باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ەرلىكپەن الدا ءجۇرىپ، جىبەك جولىنىڭ جاڭا داستانىن جازدى

    كەلۋ قاينارى: شينجياڭ گازەتى    2017-10-24 19:11:00  

−باس شۋجي شينجياڭدا قىزمەت تەكسەرگەن كەزدە بارعان جەرلەرگە قايتا ساپار (5)
ءتىلشىمىز شى شين

 وتكەنگە قايىرىلساق، بويدى ماقتانىش سەزىمى كەرنەيدى، بولاشاققا كوز تاستاساق، قۇلشىنا العا ۇمتىلۋعا دەم بەرەدى.
  2014 - جىلى باس شۋجي شي جينپيڭ شينجياڭدا قىزمەت تەكسەرگەندە بىلاي دەپ اتاپ كورسەتتى: جىبەك جولى ەكونوميكالىق بەلدەۋىن قۇرۋدا شينجياڭنىڭ وگەيسىتۋگە بولمايتىن ورنى مەن رولى بار، وسى تاريحي ورايدى مىقتى يگەرىپ، وزىندىك وڭىرلىك سىرتقا ەسىك اشۋ ستراتەگياسىن مەملەكەتتىڭ جىبەك جولى ەكونوميكالىق بەلدەۋى قۇرىلىسىمەن توعىستىرىپ، باتىسقا ەسىك اشۋدىڭ جالپىلىق ورنالاستىرۋىنا قويۋ كەرەك.
  سودان بەرى كوزدى اشىپ - جۇمعانشا 1000نان استام تاۋلىك ءوتتى. باس شۋجيدىڭ قامقورلىعى مەن مەيىرىنە بولەنگەن شينجياڭ جىبەك جولى ەكونوميكالىق بەلدەۋىن قۇرۋدا عىلمي سەكىرۋ، ۋاقىتپەن جارىسۋدىڭ جويقىن ەنەرگياسىن شىعاردى، باس شۋجي كوڭىل بولگەن جىبەك جولى ەكونوميكالىق بەلدەۋى قۇرىلىسى شينجياڭدا كەزەڭدىك تابىسقا قول جەتكىزدى.
  سول جىلى باس شۋجي شي جينپيڭنىڭ ءىزى قالعان جەرلەرگە بارىپ، وزگەرىستەر مەن جەتىستىكتەردى كورىپ، وتكەندى ەسكە الۋ بارىسىندا بويدى جالىندى سەزىم بيلەدى.
  ۇلكەن تۇتاسۋ: «ءبىر بەلدەۋ، ءبىر جول» جوباسىندا ۋاقىتپەن جارىستى
  «ەگەر جىبەك جولى ەكونوميكالىق بەلدەۋى قۇرىلسا، شينجياڭ ساۋلەتتى ورتالىققا اينالادى. باسقاسىن ايتپاعاندا، قازىر 1500 شارشى كيلومەتر اۋماقتاعى ەڭ ۇلكەن قالا سانالاتىن ءۇرىمجى سول كەزدە قانداي ءبىر كۇيگە ەنەدى؟» 2014 - جىلى باس شۋجي شينجياڭدا قىزمەت تەكسەرگەن كەزدە سۋرەتتەگەن كوركەم كورىنىس كوكتەم سامالىنداي تيانشاننىڭ تۇستىگى مەن تەرىستىگىندە ەسىپ، شينجياڭداعى ءار ۇلت كادرلارى مەن بۇقاراسىنا شابىت بەردى.
  2015 - جىلى جۇرت نازارىن اۋدارعان شينجياڭ تاعى دا سۇيىسپەنشىلىككە بولەنىپ، ماڭىزدى تاپسىرما جۇكتەلدى. مەملەكەتتىك دامۋ جانە رەفورما كوميتەتى، سىرتقى ىستەر مينيسترلىگى، ساۋدا مينيسترلىگى بىرلەسىپ جاريالاعان «جىبەك جولى ەكونوميكالىق بەلدەۋى مەن 21 - عاسىرداعى تەڭىز جىبەك جولىن بىرگە قۇرۋدى ىلگەرىلەتۋ جوباسى مەن ارەكەتىندە»: شينجياڭنىڭ وزگەشە وڭىرلىك باسىمدىعىن جانە باتىسقا ەسىك اشۋداعى ماڭىزدى تەرەزەلىك رولىن ساۋلەلەندىرىپ، ورتا ازياداعى، وڭتۇستىك ازياداعى، باتىس ازياداعى ەلدەرمەن بارىس - كەلىستى، سەلبەستىكتى تەرەڭدەتىپ، جىبەك جولى ەكونوميكالىق بەلدەۋىنىڭ وزەكتى رايونىن قۇرۋ كەرەكتىگى العا قويىلدى.
