جاڭا حابارلار

داشي قىستاعى باس شۋجيعا الاڭسىز بولۋدى ايتتى

    كەلۋ قاينارى: شينجياڭ حالىق راديو ىستانسياسى    2017-10-24 16:37:07  

ستانسيامىزدىڭ ءتىلشىسى لان تيان مەن بايىنعولىن وبلىستىق راديو ستانسياسىنىڭ ءتىلشىسى جاڭ شينحۋانىڭ جازعان حابارىن تىڭداڭىزدار:2014 -جىلى قىركۇيەكتە، باس شۋجي شي جينپيڭ لوپنۇر اۋدانى شيڭپيڭ اۋىلى داشي قىستاعىنىڭ تۇرعىندارىنا جاۋاپ حات جازىپ: «قىستاق پارتيا ياچەيكاسى شايقاس قامالىندىق رولىن جان -جاقتىلى ساۋلەلەندىرىپ، اۋىلداستاردى ءبىر جەرگە ماگنيتتەي تىعىز ۇيىستىرىپ، اۋىلداستاردىڭ تۇرمىسىن كۇننەن كۇنگە جاقسارتۋى كەرەك» دەگەن ەدى. 3 جىلدان ارتىق ۋاقىت وتە شىقتى، داشي قىستاعىنداعىلار باس شۋجيدىڭ تاپسىرماسىن ەستەرىندە بەرىك ساقتاپ، «دوڭگەلەك داۋلەتتى دەڭگەيگە جەتۋ» نىساناسىنا تىنباي قادام تاستادى.
قوڭىر كۇز قازان ايىندا، داشي قىستاعىنىڭ بارلىق جەرىنەن مول ءونىمنىڭ بەينەسى كورىنەدى. جەكسەنبى كۇنى، قىستاق تۇرعىندارى قولدارىنداعى ەگىس جۇمىسىن قويا تۇرىپ، قىستاق پارتكومنىڭ شۋجيى ساۋىر ماڭلىكتىڭ ءۇيىنىڭ اۋلاسىنا جينالىپ، قورالاي وتىرىپ، پارتيا 19 -قۇرىلتايىنىڭ بايانداماسىن بىرگە ۇيرەندى، ءارى باس شۋجيدىڭ قايتارعان جاۋاپ حاتىن قايتا ەسكە ءتۇسىرىپ، العان اسەرلەرىن ءبولىسىپ، بولاشاقتى شەشىلە تىلگە تيەك ەتتى. قىستاق تۇرعىنى ماليكەم ياسىن بىلاي دەدى: باياندامانى تىڭداپ قاتتى قۋاندىم، سەبەبى باس شۋجي «قالا مەن اۋىلدىڭ پارقى بارعان سايىن ازايادى» دەپتى. قازىر داشي قىستاعى قالامەن ۇقساس بولدى، بۇدان كەيىنگى تۇرمىسىمىزدىڭ بارعان سايىن جاقسى بولا تۇسەتىندىگىنە سەنىمىمىز كامىل.
«داشي» ءسوزى ۇيعۇر تىلىندە «سورتاڭ جەر» دەگەن ماعىنانى بىلدىرەدى، بۇل ات داشي قىستاعىنىڭ كەزىندەگى سۇرەڭسىز جاعدايىن بايدانداپ تۇرعانداي ەدى. ال بۇگىنگى كۇنى توپىراق جولدارعا اسفاليت جاتقىزىلىپ، ەسەك اربانىڭ ورنىن شاعىن اۆتوموبيلدەر باستى، وتىندىق كومىردىڭ ورنىنا تابيعي گاز پايدالانىلىپ، قىستاق تۇرعىندارىنىڭ كۇندەرى بارعان سايىن جاقسارا ءتۇستى. ساۋىر ماڭلىك: «وسىنىڭ ءبارى پارتيا ورتالىق كوميتەتىنىڭ شىنايى قامقورلىعىنىڭ شاراپاتى»،-دەدى.
