جاڭا حابارلار

جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەيىك

    كەلۋ قاينارى: شينجياڭ گازەتى    2017-10-25 19:33:08  

−جۇڭگو كوممۋنيستىك پارتياسى مەملەكەتتىك 19-قۇرىلتايىنىڭ جەڭىسپەن جابىلعانىن قىزۋ قۇتتىقتايمىز
حالىق گازەتىنىڭ باس ماقالاسى

  جاڭا يدەيا جاڭا داۋىرگە جەتەكشىلىك ەتىپ، جاڭا بورىش جاڭا ساپارعا باستادى، جۇڭگو كوممۋنيستىك پارتياسىنىڭ مەملەكەتتىڭ 19 - قۇرىلتايى ءتۇرلى كەڭەستىك تارتىپتەرى مەن اسقاق بورىشىن تولىق ورىنداپ، بەيجيڭدە جەڭىسپەن جابىلدى. پارتيامىز ەشقاشان دا مويىمايتىن رۋحاني كۇيمەن جانە العان بەتىنەن قايتپايتىن كۇرەسكەرلىك بەينەمەن جاڭا داۋىردەگى جۇڭگوشا سوتسياليزمنىڭ ۇلى جەڭىسىنە جەتۋدىڭ اتويلاپ العا باسۋ دابىلىن قاقتى.
  پارتيا 19 - قۇرىلتايى جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىس كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى مەزگىلدە اشىلعان اسا ماڭىزدى قۇرىلتاي بولدى. قۇرىلتاي شي جينپيڭ جولداستىڭ پارتيا 18 - كەزەكتى ورتالىق كوميتەتى اتىنان جاساعان بايانداماسىن بەكىتتى، ورتالىق ءتارتىپ تەكسەرۋ كوميتەتىنىڭ قىزمەتىنەن باياندامانى بەكىتتى، «جۇڭگو كوممۋنيستىك پارتياسىنىڭ ۋستاۆىن (وزگەرىس ەنگىزىلگەن جوبا)» قاراپ ماقۇلداپ، جاڭا كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىن سايلادى. بۇل ىنتىماق قۇرىلتايى، جەڭىس قۇرىلتايى، جىگەرلەنە العا باسۋ قۇرىلتايى بولدى، بۇل پارتيامىز بەن مەملەكەتىمىزدىڭ دامۋ ۇردىسىندە ايرىقشا ماڭىزدى تاريحي مانگە يە.
  قۇرىلتاي شي جينپيڭ جولداس جاساعان بايانداماعا جوعارى باعا بەردى. بايانداما جۇڭگوشا سوتسياليزم ۇلى تۋىن بيىك ۇستاپ، پارتيا 18 - قۇرىلتايىنان بەرگى پارتيا مەن مەملەكەت ىستەرىندەگى تاريحي سيپاتتى وزگەرىستەردى قورىتىندىلاپ، جۇڭگوشا سوتسياليزم جاڭا داۋىرگە ءوتتى، ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى دەگەن سياقتى ماڭىزدى ساياسي تۇجىرىمدار جاساپ، جاڭا داۋىردەگى جۇڭگوشا سوتسياليزم يدەياسىن جۇيەلى تۇردە بايىمداپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋدىڭ نەگىزگى جالپى جوباسىن ايقىن ورتاعا قويىپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جونىندەگى ءبىرقاتار كەلەلى نازاريالىق، امالياتتىق ماسەلەلەرگە ىشكەرىلەي جاۋاپ بەرىپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ جونىندە جان - جاقتى ورنالاستىرۋ جاسادى. ۋاكىلدەر ءبىر اۋىزدان بىلاي دەپ قارادى: بۇل تۋ ۇستاعان، باعدار كورسەتكەن، جالپى جوباسى ايقىندالعان، جوبا - جوسپار كەسكىندەلگەن جاقسى بايانداما، نۇر - شۇعىلالى ماركستىك باعدارنامالىق حۇجات، پارتيامىزدىڭ جاڭا داۋىرگە ءوتىپ، جاڭا ساپارعا قادام تاستاپ، جاڭا داستان جازاتىن ساياسي جارناماسى جانە ارەكەت باعدارناماسى بولدى.
