جاڭا حابارلار

بۇكىل شينجياڭنىڭ جەر-جەرىندەگى ءار ۇلت كادرلارى مەن بۇقارا پارتيا 19-قۇرىلتايى رۋحىن مۇقيات ۇيرەندى

    كەلۋ قاينارى: شينجياڭ حالىق راديو ىستانسياسى    2017-10-26 13:37:04  

وسى جونىندەگى جيناق حاباردى تىڭداڭىزدار: بىرنەشە كۇننەن بەرى، رايونىمىزداعى قالىڭ پارتيالى كادرلار مەن بۇقارا پارتيا 19-قۇرىلتايىنىڭ بايانداماسىن مۇقيات ۇيرەنىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، جاڭا داۋىردە جاڭا بەينەمەن اناعۇرلىم تىڭ جۇمىستاردى ىستەيتىندىكتەرىن ايتتى.
پارتيا 19-قۇرىلتايىنىڭ بايانداماسىندا، ەكولوگيالىق وركەنيەت ءتۇزىلىسى رەفورماسىن جەدەلدەتىپ، كوركەم جۇڭگو قۇرۋ كەرەكتىگى العا قويىلدى. كەڭسەسىندە 19-قۇرىلتاي بايانداماسىنىڭ رۋحىن ۇيرەنىپ جاتقان اۆتونوميالى رايوندىق قورشاعان ورتانى قورعاۋ مەڭگەرمەسى قورشاعان ورتاعا جاسايتىن ىقپالدى باعالاۋ باسقارماسىنىڭ ورىنباسار باستىعى ۋاڭ شين بىلاي دەدى: «ءبىز جاسىل دامۋ تانىمىن ىلگەرىلەتۋگە تاباندى بولىپ، نىساندى جوبالاۋ مەن جۇرگىزۋدىڭ قورشاعان ورتاعا جاسايتىن ىقپالىن جوعارى جوبالاۋدى قاتاڭ مەڭگەرىپ، الدىن الا ساقتانۋ وتكەلەگىن مىقتى يگەرەمىز. جىل باسىنان قازىرگە دەيىن، 34 نىسانعا قايتارۋ نەمەسە بەكىتبەۋ ۇيعارىمىن جاسادىق، بۇدان كەيىن ءبىز ۇزدىكسىز تۋ باستان ساقتانىپ جانە وڭاپ، ‹قورشاعان ورتانى ەرەكشە لاستايتىن، ەنەرگيانى ەرەكشە سارىپ ەتەتىن، لاس زاتتاردى ەرەپايسىز شىعاراتىن› نىسانداردىڭ شينجياڭعا كىرۋىنە قاتاڭ تيىم سالۋدى بۇلجىتپاي تياناقتاندىرىپ، ەكولوگيالىق ورتانىڭ قىزىل سىزىعىن قاتاڭ ساقتاپ، جاسىل دامۋدى ىلگەرىلەتىپ، قورشاعان ورتا قاتەرىنەن ساقتانىپ تىزگىندەۋدى كۇشەيتىپ، قورشاعان ورتانى باعالاۋ مەن لاس زاتتاردى شىعارۋعا رۋحسات ەتۋدى ءونىمدى ۇشتاستىرامىز».
تاياۋدا، اۆتونوميالى رايوندىق مال شارۋاشىلىعى مەڭگەرمەسى 200 دەن ارتىق پارتيالى كادردى پارتيا 19-قۇرىلتايىنىڭ بايانداماسىن ۇيرەنۋگە ۇيىمداستىردى. اۆتونوميالى رايوندىق مال شارۋاشىلىعى مەڭگەرمەسى جايىلىم باسقارماسىنىڭ ورىنباسار باستىعى يان كاي بىلاي دەدى: «بۇدان كەيىنگى ءبىر مەزەتتە، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، شينجياڭ قىزمەتىنىڭ باس نىساناسىن تىعىز ارقاۋ ەتىپ، ءمولدىر سۋ، جاسىل تاۋدىڭ ءوزى بايلىق، تاۋى، سۋى، ورمانى، اتىزى، كولى، جايىلىمى بار تىرشىلىك ورتاق تۇلعاسى تانىمىن بەرىك ورناتىپ، شينجياڭداعى مالشىلاردىڭ وتىرىقتانۋىن، ەڭبەككۇشتەردى باسقا سالادا جۇمىسقا ورنالاستىرۋدى، مال شارۋاشىلىعى كاسىبىنىڭ دامۋىن، كەدەيلىكتەن قۇتىلدىرۋدان قامال الۋدى ىلگەرىلەتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ ءۇشىن كاسىپ جاعىندا ويداعىداي قىزمەت ەتەمىز».