  وڭىنان سوققان جەلگە جەلكەن تۇزەپ، ەرلىكپەن الدا ءجۇردى.
  ىلۋدە ءبىر كەزدەسەتىن كەلەلى ستراتەگيالىق وراي الدىندا، شينجياڭ ساياساتتاردى بايلانىستىرۋ، قۇرىلعىلاردى ۇلاستىرۋ، ساۋدانى ىركىلىسسىزدەندىرۋ، اقشانى اينالىمعا سالۋ، جۇرت جۇرەگىن توعىستىرۋ توڭىرەگىندە، تيپىن وزگەرتىپ، دەڭگەيىن جوعارىلاتۋدى وزەكتى رايون قۇرىلىسىمەن ۇشتاستىرىپ، نەعۇرلىم تەرەڭ، نەعۇرلىم جوعارى دەڭگەيدەگى سىرتقا ەسىك اشۋدى ىلگەرىلەتتى.
  باتىسقا، باتىسقا، تاعى دا باتىسقا! تيانشاننىڭ تۇستىگى مەن تەرىستىگىندە ايبىندى دا دابىرالى جاعداي قالىپتاستى.
  بۇرىنعى توركىنى ءۇرىمجى باتىس ۆوكزالىنىڭ زات الاڭى بولعان جۇڭگو - ەۆروپا كەزەكشى پويەزدەرىنىڭ ءۇرىمجى شوعىرلاندىرۋ ورتالىعى ءۇمىت بايقاتتى. بىلتىر مامىر ايىندا قۇرىلىپ جۇمىسقا كىرىسكەننەن بەرى وسى ورتالىق پويەز جونەلتۋدى ۇدايىلاندىرىپ، جونەلتكەن پويەز رەت سانى 800دەن استى.
  بيىل 19 - مامىردا «ءۇرىمجى - ليانيۇنگاڭ - جاڭا دەلي» تاس جول، تەمىر جول، تەڭىز جولى بىرلەسكەن تاسىمال كەزەكشى پويەزى جولعا شىعىپ، جىبەك جولى ەكونوميكالىق بەلدەۋى مەن 21 - عاسىرداعى تەڭىز جىبەك جولىنىڭ ۇلكەن تۇتاسۋىن ىسكە اسىردى.
  «جۇڭگو - ەۆروپا كەزەكشى پويەزدەرى ارقىلى جۇڭگونىڭ باتىسقا اشقان ەسىگى بارعان سايىن كەڭەيە ءتۇستى». شينجياڭ شينتيە حالىقارالىق زات تاسىمال شەكتى جاۋاپكەرشىلىك سەرىكتەستىگىنىڭ باس ديرەكتورى ليۋ چاڭلين بىلاي دەدى: شوعىرلاندىرۋ ورتالىعى شينجياڭنىڭ بۇكىل ەل بويىنشا ءبىرىنشى بولىپ ولكە، رايونداردىڭ ورتا ازياعا جونەلتەتىن زاتتارىن جينايتىن، ارى قاراي كەزەكشى پويەز شىعارىپ تاسىمالدايتىن ولكە، رايونعا اينالۋىنا مۇمكىندىك جاسادى.
  شينجياڭنان ەۆروپا، باتىس ازيا، كاۆكاز وڭىرلەرىنە باراتىن تەمىر جول ارناسى تۇگەل اشىلدى؛ «ليانيۇنگاڭ - قورعاس شەكارا وتكەلى جوعارى جىلدامدىقتى تاس جولى» ءىرى ارناسى تۇتاس جەلى بويىنشا تۇتاستى، وڭتۇستىك، سولتۇستىك شينجياڭ جوعارى جىلدامدىقتى ءىرى ارناسى تۇتاس جەلى بويىنشا تۇتاستى، بەيجيڭ - شينجياڭ تاس جولى ءىرى ارناسى تۇتاس جەلى بويىنشا تۇتاسىپ، ۇرىمجىدەن بەيجيڭگە دەيىنگى جول 1300 كيلومەتردەن استام قىسقاردى؛ ەل ءىشى جانە حالىقارالىق 224 اۋە جەلىسى اۋەدەگى قاتىناس جەلىسىن قالىپتاستىردى.
  اۆتونوميالى رايوندىق دامۋ جانە رەفورما كوميتەتى باتىس بولىكتى اشۋ باسقارماسىنىڭ ورىنباسار باستىعى رىن جيان بىلاي دەدى: شينجياڭ بۇرىنعى ىشكى قۇرلىقتىڭ «تۇبىنەن» مەملەكەتتىڭ باتىسقا ەسىك اشۋ قاقپاسىنا، شەتكى تۇيىننەن ورتالىق توراپقا اينالىپ، جىبەك جولى ەكونوميكالىق بەلدەۋىنىڭ توراپتىق بەكەتى رولىن، ەلىمىزدىڭ باتىسقا ەسىك اشۋداعى ماڭىزدى قاقپالىق جانە شوقتىقتىق رولىن، الدىمەن اتقارىلىپ، الدىمەن سىناق جاسالاتىن رەفورما سىناعى رايونىندىق رولىن بىرتىندەپ ساۋلەلەندىرۋدە.
  قوماقتى تابىس: ىقىلاستى تاپسىرمانىڭ ارقاسىندا «بەستى تۇتاستىرۋ» قۇرىلىسى تەزدەدى
  باس شۋجيدىڭ ىقىلاستى تاپسىرماسى، «ءبىر بەلدەۋ، ءبىر جول» ءۇنى شينجياڭنىڭ جاڭا كەزەكتى سىرتقا ەسىك اشۋ ىستەرىنىڭ تەرەڭدەۋىنە جانە جاپپاي جاڭالىق اشۋعا دەم بەردى. ايماق، وبلىستار ىرىقتىلىقپەن ءىس تىندىرىپ، جىبەك جولى ەكونوميكالىق بەلدەۋى تۇيىنىندەگى قالالار ءوز رولدارىن ساۋلەلەندىردى...
  ءۇرىمجى كوپ ۇلگىلى بىرلەسپە تاسىمال كەدەندىك باقىلاۋ - باسقارۋ ورتالىعى ۆيۋەسكا اسىپ، ىسكە قوسىلدى، ورتا ازيا وڭىرلىك ەكونوميكالىق ىنتىماقتاستىق (CAREC) مەحانيزمىندەگى 11 مۇشە ەلدىڭ ورتاق ات سالىسۋىمەن قۇرىلعان ورتا ازيا ەكونوميكالىق ىنتىماقتاستىق ينستيتۋتى ۇرىمجىگە ىرگە تەپتى؛
  الاتاۋ ساعاسىنىڭ كەشەندى قورعامالى باجى رايونى «يمپورتتالعان مۇناي - گاز، يمپورتتالعان استىق، ماي، اۋىل شارۋاشىلىق قوسىمشا ونىمدەرى، يمپورتتالعان مەتال، كەن ونىمدەرى، يمپورتتالعان اعاش ماتەريالدارى، يمپورت - ەكسپورت تۇتىنۋ بۇيىمدارى ەلەكتروندى ساۋدا تۇعىرى، يمپورتتالعان دايىن اۆتوكولىك كورمەسى» سىندى 6 ءىرى ساۋدا ورتالىعىن قۇرۋعا كۇش سالىپ، ەل ءىشى - سىرتىنداعى 377 كاسىپورىندى وسى اراعا ىرگە تەبۋگە باۋرادى، 2017 - جىلدان بەرى 832 مىڭ توننا زاتتى جونەلتتى؛
جۇڭگو - قازاقستان قورعاس حالىقارالىق شەكارالىق ىنتىماقتاستىق ورتالىعىنا تاۋار كورمەسى، اس - سۋ، كوڭىل اشۋ، فينانستىق قىزمەت كورسەتۋ سياقتى سالالارعا ساياتىن 30عا تاياۋ ءتۇيىندى نىسان ىرگە تەپتى، جالپى 20 ميلليارد يۋاننان استام قارجى قوسىلدى، 4000 نەشە دۇكەن ىرگە تەپتى، بيىلدىڭ العاشقى 9 ايىندا باقشا رايونىنا كىرىپ - شىققان ادامدار سانى 4 ميلليون 220 مىڭ ادام - رەتكە جەتىپ، بىلتىرعى سول تۇستاعىدان %10.24 ارتتى.  بايىرعى جىبەك جولىنداعى ماڭىزدى قالا بولعان قاشقاردا قاشقار شىنجىن كاسىپ باقشاسى زاۆودى جانە سايكەستى قۇرىلعى قۇرىلىستارى سالىندى، قاشقار كەشەندى قورعامالى باجى رايونىندا كەدەندىك جابىق تيجارات جۇرگىزىلدى، حونجىراپ، تورعات، ەركەشتام، قاراسۋ سياقتى مەملەكەتتىك 1 - دارەجەلى شەكارا وتكەلدەرىنىڭ باسىمدىعى جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ۇزدىكسىز ىلگەرىلەۋىنە ىلەسە بىرتىندەپ ەكونوميكالىق باسىمدىققا اينالۋدا.
