جاڭا حابارلار

جاڭا داۋىردە جاڭا بەينەدە بولىپ، اناعۇرلىم تىڭ جۇمىستاردى ىستەگەندە عانا جۇڭگو حالقىنىڭ تۇرمىسى جىل سايىن جاقساراتىن بولادى

    كەلۋ قاينارى: شينجياڭ حالىق راديو ىستانسياسى    2017-10-26 14:24:28  
شينحۋا اگەنتتىگىنىڭ حابارى: بۇكىل دۇنيە جۇزىنىڭ نازارى تاعى دا جۇڭگوعا اۋدارىلدى، ەندى عانا اياقتاعان ج ك پ 19-كەزەكتى ورتالىق كوميتەتىنىڭ 1-جالپى ماجىلىسىندە سايلانعان ج ك پ ورتالىق كوميتەتىنىڭ باس شۋجيى شي جينپيڭ جانە ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ 25-قازان تۇستە حالىق سارايىندا ج ك پ 19-قۇرىلتايىنا تىلشىلىك ىستەۋگە كەلگەن جۇڭگولىق، شەتەلدىك تىلشىلەرمەن ىستىق ىقىلاسپەن جۇزدەستى.
حالىق سارايىنىڭ شىعىس ۇلكەن زالىندا شىراقتار جايناپ، ەرەكشە قىزعىن بەينەگە شومدى. جۇڭگولىق، شەتەلدىك 500 دەن ارتىق ءتىلشى وسى ارادا تەلە كامەرالارىن قۇرىپ، فوتو اپپاراتتارىن الىپ ، كۋمپيۋتەرلەرىن اشىپ، ءۇن العىشتارىن ىسكە قوسىپ، جاڭا كەزەكتى ج ك پ ورتالىق كوميتەتى ساياسي بيۋروسى تۇراقتى مۇشەلەرىنىڭ توپتىق جۇزدەسۋىن بۇكىل جەر شارىنا دەر كەزىندە حابارلاۋعا ساقاداي ساي تۇردى.
ساعات 11 دەن 54 مينۋت وتكەندە،شي جينپيڭ قاتارلىلار شاتىرلاعان شاپالاق ءۇنى ىشىندە ۇلكەن زالعا كىرىپ ، كوتەرىڭكى رۋحپەن جۇزدەرىنەن كۇلكى ۇيىرىلىپ، الاڭداعى جۇڭگولىق، شەتەلدىك تىلشىلەرگە قۇرمەت ءبىلدىردى.
ج ك پ 19-قۇرىلتايىنىڭ اقپارات مالىمدەمەشىسى تۋو جىن قىسقاشا تانىستىرعاننان كەيىن، شي جينپيڭ ماڭىزدى ءسوز سويلەدى. ول اۋەلى بىلاي دەدى:
24-قازان، جوڭگو كوممۋنيستىك پارتياسىنىڭ مەملەكەتتىك 19-قۇرىلتايى جابىلدى. بۇل جولى كوپتەگەن ءتىلشى دوستار كەلدى، ولاردىڭ كەيبىرەۋى الستان كەلدى، قۇرىلتاي جايلى كوپتەگەن، جان-جاقتىلى حابار تارتاتقاندىقتارىڭىزدى ءبىلدىم، سىزدەردىڭ وسى جولعى حابارلارىڭىز كۇللى دۇنيەنىڭ نازارىن اۋداردى. جاپا شەكتىڭىزدەر. سىزدەرگە شىنايى العىسىمدى بىلدىرەمىن.
شي جينپيڭ بىلاي دەدى: قۇرىلتاي اشىلعاننان بەرى، جيىنى 165مەملەكەت ، 452 نەگىزگى ساياسي پارتيا 855 قۇتتىقتاۋ تەلەگرامماسىن، قۇتتىقتاۋ حاتىن جولدادى. سونىڭ 814 ءىن مەملەكەت باسشىسى، ۇكىمەت باسشىسى، ساياسي پارتيا مەن ماڭىزدى ۇيىم، قۇرلىمداردىڭ باسشىلارى جولداعان. وسى بايلانسپەن مەن جوڭگو كوممۋنيستىك پارتياسى ورتالىق كوميتەتى اتىنان ولارعا شىنايى العىس ايتامىن.
