جاڭا حابارلار

جاڭا ءداۋىر، جاڭا يدەيا، جاڭا ساپار، جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ ءۇشىن ەرلىكپەن العا باسايىق

    كەلۋ قاينارى: شينجياڭ حالىق راديو ىستانسياسى    2017-10-25 12:36:08  
ستانسيامىزدىڭ ءتىلشىسى حى فەيدىڭ حابارىن تىڭداڭىزدار: پارتيا 19-قۇرىلتايى جۇڭگوشا سوتسياليزىمنىڭ جاڭا داۋىرگە قادام تاستاعاندىعى جونىندە كەلەلى تۇجىرىم جاسادى، شي جينپيڭنىڭ جاڭا داۋىردەگى جۇڭگوشا سوتسياليزىم يدەياسىنىڭ قالىپتاسۋى بولاشاقتا جۇڭگونىڭ باياندى دامۋىنا جەتەكشىلىك ەتەدى، سوتسياليستىك وسىزاماندانعان مەملەكەتتى جاپپاي قۇرۋدىڭ تىڭ ساپارىن باستاۋ الدىندا، ءار ۇلت ۋاكىلدەرى حالىق سارايىنان بۇرىنعىدان دا نىق قادام، بەرىك سەنىممەن شىقتى.
7 كۇنگە جالعاسقان سالتاناتتى باس قوسۋ ــ پارتيا 19-قۇرىلتايىنا قاتىناسقان شينجياڭ ۋاكىلدەرىنىڭ نازارىنداعى شۇعىلالى ەستەمەگە اينالدى.
19-قۇرىلتاي ۋاكىلى، تاشقورعان تاجىك اۆتونوميالى اۋدانى تاشقورعان اۋىلدىق باستاۋىش مەكتەپ پارتيا ياچەيكاسىنىڭ شۋجيى مەيىرگۇل اكىميحان بىلاي دەدى: ەرەكشە تەبىرەنىپ تۇرمىن، قايتىپ بارا سالىسىمەن، شي جينپيڭنىڭ جاڭا داۋىردەگى جۇڭگوشا سوتسياليزىم يدەياسىن تاشقورعان اۋدانىنداعى 41 مىڭ ءار ۇلت حالىق بۇقاراسىنا جەتكىزەمىن.
19-قۇرىلتاي ۋاكىلى، قۇلجا اۋدانى حۇدياريۇز قالاشىعى گەمە قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى لي يۋانمەي بىلاي دەدى: «جاڭا ءداۋىر! جۇڭگو ورنىنان تۇرىپ، اۋقاتتانۋدى، ودان قۇدىرەتتەنۋدى جۇزەگە اسىردى! ــــ دەگەن ءسوز ماعان تەرەڭ اسەر ەتتى. قايتىپ بارعاننان كەيىن، بۇقارانى باستاپ بىلەك سىبانا ىسكە كىرىسىپ، دوڭگەلەك داۋلەتتى قوعام قۇرۋعا كۇش سالامىن!»
ءتۇس الەتىندە، شۇعىلا شاشقان كۇن ساۋلەسى ماڭدايىن سۇيگەن شينجياڭ ۋاكىلدەر ۇيىرمەسىندەگىلەر جەلبىرەگەن نارت قىزىل تۋ تىگىلگەن، ايبىندى دا اسقاق حالىق سارايىنان نىق قاداممەن شىقتى، ءدال وسى ساتتە، بولاشاقتى بەتكە الىپ ارشىندى قاداممەن العا ىلگەرىلەتۋ سەنىمى ــ ۋاكىلدەردىڭ جۇرەگىن تەبىرەنتتى. 19-قۇرىلتاي ۋاكىلى، تۇرپان قالالىق پارتكومنىڭ شۋجيى جاڭ ۋىنشىڭ: «جۇڭگو كوممۋنيستىك پارتياسىنىڭ مۇشەسى سالاۋاتىمەن، اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق بۇقاراسىنىڭ تاماشا تۇرمىسقا دەگەن تالپىنىسىن باستان-اياق كۇرەس نىساناسى ەتەمىن،»-دەدى.
19-قۇرىلتاي ۋاكىلى، قىزىلسۋ قىرعىز اۆتونوميالى وبلىستىق پارتكومنىڭ شۋجيى ليۋ حۇيجۇن: «ءبىز حالىق اراسىنان شىقتىق، حالىق اراسىنا بارۋىمىز كەرەك، بۇل جۇڭگو كوممۋنيستىك پارتياسى مۇشەسىنىڭ باستى ماقسات تانىمىنداعى ەڭ ءتۇبىرلى تالاپ، سوندىقتان دا مەنىڭ العاشقى ماقساتىم ـــ قايتكەندە ۇيىمنىڭ ماعان جۇكتەگەن مىندەتىن قىزىلسۋ قىرعىز اۆتونوميالى وبلىسىنداعى حالىق بۇقاراسىنا قىزمەت ەتۋ بارىسىندا ايگىلەۋ بولماق».
وسى ءبىر اپتادا، قۇرىلتاي ۋاكىلدەرى مىنانى ىشكەرىلەي تانىپ جەتتى: جۇڭگوشا سوتسياليزىمنىڭ جاڭا داۋىرگە قادام تاستاۋى ـــ جۇڭگونىڭ دامۋىنىڭ جاڭا تاريحي باعدارى، جۇڭگو جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ كەزەڭىنە ءوتتى.
