باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقاسى)» تۋرالى قاۋلىسى

    كەلۋ قاينارى: شينجياڭ گازەتى    2017-10-25 19:20:28  

(جۇڭگو كوممۋنيستىك پارتياسىنىڭ مەملەكەتتىك 19-قۇرىلتايىندا 2017-جىلى 24-قازاندا ماقۇلداندى)

 جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى 18 - كەزەكتى ورتالىق كوميتەت ۇسىنعان «جۇڭگو كوممۋنيستىك پارتياسىنىڭ ۋستاۆىن (وزگەرىس ەنگىزىلگەن نۇسقاسىن)» قاراپ جانە ءبىر اۋىزدان ماقۇلداپ، بۇل وزگەرىستەر ماقۇلدانعان كۇننەن باستاپ كۇشكە يە دەپ ۇيعاردى.
  قۇرىلتاي بىلاي دەپ قارادى: پارتيانىڭ 18 - قۇرىلتايىنان بەرى، شي جينپيڭ جولداستى باستى ۋاكىل ەتكەن جۇڭگو كوممۋنيستەرى ءداۋىردىڭ دامۋىنا سايكەسىپ، جاڭا داۋىردە قانداي جۇڭگوشا سوتسياليزمگە تاباندى بولۋعا جانە ونى دامىتۋعا، جۇڭگوشا سوتسياليزمگە قالاي تاباندى بولۋعا جانە ونى قالاي دامىتۋعا بولادى دەيتىن كەلەلى داۋىرلىك تاقىرىپقا نازاريا مەن امالياتتى ۇشتاستىرا وتىرىپ جۇيەلى جاۋاپ بەرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جاراتتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، «ۇشكە ۋاكىلدىك ەتۋ» ماڭىزدى يدەياسىنىڭ، عىلمي دامۋ كوزقاراسىنىڭ جالعاستىرىلۋى جانە دامىتىلۋى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەلەرى مەن كوللەكتيۆتىك اقىل - پاراساتىنىڭ جاۋھارى، جۇڭگوشا سوتسياليزمنىڭ نازاريالىق جۇيەسىنىڭ ماڭىزدى قۇرامداس بولەگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋىنىڭ قيمىل قىبلاناماسى، وعان ۇزاق ۋاقىت تاباندى بولىپ، ۇزدىكسىز دامىتۋ كەرەك. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، جۇڭگو كوممۋنيستىك پارتياسى بۇكىل ەلدەگى ءار ۇلت حالقىنا باسشىلىق ەتىپ، ۇلى كۇرەستى، ۇلى ينجەنەريانى، ۇلى ىستەردى، ۇلى ارماندى ءبىر تۇتاس مەڭگەرىپ، جۇڭگوشا سوتسياليزمنىڭ جاڭا داۋىرگە ءوتۋىن تەزدەتتى. قۇرىلتاي پارتيا ۋستاۆىندا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن، عىلمي دامۋ كوزقاراسىمەن بىرگە پارتيانىڭ قيمىل قىبلاناماسى ەتىپ بەلگىلەۋگە ءبىر اۋىزدان قوسىلدى. قۇرىلتاي بۇكىل پارتيانىڭ شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ارقىلى يدەيانى، قيمىلدى بىرلىككە كەلتىرىپ، ونى ۇيرەنۋ، دايەكتىلەندىرۋ سانالىلىعى مەن تاباندىلىعىن ارتتىرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن سوتسياليستىك وسىزامانداندىرۋدىڭ تۇتاس بارىسىنا ءسىڭىرىپ، پارتيا قۇرىلىسىنىڭ ءارقايسى جاقتارىندا ايگىلەۋىن تالاپ ەتتى.
