جاڭا حابارلار

ەكولوگيالىق قاز باعىمشىلىعىنان ۇلگى كورسەتۋ بازاسى قىستاقتاعى ديحانداردىڭ كەدەيلىكتەن قۇتىلىپ اۋقاتتانۋعا كومەكتەستى

    كەلۋ قاينارى: شينجياڭ حالىق راديو ىستانسياسى    2017-10-27 14:40:27  
ستانسيامىزدىڭ ءتىلشىسى ديڭ شياۋداننىڭ حابارىن تىڭداڭىزدار: ءدال قازىر حوتانداعى ەڭ تاماشا مەزگىل، لوپ اۋدانى دول اۋىلىنىڭ سار قىستاعىنداعى ەكولوگيالىق قاز باعىمشىلىعىنان ۇلگى كورسەتۋ بازاسىندا، توپ-توبىمەن جۇرگەن قازدار بەن كولدەگى شورشىعان بالىقتار قىستاقتاعى ديحانداردىڭ كەدەيلىكتەن قۇتىلىپ اۋقاتتانۋ ءۇمىت وتىن مازداتتى.
قوڭىر كۇز مەزگىلى، لوپ اۋدانى دول اۋىلىنىڭ سار قىستاعىنداعى ەكولوگيالىق قاز باعىمشىلىق بازاسىندا، توپ-توبىمەن جۇرگەن اق، سۇرى قازدار سۋدا ەركىن جۇزۋدە، ساياحاتشىلار كولشىكتە بالىق اۋلاۋدا، سازدىق پەن كورنىستى تاماشالاۋ تەكشەسى قۇپ جاراسىپ كوركى كوز تارتادى، اس-سۋ رايونىنداعى شارۋالار تاعامجايىنان شاتتىقتىڭ لەبى ەسەدى. بۇل اۆتونوميالى رايوندىق قازىنا مەڭگەرمەسىنىڭ لوپ اۋدانى دول اۋىلىنىڭ سار قىستاعىندا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن تۇرعان قىزمەت اترەتى بيىل قىركۇيەكتە قۇرعان ەكولوگيالىق قاز باعىمشىلىعىنان ۇلگى كورسەتۋ بازاسى. 11 مۋلىق جەردىڭ قاق ورتاسىنان توعان تۇسكەن، توعاننىڭ سولتۇستىگىنە قاز جۇمىرتقالاۋ سەحى، بالاپان باعۋ سەحى، جەم-ءشوپ مانەرلەۋ زاۆودتى سياقتىلار ورنالاسقان. سەلبەستىك كوپەراتيۆبى كەدەي، وتباسىندا قينشىلىعى بارلاردى جارناگەر بولۋعا باۋراپ سيلىق اقشا بەرىپ، جۇمىسقا ورنالاستىرۋمەن بىرگە، ولارعا تاعى قازدىڭ بالاپانىن ءبولىپ بەرىپ، بالاپان ەسەيىپ قازعا اينالعاننان كەيىن ونى ساتىپ الىپ، كەدەي، قينشىلىعى بار وتباستارىنىڭ كەدەيلىكتەن قۇتىلۋىنا كومەكتەستى.
اۆتونوميالى رايوندىق قازىنا مەڭگەرمەسىنىڭ لوپ اۋدانى دول اۋىلىنىڭ سار قىستاعىندا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا تۇرعان قىزمەت اترەتىنىڭ باستىعى دۋ چياڭ بىلاي دەدى: وسى كاسىپتىك كەدەيلەردى سۇيەمەلدەۋ نىسانى ارقىلى، كەدەي، وتباسىندا قينشىلىعى بار جارنا قوسقان ءاربىر وتباسىنىڭ كىرىسىن 3 مىڭ يۋاننىڭ ۇستىندە ارتتىرۋ مەجەلەنىپ وتىر. پارتيا 19-قۇرىلتايىنىڭ بايانداماسىندا بىلاي دەپ اتاپ كورسەتىلدى: كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە باتىل قول جەتكىزىپ، كەدەيلەردى دالمە-ءدال سۇيەمەلدەۋگە، كەدەيلەردى دالمە-ءدال كەدەيلىكتەن قۇتىلدىرۋعا بۇلجىماي تاباندى بولۋ كەرەك. وسى كاسىپكە سۇيەنىپ، وسى جەردى ەكولوگيالىق قاز جەتىلدىرۋ ورتالىعىنا جانە قاز باعىمشىلىق ورتالىعىنا اينالدىرىپ، ءبىر قىستاقتا ءبىر ءونىم بولۋىنا كەپىلدىك ەتىپ، ناعىز كەدەيلەردى كەدەيلىكتەن قۇتىلدىرۋعا، كەدەيلەردى كەدەيلىكتەن شىنايى قۇتىلدىرۋعا كۇش سالامىز.
تۇرسىننياز اسەن قىستاقتاعى باعىمشىلىقپەن شۇعىلداناتىن ءىرى وتباسى، ول ەكولوگيالىق باعىمشىلىق بازاسىنا باستان-اياق نازار اۋدارىپ، 100 مىڭ يۋان قارجى قوسقان بولاتىن، قازىر ول وسى بازانىڭ مەڭگەرۋشىسى، ونىڭ قىستاق ديحاندارىن باستاپ اۋقاتتاندىرۋ سەنىمى بەكەم. تۇرسىننياز اسەن بىلاي دەدى: قازىر بازادا 840 قاز، 3 مىڭ بالىق، سونداي-اق ساياحات باقشاسى جانە شارۋالار تاعامجايى بار. اپتا سوڭىندا وسى اراعا ساياحاتتاي كەلەتىندەر وتە كوپ، قازىر وسىندا كەدەي، وتباسىندا قينشىلىعى بار 8 ديحان جۇمىس ىستەيدى، ايلىق ەڭبەكاقىسى 2 مىڭ يۋان. قاز جۇمىرتقالاعاننان كەيىن، ءبىر جۇمىرتقانى 10 يۋانعا ساتۋعا بولادى، پايداسى مول. قىزمەت اترەتىنىڭ جەتەكشىلىگى مەن كومەگىندە، قىستاقتاعى كەدەي، قينشىلىعى بار وتباستارىن كەدەيلىكتەن قۇتىلدىرىپ اۋقاتتانۋعا باستايتىن سەنىمىم كامىل.
كەدەي ديحان ابدۇنياز قادر: بيىل شىلدەدە ۇكىمەت تارتقان مىڭ يۋان اقشانى وسى قاز باعىمشىلىق بازاسىنا قوستىم، جىل سوڭىندا 3 مىڭ يۋانعا جۋىق سيلىق اقشا الامىن. قازىردە وسىندا قىزمەت ىستەيمىن، كۇندەلىك قازعا جەم بەرۋ، بالىق باعۋ، تازالىق ىستەۋ جۇمىستارىنا جاۋاپتىمىن، ايلىق كىرىسىم 2 مىڭ يۋان. وسى ارانىڭ قىزمەت ورتاسى جانعا جايلى، كوڭىل-كۇيىم دە كوتەرىڭكى، بيىل ءبىر جولاتا كەدەيلىكتەن قۇتىلاتىن بولدىم، پارتيا مەن ۇكىمەتكە، قىزمەت اترەتىنە راحىمەت،-دەدى.

بەرىپ كەت ورامالىڭدى

دوستار

الىستاعى اق ەركە