  3 جىلدان بەرى، اۆتونوميالى رايوندىق پارتكوم ەل ءىشى - سىرتىنا ەسىك اشۋ ءورىسىن بۇلجىماي كەڭەيتىپ، مەملەكەتتىڭ «ءبىر بەلدەۋ، ءبىر جول» دارىپتەمەسىمەن بەلسەنە توعىستى، جىبەك جولى ەكونوميكالىق بەلدەۋى وزەكتى رايونى قۇرىلىسى ورنىقتى ىلگەرىلەپ، كەزەڭدىك جەتىستىككە قول جەتكىزدى.
  جىبەك جولى ەكونوميكالىق بەلدەۋى وزەكتى رايونىنىڭ ساۋدا، زات جەتكىزۋ ورتالىعى، مەديتسينالىق قىزمەت كورسەتۋ ورتالىعى، مادەنيەت، عىلىم، وقۋ - اعارتۋ ورتالىعى(وقىتۋ ءبولىمى) جانە قاتىناس تورابى ورتالىعى سياقتى قۇرىلىس جوبالارى ىركەس - تىركەس سالىندى، رايونىمىزدىڭ «ءبىر وزەك، 9 ءوڭىر، كوپ ءتۇيىن» ساۋدا، زات جەتكىزۋ ورتالىعى جەدەل قۇرىلۋدا؛ جۇڭگونىڭ شينجياڭى دۇنيە جۇزىندەگى 155 مەملەكەتپەن جانە وڭىرمەن ەكونوميكا - ساۋدا اۋىس - كۇيىسىن ورىستەتتى. 15 مەملەكەت جانە ءوڭىر شينجياڭعا قارجى قوسىپ، شارۋاشىلىقتارىن كوركەيتتى؛ 86 ەلمەن جانە وڭىرمەن شەكارا اتتاعان حالىق اقشاسىن ناقتى الۋ - تولەۋ كاسىبىن ورىستەتىپ، شەكارا اتتاعان ەسەپ جابۋ بويىنشا ناقتى الۋ - تولەۋ جالپى سوماسى 235 ميلليارد 100 ميلليون يۋانعا جەتتى؛ جىبەك جولى بويىنداعى ەلدەرمەن عىلىم، وقۋ - اعارتۋ، مادەنيەت، دەنساۋلىق ساقتاۋ، حالىقتىق اۋىس - كۇيىس سياقتى سالالاردا كەڭ كولەمدە سەلبەستىك ورىستەتىپ، قوماقتى تابىسقا قول جەتكىزدى.
  حالىقارالىق ساحنادا، ەرەكشە ترانسفورماتور توبى، گۋاڭحۇي شىيە قارجى قوسۋ (توبى) سەرىكتەستىگى، جينفىڭ عىلىم - تەحنيكا شەكتى جارنا سەرىكتەستىگى سياقتى ءبىر توپ شينجياڭ كاسىپورىندارى جۇڭگونىڭ باسىم ونىمدەرىنىڭ، باسىم ءوندىرىس قۋاتىنىڭ، باسىم قىزمەت كورسەتۋىنىڭ جانە باسىم تەحنيكاسىنىڭ «سىرتقا شىعارىلۋىن» ىلگەرىلەتىپ، تىلەكتەردى بارىنشا ايگىلەدى.