شي جينپيڭ مىنانى اتاپ كورسەتتى. جاڭا عانا اشىلعان ج ك پ 19-كەزەكتى ورتالىق كوميتەتتىڭ 1-جالپى ماجىلىسىندە ج ك پ ورتالىق كوميتەتىنىڭ جاڭا كەزەكتى باسشىلىق قۇرلىمى سايلاندى. جالپى ءماجىلىس مەنى ج ك پ ورتالىق كوميتەتىنىڭ باس شۋجيلىعىنا تاعى دا سايلادى. بۇل مەنىڭ ەڭبەگىمدى تۇراقتاندىرۋ، اسىرەسە، جەبەۋ جانە شابىتتاندىرۋ بولىپ تابىلادى.
شي جينپيڭ كوپشىلىككە ج ك پ ورتالىق كوميتەتى ساياسي بيۋروسىنىڭ باسقا تۇراقتى مۇشەلەرىن تانىستىرىپ بولعاننان كەيىن، جاڭا كەزەكتى ج ك پ ورتالىق كوميتەتى باسشىلىق القاسى اتىنان بۇكىل پارتياداعى جولداستاردىڭ سەنىم ارتقاندىعىنا العىس ايتىپ، قىزمەتتىڭ ۇددەسىنەن شىعىپ، قۇلشىنا قىزمەت ىستەپ، بورىشتى بۇلجىتپاي ورىنداپ، سەنىمدى اقتايتىندىقتارىن ءبىلدىردى.
شي جينپيڭ مىنانى اتاپ كورسەتتى: وتكەن بەس جىلدا قىرۋار قىزمەتتەردى ىستەدىك، كەيبىرەۋى ءتامامدالدى، كەيبىرەۋىن ءۇرتىس ىستەۋ كەرەك. پارتيا 19-قۇرىلتايىندا تاعى دا تىڭ نىسانا، تىڭ مىندەتتەر العا قويىلدى، ونى ءبىر تۇتاس مىقتى يگەرىپ، تياناقتاندىرۋىمىز كەرەك. ۇزاق ۋاقىت قۇلشىنۋ ارقىلى، جۇڭگوشا سوتسياليزم جاڭا داۋىرگە ءوتتى. جاڭا داۋىردە جاڭا بەينە، ءتىپتى دە تىندىرىمدى جۇمىستار ىستەۋىمىز كەرەك. پارتيا 19-قۇرىلتايىنان تارتىپ كەلەسى كەزەكتى پارتيانىڭ 20-قۇرىلتايىنا دەيىنگى بەس جىل قوس ءجۇز جىلدىق كۇرەس نىساناسىنىڭ تاريحي توعسۋ مەزگىلىنە تۋرا كەلەدى،ءبىرىنشى ءجۇز جىلدىق نىسانانى جۇزەگە اسىرۋ كەرەك، ەكىنشى ءجۇز جىلدىق كۇرەس نىساناسىن باستاۋ كەرەك، كەيبىر ماڭىزدى ۋاقىت ءتۇيىنىن، قىزمەت كورسەتكىشى ەتتىك.
شي جينپيڭ بىلاي دەپ باسا دارىپتەدى: 2018-جىلى ءبىز رەفورما جاساپ، ەسىك اشۋدىڭ 40 جىلدىعىن قارسى الامىز. رەفورما جاساپ، ەسىك اشۋ وسىزامانعى جوڭگونىڭ تاعدىرىن بەلگىلەيتىن شەشۋشى شاراعا اينالدى. 40 جىلدىق رەفورما جاساپ، ەسىك اشۋ ارقىلى جوڭگو حالقىنىڭ تۇرمىسىندا دوڭگەلەك داۋلەتتى قوعام قۇرۋ جۇزەگە اسىپ، بىرتىندەپ اۋقاتتانادى. ءبىز تاجىريبە-ساباقتاردى قۇرتىندىلاۋ،اۋقىمعا ساي قۇلشىنۋ، مەملەكەتتىڭ وڭاۋ جۇيەسى مەن وڭاۋ قۋاتىن وسىزامانداندىرۋدى ۇزدىكسىز ىلگەرلەتۋ،ءار جاقتا رەفورمانى تەرەڭدەتۋ، سىرتقا ەسىكتى ايقارا اشۋدان اۋىتقىماي، رەفورما مەن ەسىك اشۋدى سايكەستى ىلگەرلەتۋ ارقىلى ابزالدىلىعىن كورنەكتىلەندىرۋىمىز كەرەك. جۇڭحۋا ۇلتىنىڭ ۇلى كوركەيۋى ءسوز جوق رەفورما جاساپ، ەسىك اشۋ بارىسىندا جۇزەگە اساتىندىعىنا كامىل سەنەمىن.
شي جينپيڭ مىنانى اتاپ كورسەتتى: 2019-جىلى ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الامىز. ءبىز جاڭا دامۋ تانىمىن دايەكتىلەندىرىپ، جۇڭگو ەكونوميكاسىنىڭ ءۇرتىس، اقاۋسىز دامۋىن جەبەيمىز، جوڭگو حالقىنا جانە ءار ەل حالقىنا يگىلىك جاراتامىز. «13-بەسجىلدىق» پىلاندا بەلگىلەنگەن ءتۇرلى مىندەتتى ۇزدىكسىز تياناقتاندىرىپ، كەلەشەك دامۋ جونىندە جاڭا جوسپار جاساپ، ءتۇرلى ىستەرىمىزدىڭ جاپپاي دامۋىن جەبەيمىز، رەسپۋبليكامىزدى اناعۇرلىم كوركەيگەن، قۇدىرەتتى ەتىپ قۇرامىز.
شي جينپيڭ بىلاي دەپ باسا دارىپتەدى: 2020-جىلى جاپپاي دوڭگەلەك داۋلەتتى قوعام قۇرامىز. جاپپاي دوڭگەلەك داۋلەتتى قوعام قۇرۋدا بىردە بىرەۋىنىڭ قاعىس قالۋىنا، اۋقاتتانۋ جولىندا ەشكىمنىڭ دە قاتاردان قالۋىنا بولمايدى. بۇكىل پارتيا مەن بۇكىل ەل بويىنشا كۇش شىعارىپ، كەدەيلىكتەن قۇتىلدىرۋدان قامال الۋ مىندەتىن باتىل ادا ەتىپ، ۋادەمىزدى ورىنداۋعا كەپىلدىك ەتەمىز. حالىقتىڭ تاماشا تۇرمىسقا بولعان تالپىنىسىن ەستە بەرىك ساقتاۋ-ءبىزدىڭ كۇرەس نىسانامىز. حالىقتى نەگىز ەتكەن دامۋ يدەياسىنا تاباندى بولىپ، حالىق تۇرمىسىن قامتاماسىزداندىرۋ جانە جاقسارتۋدىڭ ءتۇرلى قىزمەتىن قۇلشىنا مىقتى يگەرىپ، حالىقتىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزدىكسىز كۇشەيتىپ،جالپى حالىقتىڭ بىرگە اۋقاتتانۋىن ءۇرتىس جەبەيمىز. جوڭگو حالقىنىڭ تۇرمىسىنىڭ جىلدان-جىلعا جاقساراتىندىعىنا كامىل سەنەمىن.
شي جينپيڭ مىنانى اتاپ كورسەتتى: 2021-جىلى جوڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الامىز، جوڭگو كوممۋنيستىك پارتياسى جۇڭحۋا ۇلتىنىڭ عاسىرلىق ۇلى ءىسىن مۇرات ەتەدى، ءجۇز جىل كەمەلىنە كەلىپ تولىسقان كەز، جوڭگو كوممۋنيستىك پارتياسى دۇنيە جۇزىندەگى ەڭ ءىرى ساياسي پارتيا، ول وزىنىڭ ۇلىلىعىن ايگىلەۋى كەرەك، اماليات جوڭگو كوممۋنيستىك پارتياسىنىڭ حالىققا باستاماشىلدىق ەتىپ ۇلى قوعامدىق توڭكەرىس، ۇلى وزىندىك توڭكەرىس جۇرگىزەتىندىگىن تولىق دالەلدەدى. ءبىز جالىندى جىگەردى ماڭگى ساقتاپ، حالىق قىزمەتكەرى، داۋىر اتويشىسى، ۇلتتىڭ تىرەگى بولۋىمىز كەرەك. پارتيانى جاپپاي قاتاڭ باسقارۋ ماڭگى جۇرگىزىلەدى، ەشقانداي تىنىستاۋ، ايالداۋ ويى بولماسىن.ءبىز پارتيانىڭ اقاۋسىز ءتۇزىلىسىن بۇلدىرەتىن بارلىق ۆيرۋستاردى الاستاپ، كىرشىكسىز ساياسي ەكولوگيا ازىرلەۋگە بارىنشا كۇش سالىپ، بۇكىل پارتيانىڭ قۇدىرەتتى وڭ ەنەرگياسىمەن بۇكىل قوعامدا جوڭگونىڭ دامۋىن، العا باسۋىن ىلگەرلەتەتىن سارقىلماس كۇش-قۋات قالپتاستىرامىز.
