باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

سوتسياليستىك وسىزاماندانعان قۇدىرەتتى ەل قۇرۋ نىساناسىن بەتكە الىپ العا ىلگەرىلەيمىز

    كەلۋ قاينارى: شينجياڭ گازەتى    2017-10-24 19:51:01  

تىلشىلەرىمىز دۇڭ شاۋحۋا، لي ياڭ

باس شۋجي شي جينپيڭ پارتيا 19 - قۇرىلتايىنىڭ بايانداماسىندا مىنالاردى العا قويدى: 2020 - جىلدان وسى عاسىردىڭ ورتا شەنىنە دەيىنگى كەزەڭدى 2 باسقىشقا ءبولىپ ورنالاستىرۋعا بولادى. ءبىرىنشى باسقىش، 2020 - جىلدان 2035 - جىلعا دەيىنگى مەزگىل، جاپپاي دوڭگەلەك داۋلەتتى قوعام قۇرىپ شىعۋ نەگىزىندە تاعى 15 جىل كۇرەس جاساۋ ارقىلى سوتسياليستىك وسىزاماندانۋدى نەگىزىنەن جۇزەگە اسىرامىز. ەكىنشى باسقىش، 2035 - جىلدان وسى عاسىردىڭ ورتاسىنا دەيىنگى مەزگىل، وسىزاماندانۋدى نەگىزىنەن جۇزەگە اسىرۋ نەگىزىندە، تاعى 15 جىل كۇرەس جاساۋ ارقىلى ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعامىز.
  پارتيا 19 - قۇرىلتايىنىڭ ۋاكىلدەرى جابىلا مىنالاردى ءبىلدىردى: باس شۋجي شي جينپيڭ جاساعان پارتيا 19 - قۇرىلتايىنىڭ بايانداماسى جالپى جوبا بەلگىلەپ، ۋاقىت كەستەسىن جاساپ، بۇكىل پارتياعا، بۇكىل ەلدەگى ءار ۇلت حالقىنا جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە قول جەتكىزۋدىڭ ۇندەۋىن تاستاپ، جاڭا داۋىردەگى جۇڭگوشا سوتسياليستىك وسىزاماندانۋ قۇرىلىسىنىڭ جاڭا ساپارىن تاعى باستاپ، جاڭا ءداۋىردىڭ العا باسۋ بەتالىسىن كورسەتتى. ءبىز سەنىمدى بەكەمدەپ، قۇلشىنا قىزمەت ىستەپ، جۇڭحۋا ۇلتى ۇلى گۇلدەنۋىن جۇزەگە اسىرۋ سىندى ايبىندى نىسانانى بەتكە الىپ ەرلىكپەن العا ىلگەرىلەيمىز.
  ۋاكىل وبۇلقاسىم ءماتتۇرسىن: جاڭا نىسانانى بەتكە الىپ العا ىلگەرىلەۋگە سەنىمىمىز كامىل  
  «نەگىزگى ساتىدان كەلگەن ۋاكىل رەتىندە، مەن وسى بىرنەشە جىلدا اتا مەكەنىمنىڭ بەت - بەينەسى مەن بۇقارانىڭ تۇرمىسىندا تۋىلعان زور وزگەرىستەرگە كۋا بولدىم. ىشەر اس، كيەر كيىم، تۇرار جاي، ءجۇرىس - تۇرىستان تارتىپ وقۋ - اعارتۋ، ەمدەۋ، جۇمىسقا ورنالاسۋ سياقتىلارعا دەيىنگى ءار جاقتان، وتە - موتە، وڭتۇستىك شينجياڭداعى 15 جىلدىق تەگىن وقىتۋ، جالپى حالىقتىڭ دەنساۋلىعىن تەگىن تەكسەرۋ سياقتى حالىققا ءتيىمدى 9 ءىرى ينجەنەريانىڭ اتقارىلۋىنان، ءبىز پارتيا ورتالىق كوميتەتىنىڭ شىنايى قامقورلىعىن تەرەڭ سەزىندىك»، - دەدى پارتيا 19 - قۇرىلتايىنىڭ ۋاكىلى، اۋات اۋداندىق پارتكومنىڭ ورىنباسار شۋجيى، اۋداننىڭ ۋاقىتتىق اكىمى وبۇلقاسىم ءماتتۇرسىن.
  «10 جىلدىڭ الدىندا، جاپپاي دوڭگەلەك داۋلەتتى قوعام قۇرىپ شىعامىز دەگەندى ەستىگەنىمىزدە تىم الىستاعىداي سەزىلگەن ەدى، قازىر جۇزەگە اساتىنىن ويلاماعان ەكەمىن، سوندىقتان اناعۇرلىم بەرىك بەكىم مەن سەنىمگە يە بولدىم! جاڭا نىسانامىزعا، جاڭا ساپارىمىزعا بارەكەلدى ايتامىن!»، - دەدى وبۇلقاسىم ءماتتۇرسىن.
