جاڭا حابارلار

ۇلىمنىڭ اتى جاڭ پىڭ

    كەلۋ قاينارى: شينجياڭ حالىق راديو ىستانسياسى    2017-10-27 14:35:37  
ستانسيامىزدىڭ ءتىلشىسى ايبىنحازى راحىمان ۇلى مەن باي اۋداندىق راديو-كينو-تەلەۆيزيا مەكەمەسىنىڭ ءتىلشىسى لۇي لي-نانىڭ حابارىن تىڭداڭىزدار: بيىل ناۋرىزدا، اقسۋ ايماقتىق وداق كوميتەتىنىڭ باي اۋدانى مىچىحى اۋىلى قۇم ءمالى قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ ورىنباسار باستىعى جاڭ پىڭ قىستاق ديحانى يمىر قادردىڭ ۇيىندەگىلەرمەن تانىستى، ءارى وسى وتباسىمەن تۋىس بولدى. وسىدان باستاپ، العاشىندا كۇرىش، ۇن، ازىقتىق ماي كوتەرىپ كەلەتىن وسى بەيتانىس جان، وسى وتباسىنىڭ جاناشىر جاقىن تۋىسىنا اينالدى.
ـــــ قازىر ول جاقتاعى جاعدايدىڭ قالاي؟ جۋىقتان بەرى ۇيرەنۋ ورتاسىنا ۇيىرىلەسىپ قالدىڭ با؟ سانجى سۋىق پا؟ كيىمدى قالىڭىراق كي.
ــــــــ مەكتەپتەگى جاعدايىم جاقسى، وقىتۋشىلارىمم مەن ساباقتاستارىم دا وتە جاقسى ەكەن.
ءار اپتانىڭ سوڭىندا، اقسۋ ايماقتىق وداق كوميتەتىنىڭ باي اۋدانى مىچىحى اۋىلى قۇم ءمالى قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ ورىنباسار باستىعى جاڭ پىڭ سانجىدا جوعارى مەكتەپ وقىپ جاتقان يمىر قادردىڭ قىزى رازيام يمىرگە تەلەفوندا حابارلاسىپ، ونىڭ جۋىقتاعى ۇيرەنۋ احۋالىن ۇعىسىپ تۇرادى.
يمىر قادىردىڭ قىزى رازيام وتكەن جىلى جوعارى مەكتەپ ەمتيحانىنان وتە الماي قالادى، قىزىنىڭ تاعى ءبىر رەت جوعارى مەكتەپ ەمتيحانىنا قاتىناساتىنىن بىلە تۇرسادا، ەشقانداي كومەك كورسەتە الماعاندىقتان، يمىر قادر مەن ونىڭ جۇبايى بۇعان قاتتى قينالادى. جاڭ پىڭ بۇل جاعدايدى بىلگەننەن كەيىن، ءوزىنىڭ وقىتۋ تاجىريبەسىنە سۇيەنىپ، رازيامنىڭ ساباق پىسىقتاۋىنا بەلسەنە كومەكتەسەدى، سوڭىندا ەكەۋىنىڭ قاجىماي-تالماي قۇلشىنۋىندا، رازيام يمىر جوعارى مەكتەپ وقۋ ارمانىنا جەتىپ، سانجى ينستيتۋتىنىڭ وقۋعا تۇسۋدەن بۇرىنعى وقۋ-اعارتۋ كاسىپىنە قابىلدانادى. يمىر قادر: جاڭ پىڭ مەنىڭ جاقسى ۇلىم، قىزىمنىڭ ەمتيحان بەرۋىنە كوپ كومەكتەستى، جوعارى مەكتەپ ەمتيحانى كەزىندە قىزىمدى ەمتيحان الاڭىنا اپارىپ-اكەلىپ تۇردى، قىزىم جوعارى مەكتەپكە قابىلداندى،-دەدى.
بالالارى سىرتتا بولماعاندىقتان، قىزمەتتەن تىسقى ۋاعىندا كاريانىڭ ەگىس جۇمىسىنا جانە ءۇي شارۋاسىنا كومەكتەسۋ جاڭ پىڭنىڭ ۇنەمىلىك ىستەيتىن جۇمىسىنا اينالدى. جاڭ پىڭ بىلاي دەدى: «تۋىسقاندىق قاتىناس ورىناتقان جارىم جىلدان بەرى، مەيلى قىزمەتتە، الدە تۇرمىستا بولسىن، وسى كىلسىلەر ماعان كوپ كومەكتەستى، بۇعان ەرەكشە اسەرلەندىم، ءارى اتا- انالىق جىلى مەيىردى سەزىندىم، قىزمەتتەن سىرتقى ۋاقىتتا، ول كىسىلەرگە سەرىك بولىپ، ولارمەن اڭگىمەلەسىپ تۇرامىن، قولىمنان كەلەتىن ءۇي شارۋاسىنا قولعابىس ەتەمىن، وسىنىڭ بارلىعى ءبىزدىڭ سۇيسپەنشىلىگىمىزدى تەرەڭدەتتى، ءبىز ءبىر وتباسىنىڭ ادامدارىنداي بولىپ كەتتىك.

بەرىپ كەت ورامالىڭدى

دوستار

الىستاعى اق ەركە