  2016 - جىلى جۇڭگو شينجياڭىنىڭ «ءبىر بەلدەۋ، ءبىر جول» بويىنداعى ەلدەرمەن بولعان يمپورت - ەكسپورت ساۋدا سوماسى 14 ميلليارد 700 ميلليون دوللارعا جەتىپ، شينجياڭنىڭ سىرتقى ساۋدا يمپورت - ەكسپورت جالپى سوماسىنىڭ %81.7ىن ۇستادى. جۇڭگونىڭ شينجياڭى «ءبىر بەلدەۋ، ءبىر جولدىڭ» شاپشاڭ دامۋ ارناسىنا ءتۇسىپ، ەل قاقپاسىنان اتتاپ شىعىپ، دۇنيە جۇزىنە بەت تۇزەدى.
  بولاشاققا نازار: ەسىك اشۋ مەن دامۋدىڭ قادامى ماڭگى كىدىرمەيدى
  «ءبىر بەلدەۋ، ءبىر جولدىڭ» اياسى كەڭ، ايبىنى ۇستەم. اشىق، كەڭقولتىق، جالپىعا بىردەي، تەڭ، بىرگە يگىلىككە كەنەلتەتىن ەكونوميكالىق جاھاندانۋ شينجياڭنان ەسىك اشۋ مەن دامۋدىڭ جاڭا داستانىن جازۋدى كۇتۋدە.   بيىلعى جىلدىڭ ورتاسىنا دەيىن، جينفىڭ عىلىم - تەحنيكا شەكتى جارنا سەرىكتەستىگىنىڭ جۇڭگودا وندىرگەن جەل ەلەكتر گەنەراتورى الەمنىڭ 6 قۇرلىعىنداعى 20 نەشە مەملەكەتتە «بوي كورسەتتى».
  «باس شۋجي شي جينپيڭ 2009 - جىلى جينفىڭ سەرىكتەستىگىندە قىزمەت تەكسەردى ءارى بىزگە ونىمدەردىڭ قىزمەت كورسەتۋىنە، ونىمدەردىڭ تەحنيكالىق جاڭارۋىنا، حالىقارالانۋعا ءمان بەرۋ تۋرالى ماڭىزدى نۇسقاۋ بەردى، - دەي كەلىپ جينفىڭ سەرىكتەستىگىنىڭ باس جوراسى ۋ گاڭ: 8 جىلدان بەرى، ءبىز باس شۋجيدىڭ تاپسىرماسىن ەسكە بەرىك ساقتاپ، شەتەل بازارىنان بەلسەنە ءورىس اشىپ، حالىقارالانۋ دەڭگەيىمىزدى ۇزدىكسىز جوعارىلاتتىق. الدا، ءبىز ءبىر بەلدەۋ، ءبىر جول دارىپتەمەسىن اناعۇرلىم تاباندىلىقپەن اتقارىپ، ءتىپتى كوپ حالىقارالىق سەرىكتەستەرىمىزدى جۇڭگو جەل ەلەكتر كاسىپورىندارىنىڭ ۇزدىك ناتيجەسىمەن تاڭ قالدىرىپ، الەم حالىقتارىنا ءتىپتى كوپ جاسىل ەنەرگيا ۇسىناتىن بولامىز»، - دەدى.
  «ورايدى يگەرىپ، جاڭالىق اشىپ، وزگەرىسكە ۇمتىلىپ، ەلەكتر جەتكىزۋ، كەرنەۋ وزگەرتۋ بويىنشا جوعارى دەڭگەيلى جابدىقتار جاساۋ، جاڭا ەنەرگيا، جاڭا ماتەريال سياقتى مەملەكەتتىك ستراتەگيا دەڭگەيىندەگى جاڭا كوركەيگەن سالالاردا ۇزدىكسىز ورگە ۇمتىلىپ، اتى زاتىنا ساي جۇڭگونىڭ تانىسقىسى بولامىز». بۇل ەرەكشە ترانسفورماتور سەرىكتەستىگىندەگى 20 مىڭ جۇمىسشى - قىزمەتكەردىڭ ايبىندى سەرتى.