2009-جىلى ماۋسىمدا، شي جينپيڭ داشي قىستاعىنا نەگىزگى ساتىنىڭ پارتيا قۇرىلىسى قىزمەتىن تەكسەرۋگە بارعان بولاتىن. 2014-جىلى، باس شۋجي شي جينپيڭ داشي قىساعىنداعى تۇرعىندارعا جاۋاپ حات جازىپ، كوپشىلىكتى «ءوندىرىستى بۇرىنعىدان دا جاقسى جۇرگىزىپ، ۇلتتار ىنتىماعىن اناعۇرلىم جاقسارتىپ، اۋىلداستاردىڭ تۇرمىسىن كۇننەن كۇنگە جاقسارتۋعا» شابىتتاندىردى. باس شۋجيدىڭ شىنايى قامقورلىعى داشي قىستاعىنداعىلاردىڭ ىنتىماقتاسا العا ۇمتىلۋ بەكىمىن تاعى كۇشەيتتى. 2015-جىلى، ولار شينجياڭداعى اۋداندار بويىنشا «داشي بازارى» اتىنداعى ەلەكتروندى ساۋدا تەكشەسىن الدىمەن قۇرىپ، ەكى جىلعا جەتپەيتىن ۋاقىتتا توراپتاعى ساتىلىم سوماسىن 30 ميلليون يۋانعا جەتكىزدى. قىستاقتاعى قولونەر كوپەراتيۆىندە، قىستاق تۇرعىنى جۇكاگۇل ابلىميت كەستەلى جاستىق قاپ تىگۋمەن قاربالاس بولىپ جاتتى. ول، كوپەراتيۆتىڭ توراپتا ساتۋدان كىرگەن جىلدىق كىرىسى 70 مىڭ يۋان بولعاندىعىن ايتا كەلىپ بىلاي دەدى: باس شۋجي شي جينپيڭ ءبىزدى شارۋاشىلىق قۇرۋعا شابىتتاندىردى، پارتيا 19 -قۇرىلتايىنىڭ بايانداماسىندا دا «ديقانداردىڭ ءتۇرلى جولدارمەن جۇمىسقا ورنالاسىپ، شارۋاشىلىق قۇرۋى كەرەكتىگى» ايتىلدى، قازىر ءبىز سياقتى جاستاردىڭ ءبارى توراپقا شىعۋدى ۇيرەنۋدە. ديقانداردىڭ جاقسى ونىمدەرى كوپ، بۇرىن ەڭ الىس دەگەندە اۋدانعا اپارىپ ساتا الاتىن ەدىك، قازىر ونىمدەرىمىزدى ۇيدە وتىرىپ-اق بۇكىل ەلىمىزگە ساتا الامىز.
ەكونوميكانىڭ دامۋى نەگىزگى ساتى پارتيا ۇيىمىنىڭ ۇيىستىرۋ قابىلەتىنىڭ نىعايعاندىعىنىڭ ارقاسى. وتكەن جىلى، داشي قىستاعى لوپنۇر اۋدانى بويىنشا تۇڭعىش رەت قىستاق دارەجەلى پارتكوم قۇرىپ، وعان 3 پارتيا ياچەيكاسى قارايتىن بولدى، وندا جيىنى 51 پارتيا مۇشەسى بار. نەگىزگى ساتىنىڭ پارتيا مۇشەلەرى قوسىنى كەمەلدەنىپ، قىستاق پارتكومىنىڭ جاۋاپكەرلىگى دە اناعۇرلىم اۋىرلادى. ساۋىر ماڭلىك بىلاي دەدى: «قىستاق كادرلارى اۋىز جۇزىندە عانا ايتىپ، وزدەرى ىستەمەسە، وندا ولاردىڭ ءسوزىن ەشكىم تىڭدامايدى. پارتيا مۇشەلەرى وزدەرى جاقسى ۇيرەنىپ، وزدەرى جاقسى ىستەسە باسقالارعا دا ءسوزى وتەتىن بولادى».
بۇگىنگى كۇنى، داشي قىستاعىندا كىسى باسىندىق جىلدىق كىرىس 2009-جىلداعى 7 مىڭ 500 يۋاننان 29 مىڭ 727 يۋانعا ارتتى. باس شۋجي قامىن جەپ كەلگەن وسى قىستاق بارعان سايىن جاقسارۋدا. ساۋىر ماڭلىك بىلاي دەدى: «باس شۋجي الاڭسىز بولىڭىز، داشي قىستاعى باس شۋجي ورنالاستىرعان قىزمەتتى بۇكىلدەي ورىندادى. ۇلتتار ىنتىماعىن ماڭگى جاقسارتىپ، قوعامدى ورنىقتىرىپ، بۇقارانىڭ تۇرمىس دەڭگەيىن جوعارىلاتامىز، پارتيا ورتالىق كوميتەتىن ءومىر بويى ەستەن شىعارمايمىز».

بەرىپ كەت ورامالىڭدى

دوستار

الىستاعى اق ەركە