  قۇرىلتاي بىلاي دەپ قارادى: جۇڭگوشا سوتسياليستىك مادەنيەت − جۇڭگوشا سوتسياليزمنىڭ ماڭىزدى قۇرامداس بولەگى، بۇكىل پارتيانىڭ، بۇكىل ەل حالقىنىڭ ەرلىكپەن العا باسۋىنا دەم بەرەتىن قۇدىرەتتى رۋحاني كۇش. قۇرىلتاي جۇڭگوشا سوتسياليستىك مادەنيەتتى جۇڭگوشا سوتسياليزم جولىمەن، جۇڭگوشا سوتسياليزم نازاريالىق جۇيەسىمەن، جۇڭگوشا سوتسياليزم تۇزىمىمەن بىرگە پارتيا ۋستاۆىنا ەنگىزۋدى قۇپتادى. بۇل بۇكىل پارتيانىڭ جۇڭگوشا سوتسياليزم جونىندەگى تانىمىن تەرەڭدەتىپ، جۇڭگوشا سوتسياليزمنىڭ ءمانىن جان - جاقتىلى يگەرۋىنە ءتيىمدى. قۇرىلتاي بۇكىل پارتياداعى جولداستار پارتيا سانسىز ماشاقاتتاردى باستان كەشىرە وتىرىپ اشقان وسى جولدى، وسى نازاريالىق جۇيەنى، وسى ءتۇزىمدى، وسى مادەنيەتتى بارىنشا قاستەرلەپ، وعان ۇزاق ۋاقىت تاباندى بولىپ جانە ۇزدىكسىز دامىتىپ، جۇڭگوشا سوتسياليزمنىڭ ۇلى تۋىن بيىك ۇستاپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جوباسىن دايەكتىلەندىرۋى كەرەكتىگىن باسا دارىپتەدى.
  قۇرىلتاي بىلاي دەپ قارادى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى، پارتيامىزدىڭ حالىققا، تاريحقا بەرگەن ايبىندى ۋادەسى. قۇرىلتاي پارتيا ۋستاۆىندا «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىراتىن ۇلى نىسانانى ايقىنداۋدى قۇپتادى.
  قۇرىلتاي بىلاي دەپ قارادى: پارتيانىڭ 19 - قۇرىلتايىندا جاسالعان ەلىمىز قوعامىنداعى باستى قايشىلىقتىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋىنىڭ اراسىنداعى قايشىلىققا اينالعاندىعى جونىندەگى كەلەلى ساياسي تۇجىرىم ەلىمىز قوعامىنىڭ دامۋىنداعى وبيەكتيۆ ءىس جۇزىندىكتىڭ پارتيا مەن مەملەكەتتىڭ كەلەلى باعىت - ساياساتتارىن، ۇزاق بولاشاقتىق ستراتەگياسىن بەلگىلەۋدەگى ماڭىزدى نەگىز ەكەندىگىن بەينەلەپ بەردى. پارتيا ۋستاۆىنا وسى نەگىزدە سايكەستى وزگەرىستەر ەنگىزىلىپ، ەلىمىز دامۋىنىڭ تىڭ تاريحي ورنى مەن تىڭ كەزەڭدىك ەرەكشەلىگىن يگەرىپ، پارتيا مەن مەملەكەت ىستەرىن اناعۇرلىم ويداعىداي ىلگەرىلەتۋىمىز ءۇشىن ايقىن باعدار كورسەتىپ بەردى.
  قۇرىلتاي بىلاي دەپ قارادى: حالىقتى وزەك ەتكەن دامۋ يدەياسىنان جازباي، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، ورتاق يگىلىككە كەنەلەتىن دامۋ ۇستانىمىنا تاباندى بولىپ، جاپپاي دوڭگەلەك داۋلەتتى قوعام قۇرىپ شىعۋدى، رەفورمانى جاپپاي تەرەڭدەتۋدى، ەلدى جاپپاي زاڭمەن باسقارۋدى، پارتيانى جاپپاي قاتاڭ باسقارۋدى سايكەستى ىلگەرىلەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋ پارتيامىزدىڭ جۇڭگوشا سوتسياليزمگە تاباندى بولۋداعى جانە دامىتۋداعى ءتۇبىرلى ماقساتىن، دامۋ ۇستانىمىن، ستراتەگيالىق ورنالاستىرۋىن، ستراتەگيالىق نىساناسىن بەينەلەدى. حالىق شارۋاشىلىعىنىڭ اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋىن جەبەۋ، جۇڭگوشا سوتسياليزم ءتۇزىمىن كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ، رەفورمانى جۇيەلى، تۇتاس تۇلعالى، سايكەستى جۇرگىزۋگە اناعۇرلىم نازار اۋدارۋ قاتارلى مازمۇندار پارتيا ۋستاۆىنا ەنگىزىلدى، بۇل بۇكىل پارتيانىڭ يدەيا مەن ارەكەتتى پارتيا ورتالىق كوميتەتىنىڭ عىلمي تۇجىرىمى مەن ستراتەگيالىق ورنالاستىرۋلارى نەگىزىندە بىرلىككە كەلتىرىپ، تىڭ دامۋ ۇستانىمىن بەرىك ورناتىپ جانە امالياتتا ايگىلەپ، رەفورما مەن دامۋدا ۇزدىكسىز جاڭا جاعداي جاراتۋىنا ءتيىمدى.
