باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

وداق مۇشەلەرى نەگىزگى ساتىنى مىقتى يگەرۋ، نەگىزدى بەكەمدەۋگە اناعۇرلىم كوپ كۇش شىعارىپ، شينجياڭنىڭ قوعام ورنىقتىلىعى مەن باياندى تىنشىتىق نەگىزىن ونان ارى بەكەمدەيتىندىكتەرىن ايتتى

    كەلۋ قاينارى: شينجياڭ حالىق راديو ىستانسياسى    2017-10-24 16:35:15  
حابار تىڭداڭىزدار: پارتيا 19-قۇرىلتايىنىڭ بايانداماسىندا بىلاي دەپ اتاپ كورسەتىلدى: «ۇيىمداستىرۋ قۋاتىن كۇشەيتۋدى ءتۇيىن ەتىپ، ساياسي يقۋاتتى كورنەكتىلەندىرىپ، كاسىپورىن، اۋىل-قىستاق، ورگان، مەكتەپ، عىلىمي زەرتتەۋ ورنى، ءمالى باسقارماسى الەۋمەتتىك اۋماق، قوعامدىق ۇيىم سياقتى نەگىزگى ساتى پارتيا ۇيىمىن پارتيانىڭ قۋاتتاماسىن ۇگىتتەيتىن، پارتيانىڭ قارارىن دايەكتىلەندىرەتىن، نەگىزگى ساتىنى جونگە سالۋعا باسشىلىق ەتەتىن، بۇقارانى ىنتىماقتاستىرا جۇمىلدىراتىن، رەفورما مەن دامۋدى ىلگەرلەتەتىن بەرىك شايقاس شەبى ەتىپ قۇرىپ شىعۋ كەرەك». بىرنەشە كۇننەن بەرى، رايونىمىزدىڭ جەر-جەرىندەگى نەگىزگى ساتى پارتيالى كادرلارى، كوممۋنيستىك جاستار وداعى مۇشەلەرى ارت-ارتىنان لەبىز ءبىلدىرىپ، نەگىزگى ساتىنى مىقتى يگەرۋ، نەگىزدى بەكەمدەۋگە اناعۇرلىم كوپ كۇش شىعارىپ، شينجياڭنىڭ قوعام ورنىقتىلىعى مەن باياندى تىنشىتىق نەگىزىن ونان ارى بەكەمدەيتىندىكتەرىن ايتتى.
مەن ءتىلشى چيۋ جيڭ بولامىن، شينجياڭ ۋنيۆەرسيتەتى ساياسي جانە الەۋمەتتىك باسقارۋ ينيستيتۋتىنىڭ قيمىل ۇيىندە، ينيستيتۋتتىڭ جۇڭگوشا سوتسياليزم نازارياسىن ۇيرەنۋ گرۋپپاسى باستى تاقىرىپتىق پارتيا كۇنى قيمىلىن وتكىزىپ جاتىر، پارتيا مۇشەسىنەن جانە كوممۋنيستىك جاستار وداعى مۇشەسىنەن 40 نەشە وقۋشى ءارقايسى كلاستاعى وقۋشىلاردىڭ پارتيا 19-قۇرىلتايى بايانداماسىن ۇيرەنۋدەگى كۇشتى اڭىسى تۋرالى پىكىر اۋىستىرۋدا. وقۋشى ەرسىن داۋلەتقان ۇلى: «مەكتەپ بىتىرگەننەن كەيىن كوپ ساندى ساباقتاسىم قوعامدىق قامتاماسىزداندىرۋ كاسىبى سالاسىندا قىزمەت ىستەمەكشى، باياندامادا باعدار ايقىن كورسەتىلگەن، ءبىز اۋەلى نازاريالىق بىلىمدەردى جاقسى ۇيرەسەك، كەيىن كەلە وسى سالاعا شىنداپ كىرىسە الامىز»،-دەدى.
