىڭ كۇشتى قوپارىلىس ءۇنى ىشىندە گۇر ەتىپ قۇلاۋى − حىبەي ولكەسىنىڭ بولات - تەمىر سالاسىنداعى مەشەۋ ءوندىرىس قۋاتىن ءبىر جايلى ەتۋ قىزمەتى باستالعاندىعىنىڭ بەلگىسى بولدى.
  4 جىلعا جەتپەيتىن ۋاقىت ىشىندە بولات - تەمىر، سەمەنت سالاسى بويىنشا، تەك حىبەي ولكەسىنىڭ وزىندە نەشە ون ميلليون توننالىق ءوندىرىس قۋاتى ازايدى.
  بوداۋ دا جوق ەمەس: ەكونوميكانىڭ ارتۋ قارقىنى باياۋلادى، قىرۋار جۇمىسشى - قىزمەتكەر قىزمەت ورنىنان اۋىستى، قازىنا كىرىسى كۇرت ازايدى...
  الايدا، رەفورما مەيلى قانشالىق قيىن بولسا دا، ءسوز جوق، قايراتتانا العا ىلگەرىلەۋ كەرەك.
  توپ جارىپ الدا جۇرمەسەڭ قالاي باتىر بولارسىڭ!
  2013 - جىلى 30 - جەلتوقساندا ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسى قۇرىلدى. باس شۋجي شي جينپيڭ گرۋپپا باستىعى مىندەتىن ارقالاپ، كوپشىلىكتى باستاپ جورىققا اتتانىپ، بۇكىل ەلگە باسشىلىق ەتىپ، قيىندىقتارعا قارسى اتتانىپ، رەفورمانى جاپپاي تەرەڭدەتۋدىڭ داۋىرلىك ورلەۋىن كوتەردى.
  مەملەكەت مەنشىگىندەگى كاسىپورىندار مەن مەملەكەت مەنشىگىندەگى مال - مۇلىك، نوپوس ءتۇزىمى، قازىنا، سالىق، فينانس، اۋىل - قىستاقتاردىڭ جەرى، ۇكىمەت باسقارۋىنداعى شيپاحانالار... سياقتى كوپ جىل تالقىلاعان، قات - قابات بوگەتكە تولى، تەرەڭ قاتپارلاردىڭ مۇددەسىن رەتتەۋگە ساياتىن رەفورمالار ىركەس - تىركەس باستالىپ، بۇرىن ويلاۋعا باتىنا المايتىن، سوقتىعۋعا كەلمەيتىن، ءتىس باتپايتىن قيىن ماسەلەلەر بىرتىندەپ شەشىلدى.
  جاپپاي كۇش سالىنىپ، تۇيىندەرى كورنەكتىلەندىرىلىپ، ىشكەرىلەي ىلگەرىلەتىلگەن 1500دەن استام رەفورما شاراسى ساتىلار بويىنشا ورىستەتىلدى، باستى وڭىرلەردەگى تىرەكتى رەفورمالاردىڭ جالپىلىق تۇلعاسى نەگىزىنەن تۇراقتانىپ، «تولقىن جاعانى سوققان» ايبىندى كورىنىس قالىپتاستى.
  سينگاپۋر «بىرلەسكەن تاڭ گازەتى» بىلاي دەپ باعالادى: دۇنيە جۇزىنە كوز سالار بولساق، ەشقانداي مەملەكەت بۇگىنگى جۇڭگو سياقتى ايتقانىن ىستەپ، ۋاقىتپەن جارىسا رەفورمانى جاپپاي ىلگەرىلەتە المادى. 2017 - جىلى 1 - ساۋىردە حىبەي شيۇڭ - ان دەگەن ەسىم توڭىرەكتىڭ ءتورت بۇرىشىنا تارالدى. جۇڭگو كوممۋنيستىك پارتياسىنىڭ ۇزاق بولاشاقتى جوبالاعان بەينەسى مەن جاۋاپكەرلىگى دۇنيەنى ءدۇر سىلكىندىردى.   مەملەكەتتىڭ بولاشاقتىق دامۋىنا جوبالار جاسالدى.
  شيۇڭ - ان جاڭا رايونى تياناقتاندى، «ءبىر بەلدەۋ، ءبىر جول» قۇرىلىسى، بەيجيڭ، تيانجين، حىبەيدىڭ سايكەسە دامۋى، چاڭجياڭ ەكونوميكالىق بەلدەۋىنىڭ دامۋى سياقتى ءتىپتى الىپ جوبالار قالىپتاسا باستادى. جۇڭگونىڭ دامۋىنداعى كومەسكى كەڭىستىك پەن كۇش بۇرىن - سوڭدى بولىپ كورمەگەن دارەجەدە مازداپ، جالىن شاشتى.
  چيليانشان جۇڭگونىڭ باتىسىنداعى ەكولوگيالىق حاۋىپسىزدىك قالتقىسى.
  باقىلاۋ - باسقارۋدىڭ جەتەرسىزدىگىنەن چيليانشاننىڭ ەكولوگياسى اۋىر دارەجەدە بۇلدىرىلەدى، وسى سەبەپتى بيىل شىلدەدە گانسۋ ولكەسى ورتالىقتىڭ حابارلاندىرىپ، سىنداۋىنا ۇشىرادى، ورىنباسار ولكە دارەجەلى 3 كادردى قامتىعان نەشە ونداعان باسشى كادر قاتاڭ جاۋاپقا تارتىلدى، گانسۋ ولكەلىك پارتكوم مەن حالىق ۇكىمەتى پارتيا ورتالىق كوميتەتىنە ىشكەرىلەي تەكسەرۋ جاساۋعا بۇيىرىلدى.