شي جينپيڭ بىلاي دەپ باسا دارىپتەدى: جوڭگو كوممۋنيستىك پارتياسى مەن جۇڭگو حالقى ازاپ مەن بەينەتتىڭ تاۋقىمەتىن تارتقان، بەيبىتشىلىكتىڭ قادىرىن، دامۋدىڭ قۇنىن بىلەدى، جۇڭگو حالىقى وزىنە سەنەدى،ءوزىن قادىرلەيدى، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايدى،سونىمەن بىرگە، ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى بەلسەندى ىلگەرلەتىپ، ادامزاتتىڭ بەيبىتشىلىگى مەن دامۋى سىندى ۇلى ىسكە ءتىپتى دە تىڭ، زور ۇلەس قوسادى.
شي جينپيڭ مىنانى اتاپ كورسەتتى: تاريحتى حالىق جازادى، بارلىق جەتىستىك حالىققا ءتان، ءبىز تەك حالىقپەن ەتەنە بولىپ، حالىققا سۇيەنگەندە عانا شەكسىز كۇش-قۋاتقا يە بولىپ، ەشقاشان بوگەلمەي، ەرلىكپەن العا ىلگەرلەي الامىز.
شي جينپيڭ سوڭىندا بىلاي دەدى: «مىڭ ەستىگەننەن ءبىر كورگەن ارتىق» دەگەن ءتامسىل بار.ءبىز تىلشىلەردىڭ جوڭگونى كوبىرەك ارالاپ كورۋىن، ج ك پ 19-قۇرىلتايىنان كەيىنگى جوڭگونىڭ دامۋ وزگەرىستەرىنە ۇزدىكسىز نازار اۋدارىپ، جۇڭگونى جان-جاقتىلى ءتۇسىنۋىن، حابارلاۋىن قارسى الامىز. بىزگە قۇر ماقتاۋدىڭ قاجەتى جوق، وبيەكتيۆ جاقتان تانستىرۋىن جانە ءتيىمدى ۇسىنىس بەرۋدى قاشان دا قارسى الامىز. « ادام سىرتقى بەينەسىمەن ەمەس، ادال، تۋراشىلدىعىمەن ەل قۇرمەتىنە بولەنەدى».
ساعات 12 دەن 17 مينۋت وتكەندە، تىلشىلەرمەن جۇزدەسۋ قيمىلى اياقتادى. شي جينپيڭ سياقتىلار جۇڭگولىق ، شەتەلدىك تىلشىلەرمەن قول بۇلعاپ قوشتاستى. تۇتاس الاڭدى تاعى ءبىر رەت شاپالاق ءۇنى كەرنەدى.
ورتالىق حالىق راديو ستانسياسى، ورتالىق تەلەۆيزياسى، جۇڭگو حالىقارالىق تەلەۆيزياسى، جۇڭگو حالىقارالىق راديو ستانسياسى تىلشىلەرمەن جۇزدەسۋ قيمىلىن ۇستىنەن تاراتتى. حالىق تورابى، شينحۋا تورابى، جۇڭگو توراپ تەلەۆيزياسى، جۇڭگو تورابى، حالىق گازەتى كليەنتى، شينحۋا اگەنتتىگى كليەنتى، ورتالىق تەلەۆيزيا اقپارات كليەنتى دە ۇستىنەن تاراتتى.

بەرىپ كەت ورامالىڭدى

دوستار

الىستاعى اق ەركە