  بۇكىل شينجياڭعا كوز جىبەرگەندە، تۇرلەنۋ مەن جاڭارۋدىڭ كەشەندى شارالارى پارمەندى تۇردە اتقارىلىپ، رەفورمانى جاپپاي تەرەڭدەتۋدىڭ ءار دارەجەلى پارتكوم مەن ۇكىمەتتەردىڭ شەشىم قابىلداۋ، ورنالاستىرۋ جاساۋ بارىسىمەن ساباقتاسىپ كەتكەنىن بايقايمىز، بۇل ىشكى قۋاتتى بايىتىپ، جىلدامدىقتى ارتتىرىپ، دەڭگەيدى جوعارىلاتىپ، رەفورما جاساۋ مەن دامۋدىڭ جاڭا تاسقىنىن قارسى الۋعا جاسالعان دايىندىق؛ جۇمىلا شارۋاشىلىق قۇرۋ، جابىلا جاڭالىق اشۋ تولقىنىندا، شينجياڭنىڭ جاساۋ كاسىبى وندىرىستىك تىزبەكتىڭ اسقارىنا تولاسسىز ۇمتىلىس جاساپ، سىرتقا باعىتتالعان ەكونوميكانىڭ جاڭا فورماتسياسى ىركەس - تىركەس جارىققا شىقتى، «شەتەلدەگى قويما»، «ترانسشەكارالىق ەلەكتروندىق ساۋدا»، «كوپشىلىك قولدى تاۋارلاردىڭ ەلەكتروندىق ساۋداسى» جاندانىپ، جاڭالىق اشۋدىڭ سانسىز «وركەنى» حالىق اراسى مەن نەگىزگى ساتىدا بۇرشىك اتىپ، جايقالا كوكتەپ كەلەدى.
  «شينجياڭ اربىرىندە ءبىر ميلليارد 300 ميلليون جان سانى بار ىشكى جانە حالىقارالىق 2 ءىرى بازاردى تۇتاستىرىپ وتىر، شينجياڭدا مەملەكەتتىك 1 - دارەجەلى 17 شەكارا وتكەلى جانە قاشقار، قورعاس ەكونوميكالىق اشۋ رايوندارى، ءۇرىمجى، الاتاۋ ساعاسى، قاشقار كەشەندى قورعامالى باجى رايونى مەن جۇڭگو - قازاقستان قورعاس حالىقارالىق شەكارالىق ىنتىماقتاستىق ورتالىعى سياقتى ەسىك اشۋ تۇعىرلارى بار، تەمىر جول، تاس جول، اۋە جولى جانە قۇبىر ارناسى بىرىكتىرىلگەن كەشەندى تاسىمال جەلىسى العاشقى ادىمدا قالىپتاستى». رىن جيان بىلاي دەدى: الدا، جاڭا ازيا - ەۆروپا ۇلى قۇرلىق كوپىرى، جۇڭگو − ورتا ازيا − باتىس ازيا، جۇڭگو - پاكيستان، جۇڭگو - موڭعۇليا - رەسەي ەكونوميكالىق دالىزدەرى قۇرىلىسىنىڭ ىلگەرىلەۋىنە وراي، شينجياڭنىڭ «شىعىس پەن باتىستى تۇتاستىرىپ، وڭتۇستىك پەن سولتۇستىكتى توعىستىرعان» توراپتىق رولى ءتىپتى كورنەكتىلەنە تۇسەدى.
  رىن جيان بىلاي دەپ تانىستىردى: شينجياڭ جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپاسىنىڭ كەڭسەسى تاياۋدا «باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەدەل ىلگەرىلەتۋ جونىندەگى پىكىردى» شىعارىپ، وزەكتى رايون قۇرىلىسىنىڭ ۋاقىت كەستەسى مەن جول كارتاسىن ايقىندايدى، شارالار مەن مىندەتتەر ناقتىلانا، ايقىندالا تۇسەدى.
  باس شۋجيدىڭ قامقورلىعى مەن تەرەڭ مەيىرىمىن جانە ىقىلاستى ءۇمىتىن دامۋدى ىلگەرىلەتۋدىڭ قۇدىرەتتى قوزعاۋشى كۇشىنە اينالدىرعان شينجياڭ ءار قادامىن نىقتاپ باسادى، ەسىك اشۋ مەن دامۋدىڭ قادامى ماڭگى كىدىرمەك ەمەس.

ءان الەمى

جول توسىلىپ قالدى

تۇلپارىم