  وبۇلقاسىم ءماتتۇرسىن: مۇنان بىلاي ءبىز، ءسوزسىز، پارتيانىڭ شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ءىس جۇزىندىك ارەكەتىمىزبەن شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزىن بەكەمدەپ، ءار ۇلت بۇقاراسىن باقىتتى دا تاماشا تۇرمىسپەن قاۋىشۋعا باستايمىز، - دەدى.
ۋاكىل رۇڭ شۋەليڭ: ناقتى ىستەر تىندىرعاندا عانا ارمان جۇزەگە اسادى  
  «ناقتى ىستەر تىندىرعاندا عانا ارمان جۇزەگە اسادى، ءبىز قۇلشىنۋ ارقىلى بولاشاققا جول اشۋىمىز كەرەك!»، - دەدى پارتيا 19 - قۇرىلتايىنىڭ ۋاكىلى، شينجياڭ ءتۇستى مەتال توبى سەرىكتەستىگى باتىس بولەك التىن قارامايلى حاتۋ التىن كەنىنىڭ كەن سۇرىپتاۋ زاۆودىنىڭ جۇمىسشىسى رۇڭ شۋەليڭ. «ءبىز ءاربىر پارتيا مۇشەسى ءىس جۇزىندىك ارەكەتىمىزبەن پارتيا ورتالىق كوميتەتىنىڭ ۇندەۋىنە ءۇن قوسىپ، پارتياعا ابسوليۋتتى ادالدىقتى ءوزىمىزدىڭ قىزمەت ورنىمىزدا بەينەلەپ، قايسى كاسىپپەن اينالىسساق سول كاسىپتى ءسۇيىپ، سول كاسىپتى زەرتتەپ، سول كاسىپكە ىسىلىپ، اناعۇرلىم كوركەم كەلەشەك قۇرۋعا كۇش قوسۋىمىز كەرەك»، - دەدى ول.  كەندە 28 جىل قىزمەت ىستەگەن نەگىزگى ساتىدان كەلگەن ۋاكىل رەتىندە، رۇڭ شۋەليڭ: ەكولوگيا حاۋىپسىزدىگىنىڭ تومەنگى شەگىن ساقتاۋ، تۇنىق سۋ، جاسىل تاۋدى قورعاۋ ءبىزدىڭ بۇلتارماس بورىشىمىز، «باس شۋجيدىڭ تالابى بويىنشا، ەكولوگيالىق وركەنيەت قۇرىلىسىنىڭ اتقارۋشىسى، كورىكتى جۇڭگونىڭ قۇرۋشىسى بولىپ، كەنىشتى القابىمىزدى اناعۇرلىم كوركەم، اناعۇرلىم تازا ەتىپ، جاسىل جەلەككە ورايمىز»، - دەدى.
ۋاكىل فۋ چۇنلي: جوبانى جۇزەگە اسىرۋعا ءتيىستى ۇلەسىمىزدى قوسامىز 
  «پارتيا 19 - قۇرىلتايىنىڭ بايانداماسى جۇرت جۇرەگىن جەلپىندىرگەن بايانداما ءارى جۇرت جۇرەگىن جەلپىندىرگەن ۇندەۋ بولدى»، - دەدى پارتيا 19 - قۇرىلتايىنىڭ ۋاكىلى، شاپشال سىبە اۆتونوميالى اۋدانى شاپشال قالاشىعىنىڭ باستىعى فۋ چۇنلي، - پارتيا 19 - قۇرىلتايىنىڭ بايانداماسى قازىردەن باستاپ وسى عاسىردىڭ ورتاسىنا دەيىنگى ايبىندى جوبانى جاسادى، ءبىز شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن باتىل دايەكتىلەندىرىپ، تياناقتاندىرىپ، تاباندىلىقپەن ناقتى جۇمىستار ىستەپ، ايبىندى جوبانى جۇزەگە اسىرۋعا ءتيىستى ۇلەسىمىزدى قوسامىز.
  «نەگىزگى ساتىدان كەلگەن پارتيا ۋاكىلى رەتىندە، مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭنىڭ جۇڭگوشا سوتسياليزم يدەياسىن مۇقيات ۇيرەنىپ، ءتۇسىنىپ، پارتيا 19 - قۇرىلتايىنىڭ رۋحىن قىزمەتىم مەن ارەكەتىمدە تياناقتاندىرامىن»، - دەدى فۋ چۇنلي. مۇنان كەيىنگى قىزمەت جوباسىن تىلگە العاندا ول: حالىق بۇقاراسىنىڭ كىشكەنتاي ءىسىن ءوزىمنىڭ ۇلكەن ءىسىم رەتىندە قاراپ، ءىستى ءبىر - بىرلەپ تىندىرىپ، جىلدان - جىلعا جالعاپ ىستەيمىن. ءسوزسىز، قالاشىقتاعى ءار ۇلت بۇقاراسىن كەدەيلىكتەن قۇتىلىپ اۋقاتتانىپ، دوڭگەلەك داۋلەتكە جەتۋگە باستاپ، قاراپايىم قىزمەت ورنىمدا كوممۋنيستىك پارتيا مۇشەسىندىك اينىماس سەرتىمدى ايگىلەيمىن، - دەدى.

ءان الەمى

جول توسىلىپ قالدى

تۇلپارىم