  ۇلت بولاشاعىنا دامۋ جوباسىن جاسادى. ەكولوگيالىق وركەنيەت قۇرىلىسى بار كۇشپەن ىلگەرىلەتىلدى، قورشاعان ورتانى قۇربان ەتىپ، مەزەتتىك دامۋدى قولعا كەلتىرۋ كونە سۇردەگىمەن استە جۇرمەي، سوڭعى ۇرپاقتارعا جاسىل تاۋ، تۇنىق سۋ قالدىرۋ سىندى تاريحي جاۋاپكەرلىك ادامدى اسەرلەندىردى −
  جاپپاي دوڭگەلەك داۋلەتتى قوعام قۇرۋدىڭ شەشۋشى شايقاسىنا قول جەتكىزىپ، بۇكىل حالىقتىڭ بىرگە بايۋىن بىرتىندەپ ىسكە اسىردى؛ رەفورمانى جاپپاي تەرەڭدەتىپ، بۇقارانى اناعۇرلىم كوپ تابىس سەزىمىنە يە ەتتى؛ مەملەكەتتى زاڭمەن جاپپاي جونگە سالىپ، قوعامنىڭ ادىلدىگىن، تەڭدىگىن ىلگەرىلەتتى؛ پارتيانى جاپپاي قاتاڭ جونگە سالىپ، «ساياسي ەكولوگيانى» تۇبىرىنەن تازارتتى... حالىقتى وزەك ەتۋ − جۇڭگو كوممۋنيستىك پارتياسىنىڭ بارلىق قىزمەتتەرىنىڭ شىعار ءتۇيىنى جانە تابان تىرەر تياناعى.
  اناعۇرلىم جاقسى وقۋ - اعارتۋ، اناعۇرلىم ورنىقتى قىزمەت، اناعۇرلىم رازى بولارلىق تابىس، اناعۇرلىم سەنىمدى قوعامدىق قامتاماسىزداندىرۋ، اناعۇرلىم جوعارى ورەدەگى ەمدەۋ - دەنساۋلىق ساقتاۋعا قىزمەت كورسەتۋ، اناعۇرلىم جايلى تۇرار جاي، اناعۇرلىم تاماشا ورتا، اناعۇرلىم باي مازمۇندى رۋحاني مادەنيەت تۇرمىسى...
  «حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز».
  جۇڭگو كوممۋنيستىك پارتياسىنىڭ باتىلدىقپەن جاۋاپكەرلىك ارقالايتىن كۇرەسكەرلىك بەينەسى ءبىر ميلليارد 300 ميلليوننان استام جۇڭگو حالقىنىڭ جۇمىس جاساپ، شارۋاشىلىق قۇرۋ ىنتاسىن مازداتتى، ۇلى ءىستى بىرگە تىندىراتىن ۇلى كۇش ۇيىستىردى.
  كوركەيىپ - گۇلدەنۋ اتاۋلىنىڭ بارلىعىندا ءتۇپ قاينار بولادى.
  1939 - جىلى قازاندا ماۋ زىدۇڭ جولداس پارتيا قۇرىلىسىن «ۇلى ينجەنەريا» بەلەسىنە كوتەرىپ، جۇڭگو توڭكەرىسىنىڭ جەڭىسى ءۇشىن «بۇكىل ەل كولەمىندە بۇقارالىق سيپات العان، يدەيادا، ساياسيدا، ۇيىمدىق جاقتا توتەنشە بەكەم بولشەۆيكتىڭ جۇڭگو كوممۋنيستىك پارتياسىن قۇرۋ» اسا قاجەت دەپ باسا دارىپتەدى.
  پارتيانىڭ 19 - قۇرىلتايىندا شي جينپيڭ جولداس تەبىرەنە بىلاي دەدى: ۇلى كۇرەس، ۇلى ينجەنەريا، ۇلى ءىس، ۇلى ارمان تىعىز بايلانىسىپ، ءوزارا ساباقتاسىپ، ءوزارا اسەر ەتەدى، بۇنىڭ ىشىندە شەشۋشى رول اتقاراتىنى پارتيا قۇرىلىسىنداعى جاڭا ۇلى ينجەنەريا.
  ءوزىن جەڭە ءبىلۋ مىقتىلىق، وزىنەن اسىپ ءتۇسۋ ەگەيلىك.
  شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، 100 جىلدىق قيىن - قىستاۋلار مەن شۇعىلالى تاريحتى باستان كەشكەن ساياسي پارتيا بۇرىن - سوڭدى بولىپ كورمەگەن سەنىم جانە باتىلدىقپەن ءبىر ميلليارد 300 ميلليون جۇڭگو حالقىن باستاپ، ۇلى گۇلدەنۋدىڭ نۇرلى بولاشاعىنا قاراي جول الدى.
  (تىلشىلەرىمىز حۋو شياۋگاڭ، جاڭ شياۋسۇڭ، لو يۇيفان، ۋاڭ جيانحۋا، يە شۋحۇڭ، جۋ جيچاي، حۋاڭ يۋە)
  (شينحۋا اگەنتتىگىنىڭ 21 - قازاندا بەيجيڭنەن بەرگەن حابارى)

ءان الەمى

جول توسىلىپ قالدى

تۇلپارىم