ينيستيتۋتتىڭ جەتەكشىسى، «جۇڭگوشا سوتسياليزم نازارياسىن ۇيرەنۋ گرۋپپاسىنىڭ» باستىعى حۇرشيدا ەركىن تىلشىگە:« وسى وقۋشىلار ءوز جىلدىعى، ءوز كلاستارىندا ۇزدىك، ونەگەلىك رول اتقارا الادى، ولار پارتياعا مۇشە بولۋ ءوتىنشىن بەرگەن اناعۇرلىم كوپ بەلسەندىلەر مەن تاڭداۋلى كوممۋنيستىك جاستار وداعى مۇشەلەرىن پارتيا ۇيىمىنا بەلسەنە تانستىرىپ، ۇيىمعا ىرىقتى تۇردە جاقىنداسۋىنا جەتەكشىلىك ەتە الادى. ءبىز جۇڭگوشا سوتسياليزم نازارياسىن ۇيرەنۋ گرۋپپاسىن باس شۋجي شي جينپيڭنىڭ پارتيا 19-قۇرىلتاينىڭ بايانداسىندا ورتاعا قويعان پارتيانىڭ قۋاتتاماسىن ۇگىتتەيتىن، پارتيانىڭ قارارىن دايەكتىلەندىرەتىن، نەگىزگى ساتىنى جونگە سالۋعا باسشىلىق ەتەتىن، بۇقارانى ىنتىماقتاستىرا جۇمىلدىراتىن، رەفورما مەن دامۋدى ىلگەرلەتەتىن بەرىك شايقاس شەبى ەتىپ قۇرۋعا قۇلشىنامىز»،-دەدى.
مەن ءتىلشى حاميت بولامىن، قازىر قاشقار قالاسى وستەڭبويى ءمالى باسقارماسىنىڭ گۇزال الەۋمەتتىك اۋماعىندا تۇرمىن. قاشقار دەنساۋلىق ساقتاۋ مەكتەبىنەن ەندى عانا وقۋ بىتىرگەن الەۋمەتتىك اۋماق كادرى زاميرا سامەت تۇرعىندارعا مەملەكەت ءتىلىن ۇيرەتۋدە. ءبىر اپتانىڭ الدىندا، ول الەۋمەتتىك اۋماق پارتيا ياچەيكاسىنا پارتياعا مۇشە بولۋ ءوتىنىشىن تاپسىرعان بولاتىن. زاميرا سامەت:« مەنىڭشە پارتياعا مۇشە بولۋ ەرەكشە داڭقتى ءىس، ءوتىنىشتى تاپسىرعاننان كەيىن جاۋاپكەرلىگىمنىڭ ارتقانىن سەزىندىم، مەن دامىلسىز ۇيرەنىپ، قابىلەتىمدى ارتتىرامىن. تاياۋدان بەرى وتباسىلارىن ارالاۋ بارىسىندا، كوپشىلىككە پارتيا 19-قۇرىلتايىنىڭ مازمۇنىن جەتكىزدىم»،-دەدى.
قاشقار كونە قالا رايونىنداعى گۇزال الەۋمەتتىك اۋماعىندا تۇرعىنداردىڭ سانى كوپ بولۋدان سىرت، ءار كۇنگى ساياحاتشى سانى دا مول ەدى. الەۋمەتتىك اۋماق پارتيا ياچەيكاسىنىڭ ورىنباسار شۋجيى بۇحالچام يسامەدەن، پارتيالى كادرلاردىڭ تۇرعىندارعا، ساياحاتشىلارعا قىزمەت وتەۋ جاعىندا ونەگەلىك، جەتەكشىلىك رول اتقارىپ وتىرعانىن، بيىل الەۋمەتتىك اۋماقتىڭ كادىرلارى مەن تۇرعىنداردان 25 ادامنىڭ پارتياعا مۇشە بولۋ ءوتىنىشىن تاپسىرعانىن ايتتى. بۇحالشام يسامەدەن:« باس شۋجي شي جينپيڭ پارتيا 19-قۇرىلتايىنىڭ بايانداماسىندا مىنانى اتاپ كورسەتتى: پارتيا ياچەيكاسىنىڭ پارتيا مۇشەلەرىن تىكەلەي تاربيەلەۋ، باسقارۋ، باقىلاۋ جانە بۇقارانى ۇيىمداستىرۋ، بۇقارانى ۇگىتتەۋ، بۇقارنى ۇيىستىرۋ، بۇقاراعا قىزمەت وتەۋ بورىشىن ويداعىداي ارقالاپ، پارتيا مۇشەلەرىنىڭ ۇزدىك، ونەگەلىك رولىن ساۋلەلەندىرۋگە جەتەكتەۋ كەرەك. ءبىز تاربيە ارقىلى پارتيا مۇشەلەرىنىڭ ساپاسىن ۇزدىكسىز جوعارىلاتىپ، ۇزدىك جاستاردى پارتيا ۇيىمىنا قابىلداپ، نەگىزگى ساتى پارتيا ۇيىمى قۇرىلىسىن كۇشەيتىپ، نەگىزدى بەكەمدەۋ ارقىلى الەۋمەتتىك اۋماق تۇرعىندارىنا ويداعىداي قىزمەت ەتەمىز»،-دەدى.