اۆتونوميالى رايوندىق ايەلدەر بىرلەستىگى پارتگرۋپپاسىنىڭ شۋجيى حوۋ حانمين، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدە، ايەلدەر قاۋىمىنىڭ جارتى الەمدىك رولىن ساۋلەلەندىرەتىنىن ايتا كەلىپ بىلاي دەدى: «ءبىز قازىر ايەلدەر قاۋىمىن، وتە-موتە وڭتۇستىك شينجياڭداعى ايەلدەر قاۋىمىن وت باسى، وشاق قاسىنان شىعىپ، زاۆوتتارعا بارۋعا اتتانىسقا كەلتىرەمىز، نىسان ارقىلى جەتەكشىلىك ەتىپ، وڭتۇستىك شينجياڭداعى ايەلدەردىڭ تۇرعان جەرىندە، ماڭىندا جۇمىسقا ورنالاسۋىن جەبەيمىز؛ ەندى ءبىرى شەبەرلىككە تاربيەلەيمىز، ولار بەلگىلى شەبەرلىكتى يگەرگەندە عانا جۇمىسقا ورنالاسۋ مۇمكىندىگىنە يە بولادى، جۇمىسقا ورنالاسقاننان كەيىن كەدەيلىكتەن قۇتىلۋ ماقساتىنا جەتەدى».
اۆتونوميالى رايوندىق تالداۋ جاساۋ سىناق جۇرگىزۋ زەرتتەۋ ورنى بايلىق ماتەريالى مەكەمەسىنىڭ تەكسەرۋ بولمەسىندە، تاجىريبە جاساۋشى گۇلباھار احمەت، ۇستا رۋحىن ساۋلەلەندىرىپ، جۇمىسقا توسەلە تۇسەتىنىن ايتا كەلىپ بىلاي دەدى: «قازىردەن باستاپ ەلىمىز جاڭا داۋىرگە قادام تاستادى، ءبىز دە تىڭ ساپاردى باستادىق، بۇدان كەيىن ءبىز كوتەرىڭكى قىزمەت ىنتاسىن ساقتاپ، پارتيا مۇشەلەرىنىڭ جەتەكشى رولىن ساۋلەلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، شينجياڭداعى ءار ۇلت بۇقاراسىنىڭ تۇرمىس ساپاسىن جوعارىلاتۋ ءۇشىن قۇلشىنامىز».
اۆتونوميالى رايوندىق ەمدەۋ دەنساۋلىق ساقتاۋ ءتۇزىلىسى رەفورماسىن تەرەڭدەتۋ باسشىلىق گرۋپپاسى كەڭسەسىنىڭ زەرتتەۋشىسى لي لينيۇي، الداعى كەزەكتە پارتيا 19-قۇرىلتايىنىڭ بايانداماسىندا العا قويىلعان «ەمدەۋ دەنساۋلىق ساقتاۋ ءتۇزىلىسى رەفورماسىن تەرەڭدەتۋدىڭ» مازمۇنىنا ۇشتاستىرىپ، رەفورما قادامىن جەدەلدەتەتىنىن ايتا كەلىپ بىلاي دەدى: «الدا ءبىز تاعى 19-قۇرىلتايدىڭ بايانداماسىن ارقاۋ ەتىپ، جىل سوڭىنان بۇرىن وسىزامانعى شيپاحانانى باسقارۋ ءتۇزىمىن ورناتىپ، شيپاحانا رەفورماسىن ۇكىمەتتىڭ ەمدەۋ جاۋاپكەرلىگىن اناعۇرلىم ايقىنداۋ جانە شيپاحانانىڭ دەربەس دامۋىن جىڭىشكەلەپ باسقارۋ بويىنشا جۇرگىزەمىز. شيپاحانانىڭ شيپاگەرلەرىن اناعۇرلىم جاۋاپكەرلىككە، اناعۇرلىم تيىمدىلىككە يە بولۋ سەزىمىنە كەنەلتىپ، ناۋقاستارعا ناۋقاس تەكسەرتۋدەگى اناعۇرلىم قولايلىلىقتاردى سەزىندىرىپ، ناۋقاس تەكسەرىپ، ەمدەۋ جاعىندا اناعۇرلىم ءونىمدى قىزمەت وتەيمىز».