  قۇرىلتاي بىلاي دەپ قارادى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جاقتارىندا كوپتەگەن جاڭا ۇستانىمداردى، جاڭا يدەيالاردى، جاڭا ستراتەگيالاردى ورتاعا قويدى. قۇرىلتاي بازاردىڭ بايلىقتى ىڭعايلاۋداعى شەشۋشى رولىن ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرۋ، قامداۋ جاعىنداعى قۇرىلىمدىق رەفورمانى ىلگەرىلەتۋ، جۇڭگوشا سوتسياليستىك زاڭمەن باسقارۋ جۇيەسىن ورناتۋ، ءماسليحات دەموكراتياسىنىڭ كەڭىنەن، كوپ جىكتى، تۇزىمدەنە دامۋىن ىلگەرىلەتۋ، سوتسياليستىك وزەكتى قۇن كوزقاراسىن جەتىلدىرۋ جانە امالياتتا ايگىلەۋ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن جاڭالاۋدى، جاسامپازدىقپەن دامىتۋدى ىلگەرىلەتىپ، توڭكەرىستىك مادەنيەتتى جالعاستىرىپ، سوتسياليستىك وزىق مادەنيەتتى دامىتىپ، مەملەكەتتىڭ مادەنيەت جۇمساق كۇشىن نىعايتۋ، يدەولوگيا قىزمەتىنە بولعان باسشىلىق ۇقىقتى مىقتى يگەرۋ، حالىق جۇرتشىلىعىن ۇزدىكسىز تابىسقا كەنەلۋ سەزىمىنە بولەۋ، قوعامدىق باسقارۋدى كۇشەيتۋ جانە وندا جاڭالىق اشۋ، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋ، «تۇنىق سۋ مەن جاسىل تاۋلار قىمباتتى بايلىق» دەيتىن كوزقاراستى كۇشەيتۋ قاتارلى مازمۇنداردى پارتيا ۋستاۆىنا ەنگىزۋدى قۇپتادى. بۇل تولىقتاۋلار بۇكىل پارتيا پارتيانىڭ نەگىزگى نازارياسىن، نەگىزگى لۋشيانىن، نەگىزگى جوباسىن اناعۇرلىم سانالى، باتىل دايەكتىلەندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتۋدە توتەنشە ماڭىزدى رولعا يە.
  قۇرىلتاي بىلاي دەپ قارادى: پارتيانىڭ 18 - قۇرىلتايىنان بەرى، شي جينپيڭ جولداس قورعانىس جانە ارميا قۇرىلىسىن، ۇلتتار ىنتىماعىن كۇشەيتۋ، «ءبىر ەل، ەكى ءتۇزىم» جانە وتاننىڭ بىرلىككە كەلۋى، بىرلىكساپ جانە ديپلوماتيالىق قىزمەت جونىندە كوپتەگەن ماڭىزدى يدەيالىق كوزقاراستارىن ورتاعا قويىپ، جۇڭگوشا ەرەكشەلىككە يە ارميانى قۇدىرەتتەندىرۋ جولىمەن جۇرۋگە، ۇلتتاردىڭ تەرەزەسى تەڭ، ىنتىماقتى، قايىرىمدى، جاراسىمدى سوتسياليستىك قاتىناسىن قورعاۋعا جانە دامىتۋعا، وتاننىڭ بىرلىككە كەلۋىن ىلگەرىلەتۋگە، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن جەبەۋگە اناعۇرلىم ايقىن باعدار كورسەتىپ بەردى. قۇرىلتاي جۇڭگو كوممۋنيستىك پارتياسىنىڭ حالىق ازاتتىق ارمياسى مەن باسقا حالىقتىق قارۋلى كۇشتەرگە بولعان شارتسىز باسشىلىعىن باتىل جالعاستىرىپ، شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، ساياسي ارميا قۇرۋعا، ارميانى رەفورما ارقىلى قۇدىرەتتەندىرۋگە، عىلىم - تەحنيكا ارقىلى گۇلدەندىرۋگە، زاڭمەن باسقارۋعا تاباندى بولىپ، پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزە الاتىن، ستيلى تاماشا حالىق ارمياسىن قۇرىپ، حالىق ازاتتىق ارمياسىنىڭ جاڭا داۋىردەگى اسكەري بورىشى مەن مىندەتىن ۇتىمدى وتەۋىن شىنايى كەپىلدەندىرۋ؛ جۇڭحۋا ۇلتتارىنىڭ ورتاق تۇلعالىق تانىمىن بەرىك ورناتۋ؛ دۇرىس ادىلەتتىلىك - مۇددە كوزقاراسىنان جازباۋ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن جەبەۋ، بىرگە اقىلداسۋ، بىرگە كوركەيتۋ، تەڭ يگىلىكتەنۋ پرينسيبىنە بويسۇنىپ، «ءبىر بەلدەۋ، ءبىر جول» قۇرىلىسىن ىلگەرىلەتۋ قاتارلى مازمۇنداردى پارتيا ۋستاۆىنا ەنگىزۋدى قۇپتادى. بۇل تولىقتاۋلار پارتيانىڭ حالىق ارمياسىنا شارتسىز باسشىلىعىن كۇشەيتىپ، قورعانىس جانە ارميا قۇرىلىسىنىڭ وسىزاماندانۋ دەڭگەيىن جوعارىلاتۋعا، ۇلتتار ىنتىماعىن كۇشەيتۋگە، ەلىمىزدىڭ اشىق ۇستالاتىن ەكونوميكاسىنىڭ دەڭگەيىن جوعارىلاتۋعا ءتيىمدى.
  قۇرىلتاي بىلاي دەپ قارادى: پارتيانىڭ 18 - قۇرىلتايىنان بەرى، پارتيامىز پارتيانى جاپپاي قاتاڭ باسقارۋدى تىڭعىلىقتى ىلگەرىلەتىپ، پارتيا قۇرىلىسىن كۇشەيتۋ جاقتارىندا جان - جاقتىلى ىزدەنىستەر جاساپ، كوپتەگەن تابىستى تاجىريبەلەر مەن كەلەلى جەتىستىكتەرگە جەتتى. ونى دەر كەزىندە پارتيا ۋستاۆىندا ايگىلەپ، بۇكىل پارتيانىڭ ورتاق ەركىنە جانە ولشەمىنە اينالدىرۋ قاجەت. قۇرىلتاي پارتيانىڭ 19 - قۇرىلتايىندا بەلگىلەنگەن پارتيا ءوزىن باسقارۋعا، ءوزىن جاپپاي قاتاڭ باسقارۋعا تاباندى بولۋ، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىق جانە پاكتىك قۇرىلىسىن كۇشەيتۋ، پارتيانىڭ ساياسي قۇرىلىسىن جەتەكشى ەتىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن وسىلاردىڭ جالپى بارىسىنا ءسىڭىرىپ، جەمقورلىققا قارسى تۇرۋ كۇرەسىن ىشكەرىلەي جۇرگىزۋ قاتارلى تالاپتاردى پارتيا ۋستاۆىنا ەنگىزۋدى، ءوزىن تازارتۋ، ءوزىن كەمەلدەندىرۋ، ءوزىن تۇلەتۋ، ورەسىن جوعارىلاتۋ قابىلەتىن ۇزدىكسىز كۇشەيتۋ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ارقىلى يدەيانى، قيمىلدى بىرلىككە كەلتىرۋ، ساياسي تانىمدى، جالپى جاعداي تانىمىن، ۇيتقى تانىمدى، ساپ تۇزەۋ تانىمىن بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاۋ، پارتيا ىشىندەگى ساياسي تۇرمىستى كۇشەيتىپ جانە ارناعا ءتۇسىرىپ، پارتيا ىشىندەگى ساياسي تۇرمىستىڭ ساياسي، داۋىرلىك، پرينسيپتىك، جاۋىنگەرلىك سيپاتىن كۇشەيتىپ، پارتيا ىشىندە بەلسەندى، اقاۋسىز ساياسي مادەنيەتتى دامىتىپ، پاك تە ءادىل تاماشا ساياسي ەكولوگيا قالىپتاستىرۋ قاتارلى مازمۇنداردى پارتيا ۋستاۆىنا ەنگىزۋدى، پارتيانى قاتاڭ باسقارۋعا، قاتاڭ جونگە سالۋعا تاباندى بولۋدىڭ پارتيا قۇرىلىسىندا باتىل ورىنداۋعا ءتيىستى نەگىزگى تالاپتاردىڭ ءبىرى ەكەندىگىن پارتيا ۋستاۆىنا ەنگىزۋدى قۇپتادى. بۇل تولىقتاۋلار پارتيا قۇرىلىسىنىڭ نىساناسىن اناعۇرلىم ايقىنداپ، قۇرىلىمىن اناعۇرلىم كەمەلدەندىرىپ، بۇكىل پارتيانىڭ پارتيا قۇرىلىسىن اناعۇرلىم عىلمي وي جەلىسى، اناعۇرلىم ۇتىمدى شارالار ارقىلى ىلگەرىلەتىپ، پارتيا قۇرىلىسىنىڭ ساپاسىن ۇزدىكسىز جوعارىلاتىپ، پارتيانىڭ ومىرشەڭدىك كۇشىن ماڭگى ساقتاۋىنا ءتيىمدى.