19-قۇرىلتايدىڭ بايانداماسىندا نەگىزگى ساتىنىڭ ۇيىمدىق قۇرىلىسىن كۇشەيتۋ ەرەكشە اۋىزعا الىندى، ەندەشە، نەگىزگى ساتىداعى جالپىلىق مەنشىككە جاتپايتىن كاسىپورىن تۇرعىسىنان نەگىزگى ساتى پارتيا ۇيىمى قانداي جۇمىستار ىستەيدى.
مەن ءتىلشى ايبىنعازى راحىمان ۇلى بولامىن، اقسۋ قالاسى اقسۋ «تيانباي» وسى زامانعى زات ساتىپ الۋ ورتالىعىنىڭ ءماجىلىس زالىندا تۇرمىن. مۇندا شينجياڭ دوستىق توبى شەكتى جارنا سەرىكتەستىگى اقسۋ «تيانباي» وسى زامانعى زات ساتىپ الۋ ورتالىعىنىڭ پارتيا ياچەيكاسى پارتيا 19-قۇرىلتايىنىڭ بايانداماسىن ۇيرەنۋ ءماجىلىسىن اشىپ جاتىر ەكەن. سەرىكتەستىك پارتيا ياچەيكاسىنىڭ شۋجيى، باس مەڭگەرۋشىسى لي حاي تىلشىگە بىلاي دەدى: پارتيا ياچەيكا مۇشەلەرىنىڭ ورتاشا جاسى 30 دا، سەرىكتەستىك قۇرىلعان باستاپقى كەزدە كاسىپورىن تاۋار قۇرىلىمىن رەتتەۋ، جۇمىسشى-قىزمەتكەر قابىلداۋ، كاسىپورىن ءتيجاراتى سياقتى جاقتاردان كوپتەگەن سىندارعا ءدوپ كەلدى، جاس پارتيالى كادرلاردىڭ باستاماشى، ۇلگى بولۋىندا، كاسىپورىن قىسقا ۋاقىت ىشىندە جۇيەلى اينالىمعا ءتۇستى. قازىر، پارتيا قۇرىلىسى كاسىپورىنداعى جۇمىسشى-قىزمەتكەرلەر شىنايى سەزىنە الاتىن سۇيىسپەنشىلىككە، جىلۋلىققا، كۇش-قۋاتقا، مانگە تولى، كەم بولسا بولمايتىن ماڭىزدى قىزمەت مازمۇنىنا اينالدى. الدا، اقسۋ «تيانباي» پارتيا ياچەيكاسى دا باس شۋجيدىڭ 19-قۇرىلتاي بايانداماسىندا العا قويعان نەگىزگى ساتى پارتيا ياچەيكاسىنىڭ قىزمەت تالاپتارىن قاشاندا ەستە ساقتاپ، جاپپاي اتقارىپ، نەگىزگى ساتىنىڭ پارتيا ۇيىمى قۇرىلىسى قىزمەتىن كاسىپورىننىڭ اقاۋسىز دامۋىن جەبەپ، جاستاردى بىرلىكتە العا باسۋعا باستايتىن پاراساتتى دارىندىلاردى باۋليتىن جەبەۋشى كۇشكە جانە سەنىم قاينارىنا اينالدىرادى.
ءان الەمى

جول توسىلىپ قالدى

تۇلپارىم