19-قۇرىلتاي ۋاكىلى، ءۇرىمجى ەكونوميكالىق-تەحنيكالىق اشۋ رايونى (تۋتۇنحى رايونى» ورتا ازيا وڭتۇستىك جولى گۋاڭجوۋ كوشەسى الەۋمەتتىك اۋماعى پارتيا ياچەيكاسىنىڭ شۋجيى راۋشانگۇل توحتى بىلاي دەدى: جۇڭگو ارمانى ناعىندا ءاربىر ادامنىڭ كىشكەنتاي ارمانىنىڭ جيىندىعىنان قۇرالعان، پارتيا مۇشەسى سالاۋاتىمەن، ءسوزجوق، قۇلشىنا كۇرەس جاساپ، پارتيا قىزمەتىنىڭ جالپى بارىسىنان ءوز ورنىمدى سانالىلىقپەن دۇرىس تاۋىپ، باتىلدىقپەن اۋىر جۇكتى ارقالاۋعا تاباندى بولامىن، وسى ءبىر ۇلى ارماندى جۇزەگە اسىرۋدا، ءار ءبىر كوممۋنيستتە ءسوزجوق، باسقالارعا ۇلگى بولاتىن جىگەر جانە ايبات بولۋى قاجەت.
وتكەن ءبىر اپتادا، شينجياڭدىق 43 ۋاكىل مەن ەلىمىزدەگى 2 مىڭنان استام ۋاكىل باياندامانى بىرلىكتە قاراپ، كادرلار ءىسىن اقىلداسىپ، ۇلى جوبا جاساپ، جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ جولىندا مىعىم كۇش ۇيىستىردى.
19-قۇرىلتاي ۋاكىلى، اقسۋ ايماقتىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى ءيۇسانجان روزى بىلاي دەدى: قوعام حاۋىپسىزدىگى تاراۋلارى الدىڭعى شەپتە ءجۇرۋ، اتويشى بولۋ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، ورتالىق كوميتەتىنىڭ ءتۇرلى شەشىم-ورنالاستىرۋلارىن باتىل ويداعىداي تياناقتاندىرىپ، جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ جولىندا كۇش قوسۋى كەرەك.
19-قۇرىلتاي ۋاكىلى، بايىنعولىن وبىلىستىق پارتكومنىڭ شۋجيى لي گاڭ بىلاي دەدى: كەدەيلەردى دالمە-ءدال سۇيەمەلدەۋ، كەدەيلىكتەن دالمە-ءدال قۇتىلدىرۋدى ناقتى تياناقتاندىرۋعا تاباندى بولىپ، قۇلشىنىسىمىز ارقىلى كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە باتىل قول جەتكىزىپ، تۇتاس شينجياڭ حالقىن باستاپ، 2020-جىلى دوڭگەلەك داۋلەتتى قوعامدى جۇزەگە اسىرامىز.
19-قۇرىلتاي ۋاكىلى، شينجياڭ مۇناي الابى سەرىكتەستىگى اۋىر مۇناي اشۋ سەرىكتەستىگى مۇناي الۋ جۇمىسى 5-رايونى مۇناي الۋ 6-ءبانىنىڭ باستىعى روزىمامەت باقى بىلاي دەدى: قىزمەت ورنىمدا مۇناي رۋحىن، ۇستا رۋحىن ساۋلەلەندىرىپ، پارتيا مۇشەلەرىنىڭ ۇلگىلىك رولىن اناعۇرلىم ويداعىداي ساۋلەلەندىرىپ، باس نىسانانى جۇزەگە اسىرۋ جولىندا ەڭ زور ۇلەسىمدى قوسامىن.
19-قۇرىلتاي ۋاكىلى، شينجياڭ ءوندىرىس قۇرىلىس بيڭتۋانى 5-شى 84-تۋان 7-ليانىنىڭ جۇمىسشى-قىزمەتكەرى ۋاڭ پيڭ بىلاي دەدى: 19-قۇرىلتايدىڭ رۋحىن جەبەۋشى كۇش ەتىپ، اۋىلعا الا قايتىپ، ءوندىرىس بارىسىنا جەتكىزىپ، جۇمىسشى-قىزمەتكەرلەردىڭ وزىندىك قۇنىن مۇمكىندىكتىڭ بارىنشا ازايتىپ، ولاردىڭ كىرىسىن اناعۇرلىم جوعارىلاتۋ، تۇرمىستارىن اناعۇرلىم جاقسارتۋ ارمانىنداعى ءتۇرلى مىندەتتەردى ءوز قۇلشىنىسىمىز ارقىلى ءسوز جوق جاقسى ورىندايمىز.
بورىش ارقالاپ كەلىپ، ۇلى جوبا الىپ قايتتى. سالتاناتتى قۇرىلتايدىڭ جابىلۋى كۇرەستىڭ باستالعانى بولماق. جۇڭگو كوممۋنيستىك پارتياسى مۇشەلەرىنىڭ تاريحي بورىشى وزدەرىنىڭ ساپارىندا باتىل ايگىلەندى، 19-قۇرىلتاي ۋاكىلى، اقسۋ ايماقتىق پارتكومنىڭ شۋجيى دوۋ ۋانگۇي بىلاي دەدى: 19-قۇرىلتايدىڭ رۋحىن مۇقيات ۇيرەنىپ، ۇگىتتەپ، ويداعىداي دايەكتىلەندىرىپ، تياناقتاندىرامىز، وي-سانامىزدى شي جينپيڭنىڭ جۇڭگوشا سوتسياليزم يدەياسىمەن قارۋلاندىرىپ، امالياتقا جەتەكشى ەتەمىز، شينجياڭدى جونگە سالۋ جالپى جوباىسن ارقاۋ ەتىپ، نازاردى باس نسىاناعا شوعىرلاندىرىپ، ءتۇرلى قىزمەتتەر مەن ءتۇرلى ىستەردى مىقتى يگەرەمىز.

بەرىپ كەت ورامالىڭدى

دوستار

الىستاعى اق ەركە