  قۇرىلتاي بىلاي دەپ قارادى: جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى. پارتيا، ۇكىمەت، ارميا، حالىقتىق ۇيىمدار، مادەنيەت، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى. قۇرىلتاي وسى ماڭىزدى پرينسيپتى پارتيا ۋستاۆىنا ەنگىزۋدى قۇپتادى، بۇل بۇكىل پارتيانىڭ پارتيا جونىندەگى تانىمىن نىعايتىپ، بۇكىل پارتيانىڭ يدەيالىق جاقتاعى تۇتاستىعىن، ساياسي جاقتاعى ىنتىماعىن، ارەكەت جاقتاعى بىرلىگىن جۇزەگە اسىرىپ، پارتيانىڭ جاسامپازدىق، ۇيىسقىشتىق، جاۋىنگەرلىك قۋاتىن ارتتىرىپ، پارتيانىڭ جالپى جاعدايدى مەڭگەرىپ، ءارقايسى جاقتاردى سايكەستىرۋىنە شىنايى كەپىلدىك ەتىپ، پارتيا مەن مەملەكەتتىڭ ءتۇرلى قىزمەتتەرىن ويداعىداي ىستەۋى ءۇشىن ءتۇبىرلى ساياسي كەپىلدىك ازىرلەۋىنە ءتيىمدى.
  قۇرىلتاي بىلاي دەپ قارادى: پارتيانىڭ 18 - قۇرىلتايىنان بەرگى پارتيا قىزمەتى مەن پارتيا قۇرىلىسىنىڭ تابىستى تاجىريبەلەرىن قورىتىندىلاۋ جانە قابىلداۋ ءارى ونى باس باعدارلاماعا ەنگىزىلگەن وزگەرىستەرمەن ءوزارا ۇشتاستىرۋ، پارتيا ۋستاۆىنىڭ تارماقتارىنا لايىقتى وزگەرىستەر ەنگىزۋ توتەنشە قاجەتتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن مۇقيات ۇيرەنۋ، پارتيانىڭ ساياسي ءتارتىبى مەن ساياسي قاعيداسىنا سانالى بويسۇنۋ، پارتيالىق پرينسيپتەرگە قايشى ءسوز - ارەكەتتەردى اشكەرەلەۋگە جانە تۇزەتۋگە باتىل بولۋ، سوتسياليستىك وزەكتى قۇن كوزقاراسىن باستاماشىلدىقپەن امالياتتان وتكىزۋ، جۇڭحۋا ۇلتىنىڭ ءداستۇرلى تاماشا ءمورالىن ساۋلەلەندىرۋ − قالىڭ پارتيا مۇشەلەرىنىڭ وتەۋگە ءتيىستى بورىشى؛ ساياسي ولشەمدى باستى ورىنعا قويۋ − پارتياعا مۇشە قابىلداۋدا تاباندى بولۋعا ءتيىستى ماڭىزدى پرينسيپ؛ تولىق ارالاپ شىعۋدى جۇزەگە اسىرۋ، ورتالىقتاعى ورىنداردى ارالاۋ قىزمەتىن ورىستەتۋ، قالا، اۋدانداردى ارالاپ تەكسەرۋ − ارالاۋ قىزمەتىنىڭ امالياتتىق تاجىريبەلەرىنىڭ قورىتىندىسى، وعان تاباندى بولۋ جانە دامىتۋ قاجەت؛ ورتالىق اسكەري ىستەر كوميتەتىنىڭ ءتوراعا جاۋاپتى بولۋ ءتۇزىمىن جۇرگىزۋى، ورتالىق اسكەري ىستەر كوميتەتىنىڭ ارمياداعى پارتيالىق قىزمەت پەن ساياسي قىزمەتتى باسقارۋعا جاۋاپتى بولۋى ايقىندالدى، بۇل ارميا رەفورماسىنان كەيىنگى ورتالىق اسكەري ىستەر كوميتەتىنىڭ پارتيانى