جاڭا حابارلار

شينجياڭ جەمىس كاسىبى توبى بۇرىنعىدان دا كوپ شينجياڭدىق ەرەكشەلىككە يە اۋىل شارۋاشىلىق ونىمدەرىن بۇكىل دۇنيەگە تانىتتى

    كەلۋ قاينارى: شينجياڭ حالىق راديو ىستانسياسى    2017-10-26 13:31:25  
ستانسيامىزدىڭ تىلشىلەرى لي لۇڭ، حى فەي، چيۋ جين، ءلان تيانداردىڭ وسى جونىندەگى حابارىن تىڭداڭىزدار: 2014-جىلى ساۋىردە، باس شۋجي شي جينپيڭنىڭ شينجياڭدا تەكسەرۋ-زەرتتەۋ جۇرگىزگەندە، شينجياڭ جەمىس كاسىبى توبى شەكتى جارنا سەرىكتەستىگىنە بارىپ، شينجياڭنىڭ ەرەكشە اۋىل شارۋاشىلىق ونىمدەرىن مانەرلەۋ، ساتۋ، زات اينالىمى جاعدايىن ۇعىسقان بولاتىن. ول كوپشىلىكتى شينجياڭدى تياناق ەتىپ، دۇنيەگە نازار سالىپ، زات اينالىمى، زات ساتۋ جۇمىستارىن جاقسى سىتەپ، شينجياڭنىڭ ەرەكشە بايلىعىن اناعۇرلىم ويداعىداي اشۋعا شابىتتاندىرعان ەدى. بۇگىنگى كۇندە، شينجياڭنىڭ جەمىس كاسىبى توبى «ءبىر بەلدەۋ، ءبىر جول» تاريحي ورايىن مىقتى يگەرىپ، توراپ عىلىم-تەحنيكاسىنان پايدالانىپ، «دوستىق شەڭبەرىن» ۇزبەي كەڭەيتىپ، بۇرىنعىدان دا كوپ شينجياڭدىق ەرەكشەلىككە اۋىل شارۋاشىلىق ونىمدەرىن بۇكىل ەلگە، دۇنيەگە تانىتتى.
باس شۋجي كورمە تەكشەمىزگە كەلگەندە ەڭ اۋەلى، اعاشتاعى ورىك قاعىنان، بادامنان ءدام تاتىپ كورىپ: «شينجياڭدىقتار باقىتتى عوي، ۇنەمى وسىنداي جەمىستەرى جەيدى»،-دەدى.
شينجياڭ جەمىس كاسىبى توبى «داتاڭ» جىبەك جولى ەلەكتروندى ساۋدا شەكتى جارنا سەرىكتەستىگىنىڭ اتقارۋشى القاسى ياڭ يۇڭشياڭ باس شۋجيدىڭ سەرىكتەستىككە تەكسەرۋ، زەرتتەۋگە بارعانداعى جاعدايدى قازىرگە دەيىن ەسىنەن شىعارماپتى، ول بىلاي دەدى: 3 جىل ءوتىپتى، سەرىكتەستىگىمىز باس شۋجيدىڭ تالاپتارى بويىنشا، شينجياڭنىڭ ەرەكشە اۋىل شارۋاشىلىق ونىمدەرىن بۇرىنعىدان دا كوپ جەرلەرگە جالپىلاستىردى، عالامتور سىندى شەكسىز سالا ونىمدىلىگىنەن پايدالانىپ، بىلتىر اليبابا سەرىكتەستىگىمەن تۇڭعىش رەت سەلبەسىپ، 5-كەزەكتى ازيا-ەۆروپا كورمەسىن توراپقا شىعاردىق، وسى تەكشە ارقىلى جىبەك جولى بويىنداعى 14 ەلدىڭ تاۋارلارىن جيدىق، اليبابا تەكشەسىنىڭ ارقاسىندا بىلتىر جالپى قيمىلداعى ساتىلىمىمىز 30 ميلليون يۋاننان استى.
ياڭ يۇڭشياڭ، 19-قۇرىلتاي بايانداماسىندا بىرگە اقىلداسۋ، بىرگە كوركەيتۋ، بىرگە يگىلىكتەنۋ پرينسىبىنە قاتاڭ بويسىنىپ، شىعىس باتىس ەكى باعىتتا ءوزارا ءبىر-بىرىنە قولعابىس ەتۋ سىندى ەسىك اشۋ جاعدايىن قالىپتاستىرۋ العا قويىلدى. سەرىكتەستىگىمىز بۇل جاعىندا دا جاڭا جوسپارلار جاساپ وتىر دەي كەلىپ: «ءبىز 19-قۇرىلتاي بايانداماسىمەن بىرلەستىرىپ، شينجياڭنىڭ ەرەكشە اۋىل شارۋاشىلىق ونىمدەرىن تۇتىنۋ بازارىنا ويداعىداي جالپىلاستىرىپ، وسى ونىمدەردى سىرتقا تانىستىرىپ، كاسىپتى دامىتقاندا عانا ديحانداردىڭ كىرىسىن مولايتا الامىز. 10-قاراشادان 14-قاراشاعا دەيىن، ءبىزدىڭ جەتەكشىلىگىمىزدەگى شينجياڭنىڭ اۋىل شارۋاشىلىق ونىمدەرىن تانىستىرۋ كورمەسى بەيجيڭ مەن گۋاڭجوۋدا اشىلادى، سونىمەن قاتار، اليبابا سەرىكتەستىگىمەن سەلبەسكەن 4-كەزەكتى شينجياڭ تورابى اۋىل شارۋاشىلىق ونىمدەرىن تانىستىرۋ قيمىلى دا وتكىزىلەدى، بۇل باس شۋجي ايتقان سەلبەستىك ارقىلى ورتاق جەڭىسكە جەتۋدى جۇزەگە اسىرۋدىڭ ءبىر باعىتى بولماق»،-دەدى.

بەرىپ كەت ورامالىڭدى

دوستار

الىستاعى اق ەركە