  قۇرىلتاي پارتيا 18 - كەزەكتى ورتالىق كوميتەتىنىڭ قىزمەتىنە جوعارى باعا بەردى، پارتيا 18 - قۇرىلتايىنان بەرى، پارتيامىزدىڭ حالىققا باسشىلىق ەتە وتىرىپ باستان كەشكەن ايرىقشا كۇرەس بارىسىنا جوعارى باعا بەردى. 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وراسان زور ساياسي باتىلدىقپەن جانە كۇشتى جاۋاپكەرشىلىكپەن ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى ورتا قويىپ، ءبىر قىدىرۋ ماڭىزدى باعىت - ساياساتتاردى جولعا قويىپ، ءبىر قىدىرۋ كەلەلى شارالار شىعارىپ، ءبىر قاتار ەلەۋلى قىزمەتتەردى ىلگەرىلەتىپ، ۇزاقتان بەرى شەشۋدى ويعا العان، ءبىراق شەشىلمەي كەلگەن كوپتەگەن قيىن ماسەلەلەردى شەشىپ، بۇرىن ىستەۋدى ويعا العان، ءبىراق ىستەلمەي كەلگەن كوپتەگەن ءىرى ىستەردى تىندىردى. 5 جىلدان بەرى، پارتيا مەن مەملەكەت ىستەرىندە تاريحي سيپاتتى وزگەرىس تۋىلىپ، تاريحي جەتىستىكتەر قولعا كەلدى، بۇل پارتيامىزدىڭ تاريحىندا، جۇڭحۋا حالىق رەسپۋبليكاسىنىڭ تاريحىندا، جۇڭحۋا ۇلتىنىڭ تاريحىندا بەلەستىك ءمان الادى.
  «جۇڭگوشا سوتسياليزم جاڭا داۋىرگە ءوتتى»، بۇل پارتيا 19 - قۇرىلتايىنىڭ ەلىمىز دامۋىنىڭ جاڭا تاريحي بەلەسى جونىندەگى عىلمي تۇجىرىمى، سونداي - اق پارتيا 19 - قۇرىلتايى بايانداماسىنىڭ ءون - بويىنا ساباقتاستىرىلعان نەگىزگى جەلى. جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ ءۇشىن، جاڭا ءداۋىردىڭ كەلەلى ءمانى مەن باي مازمۇنىن تەرەڭ تانۋ، جاڭا داۋىردەگى ەلىمىز قوعامىنداعى باستى قايشىلىقتىڭ تاريحي سيپاتتى وزگەرىسىن ىشكەرىلەي تانۋ، سول ارقىلى پارتيامىزدىڭ جاڭا داۋىردەگى تاريحي بورىشىن مىقتى يگەرىپ، ۇلى كۇرەستى ءتىپتى دە ويداعىداي جۇرگىزىپ، ۇلى ينجەنەريا جۇرگىزىپ، ۇلى ءىستى ىلگەرىلەتىپ، ۇلى ارماندى جۇزەگە اسىرىپ، جاڭا داۋىردەگى جۇڭگوشا سوتسياليزمنىڭ ۇلى امالياتى بارىسىندا، پارتيانىڭ پارمەندى باسشىلىعى مەن قاجىماس كۇرەسى ارقىلى بۇكىل جۇڭحۋا پەرزەنتتەرىن ۇزدىكسىز العا باسۋعا جىگەرلەندىرىپ، ءبىر نيەتپەن جۇڭگو ارمانىن جۇزەگە اسىرۋدىڭ قۋاتتى كۇشىن توپتاۋ كەرەك.
  شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزمنىڭ نەگىزگى قاعيدالارىن جۇڭگونىڭ ناقتى امالياتتىق جاعدايىمەن بىرلەستىرۋدەگى تاعى ءبىر رەتكى سەكىرۋ، سونداي - اق پارتيا 19 - قۇرىلتايى بايانداماسىنىڭ ءون - بويىنا ساباقتاستىرىلعان رۋح. «سەگىزدى ايقىنداپ بەرۋدەن» «14 تاباندى بولۋعا» دەيىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى قالاي دامىتۋ سىندى كەلەلى داۋىرلىك تاقىرىپقا جۇيەلى تۇردە جاۋاپ بەردى، سونىمەن بىرگە جاڭا اماليات نەگىزىندە پارتيا مەن مەملەكەت ىستەرىنىڭ ءار جاعىنا نازاريالىق تالداۋ جاسادى جانە ساياساتتىق جاقتان جەتەكشىلىك ەتتى، ول بۇكىل پارتيانىڭ، بۇكىل ەلدەگى ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن كۇرەسۋىنىڭ ارەكەت قىبلاناماسى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن پارتيا، ءسوز جوق، ۇزاق ۋاقىت تاباندى بولاتىن جەتەكشى يدەيا ەتىپ بەلگىلەۋ پارتيانىڭ جەتەكشى يدەياسىنىڭ تاعى ءبىر رەت داۋىرمەن بىرگە العا باسۋى سانالادى، بۇكىل پارتيا ونىڭ رۋحاني ءمانى مەن باي مازمۇنىن تەرەڭ ءتۇسىنۋى، ءتۇرلى قىزمەتتەردە ونى جان - جاقتى، ءدال دايەكتىلەندىرۋى، تياناقتاندىرۋى كەرەك.
  پارتيا 19 - قۇرىلتايىنان پارتيا 20 - قۇرىلتايىنا دەيىنگى مەزگىل «قوس 100 جىلدىق» كۇرەس نىساناسىنىڭ تاريحي توعىسۋ مەزگىلى بولماق. ءدال وسىنداي شەشۋشى مەزگىلدە، پارتيا 19 - قۇرىلتايى جاڭا داۋىردەگى جۇڭگوشا سوتسياليزمنىڭ دامۋى جونىندە جاڭا ستراتەگيالىق ورنالاستىرۋ جاسادى. 1 - ساتىدا، 2020 - جىلدان 2035 - جىلعا دەيىن، جاپپاي دوڭگەلەك داۋلەتتى قوعامدى قۇرىپ شىعۋ نەگىزىندە، سوتسياليستىك وسىزامانداندىرۋ نەگىزىنەن جۇزەگە اسىرىلادى؛ 2 - ساتىدا، 2035 - جىلدان وسى عاسىردىڭ ورتاسىنا دەيىن، ەلىمىز باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىلادى. بۇل ستراتەگيالىق ورنالاستىرۋ پارتيامىزدىڭ بۇكىل ەلدەگى ءار ۇلت حالقىن باستاپ، اۋەلدە بەلگىلەنگەن ەكىنشى 100 جىلدىق نىسانانى مەرزىمىنەن 15 جىل بۇرىن ورىنداپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى جاڭا كارتيناسىن جاساۋ قابىلەتىنە يە ەكەنىن كورسەتتى. تاريح تاباندىلارمەن، العاباسارلارمەن، كۇرەسكەرلەرمەن عانا ساناسادى، جاپپاي دوڭگەلەك داۋلەتتى قوعام قۇرىپ شىعۋدان وسىزامانداندىرۋدى نەگىزىنەن جۇزەگە اسىرعانعا دەيىن، ودان جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىققانعا دەيىن، ءبىز قاجىماس قايسارلىق كورسەتىپ، تاباندىلىقپەن العا باسىپ، سوتسياليستىك وسىزامانداندىرۋ جاڭا ساپارىنىڭ ايبىندى داستانىن كۇش سالا جازۋىمىز كەرەك.