باسقارۋ، پارتيانى جونگە سالۋ جاۋاپكەرلىگىن اتقارۋداعى رەال قاجەتىن بەينەلەدى؛ باس ياچەيكا القاسىنىڭ، ياچەيكا القاسىنىڭ ءار كەزەگىنىڭ مىندەت وتەۋ مەرزىمىن رەتتەۋ، «ەكىنى ۇيرەنىپ، بىردە تولىمدى بولۋ» ۇيرەنۋ - تاربيە قيمىلىن قالىپقا ءتۇسىرۋدى، تۇزىمدەندىرۋدى ىلگەرىلەتۋ، مەملەكەت مەنشىگىندەگى كاسىپورىنداردىڭ پارتيا ۇيىمىنىڭ ورنى مەن رولىن ايقىنداۋ، پارتيانىڭ قوعامدىق ۇيىمدارداعى نەگىزگى ساتى ۇيىمدارىنىڭ فۋنكتسيالىق ورنى مەن قىزمەت مىندەتى جونىندەگى مازمۇنداردى قوسۋ، پارتيانىڭ پارتيا مەن مەملەكەت ورگاندارىنداعى نەگىزگى ساتى ۇيىمدارىنىڭ مىندەتىن ايقىنداۋ، پارتيا ياچەيكاسىنىڭ ورنى مەن رولىن ايقىنداۋ، كادرلاردى تاڭداپ ءوسىرۋ شارتىن جانە تالابىن تولىقتاۋ، پارتيا ءتارتىبى، پارتيانىڭ ءتارتىپ تەكسەرۋ ورگاندارى دەگەن ءبولىمنىڭ قاتىستى مازمۇندارىن رەتتەۋ جانە تولىقتاۋ قاتارلىلاردىڭ بارلىعى پارتيانىڭ 18 - قۇرىلتايىنان بەرگى پارتيا قىزمەتى مەن پارتيا قۇرىلىسىنداعى جەتىستىكتەردىڭ شوعىرلى بەينەسى بولىپ تابىلادى. وسى مازمۇنداردى پارتيا ۋستاۆىنا ەنگىزۋ بۇكىل پارتيانىڭ پارتيانىڭ جەتەكشى يدەياسىنىڭ داۋىرمەن بىرگە العا باسۋىن يگەرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن وي - ساناسىن قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتۋىنە، نەگىزگى ساتى پارتيا ۇيىمدارىنىڭ ساياسي فۋنكتسياسىن كۇشەيتىپ، پارتيانى جاپپاي قاتاڭ باسقارۋدى ىشكەرىلەي دامىتۋىن جەبەۋگە ءتيىمدى.
  قۇرىلتاي مىنانى تالاپ ەتتى: پارتيانىڭ ءار دارەجەلى ۇيىمدارى مەن بۇكىل پارتيا مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا ۋستاۆىن اناعۇرلىم سانالى تۇردە ۇيرەنىپ، پارتيا ۋستاۆىنا بويسۇنىپ، پارتيا ۋستاۆىن دايەكتىلەندىرىپ، پارتيا ۋستاۆىن قورعاپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا ءوزىن باسقارۋعا، ءوزىن جاپپاي قاتاڭ باسقارۋعا تاباندى بولىپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە جەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تىلەگىن ورىنداۋ جولىندا كۇرەس جۇرگىزە بەرۋى كەرەك!
  (شينحۋا اگەنتتىگىنىڭ 24 - قازاندا بەيجيڭنەن بەرگەن حابارى)
  (جۇڭگو ۇلتتار ءتىل - اۋدارما مەكەمەسى اۋدارعان)

ءان الەمى

جول توسىلىپ قالدى

تۇلپارىم