19-قۇرىلتايدىڭ بايانداماسى شينجياڭ قوعام حاۋىپسىزدىگى شەكارا قورعانىسى باس اترەتى قاشقار شەكارا قورعانىس تارماق اترەتىنىڭ وفيتسەرلەرى مەن اسكەرلەرى اراسىندا كۇشتى اڭىس قوزعادى. قاشقار شەكارا قورعانىس تارماق اترەتى ۇگىت ءبولىمىنىڭ باستىعى جاۋ يىنجاۋ بىلاي دەدى: «ءتوراعا شي جينپيڭ 19-قۇرىلتاي بايانداماسىندا ‹جۇڭگوشا سوتسياليزم ارقىلى ارميانى قۇدىرەتتەندىرۋ جولىمەن جۇرۋگە تاباندى بولىپ، مەملەكەت قورعانىسى مەن اسكەري ءبولىمدى وسىزامانداندىرۋدى جاپپاي ىلگەرىلەتۋدى› بايىمدادى، وتە-موتە باياندامادا ‹ارميانى بۇكىل قوعام قۇرمەتتەيتىن كاسىپ ەتۋ كەرەك› دەپ ايقىن اتاپ كورسەتۋى ءبىزدى ەرەكشە جەلپىندىردى، بۇل جالپى قوعام بولىپ ارميانىڭ قۇنىنا دەگەن مۇراتتاستىعىن بەينەلەپ، ءبىزدىڭ قىزمەت ىنتامىز بەن بەلسەندىلىگىمىزدى بارىنشا قوزعادى».
سونىمەن بىرگە، تيانشاننىڭ تۇستىگى مەن تەرىستىگىندە، رايونىمىزدىڭ جەر-جەرىندە 19-قۇرىلتاي بايانداماسىن ۇيرەنۋ قىزۋ ورلەۋى كوتەرىلدى، كوپشىلىك: «جاڭا داۋىرگە قادام قويۋدا اناعۇرلىم تىڭ جۇمسىتار تىندىرۋىمىز كەرەك»،-دەستى.
بىرنەشە كۇننەن بەرى، رايونىمىزداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» ءار دارەجەلى قىزمەت اترەتتەرى قسىتاقتارعا بارىپ وتباسىلارىن ارالاپ، نەگىزگى ساتىداعى بۇقاراعا 19-قۇرىلتايدىڭ رۋحىن ۇگىتتەدى. جىڭ اۋداندىق پارتكوم كەڭسەسىنەن باجياۋحۋ ەگىس الاڭى اۋىل شارۋاشىلىق 16-اترەتىندە تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى جوۋ ۋي بىلاي دەدى: قازىر، باجياحۋ ەگىس الاڭى اۋىل شارۋاشىلىق 16-اترەتى كوركەم اۋىل-قىستاق قۇرىلىسى مەن بەيقۇت ءۇي سالىپ حالىقتى اۋقاتتاندىرۋ ينجەنەرياسىن اتقارۋدا. قىزمەت اترەتى تۇرعىسىنان بۇقارامەن قارىم-قاتىناستى جانە اۋىس-كۇيىستى نىعايتىپ، بۇقارادان ۇسىنىس، پىكىر قابىلداپ، ءتۇرلى ينجەنەريالاردىڭ اياق الىسى مەن ساپاسىنا كەپىلدىك ەتىپ، ءار ۇلت بۇقاراسىنا پارتيانىڭ قامقورلىعى مەن مەيىر-شاپاعاتىن سەزىندىرۋ قاجەت. پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋ سەنىمى مەن سانالىلىعىن اناعۇرلىم بەكەمدەۋ كەرەك.
كورلا قالاسى چاۋياڭ ءمالىسىنىڭ ءماجىلىس زالىندا، قىزمەتكەر جياۋ يانرۋ بىلاي دەدى: «19-قۇرىلتايدىڭ رۋحى ارقىلى يدەيام مەن ارەكەتىمە ءبىر تۇتاس باسشىلىق جانە جەتەكشىلىك ەتەمىن، الەۋمەتتىڭ اۋماقتىڭ قىزمەتكەرى تۇرعىسىنان الداعى قىزمەتتەر بارىسىندا 19-قۇرىلتايدىڭ ۇندەۋىنە ءۇن قوسىپ، 19-قۇرىلتايدىڭ رۋحىن تياناقتاندىرامىن، بۇقارالىق قىزمەتتى، قيىنشىلىعى بار بۇقاراعا كومەكتەسۋ قىزمەتىن جاقسى ىستەيمىن، قوعام ورنىقتىلىعىن قورعاپ، ۇلتتار ىنتىماعىن كۇشەيتىپ، جاپپاي دوڭگەلەك داۋلەتتى قوعام قۇرۋعا تيەسىلى ۇلەستەر قوسامىن».