  تاريح جۇڭگو كوممۋنيستىك پارتياسىنىڭ باسشىلىعى بولماسا، ۇلتتىڭ گۇلدەنۋىنىڭ بوس قيال ەكەنىن دالەلدەدى ءارى ۇزدىكسىز دالەلدەي بەرمەك. پارتيا 18 - قۇرىلتايىنان بەرى، پارتيامىز توڭكەرىستىك شىڭدالۋ بارىسىندا ءتىپتى دە قۇدىرەتتەنە ءتۇسىپ، تىڭ، قۇدىرەتتى، جاندى ومىرشەڭدىك كۇش تۋىنداتىپ، پارتيا مەن مەملەكەت ىستەرىنىڭ دامۋى ءۇشىن پارمەندى ساياسي كەپىلمەن قامدادى. بۇگىنگى تاڭدا، جۇڭگوشا سوتسياليزم جاڭا داۋىرگە ءوتتى، پارتيامىزدا جاڭا بەينە، جاڭا ىسكەرلىك بولۋ ءۇشىن، ءسوز جوق، جاڭا داۋىردەگى پارتيا قۇرىلىسىنىڭ جالپىلىق تالابى بويىنشا، پارتيانى قاشاندا ءداۋىردىڭ الدىڭعى لەگىندە جۇرەتىن، حالىق بۇقاراسى شىن جۇرەكتەن قولدايتىن، ءوز - وزىنە باتىلدىقپەن توڭكەرىس جۇرگىزەتىن، ءتۇرلى داۋىل - تولقىندار مەن سىن - سىناقتاردان وتە الاتىن، ارىندى دا الىمدى ماركستىك بيلىك باسىنداعى پارتيا ەتىپ قۇرىپ شىعىپ، پارتيانىڭ دۇنيە ءجۇزى جاعدايىنىڭ تەرەڭ وزگەرىسى سىندى تاريحي ۇردىستە قاشاندا ءداۋىردىڭ الدىڭعى لەگىندە جۇرۋىنە، ەل ءىشى - سىرتىنداعى ءتۇرلى حاۋىپ - قاتەرلەر مەن سىن - سىناقتارعا توتەپ بەرۋدىڭ تاريحي ۇردىسىندە قاشاندا بۇكىل ەل حالقىنىڭ وزەگى بولۋىنا، جۇڭگوشا سوتسياليزمگە تاباندى بولۋ جانە ونى دامىتۋدىڭ تاريحي ۇردىسىندە قاشاندا پارمەندى باسشىلىق ۇيتقى بولۋىنا كەپىلدىك ەتۋ كەرەك.
  اۋەلگى ماقساتتى ۇمىتپاي، بورىشتى ەستە بەرىك ساقتاۋ كەرەك. قازىر ءبىزدىڭ الدىمىزعا قويىلعان باستى ساياسي مىندەت − پارتيا 19 - قۇرىلتايىنىڭ رۋحىن مۇقيات ۇيرەنۋ، دايەكتىلەندىرۋ، يدەيا مەن ارەكەتتى پارتيا 19 - قۇرىلتايىنىڭ رۋحىمەن بىرلىككە كەلتىرۋ، اقىل - پاراسات پەن كۇش - قۋاتتى پارتيا 19 - قۇرىلتايىندا ورتاعا قويىلعان ءتۇرلى مىندەتتەردى تياناقتاندىرۋعا شوعىرلاندىرۋ. بۇكىل پارتيا، ءسوز جوق، قاجىرلىلىقپەن كۇرەس جۇرگىزۋ، داندايسۋدان، ۇشقالاقتىقتان اۋلاق بولۋ ستيلىن ساقتاپ، پارتيانىڭ حالىق بۇقاراسىمەن ەتەنە بايلانىسىن ساقتاپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، ۋاقىت كۇتىپ تۇرمايدى دەيتىن رۋحپەن جاڭا داۋىردەگى ۇزاق ساپاردى جىگەرلەنە جاقسى باسىپ، جۇڭحۋا ۇلتىنىڭ ۇلى گۇلدەنۋىنىڭ ءتىپتى دە جارقىن بولاشاعىن ۇزدىكسىز اشۋ كەرەك.
  جۇڭحۋا ۇلتى تالاي قيىننان، سانسىز سىننان وتكەن، قايىسپاس قايسار ۇلى ۇلت، جۇڭگو حالقى ەڭبەكشىل، ەر جۇرەك، ءوزىن تىنباي الۋەتتەندىرەتىن ۇلى حالىق، جۇڭگو كوممۋنيستىك پارتياسى باتىلدىقپەن كۇرەس جۇرگىزەتىن، باتىلدىقپەن جەڭىسكە جەتەتىن ۇلى پارتيا. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، جىگەرلەنە العا ۇمتىلىپ، شوگەلدىلىكپەن ىستەپ، وسىزامانداندىرۋ قۇرىلىسىن ىلگەرىلەتۋ، وتاننىڭ بىرلىككە كەلۋىن ورىنداۋ، دۇنيە ءجۇزىنىڭ بەيبىتشىلىگىن قورعاۋ مەن بىرگە دامۋدى جەبەۋ سىندى 3 ۇلكەن تاريحي مىندەتتى جۇزەگە اسىرۋ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تالپىنىس - تىلەگىن جۇزەگە اسىرۋ جولىندا ۇزدىكسىز كۇرەس جۇرگىزەيىك!
  (شينحۋا اگەنتتىگىنىڭ 24 - قازاندا بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە