جاڭا حابارلار

ءومىر بويى تەك ءبىر عانا ءىس ىستەپ، وتاننىڭ ادال قورعاۋشىسى بولامىن!

    كەلۋ قاينارى: شينجياڭ حالىق راديو ىستانسياسى    2017-10-27 14:50:35  
ستانسيامىزدىڭ ءتىلشىسى زىڭ يەنىڭ حابارىن تىڭداڭىزدار: «ءومىر بويى تەك ءبىر عاناءىس ىستەپ، وتاننىڭ ادال قورعاۋشىسى بولامىن!»، بۇل 2014-جىلى ساۋىردە، باس شۋجي شي جينپيڭ شينجياڭدا تەكسەرۋ-زەرتتەۋ جۇرگىزگەندە، بيڭتۋان 10-شىسى 185-تۋانى ساندىق قاراۋىل ورنىنداعى شەكارا قورعاۋشى ما جۇن-ۋدىڭ باس شۋجيگە بەرگەن ايبىندى سەرتى. ما جۇن-ۋ مەن جۇبايى جاڭ جىڭمەي باستان اقىر ناقتى ارەكەتىمەن شەكارانى كۇزەتىپ، وتاندى قورعاۋ سەرتىن ورىنداپ كەلەدى.
بۇرىنعىداي تاڭەرتەڭ ەرتە ما جۇن-ۋ مەن ونىڭ جۇبايى ءبىر كۇندىك شەكارا قورعاۋ قىزمەتىن باستادى. مەملەكەت تۋىن شىعارۋ، شارلاۋ مۇناراسىنا شىعۋ، شەكارا سىزىعىن باقىلاۋ، شارلاۋ سياقتى مىندەتتەردى ەش بۇيىرىقسىز، قۋزاۋسىز ورىنداعان ولار 29 جىلدى ءبىر كۇندەي وتكىزدى. قازىر ما جۇن- ۋنىڭ شەكارانى شارلاۋ بارىسىندا باسقان جالپى جولى 320 مىڭ كيلومەترگە جەتتى، بۇل جەر شارىن 8 جارىم رەت وراعىتىپ اينالعانمەن بىردەي، وسى بارىستا قاراۋىل ورنىنا قاراستى رايوندا شەكارا قورعانىسى ساياساتىنا قايشى جانە شەتەلگە قاتىستى ءبىر دە ءبىر وقيعا تۋىلىپ كورمەدى. ما جۇن-ۋ:« باس شۋجي بىزگە جۇڭگونىڭ تەرريتورياسى بولىنبەيتىنىن ايتتى، ءبىز شەكارا لەنياسىن قورعاپ، ونىڭ ءبىر سۇيەم جەرىنەن ايىرىلماۋىمىز كەرەك»،-دەدى.
2014-جىلى 29-ساۋىردە باس شۋجي شي جينپيڭ شينجياڭ ءوندىرىس-قۇرىلىس بيڭتۋانىنىڭ 6-شىسىنا بارىپ، ۋجياچۇي قالاسىندا وتكىزىلگەن بيڭتۋاننىڭ اڭگىمە ماجىلىسىنە قاتىناستى. حالىق جاساعىنىڭ ۋاكىلى رەتىندە ما جۇن-ۋ باس شۋجيگە ءوزىنىڭ جۇڭگو- قازاقستان شەكارا لەنياسىنداعى قىزمەت جانە تۇرمىس كەشىرمەسىن ايتتى. ول: «مەن بيڭتۋانداعى 2 ميلليون 800 مىڭ ادامعا ۋاكىلدىك ەتىپ: ءومىر بويى تەك ءبىر عانا ءىستى ىستەپ، وتاننىڭ ادال قورعاۋشىسى بولامىن دەدىم. باس شۋجي ماعان شىنىندا كەرەمەت ەكەنسىڭ دەپ اسا جوعارى باعا بەردى، بۇل باس شۋجيدىڭ بيڭتۋان شەكاراسىنىڭ الدىڭعى شەبىندەگى حالىق جاساقتارىنا، جۇمسشى-قىزمەتكەرىنە ريزالىعىن ءبىلدىرۋى»،-دەدى.
پارتيا 19-قۇرىلتايىنىڭ بايانداماسىندا: «ءبىز ءارقانداي ادامنىڭ، ۇيىمنىڭ نەمەسە ساياسي پارتيانىڭ مەيلى قاي كەزدە، قانداي تاسىلمەن جۇڭگونىڭ ءبىر سۇيەم جەرىن دە جۇڭگودان ءبولىپ اكەتۋىنە رۇحسات ەتپەيمىز»،-دەپ اتاپ كورسەتىلدى. ما جۇن-ۋ، جۇبايى ەكەۋىنىڭ باس شۋجيدىڭ تالابىن ەستە بەرىك ساقتاعانىن ايتا كەلىپ: «قاراۋىل ورنى مەنىڭ ءۇيىم، وتان، بيڭتۋان، تۋان-الاڭى قاجەت ەتسە بولعانى، وسى جەردى تابان تىرەپ قورعاپ، تولىمدى قورعاۋشى بولىپ، وتاننىڭ شەكارا لەنياسىن جاقسى كۇزەتەمىن»،-دەدى.

بەرىپ كەت ورامالىڭدى

دوستار

الىستاعى اق ەركە