بىرنەشە كۇننەن بەرى، تۇرپان ۋىننۋان شىجيە ونەركاسىپ ساۋدا شەكتى جارنا سەرىكتەستىگى 600 جۇمىسشى-قىزمەتكەردى 19-قۇرىلتاي بايانداماسىن بىرلىكتە ۇيرەنۋگە ۇيىمداستىردى. سەرىكتەستىكتىڭ جاۋاپتىسى رازاق مامەت بىلاي دەدى: «الدا، ماڭىمداعى كوپتەگەن قىستاق تۇرعىندارىن كاسىپتەنۋ ارمانىن جۇزەگە اسىرۋعا جۇمىلدىرامىن، باس شۋجي شي جينپيڭ اۋەلگى ماقساتتى ۇمىتپاي، ۇزدىكسىز العا ىلگەرلەۋ جونىندە بىزگە باعدار كورسەتتى. اناعۇرلىم كوپ ارتىق ەڭبەككۇشتەردىڭ باسقا سالادا كاسىپتەنىپ، ەكونوميكالىق كىرىسىن ارتتىرۋىن، اناعۇرلىم كوپ ادامداردى دامۋدىڭ ناتيجەلەرىنەن يگىلىكتەندىرۋدى، جۇدىرىقتاي جۇمىلىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ جولىندا العا ىلگەرلەۋىن ءۇمىت ەتەمىن».
قاشقار جاڭا ءشار اۋدانى بارىن اۋىلى جوعارعى بارىن قىستاعى پارتيا ياچەيكاسىنىڭ شۋجيى مۇحتار مامەتيمىن بىلاي دەدى: قىستاق ياچەيكاسىنىڭ شۋجيى تۇرعىسىنان قىستاعىمىزداعى پارتيالى كادرلاردى باس شۋجيدىڭ «19-قۇرىلتايداعى» بايانداماسىنىڭ رۋحىن مۇقيات ۇيرەنۋگە، پارتيانىڭ ءتيىمدى ساياساتتارىن جالپى جۇرتقا جەتكىزىپ، نەگىزگى ساتى پارتيا ۇيىمىنىڭ شايقاس قامالىندىق رولى مەن پارتيا مۇشەلەرىنىڭ ۇزدىك، ۇلگىلىك رولىن ساۋلەلەندىرۋگە سونداي-اق، ۇلى وتانعا العىس ايتىپ، كوركەم مەكەن قۇرۋعا باستايمىن.
بىرنەشە كۇننەن بەرى، شينجياڭ تاجىريبە ورتا مەكتەبىنىڭ ورىنباسار باستىعى جاڭ حۇيلي 19-قۇرىلتايدىڭ بايانداماسىن قايتا-قايتا وقىدى، ول بىلاي دەدى: الداعى كۇندەردە، باس شۋجيدىڭ تالابى بويىنشا، اۋەلگى ماقساتتى ۇمىتپاي، بورىشتى ەستە بەرىك ساقتاپ، قانداي تالانتتىلاردى باۋلۋ، قالاي باۋلۋ سىندى وقىتۋ جاعىنداعى ءتۇبىرلى ماسەلەگە ىرىقتىلىقپەن وي جۇگىرتىپ، ونان سوڭ تۇتاس مەكتەپتىڭ كۇشىن ۇيىستىرىپ، وقۋ-اعارتۋ، وقىتۋ، ءمورال تاربيەسى، باسقارۋ جاقتارىندا مەملەكەتكە جارامدى دارىندىلار تاربيەلەپ شىعامىز.
شينجياڭ ۋنيۆەرسيتەتى ساياسي جانە الەۋمەتتىك باسقارۋ ينستيتۋى قوعامدىق عىلىم 4-جىلدىعىنىڭ وقۋشىسى ياڭ شياۋگۋان بىلاي دەدى: 19-قۇرىلتايدا «جاستار گۇلدەنسە، مەملەكەت گۇلدەنەدى، جاستار كۇشەيسە، مەملەكەت قۇدىرەتتەنەدى» دەپ العا قويىلدى. ءبىز دە ءار ءبىر جاستىڭ مۇراتتى، قابلەتتى، مىندەتتى باتىلدىقپەن ارقالايتىن جاستاردان بولۋى كەرەكتىگىن، وزدەرىنىڭ جاستىق كوكتەمىن جۇڭگو ارمانىن جۇزەگە اسىرۋعا ارناپ، وزدەرىنىڭ مۇراتىن، جۇڭگو ارمانىن جۇزەگە اسىرۋ جولىندا قاجىرلىقپەن كۇرەس جاساۋى كەرەكتىگىن جەتە تۇسىندىك.


بەرىپ كەت ورامالىڭدى

دوستار

الىستاعى اق ەركە